يا نجم ضاوي احروفك دوم مطغيها ** ولون القوافي بحرفك وردة بريّة

[الخيال التغلبي]

يا نجم ضــاوي احروفك دوم مطغيها
ولون القوافــــــــي بحرفك وردة بريّة
واخّرت رد القصيدة ماني ناســــيها
لا شك من ثقلكم أخرّتها اشـــــوية
والنفس اخونا نــجــم نــجم معنّيها
وهيّض عليّه اهموم كـــانت مخفيه
حقك علينا يا غــــالـــي لا تسوّيها
وتزعل عليّه وانا يكفيني مــــــا فيه
احسّ انا النفس عندك فيها طاريها
هي عندنا والا راحــــــــت للجنوبية
طمني والا دعيت الرب بــــــــاريــها
عساه يخفف عذاب للــشــقـــاويـة
وعزّالله وصفك عليها كنك قــــاريـهـا
هي الـبـلا والــجــلا وايـضــــا انـانـية
لا شك طعنا اخــونـــا وقال مـا فيـها
حيثه فيهم نــجــم نــجـــم بخـافـيّه
قصيدتي راحت يمك وانــا مسرّيّـهـا
عبر الـتــواصــــــل تجيكم وردة بريّـة
واسلم وسلم على روحك وغاليهـا
وكـل الربع عندكم واللــي نشد ليه


من جديد / الخيّال التغلبي .

[رويدا محمد]

مبدع يا التغلبي
أبدعت في ابياتك هذهِ

تحياتي لك

[الخيال التغلبي]

اهلين سيدتي / رويدا محمد ـ سررت بمرورك على متصفحي .

[إمبراطورة البحر]

جميل ما خطته أناملك
ما شاء الله عليك
الشعر منك وفيك
صح لسانك شاعرنا
يعطيك الف عافية

دمت بود

:81:

[نـجـم]

صح لسانك
والاهنت يا التغلبي
انت خيالها لاثار العسام
يعطيك الف عافيه
مشكووور

[الخيال التغلبي]

امبراطورة البحر ـ الجميل مرورك اسعدني ـ تحياتي

[الخيال التغلبي]

هلا با خوي نجم نجم ، ما عليك زود ـ وانت محزمنا والفشق الياثار العسام .

[نجم ضاوي]

هلا والله وغلا با الاخ الغالي والصديق العزيز ,,, الخيال التغلبي ,,,
صح لسانك وسلم راسك ,,,
جزله من جزل الله يعطيك العافيه ,,,
قصدناك وانكوى فيها الاخ العزيز والغالي والشاعر القدير ,,, نجم نجم ,,,


لا هود الليل اجلس مع النفس ناجيها
فـي جـو رايـق . . والـلـيـلـه رمـاديـــه

وإن عـصــت . . بـقــولـك لا أكـويـهــــا
مـا مـن عـقــده . . عـلـيـك مـعـصـيــه

عِـلـتـك يـا خـوك . . بـالـصــبر داويـهــا
وقـول يانفـس . . جلستـنـا صفـاويـــه

أعـرفـك . . يا صـاحـب الـذوق راعيهــا
مـا تـوقـع . . إلا علـى ورورد جـوريــــه

الـذيـابـا . . تـفــزع الـنـاس طـاريـهــــا
والذيـب يخـافـه . . كل جنـي وجنـيــه

نفـسـك . . وإنـت تـعـرف خـوافـيـهـــا
أقــول الله . . يـعـوضـك بنـت حـوريـــه

[الخيال التغلبي]

