رحلتي لمدينة الأسد ... سنغافورة

[إمبراطورة البحر]

بسم الله الرحمن الرحيم



حبيت أشارككم برحلتي لمدينة الأسد



"سنغافورة"



:نبض:


بما إن عندي وايد اشياء ابا اوريكم وأقولكم فراح أخليه ع أجزاء عشان اقدر افصل ع راحتي.




** اعذروني اذا الصور مو وايد واضحة وقليلة لان اكثر الصور مع الاهل وهذا كم من صورة حصلتهم في تليفوني واخوي مصور وايد بس اكيد منزلهم في الانستغرام وحبيت صوري تكون حصرية للمنتدى.

** واسمحو لي أتكلم بلهجتي بس اذا حبيتوا أحول أحول للفصحة بس احس جي بأخذ راحتي أكثر.



...



معلومات عامة عن سنغافورة




العاصمة: سنغافورة وهي اكبر مدينة


الموقع الجغرافي: جمهورية تقع على جزيرة في جنوب شرقي آسيا.

اللغة: الإنجليزية(هي اللغة الرسمية) ، الصينية ، التاميلية ، الماليزية

العملة: دولار سنغافوري ... 1SGD= 2.5 AED

الشعب:

طيب ولطيف

ما له دخلhttp://cdncache-a.akamaihd.net/items/it/img/arrow-10x10.png (http://www.al2la.com/vb/#(يمنع عرض أرقام الهواتف بدون أذن الإدارة)) بالناس كل واحد مع نفسه ( يعني حتى لو طحت ع ويهك محد بينتبه هههههه)

نشيطين جداً ويطبقون القوانين وهذا احلى شي فيهم الإنضباط مافي أحد يتعدى على دور الثاني

البلد نظيف جدا ً نظراً لان القوانين تطبق فأي ورقة ترمى عليها غرامة 500 دولار سنغافوري

مستوى المعيشة عندهم عالي لهذا البلد غالي لكنه يستاهل الزيارة

نادر ما تشوف الشرطة في الشوارع لان في كاميرات في كل مكان

اما عن الجو هذي قصة ثانية بقولكم عنه بعدين بس بشكل عام حار ورطوبة لانها دولة استوائية والامطار ع مدار السنة (هذي النقطة انا ضدها)

معالمها السياحية جداً جميلة والكثير قالوا يكفيها 5 او 6 ايام بس نحن خذنا 9 ايام (متحمسين ههههه)وما كفانا الصراحة في وايد أماكن ما رحنا لها.




...





تفاصيل الرحلة



عدد الاشخاص : 5 ( أنا وأخواني)

تاريخ المغادرة والعودة : 15/8/2015م – 24/8/2015م (9 أيام)

خطوط الطيران: القطرية للطيران

خط السير : دبي – الدوحة – سنغافورة / سنغافورة – الدوحة – دبي


...




تخطيط الرحلة



ما كان وجهتنا الرئيسية سنغافورة فكان في بالنا كوريا بس تكنسلت لان طلع مرض الكورونا فيه ووزارة الخارجية منعت السفر له عقب قلنا اليابان وتكنسلت مأعرف ليش الصراحة نسيت ههههه والكثير قالو روحوا تركيا بس نحن كنا نبا نروح نلعب ونغير جو وما حسيت تركيا حق هالشي بالعكس زين حق شهر عسل اكثر. فإستقرينا على سنغافورة من الي قرأنا عنه وحبيناه.

التذاكر وغيرها من الامور كلها كانت بيد أخوي الله يحفظه هو الليدر مالنا كان وضبط كل شي وكان مخلي علي شي واحد اني اسوي جدول للأماكن الي بنروح له لكني شاطرة ما سويته فكنا نقعد كل ليلة بعد ما نرجع نخطط شو بنسوي بكرا بس بصراحة حلو بدون تخطيط ما تلتزم بوقت او شي بس الشي المو حلو انك يمكن او اكيد ما بتقدر تروح لكل الاماكن الي قرأت عنها.

...




