ترى الوفاء كل الوفاء هم واحساس ** وفزعة صديق كل ابوها وناسة [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : ترى الوفاء كل الوفاء هم واحساس ** وفزعة صديق كل ابوها وناسة


الخيال التغلبي
09-16-15, 09:20 PM
يا مرحبا يا طيب العرق والســـــاس ** الوايلي حـــــــــــط المراجل براسه
ترى الوفـاء كل الوفاء هم واحساس ** وفزعة رفيق كل ابوها وناســــــة
الياخـاب ظنك في قريبك ومحتــــاس ** تلقى الوفي شرواك يطرب حماسه
يجيك فعله قــبــل تشكي من البـــاس ** تقول عنده عن حوالك دراســــــة
ذاك الصديق اللي تحطّه على الراس ** واحفظ مقامه بالرخا والعماســـــة
واحذر من اللي هرجته هرج بــلّاس ** خطو الشرود اللي حياته بلاســــة
صخّرتني للقــــاف في هجعة النـاس ** وعيت تنام العين عقب الدماســــة
حتـى كتبنا عن جميلك بقرطـــــــاس ** بيوت شعرن في ضميري احتباسه
وانا عذابي والبلاء وقطع الانـفــاس ** الياشفت خطو الذيب يعلن افلاسـه
الياصار ما نقدر على كل نـومـــاس ** تصبح حياتي يابن عمي تعاســـــة

بقلم / الخيّال التغلبي .

عشقشق
09-17-15, 01:17 AM
ذاك الصديق اللي تحطّه على الراس ** واحفظ مقامه بالرخا والعماســـــة

صح لسانك
ويعطيك العافيه
ربي يسعدك

رويدا محمد
09-17-15, 01:41 AM
واحذر من اللي هرجته هرج بــلّاس ** خطو الشرود اللي حياته بلاســــة
صخّرتني للقــــاف في هجعة النـاس ** وعيت تنام العين عقب الدماســــة

أبيات جميلة جداً
فيها من العبرة والموعضةة الكثيرة
كل الشكر لك على الإنتقاء المميز
تحياتي لسموك

كلآرا
09-17-15, 04:22 AM
صح لسانك ابيات جميلهه
يعطيك العافيهه :81:

الخيال التغلبي
09-17-15, 05:43 AM
شكراً لكم على المرور الكريم ولكم كل التحايا والتكريمات


SEO by vBSEO 3.6.1