صدمه مؤثره لاختي!

[مشكلتي]

انا واختي علاقتنا قويه جداً انا الكبيره وعمري 23 واختي اصغر مني وعمرها 17 سنه ..
كانت تحكي لي عن ولد خالتي الي عمره 24 وانها تحبه مره ومن هالكلام وانا كنت اعرف بحبها له ولا فكرت اهددها بالعكس ! كنت قريبه منها وولد خالتي هذا قال انه يحبها طبعاً استانست بس اليوم الثاني خطب !
اختي انصدمت وتغيرت شوي ولاكن بعد اسبوع !
هي بثاني ثانوي كانت تمشي مع بنت يعني صاحبتها ومره حضنتها يعني كاي صديقات عادي يحضنو يعض ..
وحده من بنات الجارات قالت لامها ان فلانه وفلانه يسسون ***** ومدري ايش واذ مب مصدقه اسئلي البنات وهي حضنتها .. والجاره ما قصرت جات وقالت لامي وامي انسسسسانه عصبيه بمعنى الكلمه همها الحشمه والدين وتشددها بالدين يصدم مسكت اختي بدون تفاهم وبسلك الشاحن وحرقت يدها و الله من شده الضرب خواتي الصغار قامو يبكون اختي كانت تصرخ من الالم وانا والله حاسه فيها بس لو جيت ادافع بيجي الدور علي
امي طلعت وسكرت باب المخزن على اختي والحمدلله ياربي انا جيت بالليل وانا اسمع بكاء اختي وقلت تبين شىء؟ مع انني مستحيل اجيب لها لان الباب مقفل بس الحمدلله ياربي كان في اكل يعني البطاطسات والبساكيت كراتين المويه بالمخزن و الحمدلله وانا عارفه اختي محترمه حتى قبل ما تحب احد يضمها نادراً يعني بس ضمت صاحبتها لانها بتنقل ولما نقلت قالو من الخوف ومدري ايش !!
وامي اخذت اختي للمدرسه وسئلت البنات وبنت قالت انها حضنتها والباقي م تدري عنه والله امي ضربتها بالمدرسه قدام البنات والمعلمات ضرب وطلعو من المدرسه لان المديره قالت لامي تطلع وامي طلعت ودخلت البيت وهي ترمي اختي وتضرب فيها وطلع الكلام صح يا فلانه ومدري ايش ومر اسبوع وامي تضرب فيها وتلعن فيها
ثم صارت معامله امي لاختي جججاافه خاليه من الامومه وسحبت الجوال والابتوب الشاحن كل حاجه لاختي منتعها من الدراسه وطردتها تنام بالملحق الي بالحوش تقول ما ابيك تخربين بناتي
وصارت احيانا تمنعها من الاكل واذ شفتها تقوم من المكان وماترضى تجلس معاي باختصار خلتنا نقاطع اختي وولدت الكره بقلبها اكثر
بعد سنتين وصار عمر اختي 19 البنت الي قالت ان اختي تسوي ***** جاها مرض سرطان واعترفت لامي بالحقيقه وقالت اكيد صابني هالشىء لاني تفاولت على بنتك وافتريت عليها امي انصصصصدمت انها سنتين تحرق وتضرب في بنتها ! واخر شىء الكلام كذب وجات لي لاني اكبر خواتي وبالجامعه وبفهمها وانا قلت بكلم اختي لك !
رمت لاختي الي اقرب لي من امي والله ولما سلمت عليها يعني يمكن سنتين م شفتها وماعمري كلمتها الا اذ كانت تشيل شىء للمطبخ وامي ماتسمح لي اتقرب منها ابداً والله حضنتها بببقققوه وانا ابكي مشششتاقه لها سنتين بدون اقرب انسانه لي بعدتني وقامت تسب فيني وتقول الله ياخذكم ومدري ايش !
وقالت ان لو انتي تحبيني ما خليتي امي تضربني كان سئلتي فلانه ومن هالكلام وعلمتها ان امي تبي تعتذر منها ومستعده تسوي لها اي شىء واختي دعت على امي وقالت ما راح اسامحها خلتني اعيش بوحده وطردتني بالقوه قلت لامي الكلام وراحت امي تترجاها وتبي تستسمح منها بس اختي مو راضيه ابداً تسامح امي لانها فشلتها قدام صاحباتها وقدام الناس وضربتها وكل ما تشوف الحروق والجروح تحقد علينا اكثر
صارت ما تاكل معانا بس امي دايم تسوي لها اكل بالهبل وتجيبه لها وهي تاخذه بس ماتشكرناً وحالفه ما تدخل بيتنا وتبي تقعد بالملحق ولا تبي تدخل البيت من جديد وامي جات لها وقالت باثث لك الملحق وبرجع لك جوالك طردت امي وكانت بتضربها لو امي ما بعدت عنها وتقول كيف تكلم صديقاتها من جديد وانتي مفشلتني عندهم