بالجنّة انا وانت ونـجـم نـجـم فــيــهــا
والكل منا عنده ســبــعــيــن حــوريّـة
وخلّ الــغــوانـــي تنشغل في نواديها
يا جعلهن يا اخــــــــوي بالفين دوريّة
والكل منهن معها بالسجن والــيــهــا
ويبلاهن ربي في حياة شــقـــاويــــة
الياصارت بنت الناس تجفي غـواليها
اللــــــــــــــــه يدربيها مع الفين جنيّة
واللــــــــــــــــــه ربي بالبلاوي يدربيها
ويجعلها ربي دايم في حـــــال نفسة
لويش تتكبر ووش عـــــــاد ووش فيها
يمكن تصدّق نفسها اليوم حـــــــوريّة
اسمح لي يا بو ضاوي امسح بتاليهـا
على البنات بشكل كـامــــــل ومـولية
الله لا يرحمـــــــــــــ بنت بنت تسوّيها
ولا تــجـــــــــــود بقبلة مع حـسن نيّة
وتطفّي نار تشتعل جوف غــالــــيـــهـا
نار تلظى في قــلــوب الــهــواويــــــــة
واستثني منهن اللي بالقلب واغليها
واربط قراري هذا فــــــــي حبّة اشفيّة
وان ما عطتني وراسك والله لا ارميـها
ولو يزعلون اعــيــالــهـــــا والحضــورية
قبلة بسيطة وان بغت قلت خـوذيـهــا
ما فيها ذنب ولا حـنّـا حـــــــرامــــــيّــه
لا هـي كــبــايــر ولا فـيـهـا ومـا فيـهــا
ذنب اللمم يا صــاح نفتي به اشـويّـة
واللي تبي من صـالــح الدين وافتيهـا
تقضي لزوم اللي حــيـاتــه سواسيـة
ما له ونيس ولا جلـــيس ويـرجــيــهــا
ما عنده الا بس جــــــدران ومـطـلـيّـة
وحده وحــــيــد ولا له بالناس وافـيـهـا
يشكي على الجدران وحدة خـرافيــة

[نجم ضاوي]

دلـوك مـع النـاس يـا خـوك أدليها
قصتك يا التغلبي ماقـد طرت ليه

قصه من ألـف ليله وليله حكاويها
قصـة غـرام . . ألـم روحً شقـاويه

لا عاد تحكيها لأحد ولا عاد تطريها
دام البطل إنت . . والبطله خرافيه

أحتلت الروح وساكنه بين محانيها
باين عليك الجرح . . والروح مبليه

الله يعوضك . . خير الدنيا وما فيها
جنة الفردوس وروح من الله مرضيه

[الخيال التغلبي]

تدعي لي كني شـــايب رايح فيها
والروح يا مــشــكــــاي توّه شبابية
والرب ما انســـاها وانا اصيح وابيها
والجنة باذن اللــــــه حجزنا بها ليّه
بس اتركوني ودي احلم بتــــــاليها
مثلك ما شآف من البنات الخرافيّة
لو هي خرافة قلبي اللـي مهاويها
ولو آتنازل عن حــيــاتي لها اشويّة
كب المزح يا صــاحبي وايتني فيها
يمكن تلقاها في خــبــوت جنوبية
الـحـب ما هو مزح وديون تشكـيـها
الحب نــــــــــــار بالصــدر ولّعت بيّه
تكفى يا بو سلمان خفف بـــلاويها
عطني امل ما هي سوالف خرافية

[نجم ضاوي]

نداء إلى أخي ,,, الخيال التغلبي ,,,


انقبض قلبي وجفـن العـين رف
يا دافـع الـبلا يا لله عسى خـير

ضـاق صـدري والوريد دمـه جف
سـرابـي الهـوجاس لأمـرً خطير

عن اللعب واللهـو خاطـري عـف
طيري ياللـي أحبـه اخطفه طير

يا التغلبي قـوم وشـد لي الكف
بغيتـك يا محزمي .. بأمـرً عسير

إللـي أحبـه .. صــد عنـي وقـف
حُـب الكـذب يا خـوك حبله قصير

صرت انـا اليـوم تحفـه على الرف
خان حُبي لاحيا ولاخجل أوضمير

تكفى أفـزع معي يا سيد الحرف
محتاج انا وقفتـك يا سمو الامـير


أخوك ,,, نجم ضاوي ,,,

[الخيال التغلبي]

كــــــــــــان انقبض قلبك انا لفني لف
ورســـــــالتك لفت على القلب وتدير
ابشر وانا حـــــــاضر خذ القلب والكف
والروح يــمــك تــســبـق القلب وتطير
تامر وانا اللي خــــــــافقي يمكم رف
ولا عـــــــــــــاد بيّه عقب بلواك تطوير
وصبت ادموعي لجلك والدمعـ ما كف
قلبي توجــــع لك من اللي بك يصير
يا نجم ضـــاوي حبي مع حبكم خف
اثر الـمـحـبـــــــــــة عندك وعندنا غير
اثر الهوى هــــــواك موت ما به عطف
وحنا هــــــــــوانا ما هو مثلك زمهرير
اللــــــــــــــــه يشلع قلبها يوم تلقف
وتـبلاك وتشلع عنك مع شلعة الطير
تــعــــــــــــــــال ووجه يمنا عندنا رف
سرب الحـمـــام وشوفته تبهج الطير
يمكن يسلي خــــــافق عندكم جف
ويحييك وترجـــــع لك حياتك ثم تطير

