بعد منتصف الليل

[إحساس طفله]

الحلقة الاولى



الساعة 2 بعد منتصف الليل
متجها من الرياض الى الجبيل في مهمة عمل ..
وانا في طريقي الى مدينة الجبيل .. شفت سيارة قد أضاءت اضاءات التنبية [ الفليشر ]
و رجل واقف يلوّح بشماغه في الطريق ..
فقلت في نفسي : بالتأكيد هذا شخص قد تعطلت سيارته ويريد المساعدة ..
فخففت سرعة سيارتي ..
حتى اقتربت من السيارة الواقفة على جانب الطريق ..
ثم رأيت رجل واقف بجانب السيارة .. وفي داخل السيارة عدد من النساء والاطفال ..
فتوقفت بالقرب منهم .. ولم انزل من سيارتي
انتظرت الرجل يأتي اليّ ليخبرني بما يريد ..
وفعلا – جاء الرجل مستعجل
- السلام عليكم
- وعليكم السلام – سلامات
- الله يسلمك – بس السيارة ارتفعت حرارتها فجأة .. ... وهرّب الاديتر مويه ...
- طيب – وش المطلوب ..!!؟
- ما عليك امر .. ابيك تجيب لي موية اديتر من اقرب محطة
- سم .. ابشر .. باشوف اقرب محطة وعسى القى فيها موية اديتر ..
- الله يعطيك العافية ..
- الله يعافيك .. ابشر ..
مشيت بسيارتي ابحث عن اقرب محطة ..
وفعلا بعد تقريبا 5 كيلو .. لقيت محطة بنزين ..
ولكن للاسف .. محل البنشر وغيار الزيت مقفل ..
رحت اسأل في محطة البنزين ..
اذا عندهم موية اديتر ..
لقيت عامل اجنبي ...
- السلام عليكم ..
- وعليكم السلام
- لو سمحت فيه موية اديتر – هنا
- ايوه فيه – بس هذا محل سكّر ..
- طيب – انا ابي موية اديتر باي طريقة ..
- ما فيه ...هذا نفر روح دمام .. نوم بعدين يرجع الساعة 9
- انا لله وانا اليه راجعون - طيب ما احصل مويه اديتر هنا
- ما فيه ... ما فيه .. خذ مويه عادي .. صديق ..
- يا ابن الحلال شكل الاديتر في السيارة العطلانه فاضي
- طيب .. مويه عادي كويس .. صديق ..
قعدت افكر دقائق .. وقلت في نفسي ما فيه حل ثاني ..
اخذت مويه عادية ورجعت لصاحب السيارة
بعد ما وصلت عند صاحب السيارة لقيته ينتظرني على أحر من الجمر
- هاه بشّر عسى لقيت موية اديتر
- للأسف .. المحلات مقفلة ..
- انا لله وانا اليه راجعون
- بس جبت لك مويه عادية
- تنفع
- ايه ان شاء الله تنفع
نزلت المويه .. وحاولت اساعد الرجال ...
عبأت المويه في الاديتر .. ولكن المشكلة كانت في الخرطوش حق الاديتر
شكل الخرطوش مشقوق ..
كل ما اصب مويه في الاديتر ..القى المويه تنزل من تحت السيارة ..
وشكل هذا الرجال غشيم في صيانة السيارة
المهم بعد ما تأكدت ان المشكلة في خرطوش الاديتر
قلت لصاحبنا ..
- وش رايك اسحب سيارتك حتى المحطة
- طيب معك واير
- ايه معي واير
- طيب
المهم نزلت الواير وربطت سيارتهم في سيارتي وسحبت السيارة حتى المحطة ..
بعد ما وصلنا .. جلس الرجال يتشكر فيني
- الله يعطيك العافية .. والله انك ما قصرت ..
- الله يسلمك .. ما سويت شيء
- لا .. كيف ما سويت شيء .. الا سويت وسويت .. جزاك الله خير
- الله يعطيك العافية .. تأمر شيء ..
- وين ..!!؟
- تأمر شيء .. انا ماشي ..
- كيف تمشي وتخليني هنا بروحي ..!!!
- كيف ..؟؟
- كيف تمشي وتخليني هنا بروحي مع هالحريم ..
- وش تأمر عليه .. حبيب قلبي ..
- ما يأمر عليك عدو ..
- توصلنا معك للبيت
- ابشر .. بس سيارتك وش تسوي بها ..
- اخليها الى بكره .. والصباح رباح ..
- طيب .. الله يحييكم ..نزل عيالك .. واركبوا معي في السيارة ..
- الله يجزاك خير
المهم .. الرجال فعلا نزّل حريمه واولاده
كانوا حرمتين وثلاث اطفال ..

ركبوا معي في السيارة .. وبادر ابوهم بالكلام وقال :
- الله يجزاك خير .. بنكلف عليك .. بيتنا في الجبيل
- لا .. يا حبيبي ما فيه كلفه ولا شئ .. اصلن انا رايح للجبيل ..
- الله يطول بعمرك ...
شوي .. الاّ الرجال يلتفت على المرتبة الخلفية ويقول :

[إحساس طفله]

الحلقة الثانية


- هذي زوجتي مها .. وهذي اختي مناير .. وهذي بنتي نوره وهذا محمد وفهد اولادي
الحقيقة وهو قاعد يعرفني بعائلته كنت مندهشا .. وقلت في خاطري ليش يعرّفني بأسماء زوجته واخته واولاده وش المناسبة ..؟؟!!!
حسيت من كلام الرجال ان الفيوز عنده ضاربه هههههههههههههه يعني عقله ضعيف .. وانا في هذا الهوجاس .. اكمل حديثه وقال :
- وانا اخوك الدكتور / سعود بن فهد ............... دكتوراه في علم النفس
أصابني الذهول لما سمعت كلمة الدكتور ... ورديت بسرعة


-تشرفنا يا دكتور .. الله يطول بعمرك
- الله يشرف مقدارك .. طبعا انت قلت في نفسك ليش هالرجال قاعد يعرفني باسم زوجته واخته واولاده .. وش المناسبة .. ويمكن قلت في نفسك ان هذا الرجال فيه خفة والا شئ ..!! صح ...
- والله يا دكتور ههههه كأنك تقرأ افكاري
- لا يا حبيبي مش قرأت افكار .. المسألة هذي طبيعية جدا .. وما تحتاج قرأت افكار .. احنا للاسف شعب صرنا نعادي الطبيعة ونعادي الافكار الواضحة والشفافة .. صرنا نحب اللكاعة .. الكذب .. الاقنعة ..
- كيف.... وش قصدك يا دكتور ..؟؟!!
- والله يا استاذ .... عفوا ما عرفتني بنفسك ..
- انا ... ناصر ............
- شفت مثل ما قلت لك يا استاذ / ناصر .. قلت لك وش اسمك .. اعطيتني اسمك الاول وبس .. وهذا مؤشر يقول لي انك متحفظ كثير .. وايضا من ناحية اخرى ... اني انا ما اني متأكد ان كان اسمك ناصر او لا .. وهذا اللي اقصده يا اخوي / ناصر .. احنا صارت عندنا ... عدم الثقة مبدأ .... وكأننا نثبت التهمة على الاخرين حتى يثبت لنا العكس .. عموما هذي فلسفة مجتمع ....
ويمكن اقول انها قناعة شخصية عندي ، اصبحنا مشاعر ووجوه مقنعة فيما بيننا حتى مع اقرب القريبين لنا ...!!! والدليل حينما قلت لك بكل شفافية وبراءة اسماء عائلتي مع ان الهدف من ذلك اعطاك الاطمئنان .. واكثر من ذلك اغرس فيك غرس مختلف عن الوضع القائم في المجتمع ...!!!!
- يا دكتور ... انت شكلك جالس تلقى محاضرة في المفاهيم والقناعات ..
- يا سيدي .. هناك اشياء كثيرة صارت مؤثرة على ارواحنا وهي بسيطة .. ولكننا جعلناها ثقيلة من خلال مفاهيمنا وقناعاتنا المعكوسة والمريضة ..
- يا دكتور .. شوي شوي على اخوك الصغير علشان بس امشي معك في نفس الاتجاه ..
- هههههههههههههههه .. قول ..
- اقول يا طويل العمر .. انت تؤمن بان الانسان يمكن يفتح قلبه لكل شخص يقابله .. ويعطيه سده ..!!؟
- ههههه .. طيب ممتاز ... احنا وصلنا الى نقطة الالتقاء الان .. وش هو السد .. بالنسبة لنا ..؟؟!! ما هي حدود المعرفة والمعلومات التي ممكن امنحها للاخر مع اول لقاء ..!! هل اسمي واسم عائلتي سد .. هل وظيفتي سد .. هل معلومات اولادي سد .. هل بعض المعلومات العامة سد .. ؟؟
- والله يا دكتور ... ما ادري وش اقول لك ..!! بس .. الحقيقة الكلام اللي تقوله يمكن يعطي مؤشرات لبحث اليات تعامل المجتمع فيما بين افراده ..
- ممتاز يا ناصر بالضبط .. وهذا بحثي القادم [ آليات تعامل المجتمع ...]
- كيف ..!!!؟
- ايه نعم بحثي القادم هو مهتم في ثقافتنا او خلنا نقول في عاداتنا المتأصلة والتي تحولت الى قناعات بل اصبحت عبادات نعطيها اهتمام اكثر من عبادة الله عز وجل ..... [ عفوا ..] ترانا قريبين من البيت .. احنا في اول حي في الجبيل ...
توقف الحديث بيني وبين الدكتور عند مدخل مدينة الجبيل بسبب انه جلس يوصف لي مكان البيت ... بعد تقريبا 10 دقايق وصلنا البيت .. وعند النزول كان هذا الحديث ..

- تفضل اخوي ناصر ..
- الله يتفضل عليك يا طويل العمر .. اللحين الساعة ثلاث ونص .. والظاهر ان اذان الفجر قريب .. وانا عندي اشغالي ... الله يحفظك ..
- على الاقل خذ لك كاس ماي ... بلل بها ريقك ..
- الله يحفظك يا دكتور ... تسلم .. الله يعافيك ..
- طيب .. انا عاجز عن الشكر اخوي ناصر على فزعتك معنا والشهادة لله انني حللت شخصيتك من اول ما وقفت بسيارتك وقعدت جالس بالسيارة .. عموما .. ما ودي اطوّل عليك .. خذ رقم جوالي واتصل عليّ ...عطني رنة علشان احفظ جوالك عندي .. وارجوك ما تردني بكرة غداك عندي ...
- والله يا طويل العمر .. بكره يمكن ما اكون موجود في الجبيل .. اذا خلصت عملي اليوم .. فانا ان شاء الله بارجع للرياض ...
- طيب ... نخليه عشاء اليوم ... وش رأيك ..!.؟
- والله يا دكتور لعلك تعذرني ... اخاف ارتبط معك ويكون عندي شغل ولا اقدر اجيك ...!
- شوف يا ابن الحلال .. اختر لك واحد من اثنين يا عشاء اليوم يا غداء بكره ...
- هههههههههههه .. لا .. انا عندي خيار ثالث .. اني استودعك الله الذي لا تضيع ودائعه ... وعندي رقم جوالك وهذي رنة علشان تحفظ جوالي عندك ... وبيننا ان شاء الله اتصال في وقت اوسع .. وش رأيك ..!!؟
- شوف اخوي ناصر .. هذا الموضوع ما فيه خيار ثالث هههههههههه .. وانا والله ابيك في شغله .. وترى الوقت متأخر مو وقت نقاش .. رح اللحين الله يسهل عليك .. نام وكمل اشغالك وبعد صلاة المغرب راح اتصل عليك علشان تأكد لي أي وقت اخترت .. وترى ما في الموضوع كلافه ... شغل بيت ..!!
- ان شاء الله .. في امان الله ..
- في امان الله اخوي ..
بعد ما مشيت بالسيارة كنت افكّر في الموضوع من كل الجوانب .. واخذ مني مساحة تفكير طول الطريق حتى وصلت الى مكان السكن اللي انا حاجز فيه ..
بعد ما صليت الفجر .. طلبت من موظف الاستقبال في الفندق يصحيني على الساعة 11 علشان اقدر اخلّص اشغالي .. فعلا قمت الساعة 11 وكانت مهمتي في العمل ما تأخذ اكثر من ساعتين .. جلست لانجاز المهمة تقريبا حتى الساعة 4 عصرا تقريبا .. رجعت للفندق وانا منهك تماما واشعر بالحاجة الى الاكل والنوم ..
تغديت غداء خفيف .. وبعدها دخلت في نوم عميق .. ولم اشعر الاّ والجوال يرن ..
استيقظت من النوم في حدود الساعة 7 مساءا ..