صارت العلاقه متوتره اكثر ! ابي حل حاولناً فيها عطينها فلوس ترجيناها بسنا راسها ورجولها قلنا نطلعك قلنا نسافرك خارج السعوديه اي مكان رفضت رفض تام وامي اشوفها بالليل تبكي وتدعي على نفسها بالموت وتدعي ان يدها تنكسر

انا ما انكر ان امي حبست اختي بدون حتى تلفزيون لحالها وتمر ايام بدون اكل الا بس مويه وسنتين وحده وقهر وظلم لاكن مهما حصل هي امنا والجنه تحت اقدامها وامي ندمت ولاكن اختي ابداً مب معطيتنا فرصه
ابي شىء تتوقعون يرضيها ؟ والله امي شرت لها ذهب بس اختي رمته قدامنها شرينا لها ايفون وعليه اسمها ورمته قدامنا وامي قالت لها بتسفرها تركيا لان اختي معروف انها تحكي تركي وتتمنى دايماً تسافر لها بس م رضت وقالت امي بتدرسها بالخارج مب راضيه اختي للاًن ابي شىء كبير كبير يرضيها


ابوي متوفي والحمدلله نقدر نجيب الي نبي بعد اعمامي الله يحفظهم صح عرفو بالسالفه ولاكن سفلو باختي بعد ! ولما درو بالخطى حاولو يعتذرون منها لاكن مو مسامحه احد منا

[مسكك الغلا]

لا حول ولا قوة الا بالله

واتق دمعة المظلوم

لي عوده

[إحساس طفله]

مَ آدري ايش اقوول ..

بس بصراحه معاها حق ..
لو تجيبو كنوز الدنيا .. مَ آرضى فيهاا .
تشوهت سمعتها .. حرآم ع آمكك ..
دحين تجلس ندمااانه طول عمرهاا خليها تحس ..
درس لها .. علشان مره ثانيه .. م تتسرع بأي شي ...
انا أيدها تسوي فيكممم آكثر من كذا علشان تحسوون اللي حاسته ..
وبعدين ترضى عليكمم إن شاءالله ..
خليها تعذبكمم .. وبذات امك .. لا تزعلي اتكلمم بصراحه ..
يعني حبسه وظلم وكل يوم ضرب ومافي اكل .. لمدة سنتين تقريبا ..
هاجرنها ..
ودحين .. امك واعمامكك جاينهااا ... :eiwp:

[عمراا]

عليكم السلام ورحمة الله وبركاتة
اول شي كل من عرف بسالفة لازم تعلموه إنها بريئة وإنه البنت كذابة صحبتها والحل بسيط انتي تقولي إنها تحب ولد خالتك خلي امك تكلم ولد خالتك يخطبها وخلي امك تقول لها إنه جايبة لها مفاجئة وهي إنه يتزوجها ولد خالتك اتوقع كذا راح ترضئ اما تجبون لها ايفون او غيرة مااتوقع ترضى
ونقطة اخيرة معقولة امك تعذبها سنتين عشان حضن حتى ولو غلطت ماتوصل لهدرجة
ونصيحة لامك دائما خليها تتأكد من اي شى قبل ان تفعل اي شى لان الظلم ظلمات يوم القيامة ودعوة المظلوم مستجابة الله يصلح حالكم

[عمراا]

ونصيحة للجميع احذروا من ظلم اي شخص والله والله والله اعرف شخص ظلم اربعة اشخاص والله الرجل صار يبول دم الله يكرمكم واصابتة امراض كثيرة بسبب الظلم ينااااس احذروا من الظلم

