فلسفة مشاعر

[صفوق]

:
:


في ملاذ الحرف ببدا رحلتي
واول الرحلة .. قواعد للسلامه

ببتديها ياهلا ..في سادتي
وارجوا ان الكل .. يربط حزامه

انتباه .. الحين .. ببدا سفرتي
من مطار الحرف للشوق وهيامه

بتفلسف .. في مشاعر غربتي
والغريب اللي حكى لي عن غرامه

ديرتي.. انت الغلا .. ياديرتي
منبع الامجاد وديار الشهامه

والعفوا .. دام اخنقتني عبرتي
من سبايب قصة صارت ندامه

الهبوط اصبح ضروري لرحلتي
للتأكد من قوانين السلامه


:

[صفوق]

عمي توفى ..لا.. منهو يقوله..
مامات عمي حي في داخلي حي..

:



يابوي انا ابكــي .. والحزن شد الأطــناب..
ونوَّخ ركابه.. يايبـــه وسط صــدري..

:
:

[صفوق]

ماني مصدق .. لاتقولون لي شي..
مامات عمي .. لو تردون بسكـــات..

يبه رجيتك .. قرب ليـوسـف شوي..
بسألك .. منهو صار في عد الأموات؟

لاتقول عمك مات.. قلي ترا حي..
قلِّــي يبــه..عمك ترا حي مامات..

:

:

[صفوق]

يابوي اشوف الضيق ابطى انفراجه
يالله عسـى ربـــــي يعــجل بالافـراج

والوقـــت اشوفــه مقتـفيني عــجاجـه
وعجزت لاالقى لضيقة النفس مخراج


:

كُـنْـتُ هُنا
وغداً لاأعْـلمُ أيْنَ أَكُـوْن

[صفوق]

سار القلم يكتب ويشكي عن الحال
ويكتب عن هموم ن بصدري دفينه

والدمع من عيني على وجنتي سال
وش حيلة اللي عافت النوم عينه

لامن نشدني صاحبي كيف الاحوال
اضحك وابين ان الاوضاع زينه

واقول في شوفتك ياصاحبي عال
وابين البسمة وروحي حزينه

والحزن لو يسطي على قلب رجال
لو باح سده مايبيح... كنينه

يصبر على بلواه لو الزمن طال
يعني على بلواه ربي يعينه
.
.

[صفوق]

كني سجينٍ يرتجي فك قيده
جرحه عميق ولأمه الشوق ذباح


لامن طرتله يمسح الدمع بيده
كثرة سكاكين الزمن والجمل طاح

[صفوق]

تدري وش اللي يذبح الحب بسكات؟!
لاصــرت في بوحك تحــس بمـذله...

[صفوق]

جئتُ ولا أعلم .. مالذِيْ حدآني إلى المجيء
رُبَّما هُوَ الشَوقُ أو رُبمآ الألمْ
وقَد يَكونُ شَيء مِنَ الحَنيْنُ يَكادُ يَفْتِكُ بِيْ

ياآآه لـهَذِهـ الحِيْرَةُ الخَآنِقه

[صفوق]

بـالامــس كـُسر كــاس

لا اذكـر هل كان عند بزوغ الليل
أم عند سحـر ِ الفجر ..
لكنهُ حتما عند طلوع ِالشمـــس
فَجُرِحَتْ وقــتـــــُها..
نـفـــــــسٌ ومن غير لمـــــــس..
فـقد كـُــسر..

بداخـِــلها كــــــأس

:

للحديث بقيه

[صفوق]

-تــشـائُــم-

أيا نفــسُ هل أتشائم بحسِّي الغربيُّ

فأقول :

كُـسر كأس..

أم ألتفت لأِصلي الشرقي

فأدَّعي أني رأيت..

طيرا ًأو غــُرابا ً

أو لعلها..بوماً.. ًتثير الشُؤم

:

مازال.. للحديث بقيَّه

[صفوق]

_نذيــــر _

[صفوق]

_نذيــــر _
في بزوغ الليل..
كانت الكلمات تَحكِيْ..
لحْنَ العاشِقَيْنِ..وتتعاقب ..كالأنفـَاسِ
تحكي اشواقهما..وأ ُنسُــهما..كحفلةِ عــُرس
وفجأةٌ..تلبدتِ السماءُ..ولمَع نذيرا ً وأضَاء
فتلعثم ..كلام العاشِقَيْنِ..
وانْــتَكـَـسْ..

:
بَقِيَ الحديثُ عن الصمتْ

[صفوق]

إنقـطآعٌ وصمت -
قــُطع الكلامُ وحلَّ مكانه ُظلامٌ الصمت
وحينما عادت من سفرها
لم تجدالا.. رحيلاًوحظا تعــِس
:

بقي.. الجزء الاخير

[صفوق]

حينها..صـُدم قلبها وارتعـــش
فعاد الى عرشه وجـــلس يُقلِّبُ بين احشائه ِ
بقايا كِسـَر وحــُطاما ًمن كـأس
:
بالأمس ياعزيزتي حتما قد كــُسر كــأس
:
تمت... القصـه.. واكتمل الحديث
ونزف الجرح.. وسُطِّرَ بألم

[صفوق]

سريت ليل البارحه ضايق البال
وكل ٍ على همه مع الليل يسري
والدمع من عيني على وجنتي سال
ياليت منهو راح بالهم يدري
طال احتكار الحزن في داخلي طال
كني الوحيد اللي له الحزن حصري
لاعاد تنشد ياصاحبي عن الحال
الله ومانه..جرحها ..شق صدري
لو قلت انا يا صاحبي حالتي عال
شف حالتي يا صاحبي يوم تطري
والعقل عقب الغاليه صابه هبال
من كبر همي شيّـب الراس بدري
ماعاد باقي يا صاحبي شي ينقال
حتى فلانه عنها صرت مدري
زود الجفا وزود التغلـِّـي ترى خبال
طال الهجر طال السهر طال صبري
وللمسأله.. دام الزمن عقبها ..مال
هو حل واحد ..لازم اليوم تدري
اما تبي تسمع خبر موت ..رِجَّال
والا تجي يا صاحبي تاخذ اجري

[صفوق]

لاياصاحبي همي ترا غير
الله يعين القلب زايد صوابه

في كل ليله انثر الدمع ويحير
فكـري من اسباب الغياب وعذابه

اقضي الليالي.. ملتهي بالتصاوير
انثر هالصور واذكر اللي جرابه

قصة غلاها تنكتب بالاساطير
شف القهر والحزن دمعي لفابه

بامر الولي .. يا خيي كل شي ٍ يصير
بصبر لو ان الهم جاب الكـآبه

أواه .. ياجرح ٍ سطابي عسا خير
وش حيلتي والقلب للحزن غابه

هبت شماليــــه.. كذا دون تحــذير
صرخت انا بالصوت.. عقلي غدابه

وارجع ارد الصوت من دون تفكير
والراس من همي يشيب بشبابه

وش حيلتي .. والهم بجيوشه يغير
والحزن نشّـب داخل القلب نابـه

غديت كني طايح اليوم في بير
يصرخ بعالي الصوت محد ٍدرابه

وش حيلته .. لاصار في بيره كْـسِير
حالي مثل حال الكسير وصوابـه

[صفوق]

غيّب عن عيوني وانا حيل مشتاق
زارتني طيوفه وزاد انكساري


الخاطر اللي منكسر مابعد راق
ليته ماجاني واعترض في مساري

[صفوق]

ليس اقسى من الموت الا إني لم أمت ،

عندما تخلى عني الفرح..!

وإني من شدت حزني .،

تغير بقاموسي معنى الصبر والطموح ؛

إلى لون الاسود (تصطبغ به صحوتي ومنامي)

وغدوت كتلويحة وداع،

تركها عشاق

في محطآت السفر

:

كنت هنا ..

:

[صفوق]

حــلـم ..

أنْ تكوني بين يدي

وألــم ..

حين أعلم بالرحيل

:
:

حــلــم و ألــم

وما بينهما .. ولدت لحظآت ودااااع

يــوســف الـفــلــيــح و بـقـآيـا .. ألــم سُطِّرَ بـهـذيـآن

[صفوق]

عاد الصيفُ ليسْألني !

