المساعد الشخصي الرقمي

مشاهدة النسخة كاملة : قـصـيــدة ,,, الـنـصـيـب ,,,


نجم ضاوي
09-02-15, 03:20 PM
ابد ماجيت ابارك ولكن جيت باوصيك
على اللي ناوي تدخل بها الليله ..معذبتي

ترى لولا الظروف اللي عطتك وحدت محاكيك
قسم بالله ماتدخل عليها لو على رقبتي

ولكن النصيب اقوى ولا ادري ويش اسوي فيك
نعم صارت معزبتك ولا صارت معزبتي

كذا شاءت بنا الاقدار تحرمني لجل تعطيك
كذا لازم عشان تفوز انت ..واخسر بتجربتي

تراها غاليه جداً..وتكفى والله يخليك
تدللها ..تدلعها..تنسيها مصاحبتي

انا من كثر مااغليها احس اني بديت اغليك
ولا تسأل باية حق؟؟ولا وش مناسبتي؟

لإنك لو بتسألني بتسمع شيء مايرضيك
لذا ياخوي لاتسأل ولا تسمع لأجوبتي

أبيك تحطها في داخل عيونك وبين ايديك
وهي دلوعه اعتادت على كثرة مداعبتي

فداعبها شوي شوي.. حتى تشتهي طاريك
وشاغبها إلين تقول لك بطل مشاغبتي

وإذا هي مالها خلقك..ولاتضحك..ولاتسليك
تحملها وإسالها:ياعمري ليه عصبتي؟

وبالك ..اسمع انك بيوم تضربها وهي تشكيك
مايحتاج اوري لك بفن الضرب موهبتي

صحيح انك بتملكها ومعك العقد بالتمليك
وانا عارف حدود الله ومن حقك معاقبتي

ولكن قلها المجنون وصاني وهو يعنيك
يقول انه بينتظرك ولو شيب وشيبتي

وانا مجنونها اللي مانساها وانت مايمديك
تغطي ذكرياتي في هواها..وربع تجربتي

أحس اني تماديت بكلامي..والغضب حاديك
ولو انك بمكاني ماتفكر في محاسبتي

كفاك اني تركت الليله اشغالي عشان اجيك
ودخلت القاعه برجلي ولاادري ويش عاقبتي

وانا ماجيت اخرب عرسك ولا آذيك
انا جيتك عشان اخاطبك وتسمع مخاطبتي

توصى..وانتبه..واحرص عليها الله يهنيك
ترى كل الكلام اللي طلع من ضيقي وكبتي

ولكن ماقدرت اني اقوله وانت مايخفيك
اخاف اذا قلته تقوم وتقطع ارقبتي


للشاعر : محمد الشهري

حروف العز
09-02-15, 03:25 PM
انتقاء رائــــــــــــع (نجم ضاوي :MonTaseR_11:

نجم ضاوي
09-02-15, 03:36 PM
يسلمك ربي ويعافيك ,,, حروف العز ,,,
اسعدني تواجدك في متصفحي ,,,
يسلموا على المرور ,,,

لا خلا ولا عدم ,,,

ice
09-02-15, 04:30 PM
جداااا جميله ,,,,

الكلمات وعانيها راقيه ...للامام

مرجانة
09-02-15, 04:52 PM
جميلة و مؤلمة

سلمت أخي نجم

انتقاء جميل

دمت بسعادة

كلآرا
09-02-15, 06:40 PM
انتقاء جميل
تسلم يمناك


SEO by vBSEO 3.6.1