الأماكن الي زرناها



في المدينة :



Orchard Roadشارع

الحي الصينيChina Town

Wak Hai Cheng Bioمعبد

الحي الهنديLittle India

حديقة الحيوانات Singapore Zoo

National Museum of Singapore

Bugis street

Singapore Flyer

Marina Bay Sands



في جزيرة سانتوسا:


يونيفرسل استيديو الترفيهية Universal Studios

المدينة المائية Adventure Cove Waterpark



يتبع إن شاء الله مع الجزء الأول من الرحلة
أتمنى ينال ع إعجابكم

:81:


ღ...إمبراطورة البحر...ღ

[مطر الفجر]

تقرير رائع ومشوق لكن لم تظهر عندي الصور
بانتظار الجزء القادم عزيزتي
تحيتي لك

[قصة عطر]

,
,
,







موضوع جميل ,. / متابع !
9 ايام ولفيتو هاللفة ماشاءالله
الظاهر الصور مع الجزء الثاني زياده تشويق .. ^_^


الحمد لله ع السلامة








.

[ورده بريـــــه]

بدايه مبشره بالخير هههههههههههههههه

اهم شي انبسطتوا بالاكل؟؟هههههههههههههه

[إمبراطورة البحر]

تقرير رائع ومشوق لكن لم تظهر عندي الصور
بانتظار الجزء القادم عزيزتي
تحيتي لك

شكراً مطر ... في الأجزاء الياية ان شاء الله بيكون في صور
اتمنى ينال ع إعجابج
ربي يسعدج

دمتي بود

:81:

[إمبراطورة البحر]

,
,
,







موضوع جميل ,. / متابع !
9 ايام ولفيتو هاللفة ماشاءالله
الظاهر الصور مع الجزء الثاني زياده تشويق .. ^_^


الحمد لله ع السلامة








.

الأجمل متابعتك
ههههه هيه وما كفانا
هيه ان شاء الله مع الاجزاء الياية بحط صور
الله يسلمك يارب

دمت بود

:81:

[إمبراطورة البحر]

بدايه مبشره بالخير هههههههههههههههه

اهم شي انبسطتوا بالاكل؟؟هههههههههههههه

شاكرة لج تواجدج ومتابعتج أختي
لا والله وردة هذا الشي عانينا منه وايد
لان اكثر المطاعم مو حلال والمطاعم الحلال كله الاكلات السريعة الموجودة عندنا

دمتي بود

:81:

[إمبراطورة البحر]

الجزء الأول :نبض:


...


رحلتنا كانت ساعة 12 ونص المساء بتوقيت الامارات ونحن وصلنا للمطار على 9 ونص عشان نخلص أمورنا
وعن الزحمة وبعد ما تخلصنا من الحمل (قصدي الشنط هههه) خذينا أمي وأبوي عشيناهم وتعشينا معاهم الين وقت الطيارة .

تسجيلhttp://cdncache-a.akamaihd.net/items/it/img/arrow-10x10.png (http://s.iktmmny.com/click?v=QUU6Nzc4ODM6NDkwMTrYqtiz2KzZitmEOmM2ZWJjMD cyMWMyMmRmNGQzNTZhNzI4ZGU0ZjAxNWExOnotMjQ2Ny04MTc1 NDczMzp3d3cuYWwybGEuY29tOjI0OTk4NzpjMzllMjYyZTc3Nz Y1YWY2NWQyZTAyOGI2YTQ5MWY4YTphMDNlYzJlNjM1Zjk0OWMz YjJiYmUyNjU3MWE0NTQyZToxOmRhdGFfc3MsNjY3eDEyNTI7ZG F0YV9yYywxO2RhdGFfZmIsbm87OjUxMTU5MjI&subid=g-(يمنع عرض أرقام الهواتف بدون أذن الإدارة)-bf84a875d0e941c2893a78cec52d62ef-&data_ss=667x1252&data_rc=1&data_fb=no&data_tagname=A&data_ct=image_only&data_clickel=link)الدخول كان على 11 ونص ودعنا امي وابوي ودخلنا خلصنا الإجراءات ودخلنا للطيارة.

http://www.al2la.com/up/uploads/images/domain-fc10a48094.png (http://www.al2la.com/up/uploads/images/domain-fc10a48094.png)

هذي تذاكرنا .

http://www.al2la.com/up/uploads/images/domain-7db35531b3.png (http://www.al2la.com/up/uploads/images/domain-7db35531b3.png)

http://www.al2la.com/up/uploads/images/domain-(يمنع عرض أرقام الهواتف بدون أذن الإدارة).png (http://www.al2la.com/up/uploads/images/domain-(يمنع عرض أرقام الهواتف بدون أذن الإدارة).png)هذي الطيارة من برا ( أمانة تصوير اخوي ما كان عندي صورة حلوة )


http://www.al2la.com/up/uploads/images/domain-7ad006b554.png (http://www.al2la.com/up/uploads/images/domain-7ad006b554.png)

