مجلس الشعراء والمحاورة

[خياآل]

لاوالله الا رحت ياصاحبي تيت
سرداد مردادي لدور المشافي
النار تحت الجمر وارمادها ميت
والله يبى منها العوافي يخافي
عشق ثنين ودزها لاتهقويت
يم اليمن عزلة شحر في مرافي

[عتيق]

بقول لك ابرب لاتقول لي تيت
والعافية قدام ماهي خلافي

والنار نار القلب يومني حبيت
والشوق نار الشوق بالجمر وافي

عشقتها بأثنين ولاكني ونيت
و بدلتها بالقير بانت خوافي

[خياآل]

مهجول اون لاين مدرب اتكيت
موهوب وابداعه صراحه خرافي
تركيبته جابت له المال والصيت
مع كيس فدكو اربع اكياس وافي
واصبح يصيف في اكواريوم بوكيت
وارتاح من طرد الابل والخرافي
وحنا رجعنا تيت في قوطي فليت
بعد التزكرت والثياب النظافي :pv503112:

[سلمان الخالدي]

وعليكم السلام ورحمة الله وبركاته
منورين المكان ياهلا بكم
على الرحب والسعه


عتيق مع حطاب راحو ترانزيت
.........عسى التوجه للحرم و الطوافي

اظن فيهم سحر في جيب جاكيت
..........ندعي لهم بالعافيه والله يشافي

قصيدنا ماجا على كيت مع كيت
.........الحرف فن ومن رسومه خرافي

حضرت للملعبه وانا ماتوانيت
..........نرسم من الاشعار بفن احترافي

ما ودي بالتكرار ياناس مليت
........علامكم ياهل الشعر في القوافي

ياما من الصفحات باليد شقيت
.........منها الورق في المنتدى والخوافي

ما اني لغير الله توددت و اصغيت
........ورزقي على الله مهوب عندالزرافي

نمدح من الاجواد وبالشعر غنيت
.........ونتجاوز الي قد سبقني وطااافي

في مجلس الغالين وبالشعر ابليت
.........وكلن على ماقال منا امتعافي

ان شفت شي من الخملات فكيت
..........كل الرموز وكل ردي كفافي

سلمان

[سلمان الخالدي]

السلام عليكم ورحمة الله وبركاته
الرجاء عدم تغير القاف
والي يغير يتقبل الهزيمه ١/صفر
ونبدا مع قافيته

[عتيق]

و عليك السلام ورحمة الله وبركاتة

القاف بايت مثل الصامولي اليابس
ودنا بشي لين و رطب

[سلمان الخالدي]

هههههه
اي نعم صعب الرد صعب
ايوالله السلامه

[عتيق]

