يا حلو صوتك || بقلمي || [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : يا حلو صوتك || بقلمي ||


سراب الشعر
09-02-15, 05:22 PM
البارحه صـوتـك زهمنـي وفزيت
وجاوبت أنـا نبرات صوتك بلبّيك


جيتك وكـلّي شــوق متقصّد البيت
إيـديّ تأكـلني عـلـى لـمسـةإيـديـك


حاضر وتأمرني وأنا لــ حضرتك جيت
وأنــا أنتظـرك تـقــول ربـّي يحيّيك


وأنا تراني مـن رجال(ن) لهم صيت
وأنت ابتلش من قام يحسب مزاييك


الـلـه و أكـبـر يــوم بالـعـيـن لـدّيت
الـورد و الأزهــار هيمـانـة(ن) فيك


مـن عنـد شــارع بيتكم يـوم مرّيت
نفسي أكـون الـبـاب و إلا الشبابيك


لــو الأمــانـي تـجـلب الـلـي تـمنيت
أبــوك فـي و صلـي يـاليته مـوصيك


و يـا ليتني فـالبيت معـكـم وياليت
مستأجر و نصرف لك آجاركم شيك


و ليتك سـمعت البارحة يــوم غنيت
قلبي سبق صوتي على اسمك يغنيك


يا حلو صوتك لا زهمتك و لبيت
أثـمل على أنغامه و سكر أشافيك


أضيع لا شفتك مــع البـاب طليت
و أفز مـن نومي ليا أوحيت طاريك


ويا زين طبعك لا زعلت وتغليت
أحس هذا الكون كله بيأديك


مهما عملت آنا لــ عينك وسويت
أبقى مقصر فيك ما والله أوفيك


{ سراب الشعر }

رويدا محمد
09-02-15, 05:29 PM
يا حلو صوتك لا زهمتك و لبيت
أثـمل على أنغامه و سكر أشافيك


أضيع لا شفتك مــع البـاب طليت
و أفز مـن نومي ليا أوحيت طاريك


سراب الشعر
قلمي يقف عاجزا عند جمال طرحك ماشاء مبدع
راق لي او بالأحرى اسحرتني تلك العبارات
فاقت الجمال كلماتك

تحياتي لك

كلآرا
09-02-15, 05:36 PM
كلمات في قمة الروعه والجمال
أسعدني جداً قراءته
الله يعطيك العافيه

تحياتي ...:81:

همسة الروح
09-02-15, 09:47 PM
صح لسانك
قصيييده رائعه
ولاهنتٓ ولاهآن الأحساس

عشقشق
09-08-15, 01:11 AM
ويا زين طبعك لا زعلت وتغليت
أحس هذا الكون كله بيأديك


مهما عملت آنا لــ عينك وسويت
أبقى مقصر فيك ما والله أوفيك

صح لسانك
كلماتك رائعة
أبدعت اخوي
ربي يسعدك
بنتظار جديدك بكل شوق

نبض القلم
09-08-15, 07:46 AM
صح لسااااااااااانك وأعتلى شانك

ذكرتني ببيت يقول :

يا حلو صوتك عليك اسلوب ** شفايفك تنطق اعذوبه

ســـارا
09-08-15, 09:44 AM
صح لسانك
وسلمت

كلمات رائعه

شكرا لك
ودمت بكل خير

نجم ضاوي
09-08-15, 02:03 PM
صح لسانك وأعتلا شانك ,,,
قصيده عذبه وجزله من شاعر جزل ,,,
يعطيك العافيه أخي ,,, سراب الشعر ,,, جمال هـ القصيده وروعتها ,,,

لا خلا ولا عدم ,,,


SEO by vBSEO 3.6.1