هذا خط السير من دبي للدوحة


http://www.al2la.com/up/uploads/images/domain-ba4f3de874.png (http://www.al2la.com/up/uploads/images/domain-ba4f3de874.png)

هذا الsnacks الي عطونا اياه بس ولاحد منا أكله لاننا كنا متعشين


http://www.al2la.com/up/uploads/images/domain-5eef52e0e1.png (http://www.al2la.com/up/uploads/images/domain-5eef52e0e1.png)

وهني وصلنا قطر.

وصلنا قطر ونزلونا من برا مو من الممشى الي داخل فحسينا كأننا شيوخ قاعدين ننزل جي هههههههه مو صاحين المهم عقب ركبنا الباص ودخلنا للمطار. المطار كبير ما شاء الله بس فاضي مو مزدحم نفس دبي او يمكن لانه ساعة 1 نص الليل مأدري.


http://www.al2la.com/up/uploads/images/domain-417408b146.png (http://www.al2la.com/up/uploads/images/domain-417408b146.png)

هذا كان في استقبالنا في قطر ههههههه

درنا شوي في المطار وكل شوي نشوف لوحة العرض عشان لا نتأخر ونعلق في قطر ويوم فتحت البوابة
توجهنا لهناك ونحن خلاص تعبانين نبا ننام.

http://www.al2la.com/up/uploads/images/domain-745b020a9d.png (http://www.al2la.com/up/uploads/images/domain-745b020a9d.png)

http://www.al2la.com/up/uploads/images/domain-e(يمنع عرض أرقام الهواتف بدون أذن الإدارة).png (http://www.al2la.com/up/uploads/images/domain-e(يمنع عرض أرقام الهواتف بدون أذن الإدارة).png)هذا شاشة العرض ومنها عرفنا واتجهنا للبوابة


الطيارة من الدوحة لسنغافورة طارت على 2 وربع تقريبا بتوقيت الدوحة.

الصراحة تعب كان 7 ساعات عشان نوصل وما تعرف تنام عدل بسبب المطبات الهوائية تخلي

قلبك يروح فوق وينزل ههههههه حاولنا ننام وبعد تقريبا مرور 3 سااعات نبي نشوف برا

الا والشمس يسلم علينا وع طول يتنا المضيفة تقوول لنا لا سكروا الشباك مأعرف ليش


http://www.al2la.com/up/uploads/images/domain-5f231ffcca.png (http://www.al2la.com/up/uploads/images/domain-5f231ffcca.png)

اصلا ما ينشاف شي


وبعده يابونا الغداء ع قولتهم وكان هذا غداهم امممم لا باس به بس ما كلينا وايد

لان اصلا الطيارة مسوية سواتها فينا


http://www.al2la.com/up/uploads/images/domain-f23e5cabeb.png (http://www.al2la.com/up/uploads/images/domain-f23e5cabeb.png)


هذي الصورة من الجو ( وايد تعجبني هالصورة)


http://www.al2la.com/up/uploads/images/domain-dfa951d32b.png (http://www.al2la.com/up/uploads/images/domain-dfa951d32b.png)


من الخريطة يبين اننا قربنا


http://www.al2la.com/up/uploads/images/domain-d222268f6e.png (http://www.al2la.com/up/uploads/images/domain-d222268f6e.png)


هذي سنغافورة من الجو


http://www.al2la.com/up/uploads/images/domain-01b571be4d.png (http://www.al2la.com/up/uploads/images/domain-01b571be4d.png)


وصلنا سنغافورة ساعة 3 وربع بتوقيتهم يعني 11 ونص في الامارات

وهذا مطارهم


http://www.al2la.com/up/uploads/images/domain-92456bc43d.png (http://www.al2la.com/up/uploads/images/domain-92456bc43d.png)

http://www.al2la.com/up/uploads/images/domain-142f0ec8c1.png (http://www.al2la.com/up/uploads/images/domain-142f0ec8c1.png)


وهذا من داخل المطار


http://www.al2la.com/up/uploads/images/domain-bff70afab6.png (http://www.al2la.com/up/uploads/images/domain-bff70afab6.png)

http://www.al2la.com/up/uploads/images/domain-a88b5fb552.png (http://www.al2la.com/up/uploads/images/domain-a88b5fb552.png)


مطار القادمون ما فيه شي مميز بس المغادرين وااايد حلو يوم بنغادر بوريكم



...


