تعبت قسم بالله !

[ي هوه]

هلا والله
اخباركم
انا داخل ع الجوال يعني م فيني اكتب كثير
خلاصةة الهرجه :
المدرسه وما تفعل !
م اكره المدرسه ابد بس المشكله عقدتني !
انا دخلت المدرسه بدرييي مره كان عمري باول ابتدائي 5 سنين
انا الحين طفشان لان عمري 14 وانا باول ثنوي !!!!! ومقررات بعد
المشكله الاوولاد بصفي بنيتهم قويه واطول مني ههههههههههههههههه
احس انه مفروض اكون بالمتوسط وجيت عند امي وقلت لها ابي ارسب واعيد
السنه حتى اصير عمري 16 سنه المشكله اني مقررات خيير ارسب ؟
وامي رافضه بس كلل يوم تتأسف وتقول حنا حرمناك من طفولتك ومن ذا الكلام
واقنع امي انه عادي وشيء كويس لي بس لساتها زعلانه !
ختى انا م اني راضي كل الناس يسألوني بعمري اقولهم 14 سنه
يقولونن صف كم ؟ اقول اول ثنوي كل الناس تطالعني بصغر وتحش في اهلي
وانا م يرضيني كذا اصلا المشكله الاساسيه اني الولد والابن الوحيد لامي وبوي
واتمنى واحد اكبر مني يعني اخوي وكل شوي امي تبكي وتقول ابي ازوجك بس انت صغير
قبل م اموت طبعا اقول لامي اسم الله عليك وزي كذا بس لان امي مريضه بمرض السلطان < الله يشفيها
ف احس انهااا متأثره بمرضها وبقوهه ومستسلمه للمرض بعد !
تسألوني عن ابوي ؟ ابوي تارك البيت له فتره من طلاق امي وابوي ! متحمل شيء كبير مره عن عمري
م ابي اشوف امي تبكي ابدا كافي اللي فيها وابي ماله اي حس له سألت كل الناس ودورت عليه
بس م لقيته وقلت للشرطه انهم يدورن لابوي بعد م لقوه !! قال انا متبري من ولدي < قصده انا !!!!!!
انغبنت مرهه وكنت صغير ! وكم مره امي تسألني عن ابوي واحاوول اصرفها وكل مره تسألني قلبي يوجعني بس صار لابوي حادث وهو سكران ومات !! انفجعتت من الخبر بس م قلت لامي انا الحين عندي
ورث من ابوي لانه كان صاحب شركات وكم له محل باسمه صار ع حادثه سنتين الحين حنا بنعمه والله الحمد بس تمنيت نفسي كبير اقاربنا تخلوا عنا امي م تدري عن شيء كافي مرضها احاول اسعدهها بس كل مره تقول انا حرمتك ي ولدي من اشياء كثيره وانت م عشت طفولتك وتبكي تعبت امي كثير من الحياه احاول اعوضها ع الاشياء اللي م شافتها مع ابوي امي تبكي كل ليله ع سجادتها م اني اعرف ايش اسوي ع الايجار والاكل وعلاج المستشفيات والاشياء هذي كله اتحملها احس اني م اقدر افضفض لامي لانها اصلا تبي تفضفض ومهي ناقصه شيء وامي زعلانه لان خالي قال لها ان م زوجتي فارس لبنتي بترككم انا فارس طبعا لا لا مستحيل امي عيت وفعلا تركنا خالي بنته سسلاامات اكبر مني عمرها 20 !!!!
مجرد فضفضه احاول اني استانس وافرح في المنتدى !

[رويدا محمد]

أخوي فارس بالنسبةة للمدرسةة لا ترسب هو كل الفرق سنةة وحدةة ما يأثر
ما عليك من الناس رضى النآسةغايةة لا تدرك إذا رضيتهم في جانب ما ترضيهم في كل الجوانب
لا تضيق سنةة من عمرك عشان كلام النآس انت بالعكس خلص مدرسةة بدري عشان تقوم بأمك أفضل
وإحتسب الأجر في گل شيء بإذن الله والصبر أخي فارس فالصبر مفتاح الفرج
لابد ان تفرج والله يكون بعونك والله يشفي أمك بإذن الله

[مرجانة]

الأفضل أن تكون واضحاً مع أمك
فهي لا ترى في هذه الحياة سواك

اخبرها بوفاة أبيك .. بدلاً أن تظل على أمل

أما البقية فلا اعرف ماذا أقول

تابع دراستك ، لا بأس فأنت في كل الأحوال تحملت هماً أكبر من عمرك
و لتسعد والدتك

هذه الدنيا صنعتك رجلاً قبل أوانك

شيء جيد ، ربما الله عوض والدتكَ فيك

أسأل الله لها عمراً مديداًبالصحة و العافية
حتى ترى أبناءك وتسعد بك و فيهم

[روح مبعثره]

