المساعد الشخصي الرقمي

مشاهدة النسخة كاملة : احيان فيها عقل واحيان مطيوره


ذات
11-05-15, 01:32 AM
العمر محدود ولاّ الوقت له دوره=وانا الى الحين واحزاني هي احزاني


والوقت لو جار ماهتميت من جوره=بدري على الوقت يامرني وينهاني


شفني هنا والنجوم هناك منثوره=ان كان ماطلتها مانيب عرجاني


شاعر واحب الشعر واغوص فبحوره=كن القصايد تعزوابي وتنخاني


والشاعر اللي لا غنـّى يقفد شعوره=يستاهل انك تجي لمشاهده عاني


والجادل اللي معي بالصوت والصوره=تاقف على باب فكري ماتعداني


كنها تردد بعون الله منصوره=وكنها تغذا على دمي وشرياني


احيان فيها عقل واحيان مطيوره=واحيان تخطي علي وتقول بلعاني


تضحك على لهجتي لاقلت ماجوره=والحين صارت بلهجتنا تحداني


ماهي على الوصل ملزومه ومجبوره=تقرب وتبعد وتذكرني وتنساني


تقول كان الغلا في جوف سبوره=قم اكتب اسمي غلا ولاّ قم امحاني


لبّى الغلا يابرنسيسه ياسنيوره=امن الغلا ماذكرت اسمك على الساني


اخاف من واحدٍ لادق لي زوره=قدام عيني والى من رحت يقفاني


يامطلعة شاعر الابداع عن طوره=الى متى والخطا منك يتمثناني


تخطين واسامحك واقول معذوره=اروح فيها لمن قلتي على شاني


القلب بستان وانتي اجمل زهوره=مايقطفك من خفوقي واحدٍ ثاني


تربّعي دام لك فالقلب مقصوره=والله ماانسى غلاك ان الله احياني

رويدا محمد
11-05-15, 02:09 AM
لبّى الغلا يابرنسيسه ياسنيوره=امن الغلا ماذكرت اسمك على الساني

رائعةة حقاً هذهِ الأبيات
وصح لسان قايلها
يعطيك العافية على الإدراج بيلسان
تحياتي لك

ذات
11-05-15, 07:18 AM
الف الف شكر
على مرورك الرائع غاليتي رويدا
وشاكره لتقييم
احترامي لك
:رحيق:

الســاهر
11-05-15, 02:10 PM
رائعة حقاً هذهِ الأبيات
وصح لسان قايلها
وسلمت يمين ناقلتها
يعطيك العافية على النقل
تحياتي لك

ذات
11-05-15, 11:07 PM
اشكرك أخي عل المرور الرائع
احترامي لك


SEO by vBSEO 3.6.1