نهاية الجزء الاول

أتمنى ينال ع إعجابكم وان شاء الله لي عودة مع الجزء الثاني

:81:





ღ...إمبراطورة البحر...ღ

[بعثرة حرف]

ماشاء الله التقرير جميل و متكامل
والصور جدا جميله
شكرا على المشاركه و نتطلع لجديدك

[قصة عطر]

ماشاء الله


جميل جدا
أصلا الجو من المطار يفتح النفس
يعني لو تجلس في المطار يكفي !


تسلم ايدكـ ..



ننتظر الجزء القادم

[أميرللكلمة]

تقرير رائع ومشوق لكن لم تظهر عندي الصور
بانتظار الجزء القادم إن شاء الله
لكن أهم شيء الصور أذبحك لو ماظهرت
ههههههههاي امزح

[الساحرة]

اجمل مافي السفر لجنوب شرق آسيا
في اثناء التحليق الطائرة هي الغيوم الملبدة والكثيفة وكأنك تعبرين للجنة ..
تصوير جميل عزيزتي والمهم انك استمتعي :MonTaseR_11:

[روح مبعثره]

جميل جداااا
يعطيك العافية متاابعة

[إمبراطورة البحر]

ماشاء الله التقرير جميل و متكامل
والصور جدا جميله
شكرا على المشاركه و نتطلع لجديدك



شاكرة لك تواجدك أخوي بعثرة حرف
الأجمل إطلالتك سعدت كثيراً
ربي يسعدك

:81:

دمت بود

[إمبراطورة البحر]

ماشاء الله


جميل جدا
أصلا الجو من المطار يفتح النفس
يعني لو تجلس في المطار يكفي !


تسلم ايدكـ ..



ننتظر الجزء القادم

الأجمل إطلالتك اخوي قصة عطر
ههههههه صدقك الجو وايد حلو يوم وصلنا
الله يسلمك ... سعدت كثيراً بتواجدك
ربي يسعدك

إن شاء الله بنزله اليوم

دمت بود

:81:

[إمبراطورة البحر]

تقرير رائع ومشوق لكن لم تظهر عندي الصور
بانتظار الجزء القادم إن شاء الله
لكن أهم شيء الصور أذبحك لو ماظهرت
ههههههههاي امزح

الأروع إطلالتك أخوي أمير
افا مع اني انزله من موقع تحميل المنتدى
ان شاء الله تظهر لك الصور في الجزء الياي
ههههههههههههه ان شاء الله
شاكرة لك تواجدك سعدت كثيراً
ربي يسعدك

دمت بود

:81:

[إمبراطورة البحر]

اجمل مافي السفر لجنوب شرق آسيا
في اثناء التحليق الطائرة هي الغيوم الملبدة والكثيفة وكأنك تعبرين للجنة ..
تصوير جميل عزيزتي والمهم انك استمتعي :montaser_11:


صدقتي الساحرة هاي من الأجمل المناظر
شكرا لكِ الأجمل إطلالتك البهية فديتج
سعدت كثيراً بمروركِ
ربي يسعدج

دمت بود

:81:

[إمبراطورة البحر]

جميل جداااا
يعطيك العافية متاابعة

شاكرة لك تواجدكِ روح مبعثرة
الأجمل إطلالتكِ ومتابعتكِ لي سعدت كثيراً
ربي يسعدكِ


دمتي بود

:81:

[إمبراطورة البحر]

الجزء الثاني :نبض:


...