٢٥وعليكم السلام ورحمة الله وبركاته
منورين المكان ياهلا بكم
على الرحب والسعه


عتيق مع حطاب راحو ترانزيت
.........عسى التوجه للحرم و الطوافي

اظن فيهم سحر في جيب جاكيت
..........ندعي لهم بالعافيه والله يشافي

قصيدنا ماجا على كيت مع كيت
.........الحرف فن ومن رسومه خرافي

حضرت للملعبه وانا ماتوانيت
..........نرسم من الاشعار بفن احترافي

ما ودي بالتكرار ياناس مليت
........علامكم ياهل الشعر في القوافي

ياما من الصفحات باليد شقيت
.........منها الورق في المنتدى والخوافي

ما اني لغير الله توددت و اصغيت
........ورزقي على الله مهوب عندالزرافي

نمدح من الاجواد وبالشعر غنيت
.........ونتجاوز الي قد سبقني وطااافي

في مجلس الغالين وبالشعر ابليت
.........وكلن على ماقال منا امتعافي

ان شفت شي من الخملات فكيت
..........كل الرموز وكل ردي كفافي

سلمان


يا صاحبي والله ما زريت ما ازريت
لو كان رجلي فوق ضلع الفيافي

السحر ما جانا ولا له أنا جيت
والدرب درب الحق ماهوب نافي

وقصيدنا جاكم على البيت له بيت
يهدم بيوتك لو وفاها الف وافي

انته حضرت اليوم وامسه ترا اقفيت
يا مدعي بالرسم واللون قافي

لا تقول لي شفني انا الحين لك جيت
وش فايدة جيّتك بعد السوافي


انته مولّي عرض من هم توليت
اللي على عد الموارد عيافي

وانا على اللي يخرج الحي من ميت
ماني على اللي ليلهم عين غافي

سلمان يا سلمان والليت لليت
وانا عتيق الدرب ماهوب حافي

ترا المكينه عطلها دايمن زيت
بالورشه اللي امتلكها قرافي

ايه القرافي معرب الجد والصيت
ماهوب لا أعمى ولاهو بجافي

[سلمان الخالدي]

اتفقنا عدم تكريرالقوافي
راجع الردود لمن قبلك

هههههه

[خياآل]

تكرير في مصفاة بتروكيماويت
وتجبير خاطر ياصدور القوافي
وتكفير نوبل عن ذنوب الدناميت
تفجير نيتروجليسرين ياكافي
هاري وميغان قدموا لوليم وكيت
التهنية بالسر قبل الزفافي
تمشي كما شمنقا حبش كان غضيت
طرفك ودرجت الضلع والضعافي &

[الوله]

مساء هذي الصدف والا مساء الموعد المحتار
مساء البوح وشعور القصيد اللي ما ينساني

مساء الضحكة الصفرا مساء الكذب والاسرار !
مساء اللي نسخ و اللي لصق ابيات و معاني !

مساء الصالح الشاعر مساء الغامض اللي صار !
مساء الشاعر الوهمي ولا له عذر انساني !

انا لي نظرتي واقراء مابين السطر و الاحبار !
وهذي اول حروفي لك .. المّح وانت اقراني !

[حمدفهد]

من لا عانه الله غدى حاله زملوق
وجسمه من الحزن غادي كليفي

مالومك وعسى لايمك ماله سوق
يطيح حظه و ما يلقى له وليفي

وأهل الزمان ياسابق وإلا مسبوق
ومكسورة الجناحين مالها رفيفي

اما اعتزت بربها وإلا للمر بتذوق
ومن كثر البكاء بتصير كالكفيفي

ومن استعان بالله حظه مطلوق
وبإذن الله يعين له ظل او ريفي

وهني من عنده خل عليه شفوق
تساوى طقوسه في برد وصيفي

في وقت الشتاء دفء به يروق
ووقت الصيف يلقاه كما التكيفي
الشاعر/ حمد بن فهد المخالده السبيعي

[واحد نفر]

سـلام مني لـكم يعـمكم كـلكم
ما تبرد الملعبة و قلوبكم حاميه

ياربعنا كيفكم والعلم منكم بكم
من يارد العد ليه يردها ضاميه

[حمدفهد]

السلام عليكم ورحمة الله وبركاته


عليكم السلام ربعي ياطيبكم
احيي فيكم النفوس السامية

العد عادت مثل ماهي قبلكم
ما تروي العطشان نار حاميه
الشاعر/ حمد بن فهد المخالده السبيعي

[واحد نفر]

الله الله

الصنف راعيـه لـو ينزل على سوقكم
يعرف رصيد الذهب فالدولة الناميه

اسـرج لـها يا حـمـد والله مـا اذمكم
والارض اطـرافــها يالشـيخ متراميه

[ابو معتز]

تحية محب للمنتدى من صاحبكم
والموهبة تعبر بصاحبها نحو العالمية

[هَجْر]

ويني من هالقسم من زمان :eiwp:
...

[ابو معتز]

تحية يا صاحب الوفا وألذوق
وألوافي على قلبي عزيز

[سلمان الخالدي]

يامرحبا بالي بدا بالقاف ويروق
من حرف ابو معتز مافيه تغريز

اما يجي حطاب بالجيب ويسوق
والا يجي واحد نفر من دون تمييز

سلمان



هههه
بتشغلنا يحطاب

[ابو معتز]

يا مرحبا بالخالدي وحطاب عند كل شروق
وواحد نفر له عندي كل تقدير

[سلمان الخالدي]