[هلالية]

محجووز مكااني هنا احسااس الظاهر حلووة أو مشوقة ان شاء الله رح أرجع أو لي عودة:s:

[إحساس طفله]

" آسعدني توآجدك آلعطر
بمتصفحي " ..
حيـآك الله ..

~ حَسُوسَــآآآ ~

[إحساس طفله]

الحلقة الثالثة




رديت على الجوال ..

- السلام عليكم ..هلا اخوي / ناصر
- هلا هلا يا دكتور .. مرحبا فيك ..
- والله صوتك يقول انك توك صاحي من النوم ..
- أي والله ..
- طيب .. اذا صحصحت اتصل عليّ .. ترى عشاك جاهز ..
- كيف ...؟؟!!!
- اقول .. الموضوع انتهينا منه .. حياك الله .. وارجوك لا تردها ..
- سمّ وابشر .. بس عطني ساعة اخذ دش واسوي check out مع الفندق واجي لك ان شاء الله ..
- طيب .. خذ راحتك .. احنا بعد صلاة العشاء بانتظارك ...
- ان شاء الله ..
انتهت المكالمة .. واستغربت إصرار الدكتور على ضيافتي ..


اخذت دش .. وصليت المغرب والعشاء جمع تقديم .. وبعدها سلمت الغرفة .. وطلعت باتجاه منزل الدكتور / سعود ..
وصلت تقريبا الساعة 8:10 مساءا ..
لقيت فيلا الدكتور مفتوحه ..
دقيت الجرس ..
سمعت صوت الدكتور من داخل الفيلا ..
- تفضل .. حيااااك .. هلا اخوي ناصر ..
- الله يحييك .. السلام عليكم ..
- وعليكم السلام .. شرفت اخوي ناصر .. تفضل
- الله يشرف مقدارك يا دكتور ..
دخلت المجلس .. وبعد كلمات الترحيب .. حدثت اول مفاجأة هذه العلاقة السريعة ...


- السلام عليكم
( كـأنني اسمع صوت انثى ...........)
التفت نحو الصوت ..
الاّ امراءة متحجبة وكاشفت الوجه ...
- هلا ام فهد حياك .. هذي زوجتي مها يا ناصر ..
- وعليكم السلام .. هلا ام فهد ...
اطرقت برأسي في الارض وانقطع حبل الكلام عندي .. وكنت في موقف لا احسد عليه .. جلست ام فهد في المقعد – امامي بشكل مباشر ...
- اخوي ناصر ادري انك مستغرب شوي .. بس خلني افهمك الوضع .. زوجتي مها دكتورة نساء وولادة في مستشفى ....................... وما عندي أي تحفظ في مسألة جلوسها بين الرجال اذا كان في حدود الادب
- والله مدري وش اقول لك .. يا دكتور
- لا تقول شئ انا اعرف طبعكم يا اهل المناطق الوسطى .. عندكم تحفظ شديد على مسألة حجاب المراة وخاصة مسألة كشف الوجه ..!
في هذا التوقيت تداخلت بالكلام الدكتورة مها ..
- اسمع يا ناصر ...


تفاجأت من اسلوبها وكلمة اسمع يا ناصر – حاف من دون أي اضافات .. واكملت حديثها تقول :
- مشكلتنا اننا حوّلنا العادات الى عبادات واصبحنا نقيس الاخرين من خلال عادتنا ورؤيتنا الخاصة ولم نقف يوما واحدا مع انفسنا نسأل عن صحة قناعاتنا ..!؟
- عفوا يا دكتورة وش القصد ..!!؟
- اقصد انت الان اذا سافرت بزوجتك واولادك او خليني اقول اذا سافرت احدى قريباتك الى خارج المملكة هل التزامها بالحجاب برا كالتزامها بالحجاب داخل المملكة ...!!؟
- يا جماعة ترى انتو اخذتوني في موضوع بطريقة الاغتصاب ههههههههههههه .. وكأنكم حكمتم عليّ بانني مع اتجاه معين .. عموما يا دكتورة ويا دكتور انا [ هنا ] ضيف عندكم ولست في محكمة علشان اثُبت او نفي عني تهمة ... هههههههههههههههه وبعدين شكل الموضوع له تبعات واثار لديكم قديمة تبون من خلالي اثبات وجهات نظركم للمجتمع .. انا يا دكتور لست الا شخص واحد .. وحتى هذا الشخص لم يعبّر عن وجهة نظره حتى الان ...ههههههههههههههههه
- صحيح .. صحيح ... ههههههههههه عموما .. الله يحييك اخوي ناصر .. والموضوع مثل ما قلت سار باتجاه غير محبب ..!! امممم
تداخلت [ هنا ] الدكتورة مها ..
- الحقيقة ... طبيعة الانسان الشرقي وخاصة اهل نجد في المملكة لهم خصوصية في مسألة الحجاب وتغطية الوجه ، لهذا انا والدكتور من خلال هذه القناعة صرنا في موقف هجومي عليك ههههههههههههههههه
- هههههههههههههه الدنيا تغيرت يا طويلة العمر .. وحتى اهل نجد صار لديهم بعض القناعات المختلفة .. والدليل شوفي الاسواق في الرياض مثلا .. لا يستغرب فيها مشاهدة فتاة غير متحجبة او بمعنى اصح غير متغطية .. وفيه عائلات الان لديهم توجه كبير في مسألة كشف الوجه .. وللعلم انا ضد كل هذه التوجهات وارى اهمية غطاء الوجه للمراءة وان غطاء الوجه استر لها وهو محل الاختلاف بين العلماء ...



في هذه الأثناء وانا أقول هذه الكلمات قاطعني صوت اخر [ السلام عليكم .. ] – ولكنه هذه المرة مختلف تماما ...

[إحساس طفله]

الحلقة الرابعة



ردينا كلنا ..
- وعليكم السلام
- هذي اختي مناير ...
في هذه اللحظة وانا انظر الى مناير .. توقف الحديث وتوقف الزمن وحتى نسمات الهواء توقفت في داخلي .. وكأنني لأول مرة أشاهد امرأة جميلة ... حتى ان المكان عمّه السكون ....
- وعليكم السلام .. اهلا استاذة مناير ..
- لا لا لا .. مناير مش استاذة .... مناير اختي .. دكتورة مع وقف التنفيذ .. الان هي في كلية الطب المرحلة الرابعة وان شاء الله عن قريب تحصل على الدرجة العلمية وتكمل مسيرتها التعليمية حتى تصل الى الدكتوراه في علم الاجنة .. وهذا هو الطموح .. صح يا دكتورة مناير ..
ابتسمت مناير وياليتها ما ابتسمت .. انا كفاية عليّ هذه الملامح .. ولا اتمنى رؤية جمال الابتسامة وتلك الغمازات التي ظهرت في خدودها .. وااااااااااو .. سبحان الله الخالق ..
حاولت الدكتورة مها .. جعل الموقف بالنسبة لي اقل صدمة

- هلا مناير .. تعالي اجلسي هنا ..
- اختي مناير .. الحمد لله تدرس بالجامعة ولديها هواية جميلة تحب الرسم .. وسبق ان اقامت معرض لها خاص
في الرسم ..
- ما شاء الله تبارك الله ..
- شكلك غير مهتم بالرسم .. والا اختي مناير معروفة في هذا التخصص .. ما شاء الله تبارك الله
- ما شاء الله تبارك الله .. الله يوفقها ويبارك لها ..
- هاه يا مناير العشاء جاهز
- ايه نعم العشاء جاهز .. تفضلوا
- تفضل اخوي ناصر
- الله يتفضل عليك يا دكتور
مع كلمات الترحيب والمجاملة دخلنا على سفرة الأكل .. والمشكلة بل والمصيبة ان مناير والدكتوره / مها جالسين معنا و بالجهة المقابلة من الطاولة ... وانا انسان ضاعت كل علومي في ملامح مناير ..ّّ!!
- الله يحييك يا اخوي ناصر
- الله يبقيك يا دكتور
- على فكرة ترى هذا الطبخ تحت اشراف اختي مناير .. الله يحفظها
- ما شاء الله تبارك الله .. دكتورة ورسامه وتجيد الطبخ
- لا لا انا ما اقول انها تجيد الطبخ .. بس تجيد متابعة الطباخة ههههههههههههه وتشرف عليها ..
- هههههههههههههه برضو عمل ممتاز ..
تداخلت الدكتورة مها في الحديث ..
- لا .. والله .. ما شاء الله عليها مناير .. تجيد افضل أنواع الاكلات .. بس وين العريس اللي يقدّر هذي المواهب وهذا الجمال ..
الحقيقة هذي الجملة رنت في رأسي موسيقى .. [ وين العريس اللي يقدّر هذي المواهب وهذا الجمال ...] وكنت اقول وش السالفة هذي تلميحه والا عبارة عابرة ..!! المهم انا تداركت الوضع وقلت :
- ما شاء الله تبارك الله .. الف من يتمنى مناير .. الله يرزقها إنسان صالح يسعدها ...
- اللهم امين .. [ رد اخوها الدكتور ..]
وانا اقول هذا الكلام كانت مناير تنظر اليّ وهي تبتسم بخجل .. وانا والله في ذيك اللحظات ودي اقول انا العريس ..
- طبعا يا اخوي ناصر مناير ساكنة عندي لان الوالدين متوفين الله يرحمهم وهي اختى الوحيدة ودلوعة ماما وبابا مثل ما يقولون ولا نقدر نزعلها ابد..
- الله يخليكم لبعض ويصلح ما بينكم يا دكتور
- اللهم امين .. ما قلت لي يا اخوي ناصر .. انت وش تشتغل ..
- انا موظف يا طويل العمر في سابك وحاصل على شهادة الماجستير في علم البرمجة الحاسوبية
- اهااا يعني انت جاي هاليومين علشان مصانع سابك [ هنا ] في الجبيل
- بالضبط .. وكانت المهمة بسيطة هي اخذ معلومات عن ركائز نظام الموارد البشرية المطلوب بشان اعداد برنامج جديد للموارد البشرية ..
- ما شاء الله تبارك الله .. الشهادة حاصل عليها من هنا ..
- لا والله .. الشهادة حاصل عليها من كندا .. يا طويل العمر
- اها اا ما شاء الله تبارك الله ...وش عندكم من اولاد اخوي ناصر ؟؟
- خلنا نجيب ام الاولاد قبل ... ثم بعدين نفكر بالاولاد هههههههههههههههههههه
- يعني انت غير متزوج
- أي والله ما بعد تزوجت ..
- غريبة مع ان شكلك ما شاء الله في الثلاثينات ..
- صحيح انا عمري 33 سنة الان .. بس ما اني مستعجل على موضوع الزواج حتى اتأكد اني جاهز من جميع النواحي سواء المالية او النفسية .. وبعدين لاحقين الله يطول بعمرك ..
- صحيح .. بس العمر يجري يا اخوك ...
- الله كريم .. متى ما حان الوقت .. نحن في حكم القدر ..
- صحيح بس يا اخوك فعل الاسباب طيب .. يعني الواحد بعد هذه السن متى بيخلف اولاد ومتى بيربيهم .. شفني انا تزوجت متأخر بعد الدكتوراه وشف عيالي الان توهم صغار ... وكنت اتمنى ان عندي اولاد كبار يسندوني ..!!
- الله يمتعك بالصحة والعافية .. توك شباب يا دكتور والدكتورة ايضا شباب يعني قدامكم الخير ان شاء الله
- الله كريم يا اخوك .. بس انا اقصد ان مسألة الاولاد يفضل انها تكون مبكرة شوي ..
- على فكرة يا دكتور .. انا اعجبتني شفافيتك في الطرح واعجبني ايضا اسلوبك واريحيتك وخاصة في موضوع كشف الوجه ..!!
- ايه تفضل .....
- لما شفتكم امس في الطريق كانت زوجتك واختك متغطين .. والان انت عندك وجهة نظر في مسألة الحجاب وكنت تقول على موضوع قناعة المجتمع والفرد حول ذلك .. ومع هذا انت والمدام واختك مضطرين لمسارات المجتمع ..!!.
- كلامك صحيح 100% وانا شخصيا .. سامح للدكتورة ولاختي بكشف الوجه في أي مكان .. بس هم في بعض الاماكن وبعض الظروف يفضلون الغطاء .. وانا اشوف انها حرية شخصية ولا اتدخل في القرارات الشخصية خاصة اذا كانت هذه القرارات ما تخالف الدين ..
تداخلت الدكتورة وقالت :
- يا استاذ ناصر .. انا اشوف بان تأثيرات المجتمع يجب مراعاتها حتى لو الانسان عنده قناعات بشىء مختلف .. ولكن تبقى العادات والتقاليد لها قيمة عند الناس .. لذا المسألة بحاجة الى توازن .. وهذا اللي انا اسويه ..