أول ما خلصنا إجراءات الدخول وأخذنا الشنط وكل شي الحين نبا نعرف كيف نوصل للفندق
وكان الوقت وقتها ساعة 4 بتوقيتهم فرحنا استفسرنا وقالو لنا ان اسهل طريقة هو المترو
وع قولت اخوي نبا نكون من عامة الشعب فكان المترو هو وسيلة مواصلاتنا طول الرحلة
فخذينا بطاقة المترو ويكون ب 12 دولار وهالبطاقة تبقى معاك وتعبيها عقب متى ما خلص

هذي البطاقة
http://www.al2la.com/up/uploads/images/domain-137c65aa8d.png (http://www.al2la.com/up/uploads/images/domain-137c65aa8d.png)

وصلنا الفندقhttp://cdncache-a.akamaihd.net/items/it/img/arrow-10x10.png (http://www.al2la.com/vb/#(يمنع عرض أرقام الهواتف بدون أذن الإدارة)) ورتبنا اغراضنا وكل شي نزلنا نبي نتعشى وبصراحة أكلهم مأعرف لان مو حلال
او مأعرف شو بس ريحتة استغفر الله ابد مو حلو كل ما مريت من مطعم مو حلال يكون جي
المهم نحن ما كان عندنا حل غير برجر كينج تحت الفندقhttp://cdncache-a.akamaihd.net/items/it/img/arrow-10x10.png (http://www.al2la.com/vb/#(يمنع عرض أرقام الهواتف بدون أذن الإدارة)) وحلال والمكان راقي ونظيف
لا تسألوني عن الأكل لان كله بيكون هذا هههههههه
http://www.al2la.com/up/uploads/images/domain-ff89b74c79.png (http://www.al2la.com/up/uploads/images/domain-ff89b74c79.png)

وانتهى اليوم الأول بدون احداث مشوقة

...


اليوم الثاني وكان يوم الإثنين تاريخ 17/8/2015

هذا المنظر من الفندق - دايما اقوم واشوف هالمنظر اقول لهم يلاااا نطلع الجو وايد حلو
http://www.al2la.com/up/uploads/images/domain-ef495b8735.png (http://www.al2la.com/up/uploads/images/domain-ef495b8735.png)

فطورنا يكون في الفندق وبعدها نطلع

اول يوم في شوراع سنغافورة والأمطار تقول لنا حياكم الله نورتوا ههههههه
http://www.al2la.com/up/uploads/images/domain-cf0b08b688.png (http://www.al2la.com/up/uploads/images/domain-cf0b08b688.png)

هذا اليوم كان مخططنا ندور في شوراع سنغافورة
ف رحنا لشارع بوغس وهذا شارع معروف بضاعتهم رخيصة زحمة 24 ساعة والي يبا يشتري
souvenirs فما له غير هالشارع واعذروني ما عندي صورة لهالمكان

وبعدها كملنا الطريق وحصلنا المتحف National Museum of Singapore

http://www.al2la.com/up/uploads/images/domain-5919f741ae.png (http://www.al2la.com/up/uploads/images/domain-5919f741ae.png)

http://www.al2la.com/up/uploads/images/domain-a940c2c981.png (http://www.al2la.com/up/uploads/images/domain-a940c2c981.png)

http://www.al2la.com/up/uploads/images/domain-b56724b728.png (http://www.al2la.com/up/uploads/images/domain-b56724b728.png)

عقب رحنا لشارع اورشارد وهذا شارع كله محلات تجارية (مولات) وفيه أكثر من 20 مول
يعني اطلع من واحد وادخل في الثاني هههههه دخلنا يمكن 4 مولات بس نبا نشوف شو
المميز فيهم وطلع ان كل واحد يختلف بتصميمه اما المحلات فهي نفسها فأي مول
http://www.al2la.com/up/uploads/images/domain-3b658dca5f.png (http://www.al2la.com/up/uploads/images/domain-3b658dca5f.png)

وهذي بعض المجسمات في هالشارع
http://www.al2la.com/up/uploads/images/domain-129ba69a55.png (http://www.al2la.com/up/uploads/images/domain-129ba69a55.png)

http://www.al2la.com/up/uploads/images/domain-c00e1df93c.png (http://www.al2la.com/up/uploads/images/domain-c00e1df93c.png)

بعد ما تكسرت ريولنا من المشي رجعنا بالمترو
صح اذا مقررين تروحون وترجعون بالمترو خلو معاكم خريطة المترو في تليفوناتكم عشان تعرفون
وين المحطة لان عادي تحت المول يكون في محطة

ردينا الفندق تسبحنا وتعشينا كالعادة في برجر كينج ونمنا ليوم ولا أجمل


...

اليوم الثالث الثلاثاء 18/8/2015

هذا اليوم مخططنا نروح جزيرة سانتوسا وبالتحديد يونيفرسل استدويو مدينة ترفيهية

طبعا المنظر دايما يكون حلو صباح الله وبعد المطر امس قلنا اكيد كل يوم بيكون جي
بس لو تعرفون في هاليوم قطرة مطر وحدة ما نزلت والشمس قاعدة فوق رؤسنا
خدعنا المنظر الصبح كان وايد حر ورطوية خلنا نبدأ بهاليوم

صح بقولكم ع سر خطير انا خوافة درجة أولى من المرتفعات والالعاب الخطرة قلبي ضعيف
هههههههه عشان لا تنصدمون من الاحداث في هاليوم

الين ما وصلنا لطريق الجزيرة ركبنا اظن امممم 3 متروات وكان الطريق من داخل المول
ومن هني تقدرون تشوفون الجزيرة
http://www.al2la.com/up/uploads/images/domain-54c1f1a9a3.png (http://www.al2la.com/up/uploads/images/domain-54c1f1a9a3.png)
اذا دققتوا شوي بتشوفون قلعة شريكhttp://cdncache-a.akamaihd.net/items/it/img/arrow-10x10.png (http://www.al2la.com/vb/#(يمنع عرض أرقام الهواتف بدون أذن الإدارة)) ... شفتوووه

وهذا التلفريك يوديك للجزيرة
http://www.al2la.com/up/uploads/images/domain-3a398a12bb.png (http://www.al2la.com/up/uploads/images/domain-3a398a12bb.png)

انا يوم شفته قلبي طاح في بطني واخوي بدأ يستهبل علي لان شافني مصدومة وانا اشوفه
فقال : بعض الناس قالو بركب هذا وذاك ما بخلي شي ما بجربه وسوت لنا سالفة .. تعرفونها ؟؟
هههههه لساني يباله قص بصراحة تحمست انا وقلت بجرب كل شي بس الخواف خواف
قلت له: لو يعطوني مليون ما اركبه ما ابا اموت ههههههههه
قال لي اقول امشي امشي لا تصيحين علينا

عشان توصلون للجزيرة في 3 طرق
اما الموت مع التلفريك او خنقة المترو او المشي مع إطلالة البحر

ونحن او انا الي اخترت المشي ووافقوا علي ومشوا قلت لهم يركبون هم بس ما رضوا

يوم وصلنا قريب
http://www.al2la.com/up/uploads/images/domain-08586c525b.png (http://www.al2la.com/up/uploads/images/domain-08586c525b.png)

كنا نشيطين ومتحمسين رغم ان الجو ما يساعد
ووصلنا يونيفرسل - في كل تقرير قراته قبل عن سنغافورة لازم الكل يتصور عند الكرة هذي
http://www.al2la.com/up/uploads/images/domain-5f3b43218c.png (http://www.al2la.com/up/uploads/images/domain-5f3b43218c.png)

هو يفتح ساعة 10 لل 6 المساء ونحن وصلنا قبل 10 بشوي ولو تشوفون الزحمة
اقول في نفسي انتو عايشين هني فليش كل يوم ياايين ما عندكم شغل
بس كلهم سياح من الصين وماليزيا ومأعرف وين شو اسوي كلهم يتشابهون ههههههههههه
نحن اشترينا تذاكر اونلاين فما اضطرينا ننتظر وهذي التذكرة
http://www.al2la.com/up/uploads/images/domain-ea7080aaf8.png (http://www.al2la.com/up/uploads/images/domain-ea7080aaf8.png)

وهذي صور متفرعة من داخل اليونيفرسل

http://www.al2la.com/up/uploads/images/domain-533dbe8d3a.png (http://www.al2la.com/up/uploads/images/domain-533dbe8d3a.png)

http://www.al2la.com/up/uploads/images/domain-aa(يمنع عرض أرقام الهواتف بدون أذن الإدارة)d.png (http://www.al2la.com/up/uploads/images/domain-aa(يمنع عرض أرقام الهواتف بدون أذن الإدارة)d.png)

http://www.al2la.com/up/uploads/images/domain-cf6d05e8e6.png (http://www.al2la.com/up/uploads/images/domain-cf6d05e8e6.png)

http://www.al2la.com/up/uploads/images/domain-(يمنع عرض أرقام الهواتف بدون أذن الإدارة)ce.png (http://www.al2la.com/up/uploads/images/domain-(يمنع عرض أرقام الهواتف بدون أذن الإدارة)ce.png)