عشت يالغالي وانا اعرفك صدوق
فالك التوفيق من المولى العزيز

مثل ما يمطر من مزون و حقووق
من سحاب نسمع لصوت رعاده لزيز

سلمان

[ابو معتز]

عشت يا صاحب ألحرف ألبديع
كل بيت ن يحوي نصايح ثمينة

[سلمان الخالدي]

هلابك ابو معتز حاول ماتغير القافيه
تسلم


يتهمني بالهجر وانا الحمل الوديع
بين ايديه ومن شمال ومن يمييينه

صار يعذبني وتعذيبه فضيييع
صرت اقاوم صده ويتعبني حنينه

انا على نيني ومحبوبي لكيع
ساحر ومن طلسمه تصبح رهينه

سلمان

[ابو معتز]

الهوى مثل ألنسيم ألبديع
وألساهر ألعاشق يزيد حنينه

[سلمان الخالدي]

ممتاز
عدم تغيير القافيه وعدم التكرار




كنت انا واياه مع احساس الربيييع
اجمل الاوقات في العمر وسنينه

دنيا فيها العمر رحاال وسريع
اما صحرا وصمت او ضجة مدينه

والبلاغه علم في المعاني والبديع
والشعر مابين هزله او سمينه


سلمان

[ابو معتز]

أهديت شوقي باقة من ورود ألربيع
وقلادة مرصعة بالأحجار الثمينة

[سلمان الخالدي]

مشتري الغالي ولا يمكن ابيع
فكره اتعبني عسى ربي يعينه

اجتهد ماودي الغالي يضيع
جعل تغشاه الهداوه والسكينه

مايرده سور ولو انه منيع
خاض بحر ه ماتوقف به سفينه

[ابو معتز]

أهديك يا صاحب المقام ألرفيع
تحية من القلب وقصيدة ن زينه

[سلمان الخالدي]

هلابك ابومعتز

لعبك الممتاز بعيد من الخليع
يشبه الجوال من نغمة رنيبنه

قربنا ا للغابيب ثلج وله صقيع
والجروح كثار ومن بالي مكينه

سلمان

[ابو معتز]

صوتك بالمذياع ياصاحبي بديع
مثل ألذهب غلاه في رنينه

[قيم اوفر]

مساء الخير على الجميع

طرقت الباب في مسك الغلا وازمرت بالألحان
شويعر .. واتعلم من لحون .. الشعر .. وفنونه

خطا مد البصر شوفي وانا الأعمى مع العميان
وانا عاقل مع العاقل .. وكم من ناس مجنونه

نقطة انتهى

[سلمان الخالدي]

هلابك وغلا مساء النور والسرور

تغيير القافيه واحد صفر
وكذلك تكرار القافيه
وكذلك اللعب في مكان اخر

يالله نبداء مع قافيتك


هلا بلي يقول اني شويعر وانطح الركبااان
خذيت من الشعر مارود بالانغام والحونه

اغني في بساتين المزارع والثمر رمااان
وسني مبتسم ضاحك مع الي تقطع سنونه

تجول و الصحاري مزهره واترك الصمااان
ولا تتعب مع العشاق وترى للقلب مكنونه

الا يافتى حذراك فعل فرعون ومن هامان
ولا يخدعك زين الثوب وهو مقصوره اردونه


سلمان

[ابو معتز]

صياغة ألحرف تحتاج كاتب فنان
وكل شاعر يظهر للناس فنونه

[قيم اوفر]

بغى التاجر .. يبيع ويشتري ويوسع ..الدكان
وبارت سلعة التاجر وسوقه خيب .. اضنونه
هذا حال الزمن في سوق لا رابح ولا خسران
ترفق.. يا زمن .. في سوقنا واللي .. يزورونه
نقطة انتهى

[سلمان الخالدي]

الا يالي يهد الطير وطيره طير ابن برمان
ولا يدري عن الي يرسله وصاه ويخونه

رحل رحلة مقانيصه وصيده حارة القصمان
سمين الصيد يدور له وهو خلفه ومن دونه

عسى يسمع نصيحتنا يسوي سواة ولد لقمان
ويبعد عن دروب البيد والبدوان يكفونه

سلمان

[ابو معتز]