هون عليك ولا تحزن على مامضى من عمر بدون ماتعيش طفولتك والحمدالله الحين عندك المال الذي يساعدك في بناء مستقبلك ومعالجة امك التى تتمنى ان تراك في احسن حال ويهدى بالها وتفتخر بك كرجل يحميها ويخاف عليها
عليك با الاهتمااام بصلاه ومخالطة الصاحين واهل الدين وتطوير من شخصيتك
اسال الله ان يشفي امك ويرفع عنها ويطول عمرهاا

[آلمتفائله]

انت في المسار الصحيح اخ فارس اكمل دراستك واياك والرسوب

هذه فرصه جيده لك لاكمال الجامعه وتنتهي منها بسرعه لتتفرغ لمستقبلك

اما والدتك اسئل الله ان يشفيها وان يهون عليها الامها وعليكم بالصدقه

انا مؤيده لكلام ( مرجانه )

فأنت بكل الاحوال تحملت الكثير منذ الصغر

ابقى كما انت وبالنسبه لخالك يذهب في طريقه لن تحتاج اليه بكل الاحوال

مادام الله معك ثم والدتك والمال باذن الله سوف يسهل لكم اموركم

ومن الافضل لاتفضفض لها لانها سوف تزداد حالتها النفسيه سوء وهذا يؤثر على مرضها

لانه مرتبط بالحاله النفسيه اجعلها سعيده ولاتجعلها تشعر بحزنك

الله يصبرك واكثر من الاستغفار فهو مخرج لكل هم ويوسع الرزق ايضا

اسئل الله ان يحفظكم من كل شر ويسهل اموركم

[مطر الفجر]

اولا لايقبلون الطفل يدخل بالمدرسه اولى ابتدائي
باقل من السن والعمر المقرر والمفترض؟؟
انت تقول ان ابوك طلق امك من زمان و ترككم وكل شي صار عليك ؟؟
وين خوالك ؟؟ اعمامك ؟؟ جدك ابو ابوك ؟ جدك ابو امك ؟
يعني معقول انت مقطوع من شجرة ولا تعرف اخبار اهلك ؟
!!! كيف ماتعرفون شي عن ابوك وقبيلتك ؟ و اعمامك وعائلتك
انت تقول انكم سالت عليه وسالتو الشرطه
كيف عرفت ان ابوك هو اللي قال انه متبري منك ؟؟؟ وليش ؟؟
مين قال لك ان ابوك يقول هذا الكلام ؟ الشرطه قالو لك ؟؟؟
مو هم لقو ابوك وهو ميت من الحادث كيف قال لهم انا متبري من ابني ؟؟؟
يعني معناته ان فيه ناس يتواصلون مع ابوك وهم وصلهم الكلام !!!
وفجاه تعرف ان ابوك توفى وترك لكم ورث ؟؟؟
مين قال لك على حادث ابوك وكيف عرفت هذا كله ؟؟
يوجد اشياء كثير خفيه في هذه القصة
مع احترامي لن استطيع ان اساعدك بالرد
اما سالفة زواجك من بنت خالك الي عمرها عشرين سنه
لا اعتقد انه يوجد رجل يرضي ان يرمي ابنته
الى طفل عمره 14 سنه ويزوجه بها ابدا
اعذرني ولكني لم اقتنع بالقصه لانها غير مترابطه و غير منطقية
ولو كانت قصتك حقيقية تستطيع ان تطلب المساعدة من مرشد المدرسه والادارة
او الجهات المسؤله عن حقوق الانسان لمتابعة حالتك واتخاذ اللازم
انا لا اعرف ماهو النظام عندكم
تحيتي .....

[العوجاء]

هلا بك اخوي ..الله يشفي الوالده و يحفظها ) لازم تقوي امك و تشجعها لانه معنويات المريض مهمه ضد المرض عشان تهزمه )
اما بالنسبه لدراستك اذا تحس انها صعبه عليك وودك تأجلها لسنه او سنتين كلم مدير المدرسه و المرشد عن انك تأجل ووش رايهم ) و اذا اجلت استغل هالفتره بدورات حاسب او انجليزي و رتب امورك )
الله يوفقك )

[ســـارا]

