أنا مو مسترجله

[مشكلتي]

السلام عليكم
صباح الخير
مشكلتي بنسبة لمجتمعنا كبيره مره
أنا مو مسترجله وبدون نيه شينه ولا قصد تشبه برجال قصيت شعري قصير حيل
المهم البنات بالجامعة صارو يحسبوني بويه يعنى مسترجلة وصارو يلحقوني ويقطون كلمات غزلية
واباحية ماتنقال واستغربة من كمية الصداقات والهدايا
اللى جتني عقب قصة شعري اثريهم يحسبوني بويه لوا العطورات اللى تجيني رجاليه بعد
ويطلبون مني اسوى لهم اشياء ماتنقال بعضهم يلمح ولبعضهم يصرح
ماعرف كيف افتك من هالبنات انشبة مو كلهم اقدر اصرفهم بعضهن نشبه
والمصيبه اطلبتني مرشدة الكلية والقو علي محاضره عن التشبه عجزت
اثبت لهم اني مو بويه والمشرفه تقول بنحطك تحت المراقبه عشان نتاكد انك مو بويه
الموضوع مو مستاهل كل هذا هي مجرد قصة شعر
والشعر القصير له عاشقاته مو قصد تشبه برجال
صرت احط ميك اب اوفر وحلق كبير عشان يعرفون اني مو بويه بس ما يفهمون
يحب البنات للبويات لهدرجه عندهم فراغ عاطفي
مجرد ماتقص وحده قصير شوهو سمعتها ليش هالتخلف؟

[همسة الروح]

تمت الموافقه ..

وعليكم السلام

أختي بسبب ظهور هذي الفئه ( البويات ) أكييد الجمييع بيفهم غلط
فلا تلومي المجتمع على طريقة تفكييره
فقصة شعرك اوحت لهم بهذا الشيء
لذلك اشرحي للوكيله مقصدك ومع الوقت بتعرف من أنتيِ
فلا تهتمي ِ
واذا كنتي تحبي القصات القصيره
حاولي أن لايكون فيه تشبه بالرجال ،،،

والله يعين ...

[همسة الروح]

تمت الموافقه

[غيرمهتم]

هههههههه موضوعك عجبني

وين ذي الكليه خليني اجي هههههههههه

بعدين اذا منتي بويه لا تثبتي لحد منتي بويه

بس طنشي

[آسيرة حرف]

وعليكم السلام ورحمة الله وبركاته
صباح الورد

قصير كيف يعني نحتيه نحت من تحت ولا كيف ..!!
ماعلينا من سالفة الشعر

حطي توكات
واكسسوارت شعر ناعمه
وربطات مره حلوه للقصير

يعني اعتبريه من باب التغيير كل يوم لوك جديد

بس غريبه !!
البوي مو بقصة الشعر

بحركاتها ونغزاتها ونظرتها واسترجاليتها بمشيتها وضحكتها
فاهمتني
تقولي كراش يمشي ع الارض مو بنت تمشي برقه وادب

اللحين هم متهمينك لجل شعرك بس مقصوص
انك بوي مع ان
كلك ع بعضك يثبت لهم انك بنت مو مسترجله

غريب امرهم جد جد جامعتكم غريبه ع كذا
مهوب معقوله فراغ عاطفي ولا انصب الا عليك
لجل قصه ..!!

ماني ضد انك قصيتي شعرك ابد بلعكس الطويل مزيين والقصير مزيين
وكل واحده تشوف نفسها زي ماتحب مو زي مايحب الاخرين
بغيتيه طويل ربيتيه بغيتيه قصير قصرتيه
هذا الشيء الاخرين مالهم دخل فيه

اهم شيء كلمة نشبات هذه
واذا هم نشبات اردعيهم وقفيهم عند حدهم
لاتسمحين لاحد منهم يقول انك بوووي ومسترجله
النشبات هذولا خليهم ع جنب لاتسايريهم
وبعدين مو معقوله انتي وحيده بالجامعه
صحباتك القروب اللي انتو دايم مع بعض
رفيقات الدراسه فاهمتني امشي معهم وسيبي الباقي


دامك واثقه من نفسك خلهم يراقبونك وخير يعني
هما الخسرانين موب انتي

السمعه هذا زمن اول تتشوه من بعيد لبعيد
اللحين اذا ماشافو عليك شيء يمس سمعتك مراح تتشوه
خليك واثقه من نفسك
ولا عليك منهم
ترا طولتي شعرك ولا نحتيه الناس تاكل الرايح والجاي
مهيب غريبه عليهم

ماعلينا الله يكون في عونك
اذا اردة ان تعيش فتعلم التطنيش

استودعي نفسك كل يوم وداومي ولا عليك من مخلوق
يمكن فتره ويطفشو لمن ماتعطيهم اهتمام

تقبلي ردي وعبق وردي مع خالص احترامي
آسيرة حرف

[اللورد يحيا]

شعر الأنثى كما هو متعارف عنه بأنه زينه من زينتها وكل ماطال تزيد جمالها فيه وحلقه لأكثر من 70% يعتبر تشبه بالرجال

من المفترض أنك إمتنعتي من الأساس عن حلق رأسك بالدرجه التي ينظر لك الآخرين بأنك ( بويه )

لهذا عزيزتي الله يهديك ويصلحك أعيدي تنمية شعرك من جديد وإبتعدي عن حلقه مره أخرى بالطريقه التي تشبهك بالرجال

[مسكك الغلا]

السلام عليكم
صباح الخير
مشكلتي بنسبة لمجتمعنا كبيره مره
أنا مو مسترجله وبدون نيه شينه ولا قصد تشبه برجال قصيت شعري قصير حيل
المهم البنات بالجامعة صارو يحسبوني بويه يعنى مسترجلة وصارو يلحقوني ويقطون كلمات غزلية
واباحية ماتنقال واستغربة من كمية الصداقات والهدايا
اللى جتني عقب قصة شعري اثريهم يحسبوني بويه لوا العطورات اللى تجيني رجاليه بعد
ويطلبون مني اسوى لهم اشياء ماتنقال بعضهم يلمح ولبعضهم يصرح
ماعرف كيف افتك من هالبنات انشبة مو كلهم اقدر اصرفهم بعضهن نشبه
والمصيبه اطلبتني مرشدة الكلية والقو علي محاضره عن التشبه عجزت
اثبت لهم اني مو بويه والمشرفه تقول بنحطك تحت المراقبه عشان نتاكد انك مو بويه
الموضوع مو مستاهل كل هذا هي مجرد قصة شعر
والشعر القصير له عاشقاته مو قصد تشبه برجال
صرت احط ميك اب اوفر وحلق كبير عشان يعرفون اني مو بويه بس ما يفهمون
يحب البنات للبويات لهدرجه عندهم فراغ عاطفي
مجرد ماتقص وحده قصير شوهو سمعتها ليش هالتخلف؟



ههههههههههههههههه شر البلية مايضحك من جد سخيفات

شوفي انا شعري قصير مره لكن مرتاحه لان ماروح لا مدارس ولا جامعات

خليك واثقه بنفسك ومو لازم تبررين نفسك لاحد

لا مشرفه ولا غيرها

من جد سخيفات والشعر ع كيفك لا تتركي شي تحبيه عشان

اراء الناس ومصيرهن يطفشن بالنسبه للبنات اللي تقل ادبها معك

كف يسكتها

[حروف العز]

^
^
^
عجبني كف يسكتها يامسك :فطسه:

انا اقول صحيح انتي مو مجبوره تبررين لحد انك مو بويه لأن افعالك واسلوبك راح يثبت هالشي

وماانصحك تعطينها كف عشان ماتصير لك مشاكل وتنقلب السالفه عليك

طنشي فقط << اعمل حالك اصمخ :blush-anim-cl:

[مطر الفجر]

وعليكم السلام
اختي قد لا يعجبك ردي ولكن سوف ارد عليك بكل صراحة
انتي وضعتي نفسك في محل شك وتشويه للسمعة
القصات القصيرة حلوه لو كانت الى الاكتاف
اما ما فوق الاذنين فهو امر غير محبب وغير جائز شرعا
كما انه عرضه للشبهات وبات في هذا الزمن معروف
ان اي قصات شعر قصيرة يعني بوية ولو انا كنت في جامعتك
سوف اقولها لك بكل صدق
لانني سوف اشك بك انك بويه ولن اتقرب منك ابدا
بسبب مظهرك الخارجي اللذي لا يدل على انوثتك
لاتنزعجي من ردي
انتي وضعتي نفسك في هذا الموقف
ولن يستطيع احد اخراجك منه مهما حاولتي
لان انتي تعرفين مسبقا ان البويات شعورهم قصيرة
لماذا قصيتي شعرك هكذا وجعلتي نفسك شبهه ؟
خاصه في مجتمع الجامعات حيث تكثر فيه البويات
لن تسلمي من كلامهم على اية حال
حتى وان طال شعرك ستبقين البويه اللتي كان شعرها قصير
في نظرهم ...
ولا اعتقد انك سوف تخرجين بنتيجة او حل
بهذا الموضوع !
الا حل واحد فقط وهو ان تبقين طول يومك بالجامعه محجبه
وان سالوك لماذا قولي لهم كان معي مرض في فروة راسي
واضطررت احلق شعري وصارو يحسبوني بويه
ولهذا ارتديت الحجاب !
هل ستطبقين هذا الحل الوحيد المقنع ام لا ؟؟؟؟
الامر بيدك
الله يبعد عنك بنات السوء
تحيتي لك

[أسيل]

انا بعد زيك
احب القصات القصيرة
والحين صارت موضة بهوليود
هذي القصات ومن اجمل الانواع بعد
بس بمجتمعنا العربي يشوفون هالشي تشبه بالرجال
ودام نحنا عايشين ببلد عربي لزم نتقبل هالوضع ~
انا كنت بقص شعري قصير بس ترددت خفت يقولون تتشبه بالرجال
بالاضافة الشعر الطويل اجمل وافضل جربي طوليه وبتحسي بجماله عنجد :SnipeR103:

[عمرسليمان]

رد خارج عن محتوى الموضوع

حُرر من ( اللورد يحيا )

[رويدا محمد]

وعليكم السلام ورحمة الله وبركاته

أولاً أختي كما ذكر الأعضااء مسبقاً
أن القصةة ما فوق الأذنين محرمةة شرعاً للنساء
أما إذا كان قصيرا تحت الأذنين فلا بأس به ..
ثانياً قصيتي شعرك ومشي الحال ...
لكن تصرفاتك وانوثتك باقيةةة
أجعلي من اسلوبك وتصرفاتك ثابت لهم عليها
وهكذا سيعرفوا أنهم خاطئين

[عـشـق آلـفـلآ]

يادفع البلا وشذا الكليه

شعرك قصيته الحين والموضوع انتهاء
لكن باقي تصرفاتك ولبسك ومكياجك
حولي تبرزين هالاشياء أكثر من قبل عشان
ماحد يقولك بويه أو ماتشبه بالرجال
وخلي الي يتكلم يتكلم أهم شي نيتك
وش مقصدك وثاني مره لا تقصين شعرك جمال المرأة بشعرها
يمكن مايليق على وجهك الطويل لكن إذا طلعتي من الكليه سوي فيه الي تبين
وابعدي نفسك عن المشاكل وريحي راسك من اولها واهتمي بدروسك الكليه يبي لها اهتمام بالدراسه مو بكلام البنات لأنك لو سمعتي لكلام البنات رح تطفشين صدقني وتبدين تفكرين فيهن
لأن بعض البنات فضيات تحسب الكليه لعب وكشخه وعلاقات مع بويات نقص عاطفي ومرض نفسي الله لا يبلانا بس ويجعلنا ع الفطره لين نموت

بويه الحمد لله والشكر ولو دخلو جحر ضب لدخلوه


معليش لكن يرتفع ضغطي من هالناس الي يتشبهون بالرجال أو العكس ياخي الحيوان اكرم منهم الله يبيدهم عن وجه الأرض.

ومثل ماقلت لك طنشي وابرزي انوثتك بالملابس والمكياج والتصرفات لين يطول شعرك
والله يحفظك.

[آلمتفائله]

لاتزعلين مني بس انتي اللي جبتيها على راااسك

انتي عارفه تفكير هالمجتمع وتدرين انه فيه بويات بالمدرسه والجامعات

ماله داعي تقصينها لهالدرجه الحين انتي جذبتي البويات لك من خلال قصة شعرك

واذا شعرك قصير مره ف هو تشبه بالرجال ومايجوز تقصينها اصلا

مالك الا تتحملين ماجاك وخذيها درس لك المره الجايه

[ســـارا]

السلام عليكم

ويسعد صباحك

ممدري انا في الجامعه كذا اي بنت تقص شعره
مررة قصير نعتبرها بوي !
لكن اللبس المشية تميز انهامتقمصة شخصية
البوي !

انتهى الموضوع وقصيتي شعرك الله يعينك
اهم شئ لا تنفتنين كثير بدايتهن كذا بعدين
عجبتهن السالفة :/
انتظري لحتى يطول ولا عاد تقصينه
الشعر كل مااطال كل مااظهر انوثة البنت !

[مرجانة]

استغفر الله العظيم

فعلاً النظر للفتاة بشعر قصير جداً جداً غير محبب
و لا يليق بفتاة

لكن مهما يكن من العيب عليهن التصرف معكِ بهذه الطريقة طالما أنتِ لا تتصرفين تصرفات توحي بالشذوذ
قفي لهن وقفة حازمة ، و لا تبالي بهن

و أي مضايقة تتعرضين لها من هن تقدمي بشكوى عليهن عند الإدارة

كان الله في عونك

[انعكاس القمر]

اي بالوقت هذا اكيد اي وحده شعرها بوي يعتبرونها بويه لانهم كثروووا بس انا متأكده لو ان ملابسك وطريقه مشيتك وصوتك انثوي بحت ماشكوا فيك انتي حاولي تظهرين انوثتك اكثر ولاتقبلين منهم لاهدايا ولاغيره وخليك جاده معهم وانتي الي روحي اشتكي عليهم

[مـــاخ]

على هذا المفهوم المستشاره الالمانيه
الخاله ميركل
هي ايضا تعاني من مشكله الاخت
طفره علميه مهمه جدا في الجامعات

العربــية

[جَســـــوُرْ..،]

زين أنك شفتي ، وش صار لك أتمنى أنك تتعلمي منه درس ..

[غيرمهتم]

اي بالوقت هذا اكيد اي وحده شعرها بوي يعتبرونها بويه لانهم كثروووا بس انا متأكده لو ان ملابسك وطريقه مشيتك وصوتك انثوي بحت ماشكوا فيك انتي حاولي تظهرين انوثتك اكثر ولاتقبلين منهم لاهدايا ولاغيره وخليك جاده معهم وانتي الي روحي اشتكي عليهم

صح كلامك ميه في ميه

بس وين صاحبه مشكله ابي اسم كليه :MonTaseR_31::MonTaseR_212: