المساعد الشخصي الرقمي

مشاهدة النسخة كاملة : آآهـ يا كبر القهر لا صار ما باليد حيله..


الســاهر
09-18-15, 12:48 AM
آآهـ يا كبر القهر لا صار ما باليد حيله..
والجروح من(( القــرايب)) والخطا مني وفيني!!

ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني؟!

وان نوت تبكي عيوني صارت(( الدمعــهـ )) بخيله!!
كبرها لامن تجمـــع هم قلبـــي وهم عيــني..

ياهمـــوماً بي تعدت حدهـا صارت ثقيلــهـ ..
اخذي مني كم ســؤال ولو سمــحتي جاوبيني..

ليه من بعد ((الوفـــا والطيــب)) وفعولاً جليلهـ ..
من يدين اللي حشمتهـ اول طعـــوني تجيني؟؟

وليه لاضاق الفضــا في عيــن من خانه دخيلهـ ..
مالقيت الا ((المــلامهـ)) انتهيها وتبديني؟!

ياهمومي ياجــروحي يا صدى الروح العليلهـ ..
والله ان الـــظــلم قهره قيّد لسانـــي ويديني!!

يوم قيل ناظر حسودك زاد في قوله وقيلهـ ..
ما طــرالي غير قولت آآآخ يا دنيــا ارحميني..

ان تكلمت وحـــكيت وجبت برهاني ودليلهـ ..
ما تضــرر كود منهو قد لفانــي منتخيني!!

وان سكــت وقلت هانــت هــم وسنيني تزيلهـ ..
اكتشفت ان ((السنين)) تزول والهم محتويني!!

بس لجــل اللي انتخى في جد جــدي والقبيلهـ ..
والله اني لاشــرب المــر واتحــمل ما يجيني..

ودام ما بالكــون ((صــدراً)) ارتمي به واشتكــيلهـ ..
ودام مابــه عين تقـــرى حزني اللي مبتليني!!

ما لي الا بيت شـــعراً اذكــره في كل ليلهـ ..
لا انتهى جـــدال المعاتــب بين قلبي وبين عيني..

رويدا محمد
09-18-15, 01:28 AM
وان نوت تبكي عيوني صارت(( الدمعــهـ )) بخيله!!
كبرها لامن تجمـــع هم قلبـــي وهم عيــني..

:قلب ازرق:
كلمآت جميلةة جداً
استمتعت بقرائتها كل الشكر لك الساهر. .

نجم ضاوي
09-18-15, 03:27 AM
الله عليك وعلى إختيارك الراقي أخي ,,, الساهر ,,,
إنتقاء مميز وقصيد جزله من شاعر جزل واناقل سخي الجزل ,,,
راقت لي كثيراً ,,,

لا خلا ولا عدم ,,,

عشقشق
09-18-15, 04:01 AM
يعطيك العافية اخوي
على اختيارك
ربي يسعدك

همسة الروح
09-18-15, 12:07 PM
ياهمـــوماً بي تعدت حدهـا صارت ثقيلــهـ ..
اخذي مني كم ســؤال ولو سمــحتي جاوبيني..

ليه من بعد ((الوفـــا والطيــب)) وفعولاً جليلهـ ..
من يدين اللي حشمتهـ اول طعـــوني تجيني؟؟

يسلم ذوقك ي الساهر
أنتقاء مميز وأبياات عذبه
لاهنت ٓ ..

الســاهر
09-18-15, 11:22 PM
الى كل من شرفني بالجضور
الى من اضاء الصفحة بتواجده
من القلب لكم الشكر على مروركم الرائع
وسلمت الايادي على الرد والتعقيب
لكم مودتي وتقديري

ســـارا
09-19-15, 01:35 AM
صح لسانك ولسان قايلها

شكراً لك ي الساهر
ودمت بكل ود

الســاهر
09-19-15, 12:04 PM
من القلب لك الشكر على مرورك الرائع
وسلمت الايادي على الرد والتعقيب
لك مودتي وتقديري


SEO by vBSEO 3.6.1