وشكلي استنطقت مناير بهذه العبارة .. وتداخلت وقالت :

[إحساس طفله]

الحلقة الخامسة



- انا الحقيقة متفاجأة يا استاذ ناصر بسؤالك .. لانه سؤال جرئ حبتين .. وخاصة انك بيننا هنا .. وعلى العموم انا تعجبني الشفافية .. موضوع تغطية الوجه بالنسبة لي .. موضوع شخصي ولا اعتقد بان مسألة تغطية الوجه او كشفه تلغي قناعات معينة لدى الشخص ... اللي اقصده ان المراة اذا أمنت الفتنة من الرجل فبمقدورها كشف وجهها اما اذا خشيت على نفسها وعلى الشخص اللي أمامها الفتنة فعليها تغطية وجهها .. أفضل ..
- من يقرر هذا الشئ يا دكتورة مناير ... !!؟ ترى من الصعب انك تقولين اني الان في محل فتنة او لا .. لان من يعلم بما في القلوب هو الله عز وجل .. ومسألة كشف الوجه بالنسبة للمرأة مسألة بحاجة الى وضعها في ميزان أدق
- والله اني معك .. وانا عارفه ان حسن المرأة ونصف جمالها في وجهها .. ولكن في الجهة المقابلة الرجل ايضا نصف جماله ونصف قبول المرأة له في وجهه .. صح والا لا ..!!؟
- كلامك صحيح مسالة قبول الشكل مهمة .. ولكن في جانب المرأة أكثر بكثير عن الرجل ..
[ هنا تداخل الدكتور / سعود وقال : ]
- اسمع يا ناصر ترى ان دخلت مع اختي مناير في نقاش .. ترى انت الخسران .. اختي مناير محاوره جيدة ولديها علم في ذلك .. اقصد هي متخصصة في علم تطوير الذات وسبق ان اخذت دورات متخصصة في ذلك .. علشان كذا انتبه لنفسك هههههههههههههههه
- هههههههههههههههههه .. ما شاء الله .. عموما انا ما ينقصني هذا العلم لان هذا من أبجديات شركة سابك وهناك دورات متخصصة في هذا المجال لجميع الموظفين ..
الدكتور يوَجه كلامه للزوجته ويقول :
- اووووه .. ما شاء الله .. اجل يا دكتورة شكلنا بين فلاسفة حديث هههههههههههههههههه
- هههههههههههههههههه ... لا .. عاد مو لهدرجة ....
- عموما تشرفنا فيك اخوي ناصر .. وعسى أكل اختي مناير أعجبك ..
- ما شاء الله .... اثار الاشراف والمتابعة واضحه ههههههههههههههههه
- شكرا يا استاذ / ناصر .. شاكره لك هذا الاطراء هههههههه
كان الحديث متعة .. والحوار متناغم وهادئ رغم اختلاف الآراء .. ولكن كان هناك قبول لرأي الطرف الآخر رغم اختلافه .. وهذا جمال الحديث .. وأكثر من ذلك جمال الخلق والخُلق عندي هذه العائلة ...
- على فكرة انا ما شفت الأولاد ..
- الأولاد يا اخوي ناصر .. من بعد صلاة العشاء وهم في فرشهم .. وايضا احنا قرّب وقت نومنا وتراك أسهرتنا اللحين ههههههههههههههههه
- هههههههه .. والله أسف .. شكل الوقت خذانا في السوالف .. اووووووف الساعة 11 ... عفوا .. انا اسف .. الله ينعم عليكم ..
- ههههههههههههه ترى امزح معك اخوي ناصر .. كمّل أكلك ..
- لا .. الحمد لله شبعت ..
- طيب .. باقي الحلو ..
- لا .. الله يعافيك ...
- رح .. رح يا عمي غسل وخلك عنك السوالف .. تفضل .. تفضل
- الله يتفضل عليك بنعمته وعافيته يا دكتور
بعد ما غسلنا لزّم علي الدكتور الا اخذ الحلو مثل ما قال .. وكان يقول ان مناير متخصصة في الحلو .. ولازم تذوق شغل يديها ..
وكنت أقول في نفسي .. يا زين شغل يديها .. وياليت اقدر المس يديها .. واحضن يديها ..
مناير في هذه اللحظات تدخل بالحلو .. الى المجلس ..
- تفضل أستاذ / ناصر
- الله يتفضل عليك .. شكرا يا دكتورة
- خلااااص عاد .. خلني اخذ شهادة الدكتوراه وبعدين قل لي يا دكتوره
- ان شاء الله تأخذينها عن قريب
- بوجودك ...[ قالت هذه العبارة وهي تبتسم يمي .. وعيونها في عيوني ..]
قسم بالله كان ودي أضمها في تلك اللحظة ..واااااااااااااااااو
أدركت هي تلك النظرة فأطرقت رأسها خجلا ... واتضح على ملامح وجهها عناوين الحياء ...
وتدارك الوضع أخوها .. وقال :
- شكلك بتعزمين الرجال على حفل تخرجك ...
ابتسمت مناير دون رد ..
فتداركت الموقف وقلت :
- ان عزمتني تبشر ان شاء الله بالهدية .. راح أجيب لها لوحة رسم وقلم رصاص وألوان هههههههههههههههه
- ههههههههههه شكرا على الهدية .. خلااص انا راح اقبلها ...
تداخلت الدكتورة ..
- وانا رايحه اجيب لك الصلصال هههههههههههههههههههههههه
- ههههههههههههههه وانا اجل وش اجيب .. وش اجيب .. ايييه .. راح اجيب لك فرش الرسم ..هههه
- الله يحفظكم جميع ويبارك لك في هذه الاجواء والمحبة اللي بينكم .. اسمحوا لي انا وراي طريق وماشي للرياض ...
- عموما يا اخوي ناصر والله ما ملينا منك ومن سوالفك وشرفتنا وجزاك الله خير على موقفك امس ..
- ما سويت شيء الله يحفظك ..
- الله يعافيك اخوي ناصر ..
- في امان الله يا دكتور وفي امان الله يا دكتورة وفي امان الله يا دكتورة المستقبل ههههههههه
- في امان الله اخوي ناصر وجوالي عندك أسألك بالله اذا جيت للجبيل انك تكلمني .. خليني اقوم بواجبك ..
- ابشر .. الله يطول بعمرك .. وبالمقابل اذا جيت للرياض عطني خبر .. خليني اعزمك على فنجان قهوة هههههههههههههه ... شكلي بخيل ..صح ..
- واااجد .. [ قالت هذه الكلمة مناير وهي تبتسم نحوي ... ]
- في امان الله
- مع السلامة .. طمني عنك اذا وصلت الرياض ..
- ان شاء الله ..
طلعت من البيت لا اصدق هل انا في حلم او في علم ..!!
ما هذا الموقف .. وكيف صارت كل هذه الأحداث خلال 24 ساعة تقريبا ..
مشيت في طريق الرياض وكان كل وقت الرحلة عبارة عن اعادة لتفاصيل المواقف والاحداث ... وصورة مناير لا تفارق خيالي ...
الحمد لله وصلت الرياض ودخلت الشقة على الساعة 3 بعد منتصف الليل وبقى على اذان الفجر تقريبا ساعة ونصف ..
قلت في نفسي اخذ لي غفوة قبل الآذان ..
بعد ما تسطحت على الفراش .. كانت الخيالات هي رفيقي
حتى ان خيالي جلب لي مناير على الفراش
وكانت هناك سوالف خاصة بيني وبينها
لم اشعر معها الاّ واذان الفجر يرن في اذني ..
وتذكرت بانني لم انم .. وعندي اليوم دوام الساعة 7
قمت توضأت وصليت الفجر .. بعد الصلاة ارسلت رسالة لمديري بالعمل كان نصها كالتالي :
عفوا استاذ حمد
وصلت متأخرا امس من رحلة الجبيل واتمنى اعفائي من الحضور مبكرا ..
نمت بعد صلاة الفجر .. ولم استيقظ الا عند الساعة 10 صباحا
اخذت دش .. ثم انطلقت للدوام ..
ولم تزل صورة مناير ترافقني
وفي اثناء الطريق رن هاتفي ..
[ الدكتور سعود بن فهد يتصل بك ..] هكذا ظهرت لي هذه العبارة على شاشة الجوال
- السلام عليكم
- وعليكم السلام .. هلا دكتور
- الله يحييك اخوي / ناصر .. الحمد لله على السلامة ..
- الله يسلمك ويطوّل بعمرك ..
- يا اخي طمنا عليك .. قل وصلت ..
- اسف يا دكتور .. امس تأخرت في الوصول قلت ما ودي ازعجك ..
- والله انا انتظرت منك رسالة .. بس .. تطمني عليك ..
- الله يطول بعمرك يا دكتور ..
- هاه .. كيفك اللحين ..
- الحمد لله .. الامور طيبة
- الحمد لله .. بالتوفيق ان شاء الله
- الله يوفقك ويبارك فيك يا دكتور
- تسلم .. يا الله .. تأمر شيء ..
- ما يامر عليك عدو يا دكتور
- في امان الله .. والحمد لله على سلامتك مرة ثانية
- الله يسلمك .. في امان الله يا دكتور
انتهت المكالمة .. وشعرت بان الدكتور وافي ...
واصلت طريقي للدوام .. وصلت الدوام وأكملت عملي كالمعتاد
مرت الأيام تلو الأيام .. وانا استرجع بعض الذكريات في رحلة الجبيل
وخاصة تلك الذكريات مع الدكتور وعائلته
بعد مضى أكثر من شهر ..
نسيت تلك الحادثة ولم يطرأ جديد كي أتذكرها ..
ودارت الأيام .. دون اتصال بيني وبين الدكتور ..
ومع الايام وبعد مضي اكثر من ثلاثة اشهر على تلك الرحلة
شعرتُ بانني نسيت الموضوع بالكامل
وبعد تقريبا 4 أشهر
وتحديدا .. كان ذلك اليوم .. يوم الخميس ليلة الجمعة .. عند الساعة 12 بالليل تقريبا ...

