حكــاية قصيــرة ❥

[آلنـور]

تتنفس الأرواح ب الكتابة ..

و هنا تتنفس روحي :Dl3:

[آلنـور]

الصباح نعمة من الله ..
املؤوا حياتكم بـ الفرح
يرزقكم الله أجمل ما في الغيب ..

يارب ارزقنا فرح لا ينضب :in_love:

[آلنـور]

يا إلهي
انت خالقي
و عالم النجوى
و سرائري

ارحم النفس
من همٍ
و إشفها
من غمٍ

نحن الضعفاء
تحت رحمتك

نستغيث
:m42:

[آلنـور]

* نستغيث

[آلنـور]

فيه شي غريب .. :x142:
احس المنتديات صارت قليله عشان كذا اشوف الاشخاص ف كل مكان ادخله ..
ما اعرفهم شخصياً بس اعرف مشاركاتهم و صورة العرض و التوقيع :MonTaseR_142:

فيني سوالف مع طفش ..:200: لما احد يزن على راسك يبي شغله منك .. و هالشغله انت متكرم عليه فيها
يعني مو لارم اسويها

من اليون شغاله على تقرير اكتبه .. على انه قصير بس مليت منه:MonTaseR_187:

[آلنـور]

حتى الاشخاص اللي مبندين هناك مبندين هنا :138:

[آلنـور]

الحياة عجيبه
غريبه تجمع و تفرق
ترجع تجمعنا سوى

[آلنـور]

اصعب و احزن سؤال جاني اليوم الصبح من اخوي ،،
شافني جالسه افطر و رااااايقه :MonTaseR_31:

قال : انتي ف اجازه ؟:MonTaseR_166:


قلت بكل اسى :MonTaseR_121:

لا :MonTaseR_166:

[آلنـور]

لا أحد يعلم ما فعلت
و لِما فعلت
حتى أنا


لكن ..
تعودت أن أكون اولاً
في كل شي ..

كما يقولون

أنا و من بعدي الطوفان

[آلنـور]

مساء الخير ..


من امس معلقين الدراسه .. طلعت اليوم الصبح و الاجواء صافيه بس فيه غيوم شوي ..
ما مرت ساعة الا انقلبت الاجواء .. و جا مطر غزير من الصباح الين قبل شوي خف شوي ..

بس احلى شيء في الموضوع .. خروجنا من الدوام بدري :dance9bh:
الحمدلله بيتي قريب من الدوام و و صلت بسرعه .. بس الوقت اللي كنت اخذه بخمس دقايق صار ربع ساعه :MonTaseR_64:
بس مساكين زميلاتي اللي بيوتهم بعيدة .. بس الحمدلله ربي ستر عليهم
و الله يستر على الجميع ،،

اللي يحزني ف الموضوع .. ان المطر بدل ما يكون فرحه للناس
صار يخوفهم و الارصاد تحذر و سالفه :SnipeR94:

بس للحين احب المطر و احب ريحته :نبض:

[آلنـور]

غريبه هالدنيا ..
امس كان الواتساب مشعلل برسايل التهاني بتعليق الدراسه :MonTaseR_57:
و اليوم كله يتحمدون بالسلامه لبعض ..
من جد دنيا

كل الدنيا تتعلق الا احنا .. اروح بالسياره و ارجع من الدوام سباحه :MonTaseR_157: .. رياضة الحمدلله ..
:MonTaseR_224:

يالله الحمدلله على سلامتكم يا اهل جدة .. و الله يعطينا خير هالمطر و يكفينا شر

:MonTaseR_212:

[آلنـور]

يوووه تعبت ..!!:MonTaseR_143:



http://www.al2la.com/up/uploads/images/domain-b9e0bf6de4.jpg


مسرح الجريمة :icon10:
اليوم تعبوني بنات خواتي و بنتي معهم ..
مسكت معي اصور وحدة فيهم بالنوتيلا .. فجأه تجمعوا كلهم .. عاد وش يفهم البزارين :26:
قلت يالله و لا تزعلون بالدور كل و احد فيكم بيسبح ف النوتيلا :35:
مشاءالله تشققو من الفرحه وهات ي اكل و تلطيخ في انفسهم ..
بس صراحة انبسطوا و انبسطت انا :icon10:
و اشتهيت اكل نوتيلا و انا ما احبها :SnipeR95:

[آلنـور]