[أسيل]

يييييييي يالله وش ذا
مسكينة البنت وربي :eiwp:
منجد معاناة كبيرة عاشتهآ ولآهدآيآ
الدنيآ كلهآ ممكن تمحي جرح كبير هالقد بالقلب
وأمك كسرت خاطرهآ بشكل كبيرر مرة وانا لو كنت مكآنهآ
مستحيل كنت أسآمحهآ بحياآتي سنتين يضيعو من عمري عشان شك ~
بس ممكن اختك تقدر تسامحهآ لآزم تسون اي شي بس عشان تسامحكم
لأن دعوة المظلوم توصل للسما على طول ويوم القيامة بيحاسبكم ربي عشان
الظلم هذا لآزم تخلونهآ تسامحكم ولو باي ططريقة خلي امك تكلمهآ لوحدهم
وتفهمهآ انها م كانت تدري اش تسوي وكذا
والله يكون بالعون ~
:eiwp:

[! كيان الألم !]

اللي بقوله كم كلمة بس

" بعض الوالدين نقمة بحياة الأبناء "
ومهما كان ومهما صار هذي بنت واذا أحد قرب صوبها بكلام تنظر
كيف بفعل .


" ولا يظلم ربك أحدا "
صدق الله العظيم

[إحساس طفله]

آسيل حبيبي البنت خلاص احس انها توحشت مره ..
من كثر الحبسه واظلم والجوووع وكل شي ..
كانت بتضرب امها ..

خليها لحالها

[اللورد يحيا]

يا أختي العزيزه أنا عندي حل مناسب لأختك ولكن قد أحتاج عنوان ورقم جوال رجل من عايلتكم

بتمنى تزوديني في رساله خاصه برقم وعنوان خالك أو عمك وإن شاء الله يصير خير

[الساحرة]

يعني لو ما اعترفت الجارة لكان لحد الآن في عزلة وش منطق أمك هذا..
لا الدين ولا الإنسانية يحق لها تعامل
بنت على ضمة وان كانت مقصودة بهذه طريقة
كثير من الخلق فاهمه الدين غلط والدليل الإرهاب
وفي البيوت إرهاب لكن من نوع آخر
وين عمانك كيف يسمحون لبنتهم تعيش بعزلة في ملحق
مافكرت هذه لو هربت من البيت وش وضع العائلة الكريمة
وش الجهل اللي معظم المجتمع غارقين فيه
مادري الكلام هذا حقيقي انا سمعت ناس تعاني من أزواج
أخوان لكن ام تعمل ببنتها كذا هذه قمة الوحشية ..
ومن الطبيعي ترفض تسامح النفسية خٌلق بداخلها ألف عله وتعب ما يمحيها بجوال ولا بفلوس الدنيا
تعرفين لما تهمشي إنسان ذاته ايش يحصل له يتحول
لسلبي ومش بعيدة يتحول إلى منحرف أو مجرم
كنت أفكر من كم يوم الإباء محتاجين خوض دورات في التعامل مع الأبناء
إذا قصتك هذه حقيقة يكون فعلا لابد
من تفعيل الدورات وإلزام الآباء والأمهات بدخول الدورات ...
اقري كلامي هذا وخذيه بصورة جدية
أختك في حاجة للتأهيل نفسي وسريع
وأنا أسفه أذا انفعلت بكلامي لأن اللي حصل لأختك شيء مؤلم جدا

[حكيم زمانه]

حرر الرد إدارياً لتشكيك وعدم الجديه في البحث والمساعده لحل المشكله

( اللورد يحيا )

[الساحرة]

حرر الرد إدارياً لتشكيك وعدم الجديه في البحث والمساعده لحل المشكله

( الورد يحيا )

احترم رأيك
ربما يكون من وحي الخيال لكن ايضا لا نستطيع
أن نكذبه فالحياة يوجد بها من الغير اسوياء
في تعاملهم كثر والعاهات المرضية متفشيه في المجتمع ولك
في داعش ومفجري عسير عبرة لنقف لحظة تأمل فقط لنرى العجب العجاب ..