[نجم ضاوي]

المـوت اهـون .. مـن حيـاة المقف
يالموت عجل .. خـذ حياة المعاثير

الله أعز واكرم من المقفي والطَف
لابـد علينا تلـوح .. نسايم تباشير

يـا الله طلبتك علَـي تكـرم واعطِف
يا عالـم الحال .. حالي غـدى غير

إللي بوسط قلبي من وقفتك خف
يكفيني من وجهك حُسُن التعابير

قلبك ابيض .. كما الشاش وانظف
يالتغلبي مشكور وتمسي على خير

[بحرالحنان]

السلام عليكم
اتمنى ان اكون ضيفة خفيفة عليكم:31::31::31:

[الخيال التغلبي]

الليل توه ما بدا والــــحــــجــــــا رف
واليابغيت انقول تمسي على خير

[نجم ضاوي]

هههههههههههههههه

عيلت يا التغلبي الظاهر غزاني الخرف ,,,

لا لا تشـره علي .. تراني معيل
ماعدت أمـيز ليلي من نهـاري

لا ابـات ليلـي .. ولا نهـاري أقيـل
ولا اعـرف أش ياصـاحب جـرالي

[نجم ضاوي]

هلا والله وغلا ... بحر الحنان ,,,
انستي وشرفتي ,,,
حياك الله في اي وقت المتصفح متصفحك ,,,

[الخيال التغلبي]

ما لوم قلبك صـــــــــار دايم ابو ليل ** تبي المنام لطيفها والمحاري
خلك معي ما ينفعك حلم يا ابخيل ** تبخل علينا وضيعوك القماري
تعال وخفف وحدتي تكسب جميل ** وصدقة واجوزك بس صر جاري

[نجم ضاوي]

جهـز الـدلـه .. مبهـره بالهيل
ودارك أنـا .. أبـا أعتـبره داري

جايب هديه اربـع مـن الخيل
محمله باغلا الدرر والمحاري

هديةً مني للرموش المضاليل
إللي بتصبح ذاك اليوم عاري

ونسمـع الـدان وقـول يا ليل
واصبح أنا جـارك وإنت جاري

[الخيال التغلبي]

اهلا وسهلا فيك والاربع الــخــــيـــل ** واهــلا وسهــــلا فيك واهـلا بداري
بس افطن قبل تيجي سو التحـاليل ** تحليل يثبت انك توك قــــمـــــاري
وتشهد عجوزك مع التوقيع بالـحـيل ** توقيع واضح ما هو هرجة حــواري
والا انتورط بالرموش الــمــضــالــيــل ** واروح فــيــهــا ويزعلون الـجـــواري
الشمس غابت ودّها شوفة اسهيل ** تبي اليماني وتبي تبّع امــبـــاري
تبي الملوك وتبي شـــــرواك تمثيل ** واعرف انك كفو وباللوازم مــشاري
والــدلّــة اللــي مبهّرة وكـلـهـا هـيل ** هي بانتظارك والفشق والسواري

[نجم ضاوي]

كفـو .. يـا دارس علـوم الرجاجيـل
والنعـم ياللـي على القلـب غالي

هرجك اسعدني وفِرحت بـه حيل
جـزاك الله خـيـر . . ريـحـت بـالـي

باكـر اروح الصحه واجـري التحاليل
واطمنك حالاً على وضعي وحالي

أنا جاهـز وحتـي جمالـي معاقيل
واسأل الله يتمـم إللـي في بالي

[الخيال التغلبي]

يا زين العاقل سوالفه دوم تفصيل ** يجيك هرجه دايم بالكمالي
والا الردي يذبحك يا حيل ابا الحيل ** لا ناشد عني ولا به جمالي
كفو يا بو ضاوي يا شيخ الرجاجيل ** روح ولا تنسى توقيع العيالي
توقيع اللي تدعج في عينها الميل ** بدنوها ما نقبل يا راس مالي