المساعد الشخصي الرقمي

مشاهدة النسخة كاملة : جيت أدوّر في ظـــلام الحب صدر يضمّني


الســاهر
10-26-15, 11:31 PM
جيت متعنّـــــــــــــــي وأنا لولاك والله ماعنيت
......... جيت أدوّر في ظـــــــلام الحب صدر يضمّني.

جيت.. وأحلامـــي كبيره جيت لاكنّــــي بكيت
......... يوم قلبك شافنـــــــــي ميّت عليــــه وردّنـــي.

بعتني بأرخص ثمن رغــم انّي اقبلت وشريت
.......... بعتنـــــي وللحين مدري ليه أصـــــــلاً بعتني.

ما جرحــت ولا فضحــت ولا تعدّيــت وخطيـت
.......... كلّ مافي السالفه أحســـاس يمّـــك شدّنـي.

كنت لو تطلب عيونــــــــــي قلت خذها يا فديت
.......... ولو طلبت الروح اقدّمهـــــا عشانــــك تهتـني.

سمّني مجنونك أو عاشق عيونــك لو بغيت
......... المهم أبقى معـــــــــك دوم وبكيفــــــك سمّـني.

ليـــه طيّب ماتبينـــي وأنت خابرنــــــــي وفيت
......... ليش تتجاهل شعوري وأنت عــــــارف معدني.

تحرق اعصاب القصيد اللي على وصفك بنيت
......... كلّ همّــك ينكســـر ذاك الشمـــــــوخ وينحنـي.

ابتليت ايوالله انّــــــي فـي محبتــــــــــك ابتليت
......... وأغتربت وكانت احضانك ملامـــــــح موطنـي.

وأنصدمت ومــــــات فيني حلم يـوم انّي دريت
......... انّك آخــر شخص ممكن في الوجـود يحبّـني!!.

همسة الروح
10-27-15, 09:31 AM
رووووعه القصيده
وأنتقاء جمييل
يسلم ذؤقك ي الساهر
لاهنتَ

الســاهر
10-27-15, 01:37 PM
هلا والله وغلا
من القلب لك الشكر على مرورك العذب
وسلمت يمينك على الرد والتعقيب
لك مودتي وتقديري


SEO by vBSEO 3.6.1