[إحساس طفله]

الحلقة السادسة


وردني اتصال من الدكتور / سعود بن فهد ..
استغربت الاتصال وتوقيته ..
كنت في ذلك الوقت بالاستراحة مع الشباب
خرجت من مجلس الشباب ..
ورديت على الاتصال ..
- السلام عليكم
- وعليكم السلام .. مرحبا يا الدكتور
- هلا والله اخوي ناصر
- يا مرحبا فيك يا دكتور
- اخوي ناصر انا أسف على إزعاجك في هذا الوقت
- لا .. يا دكتور .. الوقت وقتك الله يطول بعمرك
- عفوا اخوي ناصر انا عندي مشكلة ..
- افاااا .. سلامات يا دكتور
- الله يسلمك .. لا .. لا .. المشكلة ان شاء الله بسيطة .. بس شكلي أبكلف عليك ..
- لا .. ما فيه كلفه ان شاء الله .. تفضل يا دكتور
- اخوي ناصر والله اني ما لجأت لك بعد الله الاّ وانا عارف اني أمون عليك بحكم معرفتي بك ..
- ابشر بالخير يا دكتور
- ما فيه الا سلامتك يا اخوي ناصر
- تفضل
- الدكتورة مع اختي طلعو اليوم للرياض لحضور زفاف صديقة مناير .. وهم طالعين مع السواق والاولاد معاهم ..
- طيب
- وللأسف أللحين متصلين عليّ يقولون صار لهم حادث في الطريق الدائري الشمالي بالرياض والسواق تعوّر بالحادث وأخذوه للمستشفى ..
- افااااا .. وبعدين ..
- بعدين .. الدكتورة ومناير ومعهم الأطفال في موقع الحادث ولا يدرون وش يسوون .. وانا ودي انك توصلهم وتشوف وش اللي صاير ..
- سمّ .. ابشر يا دكتور .. عط الدكتورة رقمي وخلها ترسل لي موقعهم .. وانا اللحين طالع ومتجه للطريق الدائري الشمالي .. انا في استراحة في الشمال .. قريب من الدائري الشمالي ..
- الله يعطيك العافية اخوي ناصر .. معليش اسمح لي على الميانة
- تمون على رقبتي يا دكتور ..
- تسلم اخوي ناصر
- الله يسلمك ..
- طيب انا راح أعطي الدكتورة رقمك وأخليها ترسل لك موقعهم
- اوك ..
- في امان الله
- مع السلامة يا دكتور ..
بعد دقائق .. أرسلت الدكتورة موقعهم على الواتس اب ..
وكان ما فيه حاجة انها ترسل ..
لاني كنت في زحمة الحادث في الطريق الدائري وأشوف المرور من بعيد
وصلت لمكان الحادثة ..
نزلت من سيارتي ..
واتجهت نحو الحادث
وبعد ما وصلت الحادث لقيت الدكتورة / مها واخت الدكتور / مناير مع الاطفال واقفين على الرصيف وكأنهم في عرض أزياء على الهواء مباشرة .. هههههههههه
الكل جالس يتأمل طريقة لبسهم
والنساء عند الزواجات يكونون لابسين أفضل الملابس وطريقة لبس العباية ملفتة للانتباه ...
بعد ما شافتني الدكتورة ومناير طاروا من الفرح وواجهوني بسرعة لمقابلتي
سلمت على الدكتورة وعلى مناير من بعيد ...
- سلامات .. الحمد لله على سلامتكم
- الله يسلمك ..
- دكتورة .. شوفي سيارتي ... Bmw اللي واقفة على الرصيف اركبوا فيها .. حتى اخلص من المرور ..
- طيب .. جزاك الله خير ..
راحت الدكتورة ومعها مناير والأطفال الى سيارتي وركبوا فيها وانا جلست أتفاهم مع المرور ... ومتى قدرت أقنعهم اني انا ولي أمر النساء .. كانت المسألة تحقيق .. وكأن رجل المرور شاك في علاقتي بالدكتورة ومناير .. بعد تقريبا 45 دقيقة انتهينا من موضوع المرور وتقدير الحادث .. وعرفت مكان المستشفى اللي تم نقل السواق له ..

رجعت للسيارة .. ولقيت الدكتورة ومناير ينتظروني على أحر من الجمر ..
- هاه .. أستاذ ناصر ..بشّر ..
- أولا الحمد لله على سلامتكم .. اما موضوع الحادث .. الحمد لله الخطأ على صاحب السيارة الثانية والتأمين يشمل الإصلاح .. بس ... وش اللي صاير مع السواق ..
- والله يا اخوي ناصر ما ادري .. كان في وجهه دم ويشتكي من الم في يده .. وجت الإسعاف وأخذته ..
- الحمد لله على السلامة ... انا اعرف المستشفى اللي أخذوه لها .. وراح نشوفه بعد شوي .. وش الرأي بالنسبة للسيارة يا طويلة العمر ..
- والله ما ادري .. خلني اتصل بالدكتور / سعود أشوف
- عموما قولي له ان السيارة ما تمشي الان لان الضربة في الخلف ومن الأمام .. و السيارة تحتاج سمكرة وصيانة ..
- ان شاء الله
فعلا اتصلت على الدكتور .. واعتقد الدكتور قال لها أعطيني ناصر
- هلا دكتور
- مرحبا فيك اخوي ناصر .. بشّر
- الله يحييك .. اولا الحمد لله على سلامت العيال .. اما باقي الاشياء ان شاء الله حتتصلح ..
- الله يسلمك ..
- انا اخذت ورقة اصلاح من المرور .. وبكره ان شاء الله اشيل السيارة على سطحة واوديها للصناعية .. وانا الان طالع اشوف موضوع السواق في المستشفى
- طيب .. .. .. بسسس ...
- وش رايك يا دكتور .. استأجر اليوم للعائلة فندق ينامون فيه الين بكره ..
- طيب ... الله يعطيك العافية ... اشغلناك يا اخوي ناصر
- انسى الموضوع يا دكتور .. ولا تقول هذا الكلام الله يحفظك
- ما ادري وش اقول لك ...
- عموما .. انا بتطمن على السواق وبعدين راح اسكنهم في فندق وبكره ان شاء الله نشوف وش الدبره ..
- طيب .. في امان الله .. ممكن تعطيني الدكتورة ..
- سمّ .. في امان الله ..
اعطيت الدكتورة الجوال .. واسمع الدكتورة تتفاهم مع الدكتور في بعض الامور وتقول بكره نطلع في ليموزين .. بعد ما انتهت من المكالمة .. قلت لها
- ليش يا دكتورة تطلعون في ليموزين .. انا اوصلكم ...
- لا لآ لآ .. بعد .......!! ... كفاية اللي سويته الله يجزاك خير ..
- الموضوع هذا يا دكتورة ما فيه نقاش .. وما أترككم تروحون باليموزين وانا موجود ..
في هذا الوقت تداخلت مناير .. وكنت انتظر كلامها من اول ما وصلت للحادث ..
- الله يجزاك خير .. استاذ / ناصر .. كلفنا عليك .. ولا ودنا نكلف عليك زود
- افااا عليك يا دكتورة المستقبل ههههههه .. ما فيه كلفة ولا شئ .. عموما بكره نتفاهم ان شاء الله في موضوع الروحه ...
- على خير ان شاء الله



رحنا للمستشفي ولقينا السواق جالس ينتظر بعد ما انتهى من الكشف والعلاج
اصابته بسيطة .. رضوض في اليد ونزيف من الانف بسبب ضربة الدريكسون ..
اخذنا السواق وطلعت بالعائلة للفندق
استأجرت لهم غرفة باسمي في فندق الشيراتون .. ودفعت حساب الشقة
أخذت السواق معي ..... ونام معي في الشقة ..
في اليوم التالي كان يوم جمعة
أخذت السيارة بعد صلاة الجمعة ووديتها للصناعية
كلفت السيارة تقريبا 7500 ريال .. نسقت مع صاحب السيارة الثانية بشأن تكلفة الاصلاح ..
اتفقنا على كل شيء ...
بعد صلاة العصر .. اتصلت بالدكتورة ثم اتصلت بالدكتور بشأن رجعت العائلة للجبيل
واتفقنا بعد إلحاح مني على ايصال العائلة بسيارتي ...
وفعلا رجعنا انا والسواق والعائلة في سيارتي ..
خرجنا من الرياض الساعة 8 مساءا
كانت هذه الرحلة من اجمل رحلاتي الممتعة
لان فيها [ مناير .. ]
فقد تحدثنا كثيرا
وكان هناك تناغم في الحديث جميل
والافكار كانت متقاربة
واريحية في الكلام بدون تكلف
كانت ليلة ممتعة
وصلنا الى الجبيل بعد منتصف الليل تقريبا ..
كان في استقبالنا الدكتور / سعود
- هلا وسهلا .. يا مرحبا اخوي ناصر .. كلفنا عليك
- مرحبا فيك يا دكتور .. لا .. يا طويل العمر ما فيه كلفة ولا حاجة .. والحمد لله على سلامة العيال
- الله يسلمك ويعافيك .. والله تعبناك واخذنا من وقتك .. والله العظيم اني مستحي منك
- لا تقول هالكلام يا دكتور .. الناس للناس يا طويل العمر .. وانا حاضر للطيبين ..
- تسلم اخوي ناصر .. والله لو عندي اخو في الرياض كان ما سوى اللي سويته ..
- اعتبرني اخوك يا طويل العمر
- تفضل .. تفضل ..
- اتفضل وين .. الله يطول بعمرك .. الساعة اللحين 1:30 ........ بسلامتك يا طويل العمر ..
- لا .. لا ما يصير .. والله ان تقلط وتأخذ فنجان قهوة ..
- يا دكتور / سعود يا ابو فهد جعله عامر .. بس والله انا ودي ارجع اليوم للرياض لو تسمح لي ..
- مجنون انت ...!! لا والله ما اسمح لك ولا انتب راجع اليوم ...!!
- كيف .. لا لآ لآلآلآ .. الله يرحم والديك .. لازم ارجع .. بكره السبت عندي بعض الاشغال لازم اخلصها ..
- يمديك ان شاء الله .. اليوم نم عندنا واذا ان شاء الله تغديت .... بسلامتك ..
- لا يا دكتور .. ارجوك تعذرني ..
- والله ما لك عندي عذر ..
- يا ابو فهد طلبتك ..
- لا والله ما يصير .. اقلط ..اقلط بس ..
رضخت للامر الواقع ودخلت معه في فيلته .. وكان مجهز كل شئ تقريبا .. القهوة في المجلس .. والفراش وكل شئ جاهز ..


- هاه .. شفت اني قاعد انتظرك .. انا اللي صلحت القهوة وانا اللي فرشت الفراش .. والخدامة نايمة من الساعة 10 .. حسبي الله عليها هههههههههههههه
- الله يرفع قدرك يا دكتور
- وقدرك اخوي ناصر ..هاه .. كيف حالك .. وكيف امورك
- ابشرك كل شئ تمام .. الله يعافيك
- الحمد لله ..
- على فكرة السيارة يمكن تطلع بعد يومين .. يعني يمكن يوم الاثنين تكون جاهزة
- على بركة الله .. اذا خلصت عطني الوه وانا ارسل لك السواق يجيبها ..
- على بركة الله ..
- تعشيت اخوي ناصر والا اجيب لك عشاء
- عشاء في هذا الوقت .. !!! لا .. .. الله يكثر خيرك .. واحنا في الطريق اخذنا من التموينات بعض المكسرات وبعض المعجنات وتعشينا ههههههههههههه
- جعله بالعافية ..
- الله يعافيك ..
- انا اتركك تنام .. وان شاء الله عند اذان الفجر اقومك تصلي
- ان شاء الله ...
- تصبح على خير
- تصبح على خير يا طويل العمر
طلع من عندي الدكتور ...
ودخلت في رأسي الخواطر والخيالات .. كنت أعيد المواقف التي تمت معي مع هذه العائلة وكنت احلل كل موقف واعيد سماع الكلمات والسوالف حتى غالبني النوم .. فنمت ولم استيقظ الا عند الساعة السابعة صباحا ...
يا الله راحت علي صلاة الفجر ..
غريبة الدكتورة ما قومني للصلاة مثل ما قال ..!!؟
المهم ..
قمت توضيت وصليت الفجر .. وبعدها صليت صلاة الضحى ودعيت ربي ان الله يوفقني ويصلح أحوالي ..


شوي الا واسمع صوت الدكتور .. داخل في المجلس ..




قـــــــــــــــرآآءه ممتعهه ..

الحلقه السابعهه قريبــآآ ..

[إحساس طفله]

الحلقة السابعة ..




- يا الله صبحه بالخير .. شكلك اليوم ميت مو نايم ..هههههههههههههه .. تصدق قومتك ثلاث مرات علشان تصلي الفجر ولا قمت .. ههههههههه والله ما الومك .. سفر وسهر وتعب .. الله يعينك ......
- جد يا دكتور قومتني ولا قمت .. !!.؟
- أي والله يا اخوي .. بس شكلك تعبان ..!
- غريبة .. والله يا دكتور انا اقوم من أي حركة او أي صوت ..
- لا .. والله يا اخوك قومتك ..... بس .. قومتك بصوت منخفض .. وانا حاس انك تعبان ..
- الله يحفظك يا دكتور ..بس صلاة الفجر أهم من أي شئ .. يا ليتك قومتني بقوووة ..
- النايم حتى يستيقظ .. الحمد لله .. الدين يسر .. يا أخوك ..
- الحمد لله ..
- كيف أصبحت .. عسى أمورك تمام
- الحمد لله .. والله كني نايم 10 ساعات ...
- لا .. ترى على فكرة .. يمكن ما نمت الا 5 ساعات ...
- الحمد لله .. على كل حال ..
شوي والا [ مناير .. ] تدخل بالقهوة والتمر ..


وكنت أقول في نفسي يا مرحبا باللي جاب التمر والدلة .. الله يحرسك من كل عين ...!
- السلام عليكم .. وصباح الخير استاذ / ناصر
- وعليكم السلام .. صباح الخير يا دكتورة
- ههههههههه خلاص عاد كلمة يا دكتورة ...! ترى اصدق حالي ... هههههههه
وهنا تداخل الدكتور / سعود وقال :
- اكيد انتِ دكتورة .. بس مع وقف التنفيذ .. ان شاء الله كلها كم سنة .. وتصيرين دكتورة بحق وحقيق ..
- ان شاء الله .. تأمرني شيء اخوي
- ما يأمر عليك عدو .. يعطيك العافية ..
- الله يعافيك ..
طلعت من عندنا .. وانا كنت أتمنى انها تقعد معنا ...
- ايه يا ناصر قل لي .. انت متزوج والا لا ..!!؟!!
- لا يا دكتور .. قلت لك قبل كذا .. انا غير متزوج ...
- يا سلااااام ... انا عندي لك عروسه ..!!
- عرووووسه ...!!!
- ايه عروسه .. ليش كنك خايف ..؟!!
- خايف ..!! لا .. ماني خايف .. بس على الصبح وتقول لي هذا الكلام .. أكيد مستغرب ...!!!
- لا تستغرب ولا شيء .. وانت عارفني .. انا صريح وشفاف واللي في قلبي على لساني .. انا أمس كنت اهوجس طول الوقت .. فيك وفي افعالك وتصرفاتك وكلامك .. وكنت أقول في نفسي هذه التصرفات ما تطلع الا من رجال متربي وراعي أصول وراعي فزعة ونخوة .
- الله يرفع قدرك .. لا تبالغ يا دكتور ...
- والله ما فيها مبالغة ولا شىء .. عموما .. انا خلني أكون معك اكثر شفافية..... ويقولون الكلام اللي تستحي منه بدّه وقله ... ويقولون بعد... اخطب لبنتك مثل ما تخطب لولدك .. وانت ولدي .. واختي مثل بنتي .. هاااه وش رايك ..!!؟
- رايي في ايش .... الله يطول بعمرك ..!!؟
- انا خاطبك لاختي .. وش رأيك ..!!؟؟؟
- والله يا دكتور انك فاجأتني ..
- ادري اني فاجأتك وادري ان الموضوع محتاج تفكير .. وادري ان الأمور ما تؤخذ بهذه البساطة .. بس كنت اقول في نفسي ان كنت انت مستعد للزواج ولا في رأسك بنت معينة او انك حاط عينك على بنت .. فترى اختي مناير تستاهلك وانت تستاهلها .. وعلى فكرة ترى ما بعد قلت لها شئ ولا فاتحتها بالموضوع ..!!
- والله يا دكتور لي الشرف .. في الزواج من اختك .. بس .. بس .. مثل ما قلت الموضوع يحتاج تفكير ووقت ..
- لك الوقت .. ومثل ما قلت لك انا ما قلت لاختي أي شئ .. وانا كان عندك نية ولك رغبة من الزواج من اختي مبدئيا .. قل لي علشان أجس نبضها ..هههههههههههه
- والله يا دكتور .. ما ادري وش اقول ......
- لا تقول .. خذ وقتك .. وعطني خبر بعد يومين .. ثلاثة ايام .. بعد اسبوع .. اللي تشوف ..!!؟
- سم يا دكتور.. الله يكتب اللي فيه صالح ..!!
- اللهم امين ... على العموم ودي اقول لك اني اختي جالها كم عريس .. بس هي كانت ترفض بحجة الدراسة .. وهي الان عمرها تقريبا 25 سنة .. وتعرف وانا اخوك الحياة ما تنتظر والقطار ماشي .. وكان ودي انها تتزوج وتكمل دراستها وهي متزوجة .. صح والا لا ..!!؟
- الاّ والله يا طويل العمر .. الدراسة ملحوق عليها .. ولكن الزواج وقطارالزواج ما ينتظر ...
- صحيح .. وهذا قصدي يا اخوي ناصر ..
- عموما .. الله يكتب اللي فيه خير ...


دخلنا في سواليف ثانية .. وانا الحقيقة لا زلت في سالفة الزواج من مناير .. والدليل اني ما ركزت على السوالف الثانية ولا ادري وش يقول الدكتور / سعود .. فقد كان عرض الزواج مغري ... وكان تشتت انتباهي واضح عند الدكتور / سعود فقد علّق على ذلك بقوله ..
- شكلك يا ناصر ما نمت زين ... منتب معانا ابد ..ههههههههههههههه
- تبي الصدق .. انا من يوم عرضت عليّ الزواج .. وانا ما افكر بشئ غير الزواج ...
- هههههههههههههههه ... شكلك حامي حامي هههههههههههههه
- تبي الجد .. العرض مغري .. مناير اخت الدكتور / سعود ...
- والله شف يا اخوي ناصر انا ما ابعد تعرفت عليك زين .. والمسألة محتاجه سؤال وسؤال وسؤال حتى نتعرف عليك .. وانت ايضا محتاج لك سؤال علشان تتعرف علينا وتتعرف على اختي ..! وكل منا معه حق .. صح والا لا ..
- الا والله يا طويل العمر .. هذي الاصول .. والزواج حياة ..
- عموما .. العرض لا زال مفتوح .. وتنتهي صلاحيته خلال اسبوع من تاريخه هههههههههههههههه
- هذا زبادي يا دكتور ما صار عرض ههههههههههه
- هههههههههههه الله يحفظك ..
- عموما الله يكتب اللي فيه الخير ..
تغديت مع عائلة الدكتور ذاك اليوم .. وطلعت راجع للرياض .. وفي هذه المرة كان تفكيري بس في موضوع الزواج من مناير ..
هل اقبل بالزواج من مناير .. ام .. لاااا

[إحساس طفله]

الحلقة الثامنة


وصلت الرياض .. والقرار عندي شبه تبلور .. وصار عندي شعور بان المسألة محتاجه الى تفكير جاد ..
في اليوم التالي اتصلت على الدكتور ..
- السلام عليكم ..
- وعليكم السلام ..هلا اخوي ناصر ...
- السيارة يا دكتور طلعتها من الصناعية ويمكن ترسل السواق في أي وقت يأخذها
- الله يجزاك خير .. والله تعبناك يا اخوك ..
- ما فيه تعب الله يحفظك يا دكتور .. على فكرة .. دكتور انا الحقيقة ودي اقول لك ... .......
- وش فيك ساكت .. قول ..
- المسألة يا دكتور ... يعني ... اقصد ..
- وش فيك يا ناصر .. اذا كان الموضوع علشان الزواج .. قول بكل صراحة .. ودك والا ما ودك ..!!؟
- والله يا دكتور ودي .. بس ودي اقول لك ان السؤال مهم بالنسبة لي ولكم ..
- طبعا يا ناصر .. من حقك تسأل .. ومن حقنا نسأل ..!
- اوك ..
- بس خلني اللحين افاتح اختي مناير ... واشوف ..!
- طيب ...


انا توقعت انه ينهي المكالمة ثم يسأل أخته وتفاجأت انه ينادي مناير وانا معه على الجوال ..


- مناير .. مناير ..
واسمعه يقول :
- مناير .. جايك عريس تقبلينه والا لا ..!!
واسمع ردها تقول ..
- سلامات .. من أي سوق جبته ههههههههه
وجلست اسمع الحوار التالي :
- جبته لك من سوق الرياض .. ويقولون عليه خوش رجال ...
- انت من تكلم .. اكيد هذي سميرة ..
- ايه هذي سميرة بنت عمك تقول انها لاقيه لك عريس ..
- قل لها تلقى لنفسها اول .. وبعدين تفكر فيني ..ههههههههههه
- لا .. لا .. امزح عليك الله يهداك يا مناير .. هذا ناصر ..
- نااااااصر .. وش تقووول ..!!؟؟
- ايه ناصر راعي الرياض ..
- اقول .. بلا سخافة عاد .. كل يوم لك شئ تلعب علي فيه ..
- اقول لك هذا ناصر معي على الجوال يطلبك للزواج .. وش رايك ..!!؟
- اقول يا سعود .. كفاية غشمره .؟....... وما لها داعي ..
- خذي كلمي الرجال ...
وفعلا .. عطاها الجوال ...
- الوه ..
- هلا .. هلا ..
- مين ..!!؟
- انا ناصر ..
- ناصر .. ناصر ..
- ايه ناصر ....


وشوي ... شكلها رمت الجوال على أخوها الدكتور


واسمع الدكتور يضحك ..
- هههههههههههههههه شف رمت الجوال وانحاشت البنت ههههههههههههههه تستحي .. عموما يا ناصر .. الله يتمم على خير .. راح اسألها سؤال زين وبعدين ارد لك خبر ... في امان الله
- في امان الله يا دكتور ..
انتهت المكالمة .. وبدأ عندي شعور غريب وتحليل للموقف اللي صار .. وكنت اقول في نفسي وش هذي الاريحية عند الدكتور .. ودارت في بالي عدة اسئلة ..!!؟


· ليش الدكتور يعرض اخته علي ..!!؟
· وليش انا مو واحد ثاني ..!!؟
· وليش .. وليش .. وليش ..!!؟؟؟؟



وكثرت عليّ الاسئلة .. واشغلتني الاسئلة والتحاليل ....
في اليوم التالي .. اتصل عليّ الدكتور يعلمني انه أرسل السواق علشان يأخذ السيارة .. .... ...

وبعد ايام اتصل عليّ الدكتور ...

- السلام عليكم
- وعليكم السلام ... هلا ومرحبا دكتور
- هلا استاذ / ناصر ..
- الله يحييك ...
- استاذ / ناصر .. للاسف .. شكل ما فيه نصيب بيننا وبينك .. اختي / مناير رافضة فكرة الزواج في هذا الوقت .. عموما .. انت الف وحدة تتمناك .. والله يوفقك ويسهل امرك ...



الحقيقة بعد ما قال لي هذا الكلام .. انصدمت وتأثرت نفسيا .. لانني سبق ان قررت مع نفسي بان استمر في موضوع الزواج بشكل جاد وان ابحث في هذا الجانب ...!! وشكلي معجب في [ مناير .. ] .. لا والله اللي رايح فيها ...



تداركت الموضوع وقلت :
- الزواج قسمة ونصيب يا طويل العمر .. وكلن له قسمة في هذه الحياة .. والله يوفقها ويسعدها ..
- انا اسف .. عسى ما سببت لك ازعاج بهذا الخبر ...!!
- عموما .. انا كنت ناوي أقول لك اني كنت أتمنى أكون نسيبكم .. وكان يشرفني اني ............. [ قاطعني .. وقال ..]
- ههههههههه وما فيه مانع تكون نسيبنا وتجي تخطب اختي مناير رسميا هههههههههههههه
- وش تقول يا دكتور ..!!؟؟
- انا اقول لا تهمك اختي مناير .. حتى لو ترفض .. انا شاري رجال ...
- لا .. لا.. يا دكتور .. مناير لها حرية الاختيار .. ولا تغصبها على شئ ما تبيه ...
- لا تهمك .. هذولا البنات ما يعرفون مصلحة انفسهم ...
- عفوا .. يا دكتور انا ما اتزوج بهذا الاسلوب ... والله يوفقهم بزوج يسعدها ويصلح لها ...
- يا استاذ / ناصر ترى كل الكلام اللي راح مزح .. ههههههه .. واختي مناير موافقة على الزواج منك وسألنا عنك .. وانت كفو من يناسبك ...
- هاااه ... وش تقول ..!! صدق يا دكتور ...
- ايه صدق .. ومتى ما بغيت الله يحييك انت واهلك تجون تخطبون مناير ...
- اممم .. بس ..
- ايش بس ... ادري .. ادري .. يمكن انك ما سألت عنا .. على راحتك اخوي ناصر اسأل وتطمن ومن حقك وبعدين اتصل عليّ .. عطني قرارك ... وتأكد بان قرارك سواء كان ايجابي او سلبي لن يؤثر على صداقتي معك .. الله يوفقك ..
- تسلم يا دكتور .. والله العظيم باسلوبك .. تعطيني مجال كبير .. وارتاح نفسيا ..
- لا يا اخوك هذا زواج مو لعب ...
- تسلم يا دكتور .. انا ان شاء الله عن قريب اتصل فيك ..
- لك الوقت .. وقرارك عندك يا ناصر .. الله يحفظك
- تسلم ... ان شاء الله نتواصل قريب
- ان شاء الله ..
- في امان الله ..
- في اما ن الله يا اخوك .. مع السلامة


انتهت المكالمة وكدت اطير من الفرح بهذه المكالمة ....
واااااااااااو ... انا راح اتزوج [ الدكتورة مناير .......................] يا سلاااااااااااااااااااام

وفعلا .. بعد ما انتهت المكالمة رحت اسأل في كل اتجاه عن عائلة الدكتور / سعود بن فهد ..
وجميع من يعرف الدكتور كان يثني عليه ..


الا واحد من الزملاء في فرع سابك بالجبيل ..
قال لي بالحرف الواحد

- اسمع يا ناصر انا ما اعرف الدكتور / سعود ولا اعرف عائلته .. بس .. اللي اعرفه في الحياة وتعلمته بعد ما تزوجت من زوجتي الحالية .. ان فيه امور كثيرة .. يجب مراعاتها .. مثل تكافؤ النسب .. تكافؤ العلم والشهادة العلمية .. تقارب العمر بين الزوج وزوجته .. ولا يكون هناك اختلافات كبيرة في الثقافات .. ولازم تعرف هل البنت كثيرة حكي .. هل البنت حنّانة .. هل البنت راعية اجتماعات مع قريباتها .. هل البنت ملتزمة بالدين .. وهل البنت تسمع اغاني وتشوف افلام .. ولا اخفيك فيه امور اكثر .. مثل هل البنت تحب النظافة وتحب العطور .. يعني هل هي تنظف اسنانها دايم .. تنظف جسمها .. تحب النظافة بشكل عام ..
- يا ماجد .. كيف تبغاني اعرف كل هذه التفاصيل الصغيرة .. وبعدين انا اشوف هذه التفاصيل يمكن تداركها بعد الزواج حتى لو فيه اختلاف ....
- لا لآ..لآلآلآ. صدقني ومن خلال تجربة ...أي عادة يمسك فيها الانسان في حياته يصعب معالجتها او التخلص منها .. لذا تأكد بان العادات مثل العبادات واكثر .. انتبه لا تبهرك مسألة الزواج وتأخذ الامور بشكل سريع .. انتبه .. انتبه ..
- يا اخي لو كل شخص طبق كل اللي تقوله ما احد تزوج ههههههههههههه
- عموما انت طلبتني النصيحة .. وهذا انا اقدمها لك .... ويكون في علمك المفروض البنت تسأل عن تفاصيل الرجل ... مثل ما يسأل عنها ... يعني هل هو مدخن .. هل يسافر كثير .. هل .... [ قاطعته ...]
- يا رجال انت شكلك بتّطيح سوق الزواج ههههههههههههههه
- ههههههههههههه .. لا لآلآلآ .. انا اقول الزواج ... عمر وحياة .. ويجب ان يُدرس من كل الجوانب .. وفي النهاية ادعو لك بالتوفيق ...
- شكرا على نصيحتك .. وادري انك حريص على مصلحتي .. الله يعطيك العافية



انتهى الحديث بيني وبينه .. واشعر بان كلماته كانت صادقة .. بس انا فعلا كنت مبهور بمسألة الزواج وكان تفكيري الوحيد – المكان اللي بيجمعني بمناير .. وكانت تفاصيل المكان واللحظات الحميمة .. اكبر اهتماماتي .. وهكذا كان تفكيري ..!!

[إحساس طفله]

الحلقة التاسعة




تسارعت الأيام ..
حتى جاء اليوم اللي اتصلت فيه بالدكتور / سعود
- السلام عليكم
- هلا وغلا باخوي ناصر
- الله يحييك ...
- مرحبا .. كيف حالك ..؟؟
- الله يسلمك يا دكتور .. بخير جعلك بخير .... دكتور ..
- سمّ
- متى الوقت المناسب اللي اجي فيه انا وعمي ..!!؟
- انت وعمك ..!!؟ ليش وين ابوك .... ؟؟
- والله يا دكتور .. انا الولد الوحيد للوالدة والوالدة .. الله يرحمهم ..
- عظم الله أجرك ...
- الوالد والوالدة متوفين من يوم كنت صغير ... الله يغفر لهم واموات المسلمين
- اللهم امين ...... للاسف هذي المعلومة ما سألنا عنها ...!! وما عندك أخوان ولا خوات
- مثل ما قلت لك .. يا دكتور .. انا الوحيد للوالد والوالدة ولا عندي أخوان ولا خوات .. والحمد لله على قضاء الله وقدره .. ولكن عندي عيال عمي وعمات مثل اخواني .. الحمد لله ..
- وانت ساكن لوحدك ..!!؟
- من يوم كبرت وصرت اشتغل واعتمد على الله ثم على نفسي .... .. كنت ولازلت ساكن لوحدي ..
- امممممممم .. عموما الله يحييك انت وعمك في أي وقت ... شوفوا الوقت المناسب وأعطوني خبر .. انا هاليومين ما عندي أي شئ .. بس بلغني قبل الموعد بكم يوم ...!
- اوكِ .. خليني أشوف عمي .. وبعدين أعطيك خبر
- على بركة الله ..
- الله يبارك في عمرك يا دكتور ..


انتهت المكالمة .. وبعد التنسيق مع عمي / احمد ... اتفقنا على موعد بعد أسبوع .. يوم خميس ليلة جمعة ..
اتصلت على الدكتور / سعود .. وحددنا الموعد ..
وفي اليوم المحدد تجهزنا انا وعمي واثنان من عيال عمي .. وتوجهنا للجبيل الساعة 4 عصرا ...
وصلنا الجبيل .. تقريبا عند الساعة 8:30 مساءا .. بعد صلاة العشاء
كان الدكتور ينتظرنا ... ومظاهر الزينة واضحة على فيلا الدكتور....
دخلنا .. على الدكتور / سعود ورحب بنا أحسن ترحيب ...
بعد القهوة والشاي ...
فتح عمي الموضوع ... وطلب يد مناير من الدكتور / سعود
لم يكن في الموضوع أي تعقيدات ..
وإنما الموقف الذي تم بعد ذلك كان اكبر صدمة بالنسبة لي ولعمي ولأبناء عمي ..

بعد ما تمت مراسم الخطبة ...
تفاجأت بدخول الدكتورة / مها للمجلس ..
وإلقائها التحية على عمي وأبنائه وعليّ
ومباركتها لنا ...
وكان الموقف .. صعب بالنسبة لي و لعمي وأبناء عمي .. حتى اني شعرت عدم القبول مرسوم على ملامحهم ..
وكنت في تلك اللحظة أخشى دخول [ مناير .. ] كاشفت الوجه مثل الدكتورة ..
فارتبكت .. ورأيت الارتباك في وجه عمي وأبنائه من دخول الدكتورة بكامل زينتها ...!!
وكان الموقف .. ... [ موقف لا احسد عليه .. ]
واستطاع عمي بعد ذلك ومن خلال خبرة الحياة معالجة الموقف بإظهار اللامبالاة وعدم الاهتمام
ولكن كانت المفاجأة واضحة على ملامح أبناء عمي .....!!
بقيت على أعصابي .. خشيت من وقوع مفاجأة أخرى من خلال حديث الدكتورة والدكتور وخشيت دخول [ مناير ..]
ولم احسب حساب لهذه المواقف ...
فكانت تلك الدقائق من أصعب الدقائق التي مرت عليّ في حياتي ...
شعر الدكتور / سعود .. بما يدور في بالي
فرأيته ينسحب ويشير لزوجته بالخروج ..
جلس دقائق داخل الفيلا .. ورجع لنا ..
رجع الدكتور / سعود ... وهو يرحب ويهلي ...
وشعرتُ ان الدكتور يريد تغطية الموقف السابق من خلال السوالف الطبيعية ...

[إحساس طفله]

الحلقة العاشرة



وأخيرا جاء الفرج ..
بعد دعوة الدكتور / سعود لنا بتناول العشاء ..
وجلوسنا لوحدنا على مائدة العشاء دون الدكتورة ولا مناير .. حمدتُ الله عز وجل على ذلك ..
وبعد تناول وجبة العشاء ... ثم القهوة
جاء وقت الخروج .... مع موعد بوقت الكتابة رسميا بالزواج .. واتفقنا ان تكون الكتابة والزواج بعد شهرين من الآن واتفقنا على المهر وجميع التفاصيل الأخرى ...!!
وعند الخروج ..
قال الدكتور بصوت عالي ..




- انا ما شفت مثلك يا عريس ... جيت وتبي تروح من دون ما تشوف عروستك ...هههههه
- اممم هاااه .. ايه .. [ حاولت في هذ ا الوقت اني اصير صاحب نكتة ..] لا .. لآ لآ يا دكتور .. انا بس انتظر عمي وعيال عمي يطلعون علشان اطلب اشوف العروسه .. هههههههه
- تفضل رح للصالة .. مناير تنتظرك هناك .. تفضل .. انت راعي بيت اللحين يا ولدي يا ناصر
الحقيقة .. انا في هذا الوقت ودي الأرض انشقت وبلعتني .. لا ادري كيف أتصرف ولا ادري كيف ابعد نظرات عيال عمي عني وكلماتهم التي في دواخلهم ... وانا اعلم بما يدور في أفكارهم ...
عمي حاول يسعفني في هذا الموقف .. وقال :
- رح وانا عمك وإحنا بنسولف مع الدكتور لين ترجع ..
وفعلا انا طلعت ولا ادري اين اتجه ... طلعت من المجلس ورحت اصوّت ..
- يا اهل البيت .. يا ولد ..
وسمعت صوت الدكتورة / مها .. تقول ..
- تفضل ناصر .. من هنا .. تفضل .. الله يحييك ..
مشيت باتجاه الصوت ... حتى وصلت للصالة ..
بعد ما دخلت وشفت [ مناير ...] ...


نسيت نفسي .. نسيت أنفاسي .. نسيت دقات قلبي .. نسيت المكان والزمان والمشاعر ..
وااااااااااااااااااااااااااااااااااااو
لا لالالآلآ .. انا لا أتحمل هذا الجمال ...
هل المكياج واللبس وتسريحة الشعر .. يفعلان بالمرأة هكذا ...
لا اصدق ..
شعر أشقر ..
طول ..
جمال ملامح الوجه
هدوء المكياج ..
عيون ..
ما شاء الله تبارك الله .. سبحان الله الخالق
هذه أول كلمة نطقتها حينما اقتربت من [ مناير ...]
ورددت في نفسي هذه الكلمات ..


[ ... سأضرب عليك الحجاب ..
واقتلع عيون كل البشر ..
لن ينظر اليك شخص اخر ٌ ..
حتى ولو كان إنسان من حجر ..
سأجعل منك زمردة ..
هي في حفظها عندي .. قعر البحر .. ..]


- ..... و المشكلة ان في داخلي معزوفة موسيقية ولكن لساني قد أصابه الخرس ...!!!
فلم انطق ..
بل كانت عيوني تتأمل المشهد .. تتأمل الجمال والدلال .. تتأمل الملامح والتفاصيل الغير ممكنة ..!!
فأعدت قول ..
- ما شاء الله تبارك الله ..
حتى أفاقتني مناير من غيبوبتي وقالت :
- نااااصر .. تراك تحرجني بنظراتك ...!!
- هاااه .. انا احرجك بنظراتي .. انا عيوني منحرجه انها تنظر هذا الجمال ...
- اووووو .. ناااصر ...
- كيف .. كيف كيف .. عيدي اسمي ثاني مرة ..
- هههههههه .. ناااصر بلا هبال ..
وقطعت هذا الموقف الدكتورة / مها وقالت ..
- احم احم نحن هنا ...
وفعلا في ذيك اللحظة نسيت ان الدكتورة / مها كانت معنا في الصالة .. والمصيبة الثانية ان الاطفال كانوا موجودين ههههههههههههه
- هاااه.. انا اسف .. اهلين مناير
- هلا فيك ناصر ..تفضل استريح ..


جلست وكأنني دمية يستطيع أي شخص تحريكها في ذلك الوقت ...
جلست هي بالقرب ومدت لي العصير .. اللي كان على الطاولة
- تفضل ..
- يعطيك العافية ..
- تسلم ..
ما كان عندي كلمات انطقها ولكن كان لدي نظرات أطلقها ...
تبادلنا حديث المجاملات
جلست تقريبا أكثر من 10 دقائق بالقرب من مناير .. وانا في كل لحظة تجذبني نظراتها وأنوثتها .. حتى انني اشعر بأمنية احتضانها ...
طلعت بعد كذا ..
وقلبي لم يخرج معي .. بل جلس في أحضان مناير ...
خرجتُ انا وعمي وأبناء عمي .. ووادعنا الدكتور وعائلته ...
ركبت السيارة ..
دارت بيني وبين عمي بعض السوالف حول العائلة وحول الدكتورة / مها والموقف الذي حصل منها ..
حاولت ان ابرر الموقف بان الدكتورة / مها .. تعودت ذلك من خلال عملها بالمستشفى ..
فترك عمي هذا الموضوع وراح ابناء عمي يطقطون عليّ ويضحكون من بعض المواقف التي حدثت ...
وصلنا الرياض تقريبا عند الساعة 3:30 بعد منتصف الليل ..
اوصلت عمي وابنائه لمنزلهم ..
ورجت انا الى شقتي ...
وبعد دقائق .. وانا اغيّر ملابسي ...
يرن جوالي ......

[إحساس طفله]

الحلقة الحادي عشر



اتصال من رقم غير محفوظ عندي بالجوال ...
- الوووه
- مرحبا ..
- اهلين فيك ..... اممم .. انا انسانه معجبة .. ودي اكلمك ..
- مين .. انتِ ..؟؟!!
- اقول لك معجبة .. ممكن تكلمني ...
- عفوا اختي .. يمكن انك غلطانه بالرقم ...
- لا لآ لآ ما اني غلطانه .. مو انت ناصر ..؟
- ايه انا ناصر .. انتِ مين ...!!؟
- اقول لك انا معجبة فيك ...
- انتِ مناير ....!!؟؟؟؟
- ههههههههههههههههههههههه .. ايه انا مناير ... هلا حبيبي ..
- هلا ومرحبا .. يا هلا وغلا بقلبي .. والله انها أحسن مفاجأة ..
- اهلين ناصر .. تصدق اشتقت لك .. واستأذنت اخوي اني أكلمك .. وفعلا أعطاني رقمك ..هههه
- يا ااااه ... والله انك معي في كل وقت .. من يوم شفتك أول مرة وانتِ في بالي ... واليوم كان ودي أحضنك ..
- اوف ..اوف .. لآلآلآ .. هالكلام ما يصلح ... بدري .. بدري يا أستاذ / ناصر
- هههههه ... ترى راح ارجع للجبيل الان ...
- لا لآلآ بلا تهور ....


طال الحديث .. وجلست انا ومناير في هذه المكالمة أكثر من ساعة .. حتى أذن الفجر ...
توالت المكالمات ..
وتوالت كلمات الحب والحنان والاشتياق ..
حتى صارت مناير جزء من حياتي .. بل صارت كل حياتي ..
لقد امتلكت قلبي وجوارحي بسوالفها ..
اتفقنا على كل شئ ....
وجاء يوم الزواج ...
وكان حفل الزواج كبير ورائع ...
كنت في أول يوم زواج حاجز في فندق بالخبر ..
وثاني يوم حاجز رحلة طيران الى سويسرا ومرتب أمور السكن والمناطق اللي راح نزورها ..
تمت الأمور على خير ..
وكان اليوم الأول من الزواج عبارة عن لوحة جمال وإحساس ومشاعر رقيقة وهادئة ..
في اليوم التالي ..
ذهبنا الى المطار ...
وبدأت بعض التصرفات من مناير التي ضايقتني ...
كانت كاشفة الوجه في المطار
كانت لديها أريحية تامة في النظر للآخرين ..
كانت لا تهتم كثيرا في محاولاتي اليائسة التي تظهر على ملامحي حول انزعاجي من تصرفاتها ..
بل شعرتُ انها تقصد وتتعمد إشعاري بأنها هكذا .. ولسان حالها يقول .. تقبل الوضع على ما هو عليه ...!!!
قلت في نفسي .. لا تستعجل يا ناصر ... التغيير يأتي بالتدريج ...
ركبنا الطائرة ...
وصلنا الى سويسرا ..
وكانت الرحلة مجدولة بين سويسرا والنمسا والمانيا وفرنسا ..
كانت مناير تتصرف بطريقة غير محببة عندي
وكنت أحاول ان تكون بداية العلاقة الزوجية علاقة جميلة
ومن جهة ثانية كان أسلوب مناير الرائع معي يخليني أتغاضى عن بعض التصرفات
ويمكن حبي لها .. يخليني أتنازل عن بعض القناعات
مرت الأيام وكانت تصرفات [ مناير .. ] تزعجني أكثر وأكثر ..
تحب كثيرا التسوق وتبالغ في الشراء مع العلم بان مشترياتها هي من تدفع تكاليفها لان لديها دخل من ورث أبيها .. ولكنني اكره الاسراف والتبذير في المأكل والملبس ..
تحب كثيرا السهر ولها مكالماتها الخاصة مع قريباتها حتى ونحن في السفر ، وهذا مؤشر خطير حيكون له تبعاته بعد عودتنا من السفر ..
دائما تقوم بتصوير كل تحركاتنا وسكناتنا وأكلنا وشربنا وترسلها عبر الانستقرام ..
وفي كل مرة نتناقش في هذه الأمور .. تبرر تصرفاتها بان كل الفتيات هكذا ...
ودائما تقول لا تدقق كثير .. تتعب ..!
وأكثر شئ يضايقني نظرات الشباب لزوجتي ..!!؟

وبالاتجاه الآخر ..
كانت جميلة ورائعة ولها لسان عسل
كانت نظيفة وتهتم بأناقة شخصيتها ..
كانت ناعمة ورقيقة - أنثى في كل تفاصيلها ..
كانت تهتم في الظاهر لإرضائي ..
صوتها دائم منخفض حتى مع انفعالي في بعض المواقف ..
دائما تشعرني بانكسارها بين يدي ...

حتى جاء ذلك اليوم ..
وحاولت أفاتح مناير بما يدور في خاطري ..
- قلبي مناير ...
- يا روح مناير .. ويا عيون مناير ..
- قلبي .. انا كل ما شفت شخص يناظر فيك .. أتضايق .. وأتمنى اني اقدر أشيل عيونه من وجهه ..
- ههههههههه يا قلبي .. لا يهمونك ... ما لهم الا النظر .. اما الشئ الثاني لك لوحدك ..
- يا قلبي انا ودي النظر والشئ الثاني لي لوحدي .. ما ابي احد يشاركني فيك ..
- ناصر .. انت عارف طبعي وعادات العائلة .. وانا والله يزعجني الحجاب اللي على وجهي .. بس اذا انت مصمم انا حاضرة باللي تأمر عليه .. ولا تتضايق .. ولا تشيل بخاطرك ..
- الله يحفظك يا مناير .. يا بعد روحي
- تسلم .. حبيب قلبي ..
- من اليوم وطالع ودي تلتزمين بالحجاب ..
- هنا ... هنا ... التزم بالحجاب ...!!؟
- ايه .. وش فيها ...
- لا لآلآ يا حبيبي .. اذا رجعنا للسعودية .. ابشر من عيوني .. بس هنا يا حبيبي كل العالم كاشفه وجهها ...
- يا قلبي .. هل المسألة بالنسبة لك عبادة او عادة ..
- هي عادات وتقاليد يا ناصر .. وانت عارف ان المسألة فيها اختلاف بين العلماء
- طيب .. ليش يا قلبي ما تأخذين بالاحوط .. والاسلم لك ولدينك ...
- ناصر .. حبيبي .. انا والله ما تعودت على غطاء الوجه .. وأخاف اني أجامل علشانك .. وبعدين أتغطى قدامك واذا كنت غير موجود ما أتغطى .. ترى انا ما أحب اخدع حبيبي ...!!
- يا قلبي انا أقول لك خلي الموضوع علشان رضى ربي ... مو علشاني
- قلت لك يا ناصر المسألة فيها خلاف .. وأكثر العلماء يرون كشف الوجه ...
- لا تقولين أكثر العلماء ... علماء السعودية أكثرهم مع غطاء الوجه ..
- طيب .. طيب يا عمري .. ما ودي ندخل في مشكلة علشان رأي العلماء .. عموما مثل ما قلت لك اذا رجعنا للسعودية أحقق لك أمنيتك ... .... خلاااص راضية يالدلوعه يالصغنونة يا نصوّره [ قالت هذا الكلام وهي تبتسم وتتغنج ...]
- على خير .. الله يغير القناعات من عنده .. [ قلت هذا الكلام وملامحي لم تكن في أحسن حال ...]
- ان شاء الله يا الدلوع ...ههههههههههههههههه

تجاوزت هذي المسألة .. خوفا من تعكير الأجواء واحنا في السفر .. وتونا عرسان وفي شهر العسل ..
مرت ايام السفر ..
حينما أكون خارج الشقة اشعر بانني متضايق من تصرفات مناير
وحينما أكون انا وهي وحدنا في الشقة اشعر بالسعادة ..
ثقافة مناير كانت رائعة ..
محاورة جيدة وقادرة على التواصل بطريقة جذابة
عدنا من السفر ..
وكنت أتوقع بان مناير تؤكد لي وعدها بشأن الحجاب وغطاء الوجه وتسعى الى معالجة بعض التصرفات التي اكرهها مثل كثرة التسوق والاتصالات وغيرها
ولكن في كل مرة أجد نفسي غير قادر على تغييرها ..
فقررت اتخاذ طريق اخر في التعامل
فصرت أقسو عليها .. وامنع خروجها .. واشترط عند الخروج تغطية الوجه ..
كانت توافقني في كل شئ اطلبه .. ولكن مع نرفزة ونقاش ومشاكل ..
حتى صارت حياتنا نقاش في نفاش
زعل في زعل ..
حتى ان النوم أصبح مختلف
فقد أنام دون وجود مناير
أصبحت تحب الجلوس أكثر في غرفة المعيشة .. عند التلفزيون
صارت تحاول ان تبتعد عن مناقشتي او الحديث معي ..
الحياة صارت بلا طعم ...
فقررت ...

[إحساس طفله]

الحلقة الأخيرة




وبعد فترة صارحت مناير بما يدور في بالي ...
فقلت لها :
- اسمعي مناير .. اعتقد ان الإعجاب او الحب بين فتاة ورجل غير كافي ليكون ارتباط بينهم برباط مثل الزواج فالزواج بحاجة الى تفاهم وتناغم واتفاق في كثير من المسائل ، واعتقد ان بيني وبينك اختلافات كثيرة في التفكير وفي القناعات وفي التصرفات .. حاولت خلال الفترة الماضية بان اقرّب وجهات النظر والمسافات اللي بيني وبينك .. لكن ما لقيت عندك أي مجال للتغيير .. وانا والله ما عاد اقدر أعيش بهذا الأسلوب .. والأفضل لي ولك ان كل واحد يرجع مثل ما كان ..

