المساعد الشخصي الرقمي

مشاهدة النسخة كاملة : الرجا في \"عيد الاضحى\" يمكن انّـك ترجعيـن


الســاهر
09-23-15, 07:26 PM
صدقيني العيدنفسـه ماتغيّـرمـن سنيـن
....فرحة اطفال وعيَادي أهْـل واحبـاب وقرايـب

والتهاني والهدايـا وقولـة \"مـن العايديـن\"
.....وإلتمام الشمْل يوم العيد .. وانسـام الهبايـب

كل حاجه مثل ماهي بـس انـا حالـف يميـن
.....إنّ لاغبتي بسجّل نفسي فـي هالعيـد غايـب

وارجعي بالذاكره للخلـف .. وانتـي تعرفيـن
.....ليه احس العيد عقبـك جيّتـه جيّـة مصايـب

ليه لا طالعت كـرت العيـد اكفكـف دمعتيـن
.....من ذكرت اعيادنا وايام كـان الوضـع طايـب

اذكر اني من \"مصلى العيـد\" وانتـي تذكريـن
.....كنت اسابق خطوتيني متّجـه يمّـك .. وذايـب

لجل اكون الشخص الاول لجل منّـي تسمعيـن
...في صباح العيد جُملة \"كل عام احْنـا حبايـب\"

لجل نكتب خلف كرت العيد .. ذيـك الكلمتيـن
...كنت اجيك بقلب طفل وطيش شاب وثقل شايب

وانتي في أجمل ثيابك كاشخـه والزيـن زيـن
.....تثبتين انك عجيبه .. غير عن كـل العجايـب

كنت اعايد معْك حالي حـال باقـي العاشقيـن
.....شايل ٍ روحي علـى كفّـي واقدّمهـا وهايـب

وادري انّه مايهمّك ويش اجيـب مـن الثميـن
...كان همك جيّتي ما كان همك .. ويش جايـب؟

فرحة العيد .. بلقانـا كانـت اصـلاً فرحتيـن
....شبْه ضحكات الورود وعـدّ زخّـات السحايـب

ماليوم العيد طعم .. ومال هـا الذكـرى حنيـن
....وكلّ منّا في مكـان وكـل واحـد لـه طلايـب

الرجا في \"عيد الاضحى\" يمكن انّـك ترجعيـن
...ما أقول إلا \"عسى الله يجزي من كان السبايب\"

وان رجعتي وشفتي انّي فـي عـداد الميّتيـن
...ذا أنا بوصِيك حاجه .. قبـل تنحـطّ النصايـب

طالبك في كـل عيـدٍ بعـد موتـي .. تكتبيـن
.خلف كرت العيد جُملة \"كل عام احْنـا حبايـب\

عشقشق
09-23-15, 09:50 PM
فرحة العيد .. بلقانـا كانـت اصـلاً فرحتيـن
....شبْه ضحكات الورود وعـدّ زخّـات السحايـب

ماليوم العيد طعم .. ومال هـا الذكـرى حنيـن
....وكلّ منّا في مكـان وكـل واحـد لـه طلايـب

الله عليك يا الساهر
أبدعت وابدعت وابدعت
كلمات جميلة
وحساسك رائع
يعطيك العافية
بنتظار جديدك بكل شوق
ربي يسعد قلبك
ويجعل كل أيامك سعادة يارب

♡المـاســه♡
09-23-15, 11:45 PM
كلمات جميله وأحساس يلامس القلب
الله يرزقك خيي بالزوجه الصالحه إللي
تقر عينك فيها..
وكل عام وأنت بخير

نجم ضاوي
09-24-15, 07:20 AM
فرحة العيد .. بلقانـا كانـت اصـلاً فرحتيـن
....شبْه ضحكات الورود وعـدّ زخّـات السحايـب

ماليوم العيد طعم .. ومال هـا الذكـرى حنيـن
....وكلّ منّا في مكـان وكـل واحـد لـه طلايـب



الله عليك يا الساهر وعلى إختيارك العذب ,,,
إنتقاء رائع وجميل كجمال حضورك العذب ,,,
يسلموا يا الغلا ,,,

لا خلا ولا عدم ,,,

رويدا محمد
09-24-15, 08:22 AM
الرجا في \"عيد الاضحى\" يمكن انّـك ترجعيـن
...ما أقول إلا \"عسى الله يجزي من كان السبايب\"


طرح مميز الساهر مبدع دائماً في الأنتقاءء
راقت لي كثيراً هذهِ الأبيات الشعرية
تقييمي وتحياتي لك

الســاهر
09-24-15, 05:36 PM
حروفكم وكلماتكم اضاءت الصفحة
من القلب لكم الشكر على مروركم الرائع
وسلمت الايادي على الرد والتعقيب
لكم مودتي وتقديري


SEO by vBSEO 3.6.1