ألشاعر يشعر بشعور كل إنسان
وشعور ألشاعر سر مدفون في بير

[ابو معتز]

ألشاعر يشعر بشعور كل إنسان
ومشاعر ألشاعر سر مكنون في شجونه

[سلمان الخالدي]

حييت يا بو معتز وياصبر سلمان
من نجمة(ن)شرق الثريا حنونه

عطتني رقم الكود وايميل وايباان
واقفت ومالي عندها يصرفونه

سلمان

[ابو معتز]

ابقاك ربي ورفع قدرك يا سلمان
يا شاعر أظهر لنا بعض فنونه

[سلمان الخالدي]

بالبسك يافلان على الراس تيجااان
ابشر يابو معتز بكبر المعووونه

طيري على الاوراق من فوق الاغصان
اما سمعت الصوت والا سكونه

سلمان

[ابو معتز]

كريم يا صاحبي من غير حلفان
وحروف أبياتك دايم حنونه

[سلمان الخالدي]

يامرحبا وحييت من قلب ولسان
ولو يزعل الي نبعده من جنونه

مايدخل المجلس ياكود بطران
والا الثعل في موقفه يسحبونه

سلمان

[ابو معتز]

حياك ربي جعلك دايم فرحان
صاحب ذوق وابياتك موزونه

[سلمان الخالدي]

قلبك يابو معتز معمور ايمااان
منزال طيب والعرب يرغبونه

الله خلق ادم وقحطان وعدنان
وجعل عزيز القوم ترقى ركونه

سلمان

[ابو معتز]

أسعدك ربي وزاد قلبك ايمان
اقوالك حكيمة وكنوزك مكنونه

[سلمان الخالدي]

تسلم يالغالي

يتجنب المجلس من الطير غرباان
تزبرقو بالزيف والنفوس مغبووونه

ياكثرهم مابيننا من الانس والجاان
شكله مهيل(ن)والدواخل رعونه

سلمان

[ابو معتز]

الصحبة محبه بين الخلان
وألوفا والكرم كنوز ن مكنونه

[سلمان الخالدي]

ماهمنا الانوار وكلام المهرجاان
بعض العرب للطيب مايمسكونه

يحتاج بعض الناس للكي وختان
والا المشايخ بالخبر يردعونه

سلمان

[ابو معتز]

اقترب فصل الخريف بعنوان
سقوط أوراق شجرة الليمونه

[سلمان الخالدي]

هههههه

لاتغيرون القافيه ترى واحد صفر ع طول

عندي الجيب المجهز وعندي فااان
في الخلا منزالها قبل لا يسهجونه

دروبنا ياراع الوفاء امن وامااان
وكل مجنون (ن)تركناه وجنونه

سلمان

[ابو معتز]

ليس الفتى من قال كان
لكن الفتى من أفعاله مصونه

[سلمان الخالدي]

هلابك


ياحبيبي ماني غاده او حنااااان
انا من في الحرب زادة به طعونه

قالو انه فيه من ينادى بالبنااان
وفيه من قالوماشفنا الا عيونه

سلمان

[حمدفهد]

السلام عليكم ورحمة الله وبركاته

آه تكفى جهز الجمس يا خوي سلمان
بلحق اللي صوب مكة أولاده يودونه

سفير الروح مهجة القلب في كل أوان
فز له قلبي فزة الطير حين يطلقونه

خبر أبو معتز يفتح المجلس والديوان
صديق الصدق اللي ربعه هم يفتدونه
الشاعر/ حمد بن فهد المخالده السبيعي

[سلمان الخالدي]

هلابك وغلا والحمدلله على سلامتك يالغالي

هلا بالي حضر نجمنا وقايد السبعااان
هلا بالي يهز المنتدى ويحرك اركونه

هلا عد ماشتقنا لشعرك وانا خرمان
وانا ادري بك والروايع فيك مضمونه

هلا بالي يشابه جيش بن شعلان
وفيهم شوفة النوري والفرسان يحفونه

انا الجمس الحمر غدا من ورى هدباان
يبوج السراب وكل الشياطين ملعونه

تحية ود وشق من الخالدي سلمان
على الي بدا بالود والعادات مصيونه

سلمان

[ابو معتز]