تركتكما معا..!

‏أين هِيَ ..؟

‏ماذا سَأقُولُ لهُ ...

أجيْبِيْني؟

[صفوق]

بعض الاحاسيس

‏تعب ٌ..

يسري في تفاصيل الحياة

‏وبعضها ..

يعيد الراحة لتلك الحياة

‏ومابين هذه وتلك .. تجري بنا الايام

‏ولانعلم ما المصير

[صفوق]

كل شي ينجبر عقب الكسور
الا روحٍ تنكسر حزن وارق

شفني بعدها من دبور اليادبور
مدبرٍ حالي وحزني وش سرق

الفرح والضحك دور بثر دور
وذكريات وحب وقلبٍ إحترق

والجرح والحرمان والحزن والجور
ما اذبحني لكن احساسي غرق

وجروحنا اللي ضايقه منها الصدور
شف نهاياتها على صدر الورق

:

كنت هنا

[صفوق]

عُذرًا صباحي

‏قد نرْحل بكّل آلامنا

‏إلى المساء
‏
:


‏أيُّها المساءُ

‏أنا فِي انتظار اطلالتك

‏بعد كل غروب

‏لأُ كمل حديثي مَعكْ

‏وننْتظر سويًا اطْلالتها

كنت هنا..

[صفوق]

قد..ولكن..لو..وقد اخرى

قد اصآبت فكري بشيء من التيه

وفقدان التركيز

:

حيرة خانقه .. والم مميت

قلم يحتضر..

وتلويحه المسافرين قبل الرحيل

:

قد..

يالهذهـ القد التي .. مزقتني

:

قد تتعانق نظراتنا .. لأخر مرة

:

قد نلتقي يوما

فـ لو ..

لو حصل و تقابلنا..

حتماً سيكون لقاء غرباء

:

فقبل تلك اللحظات القاتله

علينا التفكير جيدا

:

قد تكون هناك

فسحة للأمل

:

كنت هنا

وغدا لا اعلم أين اكون

[صفوق]

بالرغم من رحيلك

منذُ سنين

:
:

العيد عاد وجيت ودي اهنيك
واقول عيدك يالاميره سعاده

كل عام وانت بخير ربي يخليك
يسعدك رب يرتجونه عباده

[صفوق]

الحال مبطي زي منتي تخبرين
بس السهر خاوى هموم الليالي
:
يومٍ ذكرت اللي على القلب غالين
بأسبابهم همٍ طوى اليوم حالي
:
يابنت واللي خالق الناس من طين
صدمه قويه منها الدمع سالي
:
ليه الجفا منك كذا ليه تقسين
وش حيلتي يابنت واعزتا لي
:
سيفٍ اشوفه في يدينك تسلين
ياكيف من ضاق صدر الشمالي
:
بختم انا قولي كذا وافهمي زين
قصه شموخ القلب اول و تالي
:
شموخ قلبي بكتبه بين قوسين
(عزيز نفس وعزتي راس مالي)

:

كنت هنا🌹

[صفوق]