هلا بك اخوي الصغير فارس

انا دخلت المدرسه بدرييي مره كان عمري باول ابتدائي 5 سنين

مافيها شئ غيرك دخل بالعمر هذا ومشى في دراسته لا تحط في بالك الشئ هذا ابد
ومع احترامي لوالدتك ليه تقول لك حرمتك من الطفولة والكلام هذا !
الدراسة ماتحرم من الطفولة وعمرك الي قبلنا كانوا يدخلون بعضهم اربع ونصف والله
واحدة ذكرت لي هي طبيبة ومااثر عليها واصبحت طبيبة !
انت تدرس موب لك انت بس
انت تدرس لامك واهلك ومجتمعك
تفيد نفسك ومن حولك !
ردد في داخلك انك تحب الدراسة وانه عمرك طبيعي للدراسة ولعلمك كثير الان دخل وهو ماكمل ست سنوات
ميفرقون عنك كثير !


احاول اسعدهها بس

تسعدها لما تنجح في حياتكك
لما تشوف حريص على صلاتك وبار بها
تفرح لما تسمع دعواتك لها لما تحضنها مثل ماكانت تحضنك وانت صغير !
اخوي الصغير فارس
العمر قدامك (14) سنة وكل الشعور الي تحس فيه طبيعي لمراهق في عمرك
وتكون حساس اكثر من اي عمر اخر !
اشغل نفسك بدراستك وحط قدامك شئ واحد ان سعادة امك بنجاحك !
وسالفة انك ماعشت طفولتك لا عشتها
يكفي انك كنت في احضان امك
طفولتنا في احضان امهاتنا تعادل لعب وضحك الطفولة كلها
غيرك حرم من حضن امهاتهم
غيرك طفولتهم قضوها في المرض وهم اطفال
غيرك عاش طفولته في دار ايتام !
اطلب من امك انها ماتردد العبارات هذة واوعدها انك راح تخلي الناس يدعون لها كل ماشافوك
وشافو تربيتك !


الله يوفقك ويقر عينك امك بشوفتك عريس وناجح في حياتك :)

ودمت بكل خير

[♡المـاســه♡]

ماهي مشكله صغر سنك في المدرسه بالعكس شي
حلو تستوعب وتتثقف وتفهم أكثر من الكبار أنا لاحظت كذا
أنا كمان دخلت ع 5ونص وأنا أختك بس كان الوضع عادي
بالنسبه لي والحين أنت ماشاء الله رجال عمرك 14 حلو
ماشاء الله ترى والله معي أخ في عمرك ومعتمدين عليه
وأشوفه بنظري رجال وقدها فديت قلبه أنت بس خلك واثق
بنفسك أنك راح تقدر ع كل شي وأمك الله يشفيها ويخليها
لك ويطول بعمرها حاول تحسسها إنك بخير إنه ماهمك أحد
إنك رجال وتعتمد ع نفسك خلها تعيش مرتاحه وواثقه إنك
رجال أطلع مع أمك روح وتعال وديها كل مكان غير جوكم بالبيت
راح تتغير حياتكم بأذن الله كلها 3سنوات وتصير بسن الزواج
وتتزوج وتفرح أم بوجودك زوجتك وأطفالك
الله يفرج هممومكم وييسر أموركم

[مسكك الغلا]

حلو انك تفضفض فيها راحه الله يكون بعونك

[ذو مبدأ]

ما اشوف فيها مشكله حبيبي
بالعكس تختصر شوية من مسيرتك التعليمية بدري وتتفرغ لما هو آت
وإذا جت على كلام الناس ... الناس نقادة سواءا كنت بأحسن حالاتك او بأسوئها
اتركهم عنك ولا تلتفت لهم آبد
لا تستعجل .. مصيرك تكبر وبعدين ..!
بيجي لك يوم تتمنى هذه اللحظة تجي من عمرك
عش حياتك واتمتع فيها .. طبعا بما يرضي الله لاحق على الهم والشقى

[مسكك الغلا]

ما اشوف فيها مشكله حبيبي
بالعكس تختصر شوية من مسيرتك التعليمية بدري وتتفرغ لما هو آت
وإذا جت على كلام الناس ... الناس نقادة سواءا كنت بأحسن حالاتك او بأسوئها
اتركهم عنك ولا تلتفت لهم آبد
لا تستعجل .. مصيرك تكبر وبعدين ..!
بيجي لك يوم تتمنى هذه اللحظة تجي من عمرك
عش حياتك واتمتع فيها .. طبعا بما يرضي الله لاحق على الهم والشقى



صادق اسمع منه

[نقاء]

وووين بلعكس شي جدا ايجابى تخلص بسن صغير وتقدر ترتاح لك فتره
ولك انت محظوظ :iqf03163: