اخواني حسبي الله عليهم

[مشكلتي]

بكتب لكم وكلي حرقه والم من حياتي الي عايشتها مع اخواني للاسف اخواني انانيين ما يحبون اﻻ انفسهم بس انا اختهم بطقاق ﻻ يراعون مشاعري ويجرحوني وﻻ اشوف منهم ريال واحد انا والدي متوفي له سنتين حزينه على فراقه كل شي يوفره لي من مأكل ومشرب وملبس شي طبيعي ﻻنه والدي رحمه الله قلت ان شاء الله ربي بيعوضني في اخواني طلع كل واحد ما همه اﻻ نفسه اكتبلكم ودموعي مغرقتني لما انخطبت سالتهم ﻻن الملكه علينا احناء قلت بتسوون لي حفله بسيطه وعشاء قالو ليش سويها من مهرك هم اثنين موظفين وظائف حكوميه ورواتبهم ما شاء الله ومو متزوجين لما قالو لي هاذا الشي خنقتني العبره وقلت بكرة النهار زوجي بيدري ان اخواني مو كفو واكيد بيغلط علي ﻻن ماوراي سند بس ماصار نصيب بيني وبين الي خطبني وحمدت الله حتى لو ملكت عليه في البيت وعشاء بسيط مستحيل يجيبون العشاء بيخلوني انا الي اجيبه وكمان لما استلمت انا ووالدتي العاده السنويه اخذ منها اخوي الف واربع ميه وهو مو بحاجتها واطالبه بها واذا طالبته بها يقولي بعطيك بس سددي فاتورة الكهرب والماء وانا ما استلم من راتب والدي اﻻ الفين وهم رواتبهم واحد تسعه اﻻلف والثاني احداعشر الف وﻻ هم متزوجين وما عندهم ديون ليش ما يشوفون متطلباتنا انا وامي اكرهم اكرهم انا مكسوره وتعبانه نفسيتي اخاف بكرة النهار انخطب واوافق وتصير الملكه وﻻ فيه عشاء بسبب بخل وانانيت اخواني محبوسه في البيت ﻻ طلعه وﻻ تمشيه انا انسانه زي زيهم واذا طلعوني منفسين واذا طلعو مع زمﻻهم مبسوطين ما كفاهم اني مكسوره بعد وفات الوالد ابي يكونون اخواني لي سند بعد الله ﻻ كن ما منهم فايده وتذكرت حاجه اذا رحناء المطعم مع بعض واكلنا ينتظرون انا وامي ندفع الحساب عنهم وامي الله ﻻ يسامحها هي الي مخليتهم على راحتهم وﻻ تنصحهم وﻻ تقول خافو الله في اختكم ﻻكن اسال الله العلي العظيم ان يبﻻهم بحادث ويفكني منهم البخﻻء اﻻ نانيين تعبت منهم ونفسيتي تعبت ما يحس اﻻ الي مجرب للاسف مهمشيني ابي اشتكي عليهم وش اسوي قولو لي وتذكرت لما كان والدي عايش اخوي ضلمني ودعيت عليه وجاء عليه حادث بس جته رضوض وهذا من دعوتي حسبي الله عليهم حسبي الله عليهم حسبي الله عليهم الله يحرق قلوبهم با الله وشرايكم في اخواني وامي للاسف ساكته اتمناها توقف معي بس ما ينفع حاولت انا تعبانه نفسبتي حتى الشيخ الي ابي استمر عنده وارتحت له يرفضون يودوني لشيخ يقولون موسوسه اكرهم قولو لي وش اسوي بحالي يارب ارحم حالي وحسبي الله عليهم

[الشبح]

لا تدعي عليهم مهما عملوا بظلوا اخوانك
ادعي لهم بالهداية
وظلم دوو القربة اشد مضاضة ..... على المرء من وقع الحسام المهند

اصبري اختي وما بعد الضيق الا الفرج
واخوانك بدون زوجات وهيك بعملوا بكرا بس يتزوجوا شو رح يصير ؟
بنصحك تحكي لاحد عمامك او خوالك يمكن يطلع إيدو يساعدك

[ورده بريـــــه]

الك رب رحيم قومي بالليل صلي وادعي وادعي لربنا

اشكال اخوانك منهم كتير

في غلط بالترباي من الاساس

المهم جربي انتي اشتغلي او خدي دوره خياطه او تطريز واشتغلي وكوني ملكة نفسك ومو محتاجه لحد

ربي يفك كربتك وضيقتك

[مطر الفجر]

وعليكم السلام
اختي اولا اذا تقدم لك اي خاطب مو ضروري تسوون ملكه
وخساير وكل هذه الاشياء
اتفقي مع خطيبك انه انتي لا تريدين ذلك
وهكذا لن يعرف ان اخوانك بخلاء او مو كفؤ ولن يتكلم
وبالنسبه لاخوانك هم محاسبين امام الله
وسوف تاتيهم مصائب الدنيا فانها تدور
وان استلزم الامر ارفعي عليهم دعوى وشكوى في المحكمة
بانهم لا يصرفون عليك ومن واجبهم النفقه
وطالما انك تاخذين راتب من والدك المتوفى مشي امورك
وايضا فرص العمل لديك كثيره
حاولي ان تشتغلي في اي مجال

الله يفرج عنك
تحيتي لك

[رج ــــل ش ــــرقي]

والعلم عند الله انا أتوقع لك مستقبل جميييل وحياه سعيده وراح تنسين هذا كله ..