[قيس]

امك ظلمت بنتها ووالله هذي تجردت من الامومه والانسانيه والعطف والرحمه حسبنا الله لايحرق بالنار الا رب النار هل هذا جزاء شكر النعمه الاف الحريم عندهم عقم تتمنى يكون عندها بنت او ولد حتى لو عاق مو مهم اهم شي قطعه منها ترد شكر النعمه بالظرب والحرق نست هذي الام انه لايحرق بالنار الا رب النار يابنتي قولي لامك تسارع بالتوبه لان هذا اجرام مو تربيه ابدا ولا حتى عنف هذا جرم والله توعد بعزته وجلاله بنصرة دعوة المظلوم حتى ولو بعد حين تلقي اختك دعت على البنت وجاها سرطان وانتي ياحكيمه ماعمرك سمعتي او درستي انه لاطاعة لمخلوق في معصية الخالق؟ كيف تخلين امك تحرقها كيف كيف كيف انا متالم من هذي القصه بشكل كبير وانا يعلم الله ويشهد على كلامي لو اني اقرب للبنت المسكينه هذي لا اجيب حقوق الانسان يسجنون امك سجن يحرق الجبروت اللي فيها



اختك الان في صدمه نفسيه كبيره لاتتوقعي انها بتسامح على الاهانه والذل والظرب والحرق ببساطه لالا انتم لازم تطلبون الله المغفره قبل تطلبون منها السماح وانصحكم تكونون جنبها دايم خلاص وحتى لو غلطت خير؟؟؟؟؟ يعني الظمه مثلا حرام انا كل يوم اضم اصحابي هذا هو سلامي لهم وافتخر ولاحرام ولا عيب لكن الناس ماصارت ناس للاسف



حلي بصراحه انه كلكم كل البيت يقدم لها الاعتذار وتشوفون اي شي يرضيها وتقسمون قدامها انكم ماعاد تعاملونها لا هي ولا غيرها كذا دور الاهل التوجيه والاصلاح مو الظرب والتحقير والحررررررررررق :MonTaseR_51:

[همسة الروح]

صراحه الموضوع مؤلم ويحمل التعجب !
كيف سكتم طول هالسنتين على معاملة أمك لها !
هذآ عنف اسري وتعذيب
و كيف قلب امك قسى لهذي الدرجه !!
الله يعين أختك
ولاتلومونها بأي تصرف راح تتصرفه
ولا كنوز الارض تغني عن ظلم أنسان
شلون لو كان من الوالدين

قد تحتاج الى بناء وتاهيل جديد بعد هالمعاناة
كلمي أعمامك او خوالك وتشاوري بقضية أختك
لانها قضيه أنسانيه تحتاج إلى علاج ...
أعانكم الله ...

[مسكك الغلا]

قرأت ووقفت. وارتجفت يدي

لاحول ولا قوة الا بالله. هل امك يتيمة الأم

هل تربت. ببيت زوجة اب !!

لا اعلم ولكن ما قرأته لا يعقل. ولا يصدق

مهما بلغت قسوة الام. لا تصل الا هذا العنف

الام احن واطيب المخلوقات علي وجهـ الارض


لا استطيع التعليق. فو. الله. يداي ترتجفان

اقرأ. وأنظر لأمـــي. شتـــــآااااااااانـ. ربي

احفظها وشافها وعافها

لا املك لاختك الا الدعاء. وصدقت.

الساحرهـ. هي تحتاج لإعادة تأهيل.

اردد


لا حول ولا قوة الا بالله

[حروف العز]

شنو هذا ماصدق ام :eiwp:

ماقدر اقول شي غير لاحول ولا قوة الابالله:eiwp:

[ايلاف.]

يا أختي العزيزه أنا عندي حل مناسب لأختك ولكن قد أحتاج عنوان ورقم جوال رجل من عايلتكم

بتمنى تزوديني في رساله خاصه برقم وعنوان خالك أو عمك وإن شاء الله يصير خير


اوكي بس الخاص 50 ممشاركه

[روح مبعثره]

لاحول ولاقوة إلابالله
يلي حصل معها مو بسيط ابدااا وكان الله في عونهاا

[مرجانة]

عذراً

هذا و أمك متشددة في الدين و تخاف الله تسوي في بنتها كذا

لو فرضنا البنت غلطانه تعاقبها يومين اسبوع و خلاص تترك الباقي للخالق

ايش هالظلم .. الله ما يرضى

هي مسؤولة على هالامانة اللي الله عطاها اياها
حرام اللي سوته في اختك

سنتين محبوسة!!!