ياهلا بجميع الربع والخلان
الله يديم المحبه المكنونه

[سلمان الخالدي]

امين يارب لناعوده باذن الله تسلمون احبتي

:MonTaseR_137:

[ابو معتز]

أطلق لأفراح العنان
والقوافي خلها موزونه

[سلمان الخالدي]

ادري يابو معتز الزين سلطان
...........نمدح من الغالين من يذكرونه

للطيب فيكم ود من عطر ريحان
.......يبوج نور الصبح ويكتب شجونه

سلمان

[ابو معتز]

للمجد في تاريخنا عنوان
ومحبة الوطن في قلوبنا مسكونة

[مُواسي]

ياشعر، ماخبرتك لادعيتك تجافي
وكل معنى تجيبه ناعتن لك وصوفه

من يعبر عن الي داخل الصدر خافي
الثمر من ضميري مجتني له قطوفه


:

[وارف]

ياشعر، ماخبرتك لادعيتك تجافي
وكل معنى تجيبه ناعتن لك وصوفه

من يعبر عن الي داخل الصدر خافي
الثمر من ضميري مجتني له قطوفه


:


مابيثري المجالس غير عطر القوافي
وانت شاعر على القمة وعطره حروفه

ابحر ابحر ترى كل الذوائق مرافي
من خبرتك وروحك للتفرد شغوفه https://mrkzgulfup.com/uploads/167663647403331.gif

[مُواسي]

مابيثري المجالس غير عطر القوافي
وانت شاعر على القمة وعطره حروفه

ابحر ابحر ترى كل الذوائق مرافي
من خبرتك وروحك للتفرد شغوفه https://mrkzgulfup.com/uploads/167663647403331.gif

الله الله

أشهد إنك تزيح الهم لاجيت وافي
والعلَم لك يرفرف كل شاعر يشوفه

لك تخيرت معنى من عذيب المصافي
واللحون العذيبه بينه وامعروفه


:نط:

:

[وارف]

الله الله

أشهد إنك تزيح الهم لاجيت وافي
والعلَم لك يرفرف كل شاعر يشوفه

لك تخيرت معنى من عذيب المصافي
واللحون العذيبه بينه وامعروفه


:نط:

:

جاني العام بالأيميل عقد احترافي
عقد ٍ يخلي المهموم ينسى ظروفه

والحقيقة بعد مازان قافك وقافي
خيبتني جماهيري في اول بروفه :icon10:

[مُواسي]

جاني العام بالأيميل عقد احترافي
عقد ٍ يخلي المهموم ينسى ظروفه

والحقيقة بعد مازان قافك وقافي
خيبتني جماهيري في اول بروفه :icon10:

:

كل مصبح يمسّي ياعساها عوافي
ليت منهو تمنى شي يدرك شفوفه

يونس النار منهو يفرك الجمر حافي
والالم من يحسه غير منهو يشوفه


:MonTaseR_82:

ههههههههههههه


:

[وارف]

:

كل مصبح يمسّي ياعساها عوافي
ليت منهو تمنى شي يدرك شفوفه

يونس النار منهو يفرك الجمر حافي
والالم من يحسه غير منهو يشوفه


:montaser_82:

ههههههههههههه


:

التمني تراه احيان سم ٍ زعافي
مترف ٍ بالحلوم وكايدات ٍ حتوفه

الردي لا تثق به لو سنينك عجافي
لو يقدم عيونه فوق راحة كفوفه


بيض الله وجهك وصح لسانك ياالامير
والمعذرة على عدم الانتظام لضيق الوقت

هاك :73344:

[مُواسي]

التمني تراه احيان سم ٍ زعافي
مترف ٍ بالحلوم وكايدات ٍ حتوفه

الردي لا تثق به لو سنينك عجافي
لو يقدم عيونه فوق راحة كفوفه


بيض الله وجهك وصح لسانك ياالامير
والمعذرة على عدم الانتظام لضيق الوقت

هاك :73344:


وجهك ابيض يا الامير
وصح لسانك وفكرك عسى عمرك طويل

تثريني دائماً بحرفك وتكرمني بجزيل معانيك
كفيت ووفيت يالامير

ويسعدني لقائك في كل وقت

لك جزيل الشكر والتقدير


.

