أنت أميرة قلبي وأنت الاميرة ** بس اغفري لي غلطتي واللي صاير . [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : أنت أميرة قلبي وأنت الاميرة ** بس اغفري لي غلطتي واللي صاير .


الخيال التغلبي
09-26-15, 05:10 PM
الرب يغفر للخلايـــــــــق كبيرة ** ربي رحـــــــــوم ويغفر كل الكـباير
وانت عجزتي تغفرين الصغيرة ** حكمك علينا يا اريش العين جـــــاير
ذنبي احبك والـمـحـبــة عسيرة ** وودي بقربك وانت هـــارب ونـــاير
صبري عذاب وقربكم به بريرة ** وترى الـعــبـــــادة يا حـبيبي شعاير
قربك يطفّي نــــــار قلب سعيرة ** والله يخفف من عـذاب الـســـعـــاير
متى تفضل ترحم نفس كســيرة ** وعين تـهـشـّم دمعـها بالـعـبــــــاير
الملك ملكك والوزارة وزيـــــرة ** وانا اللــي ضعـت من الدرج للدواير
واليانشدنا قالوا راحـــت سفيرة ** يا ليتني بالـحــــاشــيــــة والـسراير
سرّك عميق ومندفن وسط بيره ** وهذي عقيدة مذهــــــبـي بالحـراير
أنت أميرة قـلـبي وانت الأمــيرة ** بس اغفري لي غلطتي واللي صاير
ضيعت عقلي عـقـبكم والسريرة ** وغـــديـــــت مثل الزول داير وداير
دايــر أدوّر زولك في كــل ديرة ** وغابت اشموسي ما لقينا مــنـــــاير
واليانـشـدوني ملقّف بالـعـشيرة ** أهزّ رآســـــــــي كني هـندي عماير
الهندي ضــاع وضيّع الله مديره ** ضــاع الزبون وضــاع مال وذخاير
يستاهــل اللي مثلي هذا مصيره ** نسي ذلوله والـتـهـــــــــى بالعشاير
نسي ذلول في حيــــاتــه خبيرة ** حــرّة عـريـبــــــــة ما عليها انخـاير


من جديد / الخيّال التغلبي .

برنس وصاب
09-26-15, 05:29 PM
صحـ لســانك ..

رائـعه واكثــر ..

هنيئا لنا بَ قلمكَ الراقيـ ..

سلمت ودمت ..

تحيه اعجابـ ..وود

الخيال التغلبي
09-26-15, 09:14 PM
تشرفنا في تعليقك الراقي يا برنس ـ تحياتي واشواقي الحارّة .

نجم ضاوي
09-26-15, 09:21 PM
صح لسانك وعلا شانك ,,, يا تغلبي ,,,
قصيده جزله من شاعر جزل ,,,
يسلمك ربي ويعافيك ,,,

لا خلا ولا عدم ,,,

الخيال التغلبي
09-26-15, 09:44 PM
أسعدني مرورك اخ نجم ضاوي .

عشقشق
09-27-15, 03:05 AM
يعطيك العافية اخوي
كلمات جميلة
ربي يسعدك

بابا عود
09-27-15, 03:09 AM
صح لسانك
انتظر جديدك
لا عدمتك

اخوك// بابا عــــــود




https://encrypted-tbn2.gstatic.com/images?q=tbn:ANd9GcRr3tQR4F2LZE2-qf6qb7P1gGcZH9IlV7rYcdcaJ4PBPwPXxbyY

الحنااايااا
09-27-15, 03:18 AM
قصيدة تقليدية في غاية الجمال

تقبل مروري

الخيال التغلبي
09-27-15, 07:15 AM
سعدت في مروركم اخواني واحبابي الله لا يحرمنا منكم يارب .

أناقة شاعر
09-29-15, 09:47 AM
صح لسانك وابدعت في إختيارك للقصيده

الخيال التغلبي
09-29-15, 09:56 AM
صح بدنك وتشرفنا في مرورك وكلك اناقة ـ تحياتي .

عيون ناعسه
09-29-15, 10:13 AM
إحساس شاعر مميز
أحسنت بروووعه بوحك الشعري
لك شكري وتقديري

فَلسفہ'گيبُورد
09-29-15, 11:10 AM
ذنبي احبك والـمـحـبــة عسيرة ** وودي بقربك وانت هـــارب ونـــاير
صبري عذاب وقربكم به بريرة ** وترى الـعــبـــــادة يا حـبيبي شعاير
قربك يطفّي نــــــار قلب سعيرة ** والله يخفف من عـذاب الـســـعـــاير
متى تفضل ترحم نفس كســيرة ** وعين تـهـشـّم دمعـها بالـعـبــــــاير

روعه كلمات في منتهى الرقه والروعه جد إحساس شاعر وفيه من الحب والمشاعر الصادقه

وربي يوفقك وتطفي نار قلبك السعيره:h:

تقبل مروري واحترامي:869:

الخيال التغلبي
09-29-15, 02:25 PM
متى يا كيبورد ؟!

ـ طال انتظاري وطال صبري ونوحي ** ولا مجيب لاستغـاثــــــــــــة ودعوة
اكـــــــــــــاد افقد من بقاياي روحي ** من طول صد الزين ومن كثر جفوه

الكيبورد الله يسعدك اسعدتني في مرورك الحاني ـ تحياتي .


SEO by vBSEO 3.6.1