مجاراتي ||للشاعر راكان السبيعي|| [الأرشيف] - منتديات مسك الغلا

سراب الشعر

08-31-15, 05:18 AM

مجاراه ؛؛

للشاعر :: راكان بدن السبيعي ::
المعروف بلقب // الحر //
وهوا أحد المشاركين في شاعر المليون النسخة《 1 》

ورد :: الشاعرخالد فهاد القصيّري ::
المعروف بلقب // سراب الشعر //
أحد الفائزين في مسابقة المجاره المطولة*

اتمنى ان تنال على اعجابكم ،،،

1- :: راكان السبيعي ::

شذابة المقفي لا قفى تقفوه
انفوسهم دايم على الشر عجله

مافيه علمن خابرينه ماقالوه
قلوبهم ماهيب لله وجله

لو هو مديحن مع هل المدح ذموه
ولو العمر بيدينهم جابو اجله

والا الرجال تصد عن كل مشبوه
وعلى الوفا تقدم ولاهيب خجله

اتشوم عن فعلن يجي فيه مشروه
وعلى الخوي نهرن مثل نهر دجله

لا جل المراجل كل ماكاد سووه
الطيب راع الطيب يتعب من اجله

اما ايتحيزم للرياجيل لاجوه
والا لايتعب فالمراقيب رجله

.....................................

2 - الشاعر :: خالد القصيّري ::
《 سراب الشعر 》

ياأهل الشعر راكان بالشعر بدوه
شعره يسلي خاطري واندمجله

يتعب فطاحلة الشعر ماتعدوه
مع الطريق اللي بنهجه نهجله

وجهة نظر وأنا عن الدرب ماتوه
أحرص على درب العلا وانعرجله

والناس ماجابو من الهرج ودوه
احلم وبعض الهرج لاتنزعجله

خل الردي لابو مجاله ولابوه
اما هرج بفلان والا هرجله

والطيب اليا جا مجاله وسموه
كل المزايا الطيبه تندرجله

تريحوا ياأهل الشتايم وخلوه
محدن مغطي نوره اللي وهجله

وسلامتكم
{{ سراب الشعر }}

رج ــــل ش ــــرقي

08-31-15, 06:57 AM

مجاره جميله جدا ورد رائع .. رغم صعوبة القافيه

كل الشكر لك أخوي سراب الشعر ..

متابع لك ..

قيس

08-31-15, 07:03 AM

يعطيك العافيه شعر جميل ماشاء الله عليك

تحياتي لك:869:

كلآرا

08-31-15, 10:45 AM

مشاء الله عليك اخوي سراب
رد في غاية الجمال
يعطيك العافيه ...:MonTaseR_11:

ســـارا

08-31-15, 12:00 PM

مجارة رائعة

صح لسانك
ولا هنت

ودمت بكل خير
:MonTaseR_11:

بلسم جروح

08-31-15, 12:13 PM

جميل جدا
ودي لك

مرجانة

08-31-15, 03:12 PM

جميل جداً

"صح لسانك"

فعلاً قافية صعبة و لكنك أحسنتَ فيها كثيراً

ننتظر جديدك الجميل أخي الشاعر

دمت بخير

برنس وصاب

08-31-15, 04:02 PM

سلٍم لنآ هذآ الإبدآع
لك أرق التحآيآ وأعذبهآ
كٌل الود