ماادري ليش بس أحس كذا ^^

[قيس]

يا اختي العزيزه الموضوع مو بهذا الحجم الكبير احنا الان في زمن يسمح للحرمه تشتغل وتتاجر اسمعي وافهمي الكلام فهمي اخوانك انهم هم مسئولين عن هذي الاسره ولو مو قادرين يشيلونها مثل الرجال قوليلهم انا بشتغل وخليك حازمه وقويه فالموضوع وبشكل محترم قوليلهم والله بديت احس انكم مو اخواني وبصراحه ناويه اشتغل لو محاسبه في محل واجبلي سواق يمشيني واذا يرضيكم هذا الكلام الحمد لله بغير حياتي بنفي وامشي وابسط نفسي او انكم تعدلون من وضعكم لانه شرعا لازم لكل اسره عائل يعولها فابغا ياتتركوني امشي اموري او تمشوني وتبسطوني وتشترولي فكل مناسبه ملابس وكذا كل متطلباتك



او بيني وبينكم المحكمه وافجعيهم بسالفة انه تبغي حقك من الورث مثلا لو عندكم بيت ملك قولي ابغا نصيبي بحيث ابيعه او اسكن فيه لحالي للمعلوميه بامكانك وهذا النوع من التهديد مع التخيير تراه مفيد مره مع انواع اخوانك الماديين

وان شاء الله اكون افدتك بجوابي

[قيس]

كم الراتب اللي لك لحالك ممكن نعرف وكم مصروفك الشهري ؟


يمكن تكوني مسرفه وظالمه اخوانك انا فاتتني نقطة الراتب ذي وتسرعت في الرد !!!:busted_red:

[الملاك الناعم]

اللهم صل على محمد وعلى آله وصحبه اجمعين ..
بسم الله ..

اختي اول شي على مايقول المثل ) الدعوه في الجيب(

لاتدعي وتتحسبي عليهم لان كثر ماتدعين يمكن لاسمح الله يجي ب والدتك او اعز الناس لك ..
ثانيا : كلمي واحد من اهلك الي انتي مقتنعه انه يقدر يأثر فيهم ..

ومو بس انتي بهذي المشكله .. انا اخوي كذا .. متزوج وعنده ولد وبخيل في كل شي
عزبة بيته يجي بيتنا ياخذ منها ويوديها لبيته ..
واابوي ولله الحمد الحمدلله مب مقصر ..
بس لو يعرف ان ولده ياخذ من عزبته يقلب عليه
.
و صدقيني اذا اخووانك هذا حالهم ف هذا يرجع للتربيه .. :0741:



ادعي لهم بالهداية الله سبحانه مايرد ايدك صفر ..دعوتك وصلت بس ماندري متى تصير .ظ




الله يعينك ويصبرك 😢

[قيس]

ورجاء من كل مسلم مايدعي على والديه ترا مايصير حتى لو الوالدين كفار مايصير هذا التعامل مابالك لو كان مسلم

[قيس]

اللهم صل على محمد وعلى آله وصحبه اجمعين ..
بسم الله ..

اختي اول شي على مايقول المثل ) الدعوه في الجيب(

لاتدعي وتتحسبي عليهم لان كثر ماتدعين يمكن لاسمح الله يجي ب والدتك او اعز الناس لك ..
ثانيا : كلمي واحد من اهلك الي انتي مقتنعه انه يقدر يأثر فيهم ..

ومو بس انتي بهذي المشكله .. انا اخوي كذا .. متزوج وعنده ولد وبخيل في كل شي
عزبة بيته يجي بيتنا ياخذ منها ويوديها لبيته ..
واابوي ولله الحمد الحمدلله مب مقصر ..
بس لو يعرف ان ولده ياخذ من عزبته يقلب عليه
.
و صدقيني اذا اخووانك هذا حالهم ف هذا يرجع للتربيه .. :0741:



ادعي لهم بالهداية الله سبحانه مايرد ايدك صفر ..دعوتك وصلت بس ماندري متى تصير .ظ




الله يعينك ويصبرك 😢



من احسن الحلول في هذا الموضوع ماشاء الله وانصحك تطبقي كلامها اللي بالاحمر تحديدا

[بنت محمد]

حسبي الله ونعم الوكيل فبهم

[وعود]

اذا كانوا اخوانك ظالمينك ربك بينصرك
وبعدين امك مايجوز تقولين الله لا يسامحها كنه عدوه لك
اذا تبين الله ينصرك ويعزك لاعاد تقولين الله لا يسامحها كنه وحده من صديقاتك
وعليك بصلاه القيام والدعاء وكثره الاستغفار عسى ربي ان يصلح امورك