هذي سفينة مادغشقر وهي لعبة اصلا
http://www.al2la.com/up/uploads/images/domain-b5de666593.png (http://www.al2la.com/up/uploads/images/domain-b5de666593.png)

اما هذي قلعة شريكhttp://cdncache-a.akamaihd.net/items/it/img/arrow-10x10.png (http://www.al2la.com/vb/#(يمنع عرض أرقام الهواتف بدون أذن الإدارة)) وبعد لعبة 3D
http://www.al2la.com/up/uploads/images/domain-31d9ba4486.png (http://www.al2la.com/up/uploads/images/domain-31d9ba4486.png)

هذي لعبة بوس ان بوتس قطار
http://www.al2la.com/up/uploads/images/domain-2d91bf2e5f.png (http://www.al2la.com/up/uploads/images/domain-2d91bf2e5f.png)

في تقريبا 15 لعبة وانا لعبت بس 6 هههههههه
في لعبة خطيرة قطار بس وايد يخوف قلت حق اخوي لا تلعبه يخوف قال لي حسافة
التذكرة الي دفعته عليج هههههههههه لاني ما لعبت شي يذكر
ما علينا منه هو مو صاحي انا عاقلة

لعبنا وتعبنا وخسنا من الحر وقلنا خلاص الحين بنتغدا
وهناك مافي غير مطعم واحد حلال وهذا أكلهم
http://www.al2la.com/up/uploads/images/domain-13ea8c052e.png (http://www.al2la.com/up/uploads/images/domain-13ea8c052e.png)

بس تدرون أبدا اكلهم مو حلو الدياي نيء قلت يمكن وجبتي لكن الكل نفس الشي
فأشك أنه حلال او يمكن المشرف كان سكران يوم عطاهم علامة الحلال مأدري عاد
المهم كلينا البطاط نسد يوعنا وشربنا بيبسي نبرد ع أعمارنا وقعدنا شوي

هذا باقي صور
http://www.al2la.com/up/uploads/images/domain-fe5dc07aeb.png (http://www.al2la.com/up/uploads/images/domain-fe5dc07aeb.png)

http://www.al2la.com/up/uploads/images/domain-a829d0efb0.png (http://www.al2la.com/up/uploads/images/domain-a829d0efb0.png)

http://www.al2la.com/up/uploads/images/domain-9e6ee71fd7.png (http://www.al2la.com/up/uploads/images/domain-9e6ee71fd7.png)

http://www.al2la.com/up/uploads/images/domain-5b21b88e1e.png (http://www.al2la.com/up/uploads/images/domain-5b21b88e1e.png)


كان في لعبة نبي نلعبها بس كل ما نروح صوبها مكتوب ان وقت الانتظار 100 دقيقة
عجبني هالشي عشان تعرف اذا تبا تنتظر انتظر واذا ما تبا ارجع بوقت ثاني
المهم خليناه اخر شي ومع هذا كان بعده باقي 100 دقيقة فإنتظرنا وانتظرنا وانتظرنا
هي اللعبة في عالم الديناصورات لازم تلعبونها اذا رحتو لعبة مائية ما تخوف بس فيها اثارة
في هاللعبة بندخل في مكان ظلام ابد ما ينشاف شي وتخيلو معانا ناس راكبين سألت اخواني
انتو هني قالو لي لا هناك اسكتي فضحتينا قلت لهم عادي ما يفهمون علينا هههههههه
تسبحنا وطلعنا وبعد ما خلصنا رحت شرينا كم من شي وطلعنا للفندق وانتهى هاليوم

باقي الصور
http://www.al2la.com/up/uploads/images/domain-2f29efa643.png (http://www.al2la.com/up/uploads/images/domain-2f29efa643.png)

http://www.al2la.com/up/uploads/images/domain-5ca(يمنع عرض أرقام الهواتف بدون أذن الإدارة).png (http://www.al2la.com/up/uploads/images/domain-5ca(يمنع عرض أرقام الهواتف بدون أذن الإدارة).png)

http://www.al2la.com/up/uploads/images/domain-e8af6e98af.png (http://www.al2la.com/up/uploads/images/domain-e8af6e98af.png)


أتمنى ينال ع إعجابكم وإن شاء الله لي عودة مع الجزء الثالث
:81:


ღ...إمبراطورة البحر...ღ