يابنت وينك عن حبيبٍ يناديك
من يوم غبتي والالم مكتسبني

يابنت انا ميت مشاعر تحاتيك
متى على الله ياحياتي تجيني

قلبي نبض حبك مشاعر وانا اغليك
ياللي انا من دون وصلك سجيني

اواه ياقلب جرحته وانا ابكيك
مدري متى يابنت وصل يحيني

ليتك تشوف ليا لفتني طواريك
اصيح بأعلى الصوت وينه وويني

وارجع ارد الصوت واصرخ واناديك
وينك تراني صرت عقبك حزيني

مير البلا لا شفتني من اعاديك
وكرهتي اسمي ياغلاي الثميني

وش حيلتي لامن كرهتي وانا ارجيك
زاد التناقض بالمشاعر ونيني

هذا وانا سيفٍ يهابه معاديك
تركتني لهمٍ وحزنٍ دفيني

يابنت عودي ياعسا الله يخليك
عودي عسا عمري بقربك يزيني

عودي لقلبٍ عذبه زود طاريك
لامن طرالي تذرف الدمع عيني

واحس انا بنارٍ لهبها من يديك
تحرق وانا دمعي يعاتب سنيني

الجرح ينزف والطعن صار بايديك
والخنجر المسموم مزروع فيني

حتى الامل دايم اشوفه بعينيك
مات الامل والحين ربي يعيني

وموتي انا كانه من الهم ينجيك
هذا انا وهذي يدك واذبحيني

هاتي الخناجر واطعنيني بياديك
واحلف انا ما اقول لا تطعنيني

ولامن خلصتي وشفتي انه بيرضيك
ابكي على قلبٍ سكنتيه فيني

لانه صعب قلبٍ يحبك ويغليك
مثل الغلا اللي كان بينك وبيني

وابطلبك ياجعل ربي يخليك
ثوبك يغطيني قبل تدفنيني

:

كنت هنا

[صفوق]

ماظن انا عن صدق الاحساس يوفي
‏جر القلم والفكر نوب ٍ به يحير

‏جتني طيوفك و عانقتها حروفي
‏ ردّدت انا يا ... صبحت بالخير

كنت هناا

[صفوق]

انا بدوي ايه بدوي معتلي فوق
من نسل وايل وعزوتي عيال وايـل

حنا الحرار اللي على كل شاهوق
حنا ليـــــا ثارت نشب الفــــــتايل

لايا الهديفه كانك اليوم مطفوق
وكانك على البدو بالقول عايل

ابشر برد والجزيله لك يسوق
ويعلمك وشلون بدع المثـآيل

لا يــالردي يالثور رابي على البوق
لايالردي وينك وويــن الحمـايل

سكةْ حديد وخِرج لأمثالك يلوق
هُوَّش ياكر وحظك اليوم مايـــل

ياوجه مجعل عاصي ٍ به ابو الطوق
يابس ٍ اجرب دارع ٍ بالزبآيـــل

افهم ترا ماهي سوالف وسط سوق
ولاهي ترا يانجس مِشط وجدايـل

تاريخ عز ٍ يعرفه كل مخلوق
وانشد عن التاريخ تلقى دلايل

شموخ عزي يا مطي دايمٍ فوق
ماني ترى مثلك بذر النثايل

وجه المطيّه جالك اليوم طاروق
وافهم ولك لاقلت حنا فعايل

كتبتها رد ٍ على قول بربوق
هكـره وناقص ضاري ٍ للفشايل

من راعي الصبحآ تجي لشخص مطفوق
ماينفعك يالهيس كثر الرسايل

واختم بكلمه تحمل الذوق للذوق
نعمٍ بهم الفين باقي القبايل

:

كنت هنا :icon17: وغداً لا اعلم اين اكون :x150:

[صفوق]

ليله زفافك نقضت جرح مغليك
جرح سطى بالقلب منك صوابه

ياما بعالي الصوت اصرخ واناديك
يالغاليك مغليك اقفى شبابه

روحي وقلبي والمعاليق ترجيك
ياما سهرت الليل وزاد الشقابه

ابكي قهر ابكي الم ابكي ابغيك
ابكي ندم مجروح زايد عذابه

رحتي عسى الفرحه تعانق خطاويك
كنتي الحنونه وقلب كل الوفاء به

لامن دعتني همستك صفوق اجيك
لبيه يا مبعد و صوتك هلابه

طاحت صروح الحب وباقي مبانيك
اللي بقلبي و صار قلبي خرابه

بليله زفافك جعل ربي يخليك
اركض مثل مجنون شقق ثيابه

كل الشمال اليوم يابنت تبكيك
كل الشوارع والحواري كأبه

عرعر ماهي عرعر عسى الله يهنيك
عرعر غدت للحزن يابنت غابه

كان الفرح في ديرتي قبل لا ابكيك
مع غيبتك يابنت سجل غيابه

لامن لفاني الموت بسباها هذيك
تكفون انا كفنوني في ثيابه

قولو لها يابنت بسباب ماضيك
راحت حيات صفوق وفارق احبابه