حتى الحيوانات ما يعاملونهم كذا!!

يحق لها صراحة

و لا تتوقعون ان سهل انها ترضى
هي فقدت الامان و الحنان من شخص المفروض يكون احن و أقرب لها من اي احد

الله يغفر لأمك ، عاقبتها ظلم و بهتان
والبنت بعد انا حاقدة عليها اللي كذبت وتبلت زور على اختك

بس الله عادل و عطاها جزاها في الدنيا قبلل الاخره

الله يعين اختك ، هي في صدمة و نفسية صعب تتجاوزها و تتعافى منها

الحبس انفرادي يسبب انفصام شخصية
زين ما صابها جنون

صراحة هلوست بي السالفة
مرة مو مستوعبة تصرف امك الخالي من الرحمة و الامومة و الانسانية!

[اللورد يحيا]

اوكي بس الخاص 50 ممشاركه

بإمكانك الآن إرسال والتواصل عبر الخاص

[Dr.moonee]

والله مدري اش اقول اكثر من مره قريت
وقريت الموضوع ل ماما
م صدقت يعني مافي ام تسوي كذا
انا لو احد يسوي فيني كذا والله م اعترف فيه كيف مده زي كذا
وهذا من ضمه
لا طلعت مع شباب ولاسوت اشياء اللي صدق تستاهل تتعاقب عليها
امك مع احترامي مو ام
الام تضرب تهاوش تعاقب شهر شهرين بس مو كذا التربيه

يعني مالومها وانا لو مثلها اسوي اكثر بعد
التربيه مو كذا
وبعدين غريب محد سال عنها وقت الجمعات
محد فقدها
وانتي ليش م تكلمتي لما روقت امك كان فهمتيها م سوت مصيبه
حتى لو سوت ايش م سوت مو كذا التربيه

م عندي حل م اقول الا الله يسامح امك بس

[آنثے م̝̚لآئـکﯾھَہّ]

ماحد قاهرني بالموضوع غيرك انتي
ايش السلبيه هذي اختك ليه كنتي انانيه وما ادخلتي توقفين ضرب امك لها
ليه ماحاولتي مليون مره تهدين امك .. ليه ماروحتي بنفسك تحققين مع البنت
انتي مشاركه مع امك في ظلم اختك
لو منها ما اخليك تقربين مني ولا اسمع صوتك
كل هذا عشان ظن السوء
والله اتذكر اخويه الكبير كان ينضرب ظلم بسبب كذب الناس وافتراءهم عليه
لكن كنا كلنا ندخل بينه وبين ابويه عشان نخفف عنه من الضرب وناكلها احنا
مع انه وقتها اعمارنا صغيره مانتحمل الضرب بس لانه نحبه واخونا مانرضى عليه
كيف انتي جالسه مشاهده وتجي تسالينها تبغين شي !! بربك هذا نوع من التخفيف
اختك قلبها محرووق منك ومن امك
ادعي بس بقلب محب لاختك ان ربي يريح نفسيتها وينزل برد وسلام ع قلبها
ويرجعها زي قبل واحسن
الله يكون بالعون

اعتذر لردي لو حاد وقاسي لكن ورب البيت شي يقهر
حاولت قد ما اقدر الين كلامي

[مطر الفجر]