- مثل ما كان .. !!! ؟ وش قصدك ..!؟؟؟
- قصدي اننا ننفصل على بعض ..
- تقصد طلاق .. ؟؟!
- ايه نعم ..


فنزل الخبر كالصاعقة على مناير ..
فما كان منها إلاّ البكاء ..
ثم قالت وهي تتحامل على نفسها وتحاول ان لا تبكي :
- اسمع يا ناصر .. انت بيدك العصمة والقرار .. بس لازم تعرف إني ...... [ احبك ] ...... احبك يا ناصر ولا اقدر أتركك ابد .. وترى كل شئ أسويه [ ثم سكتت لحظات وهي تصارع دموعها وحشرجت صوتها ..] ثم أكملت تقول :
كل شئ أسويه بسبب عادات تعودتها من يوم انا صغيرة .. غطاء الوجه لقيت اللي حولي كلهم يرون عدم أهميته .. السوالف مع الآخرين عادي .. الروحه للأسواق متعة .. اجتماعات مع قريباتي عادي .. وغيرها كلها عادي عندنا .. وانا أشوفك تدقق كثير في تصرفاتي ... انا يا ناصر عايشه كذا .. ومو معقولة بين يوم وليلة تبي تغيّر حياتي ..
[ بعد ما شفتها في هذه الحالة .. رحمتها .. وقلت ..]

- طيب .. طيب .. خلااااص .. خذي اشربي مويه .. وبعدين نتفاهم ...
- اشرب مويه ...ههه هه .. خايف عليّ ..!!
- ايه .. خايف عليك ..
- فيه احد يخاف على حبيبته ويقول لها لازم ننفصل ...!!!؟
- ترى أحيانا تكون بعض القرارات القاسية من الحب ..!
- هذي فلسفة يا أستاذ / ناصر والا ايش ..؟؟!
- يا عمري اللي بيني وبين مختلف تماما .. تفكيري غير تفكيرك .. عاداتي غير عاداتك .....


وفي لحظة انفعال لأول مرة أشوف مناير فيها صرخت في وجهي وهي تقول :
- ليش طيب تزوجتني ... ليش خلتني احبك ... ليش .. ليش ... [ ثم راحت في موجة بكاء شديدة ..]
بعد هذا الموقف قلت في نفسي لازم تطلع وتعطي مساحة للتفكير اكبر ... وبعدين ترجع ..
ولما جيت امشي ..
قامت مناير من مكانها ومسكت يدي ...
- ناصر .. أرجوك لا تطلع .. حبيبي لا تتركني ..!! [ وكان صوتها مخنوق ودموعها في عيونها ..]
- قلبي ..... انا طالع شوي وراجع ...
- لا لالآلآ لا تتركني .. ناصر .. أرجوك .. لا تتركني ..
- طيب يا عمري .. روحي غسلي وجهك وتعالي ..


وفعلا .. راحت ودخلت الحمام تغسل وجهها .. وانا في هذه اللحظات سحبت نفسي وطلعت من الغرفة ...
وبعد ما وصلت عند باب الشقة طالع ..
سمعت صوتها تنادي ..
- ناصر .. ناااااصر .. نااااصر ... لا تخليني .. ناصر
سكرت باب الشقة وطلعت ...
بعد دقائق ......
جوالي يرن .. .. ..
حبي الوحيد تتصل ... [ هكذا كنت مسميها في جوالي ..]
ما رديت على الجوال
شغلت سيارتي .. ولا ادري عن الاتجاه
جلست أدور بالسيارة لمدة ساعتين ...
وكل فترة تدق مناير على جوالي او ترسل رسالة ..
شعرت في نفسي إنني قسيت عليها كثير ..
اتصلت فيها ..
- الووووووه ...ناصر .. وينك .. [ قالت هذه الكلمات بلهفة ...]
- قريب .. وراجع بعد شوي ...
- حرااااام عليك .. [ وكانت تبكي بشدة ...] خوفتني عليك ...
- انا راجع بعد شوي ..
- طيب .. طيب انا في انتظارك حبيبي ...

رجعت للشقة ولقيت مناير في استقبالي بطريقة جنونية .. وأنفاسها كانت تتسارع
شعرت بحبها لي .. واهتمامها بي ...
ومع هذا كنتُ قد قررت الانفصال ...
وكنتٌ ابكي في داخلي .. واحمّل نفسي سبب معاناة مناير ومعاناتي ..



فجأة قالت مناير :
- ناصر .. حبيبي .. أحس بتعب .. ما اقدر أتنفس ..!
- سلامات يا عمري .. وش فيك ...!!؟
- ما ادري .. بس أحس قلبي يعورني ...
[ كانت تمسك على قلبها ...]
- ي الله .. ي الله خليني أخذك للمستشفى ..
أخذتها للمستشفى .. كانت أنفاسها متقطعة .. وكلماتها ثقيلة ..
- انا ... اسفه ... ناصر .... شكلي .. .. تعبتك معي ... انا اسفه يا عمري .. سامحني .. الله يعافيك
- يا عمري . أهم شئ سلامتك ... اللحين .... ... لا تتكلمين كثير
[ أسرعت بالسيارة أكثر .. شعرت ان لون وجه مناير تغير .. صار شاحب وازرق ..]
وصلنا للمستشفى ..
كانت مناير في حالة صعبة جدا
لا تستطيع التنفس .. ..
دخلت معها في غرفة الكشف المبدئي
بعد ما كشف عليها الدكتور ..
أعطاها بخار ..
وطلب لها تخطيط قلب عاجل
أخذتها الممرضة لغرفة تخطيط القلب وهي على السرير
كنت جنبها .. أمشى مع الممرضة بالقرب من السرير ..
شعرت بيد مناير تمتد وتمسك يدي .. وتضغط على يدي وهي تنظر اليّ وعيونها يغالبها الألم .. والدموع
- مناير يا قلبي توكلي على الله .. ان شاء الله خير .. قدامك العافية ان شاء الله ..
أحس قلبي يتقطع عليها ... ويتألم بألمها ...
وصلنا غرفة تخطيط القلب ..
ساعدتُ الممرضة في تجهيز مناير لعملية التخطيط
كانت مناير تناظرني بطريقة عجيبة وتحاول تبتسم ..
وانا كنت ابتسم لها وأقول ..
- ما تشوفين شر يا الدلوعة .. خوفتيني عليك ...
وفي هذه اللحظة أغمضت عينيها وسالت الدموع ...
واحنا نسوي عملية التخطيط ..حضر الدكتور اللي كشف عليها ...
بعد ما شاف تخطيط القلب ..
طلب صورة إشاعة للصدر .. وكتب عليها عاجل جدا
زاد خوفي على مناير ..
كنت أدعو الله لها بيني وبين نفسي ...
اسأل الله العظيم رب العرش العظيم ان يشفيك ...
عملنا إشاعة الصدر ..
بعد ما شافها الدكتور ...
أخذني على جنب وقال :
- للأسف .. زوجتك عندها تصلّب في الشرايين ... ولازم عملية جراحية حالا ...!!!
- وش تقول يا دكتور .... عملية جراحية ..!!!!
- وبسررررعة ...
- كيف ... يعني ...!!
- ما فيه وقت يا عم ... المهم .. اللحين ادعي لها ان العملية تنجح .. وضعها خطير ..
- يا ااا دكتور ...


تركني الدكتور .. وكان يكتب في الأوراق ..... ..
رجعت لمناير .. ولقيت وضعها يزداد سوءا ..
- مناير .. قلبي ... كيف حالك ..!!؟
كانت تنظر لي وتحاول تقاوم التعب .. وتبتسم .. والدموع لم تفارق عينيها ...
أشارت بيدها تطلب ان امسكها ..
مسكت يدها .. .. .. وكأنها توادعني ..
بعد دقائق اخذوا مناير لغرفة العمليات ...
لا اصدق .. بهذه السرعة ...
ذهبت للمصلى ... وجلست أصلي وأدعو الله لها بالشفاء ..
وانا أصلي اسمع صوت المنادي يتكلم في المايكروفون وينادي باسمي
فشعرت بان هناك أمرا - ما – ضروري
قابلني الدكتور وقال :
- للأسف مناير وضعها حرج جدا ..
- كيف .. يا دكتور ..!!
- مناير يمكن ما تقدر تسوي العملية ...
- وش تقول يا دكتور .. ليش .. وش فيها .. ؟؟؟؟
- الحقيقة ما ادري وش اقول لك ... ولكن .... مناير .......... [ عظم الله أجرك ..] ما قدرنا نلحق عليها ... مناير توفت ...




لم أتمالك نفسي في تلك اللحظة .. فسقطتُ مغشيا عليّ ...
أفقت بعد فترة ..
لقيت عمي وعيال عمي وبعض أقاربي حولي في المستشفى ..
وأول ما صحيت .. كنت أصيح ..
- وين مناير ..!!؟ وين مناير ..!!؟ مناير ماتت ..
- الحمد لله على كل حال وانا عمك .. وهذا قضاء الله وقدره .. والحمد لله الذي لا يحمد على مكروه سواه .. انا لله وانا اليه راجعون ..
والجميع من حولي يبكي ....
لم يكن لدي كلمات .. وإنما البكاء كان سيد الموقف .. فأغمي عليّ مرة أخرى .. وبعد الإفاقة ..
شعرت بأنهم أعطوني إبرة مهدئة .. فلم تكن أحاسيسي ومشاعري كما هي .. اشعر بدوران وهبوط .. واشعر بان الدنيا لا تسوى شئ بعد مناير ...
جلست تحت الملاحظة 6 ساعات تقريبا ..
وبعدها طلعت .. من المستشفى ..
في اليوم التالي ..
كان موعد دفن مناير ...
طلبت اني ادخل عليها بعد تغسيلها وتكفينها ...
دخلت وانا اشعر بأنني أمشى على الهواء .. قدماي لا تحملني ولكنني كنت أتحامل على نفسي ..
شفت مناير ... ولم أتمالك نفسي ...
فرميت نفسي على صدرها ...
وكنت أصيح .. باسمها ... منااااير .. منااااير ...
أخذوني من عندها ... وانا أصيح وأناديها ...


أخذوها للمقبرة
وهناك ...
كنت انا من دفنها بيدي ..
لقد دفنت حبي الوحيد ...
مرت الأحداث ومواقف الحزن والألم ..
وجلست فترة لا استطيع الدخول لشقتي ..
وبعد فترة من الزمن ..
رجعت لشقتي ..
فوجدت أنفاس وطيف .... [ مناير ... ] في كل ركن من الشقة ...
وتذكرت كل الأحداث ... والمواقف التي مرت بي مع مناير ...
وجلست أحاسب نفسي على تعاملي مع مناير ... وقسوتي عليها ...
وتمنيت أنني لم أكن هناك عندما كانت سيارتهم متعطلة ... [ بعد منتصف الليل ..]

[إحساس طفله]

https://www.************/watch?v=OCNQFzyxyKU



اتمنى القصهه تنـآآل آعجـآآبكمم :بكى:


حَسُوسَــآآآ :0741:

[smart crow zain]

لم أستطع ترك الروايه إلا بعد أن قرأت جميع تفاصيلها
روايه إختلطت فيها الأحاسيس و المعاني فيها العاطفه و الأنس للقلب
وفيها الألم و الحزن اللذي يعصر القلب

وبالنهايه :: أشكرك ياإحساس طفله على سرد هاذه الروايه الرائعه
واللتي تعمل لنا عير و فوائد كثيرة ,, سلمت أناملك ودام قلمك مبدعا و متألقا

[إحساس طفله]

آسعدني مروركك ي روحي ..
لاعدمتكك ..

حَسُوسَـآآآ

[اليوسفي]

أستمتعت بقرائتها لاكن النهايه محزززززززنه وأليمه ومبالغ فيها

[إحساس طفله]

آسعدني مروركك ي روحي ..
لاعدمتكك ..

حَسُوسَـآآآ