[احلام عابره]

صحت الألسن شعرائنا الكرام
محاورات ممتعه
يعطيكم العافيه

[احلام عابره]

اليا ترجم القلم بالبوح ...احزاني
اهتز الورق من ضجيج الحروف

[خياآل]

ياليل دانه لدانه ليل يا داني
ياحلام لون الطريق اسمر وبه خوف
راح اكثر اصحابي ووقتي تحداني
والحال منسل ولون الوجه مخطوف

خاطرة لحظية

[احلام عابره]

الي قدم النصيحه ما لقى غير ... اعتراض
والي مافهم المقصود جاب الشريعه عكيفه

[خياآل]

صح لسانك
واللي تصالح مع نفسه ووجه بياض
يبعد الي اوجوعوه ولايطول نكيفه
والراعد اللي بارقه كل مالاح ناض
اسري معه وين مايبغى على كيف كيفه

[احلام عابره]

وديننا دين عز لست ادري
اذلة قومنا من اين جاؤو

[مُواسي]

.

.

(مستفعلن مستفعلن فاعلاتن فاعلاتن)
.



سلام فالملعب صدى ما يطقّه راعي الزير
لو طالت المَدّه يجاريه من يقدر يقيْمه

في خاطري كلمه ترود المدى واتسابق الطير
والي طرق مبناي ابعطيه فالمعنى وسيمه



مُواسي




.

[وارف]

.

.

(مستفعلن مستفعلن فاعلاتن فاعلاتن)
.



سلام فالملعب صدى ما يطقّه راعي الزير
لو طالت المَدّه يجاريه من يقدر يقيْمه

في خاطري كلمه ترود المدى واتسابق الطير
والي طرق مبناي ابعطيه فالمعنى وسيمه



مُواسي




.



يامرحبا مثل الندى فوق بتلات الأزاهير
ياشاعر (ن) زانت قوافيه والنيه سليمه

طير السعد توه شدى في ربُى طنجه واغادير
والجو رايق في روابيه من يومين ديمه https://mrkzgulfup.com/do.php?img=53071

[مُواسي]

يامرحبا مثل الندى فوق بتلات الأزاهير
ياشاعر (ن) زانت قوافيه والنيه سليمه

طير السعد توه شدى في ربُى طنجه واغادير
والجو رايق في روابيه من يومين ديمه https://mrkzgulfup.com/do.php?img=53071



.


الك البقا يا شاعرن يمتلك حكمه وتقدير
رجلٍ يشرف مع رفيقه ويوفي من خصيمه

هبّ البراد ولاح برق الحيا فالدرب يا مير
واطرت على بالي سواليف للذكرى قديمه


:i:



.

[وارف]

انا خوّيك فــ السعه يامواسي والمعاسير
وانت الخوي اللي كما بلسم الروح السقيمه


أيامنا تمضي والأعمار نقضيها مشاوير
نطرد ورى الدنيا وندري بها ماهي كريمه

[مُواسي]

انا خوّيك فــ السعه يامواسي والمعاسير
وانت الخوي اللي كما بلسم الروح السقيمه


أيامنا تمضي والأعمار نقضيها مشاوير
نطرد ورى الدنيا وندري بها ماهي كريمه


عسى عمرك طويل يا الامير
وأشهد شهادة حق انك كفو
والله يا وارف اني من امس وانا اردد هالكلمه..
( والله ونعم بك وبيض الله وجهك) ،
واليوم اقولها وبكره وليوم الدين

صح لسانك يا الامير مدد بلا عدد .



وعسى عمرك طويل .




.

[وارف]

ماعليك الزود ياأصيل
مانسبقك في مثل هالأمور طال عمرك
فأنت نبراس لكل معاني الخصال والصفات الحميدة
شكراً من القلب على طيب مشاعرك وسمو خلقك وادبياتك
ووجهك ابيض يا نقي وصح بدنك ولسانك إلى يوم النشور


تقبل من الود اصدقه
ومن الورد اعبقه