وعليكم السلام
والله ثم والله ثم والله
اني مع اختك وانتم تستاهلون اكثر من كذا
ظلمتوها وحبستوها بابشع الطرق وكانها حيوان
لن تنسى هذه الاهانه لها ابدا
العدو لا يفعل ما فعلتوه انتم وهذا تدعون انكم اهلها !!!
لن تجدوا حل ابدا
الحل بيد الله وحده هو من سياخذ حقها منكم
وللاسف لا تقولي امي مهما حصل هي امنا
والجنه تحت اقدامها
وامي ندمت ولاكن اختي ابداً مب معطيتنا فرصه
كذب لا تستغل مكانتها كأم
الام الحقيقية لا تفعل هكذا في بنتها ابدا
امك فضحت اختك على الفاضي
واتهمتها في عرضها وشرفها امام الملأ وامام اقربائكم
وامام زميلاتها ومعلماتها واهانتها وضربتها امامهم
فوالله ان عقابكم من الله شديد
الظلم لا يغتفر ابدا ابدا
للاسف لايوجد هناك حل لمشكلتكم
الله وحده هو من يحلها وانتظروا نصر اختكم
قد لا يعجبك ردي ولكني احترقت من الالم لاجلها
وانتي ايضا تتحملين مسؤلية كبيره جدا في تركها
بدون دفاع عنها وتتفرجين على حبسها بالملحق وساكته
لم تنصري المظلوم ولم تمنعي الظلم
بقيتي ساكته تفكرين بنفسك فقط وخائفة على نفسك
بئس المحبه وبئس الاخوة اللتي هكذا

تحيتي لاختك المظلومة فقط ....

[قيس]

ابي شىء تتوقعون يرضيها ؟
اول حل عادل ومنصف

١-تودونها مستشفى تجميل يشوف اذا يقدر يشيل الحروق والجروح هذي
٢-تعرضونها لاستشاري نفسي لان اكيد وصلت لمرض نفسي قوي
٣-امك اما انه تسوي هذي الشيئين او حقوق الانسان تعاقبها اذا الزوج ضرب زوجته كف على الزوج غرامه ٥٠ الف وسجن حتى لو عنده سبب مقنع مابالك امك تضرب بنتك ظلم ؟ لازم تتعاقب عشان هذي البنت ترتاح
٤-البنت اللي معاها سرطان لازم تجي لاختك وتعتذر منها او تجيبون شاهدين بانها تكلمت في شرفها عشان تتعاقب ب٨٠ جلده حد القذف بغض النظر سرطان معها او ايدز هذا لايعفيها من حكم الله لان ضرر اختك والمها اقوا من السرطان
٥-الاعمام اشباه الرجال ماعاد يتدخلون فيها لا من قريب ولا من بعيد ابدا ابدا الان لو فعلا رجال وقفوا معاها وتبينو وسالوا اذا الله يقول اربعه شهود كيف هم صدقوا من بنت وحده انها تمارس ال.....


ودائما الشخص يوم يقولك خليني بحالي ابكون لوحدي اعرفي انه باشد حالات الياس والحزن وبامس الحاجه للناس لذلك كوني جنبها كل لحظه حتى لو ضربتك

[غيرمهتم]

الغلط ع امك انها تسرعت

حولي انتي تدخلين مع اختك تسولف حتي لو طردتك
ارجعي مره مرتين لين م تلين معك

[حكيم زمانه]

احترم تحرير مشاركتي ي صاحب المنتدى
لكن اتمنى احترام عقولنا شوي
انا لا اتشمت ولا استهزء ب احد لكن القصه والمسلسل المطروح لا يصدقه عاقل
اذا رئيت ان ردي ليس به جديه اتمنى منك كا صاحب منتدى ان تحرص كل الحرص على مراقبة الجديه في طرح المشاكل
هذي المشكله تلاعب بعواطف الناس سطوور ممزوجه بدرامه واهيه ليس لها حقيقه في مخيلتي
هناك مشاكل يرفض العقل تصديقها ((تخريييف ))
:eh_s(8):

[حكيم زمانه]

احترم رأيك
ربما يكون من وحي الخيال لكن ايضا لا نستطيع
أن نكذبه فالحياة يوجد بها من الغير اسوياء
في تعاملهم كثر والعاهات المرضية متفشيه في المجتمع ولك
في داعش ومفجري عسير عبرة لنقف لحظة تأمل فقط لنرى العجب العجاب ..


كلام جميل ... لكن...
لو حاولتي قرائت النص مره ثانيه لوجدتي كلام لا يدخل العقل
لا انكر ان هناك مشاكل لكن بالله عليك تجيها امها وتقولها بأثث لك الملحق واختها لها سنتين ما شافتها
هههه قسم بالله قصه تضحك ولا فيها شي من الصحه خرابيط ومسلسل عام 1988م
استخفاف بعقولنا والله ومشكلتنا ندخل بعواطفنا ونصدق كل ما يكتب :dddas:
الله يهدينا واياكم بس :MonTaseR_74: