بافارقك .. لو كان ما اخترك فرقاك

[الْعَطَــــآوُي]

بافارقك .. لو كان ما اخترك فرقاك

بافارقك .. وآنا فرجوى وصالك


البعد لو به خير ما كان خلاك ؟؟
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. ( لا يغرك جمالك ) !!

خليتني للبعد .. والبعد قسّاك
خلاك تنسى واحد" قد وفا لك ؟؟

سليت سيف الهجر ؟؟ كني من اعداك
وذبحت شوق الروح شاللي جرى لك

العام ما تصعب الى قلت بلقاك
واليوم من دون المواصيل هالك ؟؟

منت بردي .. حسبي على الوقت ردّاك
غير صفاك / وطيبتك / واعتدالك

حاولت نسيانك .. وعييت لا انساك ؟؟
لا جيت ابنسى .. ذيب صدري عوى لك

لو انك بترجع كثر ما آتمناك ؟؟
ما كان ذا حالي .. ولا ذا بحالك ؟؟

كثر الجفا وآنا أستغفر الله اشراك
حبك كفر بي .. لعنبو من صفا لك

خذاك مني البعد ما عاد بقاك ؟؟
لكن على قول المثل مش حالك

تدري وش اللي يقتل الشوق يا ذاك
لاني بولد عمك ولا ولد خالك ؟؟

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك ؟؟
لو كان من دنياي .. مابه بدالك

تبغي تضيق خاطري جعله فداك ؟؟
مهوب انا اللي يعاتبك في حلالك

طلبتني قلبي وانا قلت لك .. جاك
والحين سو بخافقي ما بدا لك ؟؟


الشاعر / حمد بن عبدالله البريدي المري

[رويدا محمد]

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك ؟؟
لو كان من دنياي .. مابه بدالك

أحببت كثيراً هذين البيتين
عطاء جميل أخي العطاوي
كل الشكر لك

[مشاري]

قصيده رائعه و هذه البيتين اروع

كثر الجفا وآنا أستغفر الله اشراك
حبك كفر بي .. لعنبو من صفا لك


سلمت لنا ذائقتك يالع ـطاوي

تحيتي

[الخيال التغلبي]

الله عليك الله يالعطاوي ـ شكلك تبي تقضي عليّة ـ اختياراتك بديعة لكنها بتقضي على اخوك ـ فإن كان هذا يطربك ـ فالحلال حلالك ، والروح روحك ـ لكن على ما قالوا الفرسان عندما يقعون في أيديّ أقرانهم ، فيقولون لهم أبق على لمعثّرات الليالي ، فأنا أقول لك ، أبق عليّه لمعثرات الليالي ـ ولا تقضي علىّ في هذه القصائد ((القاتلة)) ـ يسلم لي نفسك وحسن احساسك في اخيارك ـ تحياتي واشواقي الحارّة لك .

[الســاهر]

البعد لو به خير ما كان خلاك ؟؟
تقطع من عيون المحب اتصالك

صح لسان الشاعر
وسلمت ايادي الناقل
اختيار رائع لايستغرب من رائع

[زائرة الليل]

ابيات روعه
صح لسان شاعرها ويسلم ناقلها

تقديري