ادري انك من حياتي اختفيت
و ادري انك صرت ماضي و انتهيت
بس مدري
ي شقى عمري
كيف انسى
كيف اسلى
تناسيت بس ما نسيت :30:

[آلنـور]

الناس تاكل من ما لذ و طاب و انا عيوني تشوف بس ،،
هو احساس حزين :69: بس بنفس الوقت احس بقوة الإصرار و العزيمة <- العزيمه غدا و الا عشا:x30:

لو أخربها الحين راح أندم و اطيح من عيني :icon28:

بس ماوراي شغله كل اللي حولي مشغولين بالبلع <- مشاءالله:دانه:
الله يهنيهم

و انا جالسة اندب حظي هنا خخخخخ


:MonTaseR_68:

[آلنـور]

لا احب تبرير تصرفاتي ..
ف جميعها نابعة من قناعة تامه ..
فمن يحمل في قلبة ذرة حب و احترام لي
لا ينتظر مني التبرير ..
هكذا انا و هكذا سأبقى
و اعتزازي بنفسي سيدوم
إلى ان يأخذ الله روحي
ترتاح و تستكن
و اكون تحت رحمة
الرحيم

:MonTaseR_98:

[آلنـور]

مسسساء الخيرات .. و السعادة و كل شي جميل ..
يومين راحت كانت من اجمل ايامي ..
اي روحه للطايف تكون ترد الروح :MonTaseR_4:

http://www.al2la.com/up/uploads/images/domain-209b84543a.jpg


ياسلام على بيت امي نوره ،، و يازين خوالي و سوالفهم .. انبسط لا اجتمعوا و انبسط على سوالفهم ..
الجو كان جميل و توقعت تجي امطار بس للاسف خاب ظني :3:

انبسطناااا :MonTaseR_185:



http://www.al2la.com/up/uploads/images/domain-604ae16d52.jpg

http://www.al2la.com/up/uploads/images/domain-f8d5a6dec9.jpg

و ف طريق الرجعه صججججججه صجججه ..
صجة بزارين و ازعاج امهاتهم <- اللي هم خواتي

* حسين يصيح ما يبي غادة
* ساره تصيح ما تبي حسين
* غادة مروووقه على المسجل و الشيلات :icon10:



الحمدلله وصلنا :35: و احنا طيبين من الازعاج اللي نفخ روسنا


و بس :blushing:

[آلنـور]

اففففف الحر يضيق خلقي .. :298:
و لا اطيق احد يكلمني و انا حرانه ...
محد راضي يشغل المكيف لأسباب امنيه .. قمت شلت عفشي و رحت لحالي
و شغلت المكيف و كملت شغلي ع الصوره ..


:0741:


:0741:




http://www.al2la.com/up/uploads/images/domain-bfa97b88d7.jpg



اجمل شي ف التصوير .. تصوير المواليد ..
بس للحين ما تمكنت منه كثييير .. لازم يكمل شهر و اقدر اصورهم ..
لانه بعمر اصغر من كذا .. عادي اقدر اشيلهم بس اخاف عليهم اصورهم ف الاستديو ..
كثير اشوف فديوهات للاجانب كيف يصورون المواليد .. و كيف يسوون لهم حركات
بس ماش قلبي ما يطاوعني .. و اكتفي اني اصورهم من يكملون شهر ..

و تصوير الاطفال عموماً شيء جميل و ممتع ..
و فجأه اصير اليفه و ما اعصب :x30:

[آلنـور]

علمتني الحياة أن لا أُسرف في الأحلام ..
أن لا اتمادى في المشاعر .. ف لكل شيء حد يجب أن نقف عنده
و لا يقتربون مني أكثر ...
إمتناني لأخطائي :نبض:

[آلنـور]

عندما يجتمع الجنون و العناد .. انا تطلع لي قرون :21:
لكن اتعوذ من الشيطان و الله يكفي الناس شري


اليوم بغيت ابكي من القهر ..
جالسين نختبر في الجهاز .. كل وحده على جهازها ..
المهم وحده مو راضي يضبط معها اختبارها <- هذي البنت احبها و اعزها مرره اكثر وحدة ف البنات
المهم و اجيك بفزع معها و اقول انا اللي بضبطه لك .. لاني اختبرت لكذا وحده و نجحتهم


و اجي اخبص ف جهازها و احذف لها الاختبار بكبره .. بغيت اصيح من القهر ،، عيوني دمعت:3:
انقهرت عليها و هي تقولي عادي شي ما يستاهل و انا قلبي يعورني ..

هذي البنت على كثر ما احبها .. دايم اغلط معها
مدري متى بعقل
:MonTaseR_207:

[آلنـور]

http://www.al2la.com/up/uploads/images/domain-1a710c86ed.jpeg

[آلنـور]

حمدلله على سلامة المنتدى ..
تركتوا فراغ كبير .. :b: ..

ان شاءالله اخر الغيبات :MonTaseR_205:

[آلنـور]

http://www.al2la.com/up/uploads/images/domain-87b358b977.jpg



:رحيق:

[آلنـور]

http://www.al2la.com/up/uploads/images/domain-236629e8df.jpg

[آلنـور]

http://www.al2la.com/up/uploads/images/domain-d39e3c7a43.jpeg

من : الانستقرام

[آلنـور]

أمتلك من القوة .. ما يجعلني اواجه مخاوفي ، متاعبي , و احزاني

لكن برغم الصلابة
هُناك احداث لازالت تبكيني

* احتياج طفل صغير للأمان
* بكاء رجل طاعن فالسن على اشخاص و احداث مضت في حياته
* شاب في مقتبل العمر عاجز عن القيام ب أبسط اموره الشخصية
* امرأة تكابر و ترفع نفسها عن السؤال رغم كسرها و كسر اطفالها
* خبر فقدان الام ، يبكيني يمزقني .. افكر كيف أعيش بدون امي ؟!
يارب لا تحرمني منها



يا رب ارحمني و احسن خاتمتي :MonTaseR_205:

[آلنـور]

http://www.al2la.com/up/uploads/images/domain-21c2dcfb51.jpeg


* من : الانستقرام

[آلنـور]

http://www.al2la.com/up/uploads/images/domain-d917d14c3e.jpeg

Green Tea



الشاهي الاخضر جداً مفيد للجميع خصوصاً اصحاب فصيلة الدم "B+"
و مشكلتي انا ما ادوره الا اذا شفت احد يشربه :icon10:
و لا احب أشربه الا بارد .. و ف الدوام يصير مثلج مو بارد بس بعدين اشربه :85:
و في روايةً اخرى يسمى بمشروب " تأنيب الضمير " بعد وجبة دسمة جداً جداً

و بس :icon10:

[آلنـور]

اففف من هالحالة:13: .. مدري متى بتختفي من حياتي :298:

[آلنـور]

http://www.al2la.com/up/uploads/images/domain-7c5ab7ab17.png


يسعد قلبك اسيرة حرف .. يسعدني مرورك .. و اثنائك :رحيق:

[آلنـور]

اكره اللي يزن علي و يطلب مني حاجه .. و الحاجه هذي مو مفروض اني اسويها له ..
و تجلس كل يوم تزن فوق راسي تزن تزن الين اكره اللي بسويه لها ..
و انا من طبعي اقدم و اعطي بدون مقابل بنفس حلوه
بس هالانسانه خلتني اكره الشيء اللي بعطيها اياه

اخيراً خلصت منه بس ما هو بالشكل اللي ابيه .. بسبب زنها :بكى:
صرت كأني ابي اسكتها و اقولها هاه خلصت منه ..

المشكله مو ف كسلي ..
بس المشكله اني مريت بظروف ما اقدر اجلس ع اللابتوب لوقت طويل
من بداية شهر ١٠ ميلادي و انا البيت عندي حفلة .. ما خف الازعاج الا قبل اسبوعين
و يدوبك فضيت لنفسي و جلست افكر بشغلي و مشاريعي <- اخس خخخ
و هي باقي تزززن ،،،
نفسي اطبع لها اللي تبيه و اعطيه اياه بكره و ارتاح بس المشكله لسى ماني راضيه عنه
ابي اراجعه و اعطيها نهاية الاسبوع و ارتاح



و افكر فـ الفرصه اللي جاتني اليوم ..
متخيلين هالفرصه كنت ادرو عليها انتظرها تجي و جات اليوم :0741:
احس اني لو ما اغتنمتها ما راح تجي بسرعه .. هي ممكن تجي بس مو بسرعه
اول ما تصير لي و تتحقق راح اصورها لكم و اوريكم وش سويت :MonTaseR_211:
الحمدلله على كل شي

<- تراني من القهر و الفضاوة جالسه اسولف و راح ارسل الرد بدون اراجعه
لاني لو راجعته راح احذف منه الكثير .. :h:


:0741:

[آلنـور]

يا حسرتي ياوجودي يا كسر قلبي تيرم تيرم <- مو حافظه خخخ

يالله دنيا ما تدوم لك <- واضح النفسيه الخايسه
مدري شفيني ماني طايقه احد .. و ملتزمه الصمت عشان ما أغلط على احد
بس الوحيده اللي تستفزني تخليني انطق هي بنتي الله يصلحها ..
اعصب و ارجع اتماسك و اقول مابي اعصب و نفسيتي زينه و مافيني شيء


احسن شي فيني اني اقدر اصير لا مباليه حتى لو اني شايله هم الدنيا
بس عندي مشكله بسيطه ،، لو بكيت من شيء او من شخص مستحيل ارجع طبيعيه معه ، أصد بسرعه
لاني ما ابكي كثير
ما احب كذا بس الراس اليابس :9:

بس مدري وش اقول بس بفضفض <- طيب فضفضي يٓ حببتشي :MonTaseR_211:


:s:


ايووه عرفت وش يروقني :eh_s(10):
بصلي و اسوي رياضتي اليوميه <- بتعلمكم انها انسانه رياضيه خخخ
و اجيب الهارديسك و لابتوبي و اتفرج ف الصور

و ف بالي موضوع لو روقت اكثر نزلته :MonTaseR_211:

[آلنـور]

https://www.************/watch?v=K_GizpTN4UI

[آلنـور]

متخيلين اننا نحل الواجب على شيلات :bnat30:
هذا اخر ما توصلت له الشيخه بنتي :x38:
ما احل الواجب الا الين تشغلين يالحبيب انا اتمنى لك ..

انا لازم وقتها انفذ اوامرها عشان تحل الواجب اللي لنا اسبوع ما حلينا شي

:MonTaseR_187:

[آلنـور]

https://www.************/watch?v=jJhwMx9og7U



هذا اختيارها الثاني خخخ
اهدا من كذا ي حبيّبتي :x38:


<- الراس الكبيره على كيفها خخخ

[آلنـور]

شفتو جو "في سحابه" اللي فوق ..
ياني ميته عليه .. انفطر قلبي و انا اترجى اهلي نروح نكشت في اراضي زينه مو ف جدة
لاني اكره بر جدة :MonTaseR_203:

ابي الطايف :MonTaseR_203::MonTaseR_137:


للحين اقردنهم :نط:

[آلنـور]

مزاجي اليوم اتكي هنا :MonTaseR_14:
لحد يكلمني :13:

مستحيه اقولكم اخر اختيارات بنتي خخخخخ هذا كله و احنا على واجب واحد :فطسه:


عاااشو عاشششو دقن دقن :MonTaseR_96:

[آلنـور]

اليوم تلقيت صدمة خفيفه من الصدمات اليوميه ..
رحت مجلس الامهات اليوم <- امهات :MonTaseR_111:
المهم قالو فيه تكريم للامهات و الطالبات .. و انا شايله من راسي التكريم ..
قلت اروح عشان بنتي تنبسط اني جيت ..

اول شي طلعت بنتي من المتفوقات و كرموها <- كانت بتبكي من الفرحه خخخ
انا استغربت لاني كل يوم اتهاوش معها ع المذاكره و الواجبات .. تطلع روحي ..

قلت يمكن بالدف خخخخخ :dunno:

المهم و اطلع لأبلتها : يعنني اسأل عن بنتي و انا مدري وش بسأل عنه خخخ
اول ما شافتني و تجلس تمدّح ف بنتي و فيها و فيها .. انا وجهي كذا -> :6:
و اجلس اتلفت بينها و بين بنتي .. قلت لها و الله !! <- شوي و يبان اني مستغربه :MonTaseR_111:

الشيء اللي بغى يفطسني .. يوم قالت الابله : الله لو فيه منها ثنتين
و قتها بغيت اقول لا لا كذا اوفر كثري منهااا .. الحمدلله وحدة و يالله فيها الله يخليها و يصلحها
الحمدلله اني تمالكت نفسي و سويت اني متعوده على بنتي و هي شاطره خخخ

على طول مسكت بنتي على جنب و قلت لها انتي وش تسوين للأبله ؟؟ :6:
قالت اي شي تقوله ادنق براسي و اقولها حاضر :dunno:


شفتو اللي يقولون يوديك البحر و يرجعك عطشان <- هذي بنتي :x59:

مرره سألتها قلت ليه يا بنتي انتي ف المدرسه غير و ف البيت غير ..
بكل بساطه قالت بيتي و اخذ راحتي فيه ..
بكل امانه اقنعتني :dunno:

[آلنـور]

الصباح
يخلق لنا السعادة
يرزقنا بها الله
نتمسك بها
و ننتشي

الصباح
نعمة من رب العالمين
من فقدها ،،
لا طعم ليومه
يبقى كـ سائر الايام
احمدالله
دائماً و ابداً

الصباح
بداية للجمال
للأمل
للتجديد

فـ يَ رب ارزقنا
من خيراتك

و امنع عنّا كل شر


تنفس بعمق لتستشعر هذه النعمه
:نبض:

[آلنـور]

قد ايش راضيه عن نفسي و متصالحة معها ،،
و أعطي أشكل لكل شي يعكر مزاجي .. اسوي اللي برأسي
اللي يهمني رضى الله ثم امي و ابوي
غيره ما يهز برأسي شعرة
الحمدلله على كل شيء

:MonTaseR_4:

[آلنـور]

لما انتي تجين تسأليني سؤال تافهه .. اعتبره سؤال اطفال !
انا استسخفك .. حرمة كبيره و تصغّر عقلها للتوافهه .. انا ما عاد اشوفك شي ..

يعجبني ف الوحدة تفكيرها قبل شكلها و لبسها .. الخ


اليوم موقف صار ..


وحده من زميلاتي و مكتبها جنب مكتبي و اعزها مررره ..
من يوم رجعت من اجازتها و انا نفسي احتفل فيها .. لانها وحشتني كثييير
قلت مافيه الا اجيب لها كيكه نفسها فيها من زمااان ..

جبت الكيكه : و بعالي الصوت اتكلم و اقول يالله يَ بنات تعالوا ،،
كلنا على بعضنا عشره ..

كلهم استغربو وش المناسبه وش المناسبه ...
يالله تجمعوا و اقولكم .. <- تسمع بالتشويق خخ

المهم يوم جو ..
قلت المناسبه : إن فلانه من يوم رجعت من الاجازه و انا كل ما اجهز لها استقبال يخرب كل شي
حسيت الكل انصدم .. بس محد يقدر يواجه و يتكلم .. حريم سوالفهم من تحت لتحت

الا المديرة شكرت فينا و قالت ان شاءالله دوم على قلب واحد <- لانها اصلاً مبسوطه مننا ف الشغل


المشكله مو هنا !

المشكله ان وحدة تجيك و تسألك انتي ناديتي كل البنات !!!
كيف ناديت كل البنات ترانا ف مكان واحد و صوتي عالي و الكل يسمع ،،
ما يحتاج اخصص الدعوات ..
و من غير كلامها التافهه انا ناديتهم كلهم
بس سخافة الحريم :9: .. يعني سوالف البزران مالها داعي ناديتوني و ما ناديتوني
من جد بعض الحريم عقولهم صغيره ..

لا بس يوم قلت لها من تقصدين يعني ما ناديت مين !! عيت تقول ،،
فتنه و جبن اعوذ بالله .. و الله يكفيني شر الحريم


بس موقف استفزني

[آلنـور]

مع اشراقِ يومٍ جديد
نُجدد الامنيات ..
نُجدد الاحلام
نُجدد الحب


:نبض:

[آلنـور]

http://www.al2la.com/up/uploads/images/domain-745e92f64a.jpg

الصباح أمل جديد ، يُشعرنا بأن الحياة لازالت بخير ..
صباحكم أمل ، فرح ، كل شيء جميل
:0741:

[آلنـور]

http://www.al2la.com/up/uploads/images/domain-e5e4f26f27.jpg

مودي هالصباح .. اعدل صور :سكر:
صور بزراننا الحلوين اللي اصورهم و اسحب عليهم و لا اطبع لهم شيء
بس قررت كل يوم اضبط لي ع الاقل ثلاث صور ..
خلال شهر شهرين ما اخلي شي بذمتي :DsC00581:

[آلنـور]

في كلام كثيير نفسي اكتبه بس كل ما اكتب امسح ..
ما احب احس بالضيقة و الضعف .. تعودت اكون قويه
بس لما اتضايق ، تقفل اخلاقي

عشان كذا انا خارج نطاق الخدمة .. :shutup:

الى مدري متى يمكن بعد شوي :24:

[آلنـور]

عيّا يلين القلب ،،

[آلنـور]

و عيّت عيوني تباكى

[آلنـور]

اليوم ما اقدر افكر بشيء ،
الصباح رباح ، و ان شاءالله بكره ارتب افكاري و ارتب وش اسوي ليوم الخميس و الجمعه
بس اي احد يقرا كلامي ، يدعي لي " الله يسهل امري " "الله يقويني و يبعد عني الخوف "
انا قدها ان شاءالله

:نبض:

[آلنـور]

الصباح يشعرني : اني لازلت بخير :نبض:
و ان الحياة سنغادرها يوماً ،، لذا لا تستحق العناء

يارب طمّن قلوبنا بذكرك و حسن عبادتك

:نبض:

[آلنـور]

اليوم الصباح ، شفت شيء ف المنتدى
اثار فيني الدهشه ، يعني لذي الدرجه الدنيا مرره صغيره
و الا فيه رابط بين هنا و هناك ،،

كنت بحارش الشخص ، بس قلت ي بنت هو كلام و انكتب و عادي اي شخص ممكن يعبر عن شعوره

ان شاءالله ما اشوف شيء اكبر خخخ

بس كذا :MonTaseR_212:

[آلنـور]

https://www.************/watch?v=LtNF9c0ehrk

و اليا ذكرت العلاقه بينك و بيني
خلني في حياتك قصيدة مات كاتبها

:30:

[آلنـور]

http://www.al2la.com/up/uploads/images/domain-6f1f475663.gif


بطاقة شكر و امتنان ،
لكل من يقيمني ، و يشجعني ،،
من كثر ما استحي من كلامكم الجميل ، الا انه يسعدني كثييير
<- قد شفتو احد يستحي من التقييم خخخ
هذي انا عاد وش اسوي ،،
من جد انتم سعادة


:نبض:

[آلنـور]

صفحة و طويتا
من عمري و رميتا
يا خسارة حبيتا و ما بتستاهل " حب "
بندم على الماضي و ع حب مش عادي
شو راح ع الفاضي دقات من هالقلب


..





:نبض:


اليوم كان فيه جلسة طرب اخر الدوام ..
انبسطنا و رفهنا عن انفسنا بعد ضغط الدوام
غنو هالاغنيه و لامست القلب ، من جد بعض الكلمات تحس انك كاتبها
لو الاغنيه لبنانيه خخخ <- اصولها لبنانيه خخخ

انا بالنادر اسمع اغاني ، و لا عاد تستهويني و لا اعرف الجديد ،،
بس غنو الاغنيه تحمست اسمعها ،،
سمعتها ،، و قفلتها من اول مقطع خخخ ،، يكفي اول مقطع
جا ع الجرح و اكتفى ..


..

[آلنـور]

https://www.************/watch?v=FkcDxvDnvt4


انا هذا جوي :dance9bh:
ماني يم الاغاني الحمدلله ، الله يكرهني فيهاا :5:
مرره خطبت لبنتي واحد لبناني <- هي اللي تخطب خخخ و كم مررره خخخ

المهم تمت الموافقه بس للاسف يوم عرفو اني انا و بنتي نسمع شيلات
بطلو مننا خخخ
الحرمه خافت على ولدهاا خخ
قلت خلاص بنتي تدرس باليه الحين و بتصير بنت كيوت <- مافي امل و انتي امها خخ

بس ي حبي لـ هالبنت :نبض: .. اعزها و اعز عيالها و بنتها

[آلنـور]

http://www.al2la.com/up/uploads/images/domain-dbb219a37f.jpg

هب البراد و زانت النفسيه
و الجو روعه و المشاعر حيه


،

فاتحه الطاقه " الشباك " و جالسه تحتها ، و الهواء يهبهب ،، <- تتنفس بعمق خخخ
حاطه فطوري و فاتحه المنتدى و مروقه ع الآخرررررر :Dl3:
و الله الصباح نعمه ، و لو ما صحيت من الصباح ما احس ليومي طعم ،،
و هالايام يكمل روعة صباحي " مسك الغلا "


صباحكم خير و سعادة

[آلنـور]

اذا اردت ان تعرف مكانتك عند شخص عزيز ،
حاول استفزازه
إن نعتك بأسوء العبارات ،،
ف اعلم انك لا شيء في عينه
:smoke1:

[آلنـور]

ما احس احد جوه زي جوي هنا :نبض:



https://www.************/watch?v=JU7JV6n5b3c

هاللحن مع الجو الرايق " فتنه "





* ارخصت له روحي و عيني

[آلنـور]

مكاني ما تغيّر ،،
و انا زي ما كنت ،،

اراقب الساعه و اقول ياليت نقدر نوقفها شوي ،،

[آلنـور]

هُناك امور لا يمكننا الحديث عنها و عن تفاصيلها ،،
حتى مع اقرب الناس لنا ،

" انا "
الشخص الوحيد اللذي ممكن ان اناقشه في هذه الامور

" انا "
الشخص الوحيد
يعلم ما حدث و لِما حدث !!
و على قناعه تامه

v
v


{واعلم أن ما أخطاك لم يكن ليصيبك، وما أصابك لم يكن ليخطئك}

+

((ُقْل لَْنُ يِصيَبَناِ إَّلاَماَكَتَب الَّلُه لََنا))


و احمد الله قياماً و قعوداً و في كل دقيقه في عمري
اشكره على ما اصابني و على ما انعم علي
و اثق ثقة تامه ب رب العالمين ، و انه لم يخلقنا عبث
نعصيه و نستغفره
نخطيء و نتوب إليه
ضعفاء يالله و بك نستمد القوه

و ان رب الكون هو من نتعلق به و نُعلق به كل امورنا


* تنفس بعمق و قل : الحمدلله

[آلنـور]

" غادة "

قطعة مني ..
استثماري ف الحياة
ي َرب اوجهها التوجيه الصحيح
و ما اقصر معها

احاول بكل ما املك اني اقدم لها كل شيء بصغرها
عشان ما تلومني لو فوتت عليها الفرص اذا كبرت

يَ رب اصلحها و اهديها

:نبض:

[آلنـور]

مدري وش يسمونه هالاحساس :bnat30:
لكن " عادي" اقدر اتعود على كل شي ،

ما يهمني شي و اليوم بالذات مبسوطه

[آلنـور]

من صغري و انا احب اقرا مشاكل الناس
كان فيه صفحه في المجلات يرسلون الناس للمجله مشكلتهم
و المجله تنشرها و تكتب لهم الحلول

و مع كل مشكله كنت اتخيل نفسي فيها ، و كنت احللها
و كيف بتصرف لو كنت مكانهم ،،

مشكله من المشاكل .. كنت كل ما اقراها احس بخوف و اشمئزاز بنفس الوقت
كانت المشكله تتكرر قدامي كثير سواءً ايام المجلات او المنتديات
و كنت ادعي ربي " الله لا يحطني في هذي المشكله "

و ربي كتب لي اقع في هذي المشكله ،،
وقت حدوث المشكله كان يجيني تأنيب ضمير ، ليه و ليه ،،
لكن الشيطان شاطر ،

بس سبحان الله ، ربي أَنَار لي بصيرتي ،،
الحمدلله

حبيت نفسي لما تجاوزتها بكل قوة ،،
ربي اعانني عليها ،،
دعائي لنفسي ما راح هدر

قد ايش ربي يحبنا ، يبي لنا طريق الخير ،، و احنا اكثر الاحيان نتجاوزه
لكن الله رحيم بنا يرشدنا و يبين لنا الطريق الصح
فتّح عيونك زين و تشوف الخطأ و تتجاوزه
و تشوف الصح و تميزه و تسلك طريقه
:نبض:

[آلنـور]

حبة الدواء لازم اخذها كل يوم بنفس الساعه ،،
ممكن اتأخر عنها ساعة ساعتين عادي ،، بس اكثر من كذا تأثر على دقات القلب ، و ع الراس

المهم من كثر ما انسى احط لها منبه ، و كاتبه اسم الحبوب و ( :نبض: ) ، عشان احبها :نبض:
بس بعض الايام يدق المنبه و ما تكون قريبه مني ،، على انها ف شنطتي دايم ..
ممكن انشغل عنها شوي ،
بس ارجع اخذها
هنا الوسواس يبدأ يشتغل
يبدأ الشيطان يقولي انتي اخذتيها لا تاخذينها مرره ثانيه ، و ياويلك قلبك بيعورك و يشيلونك المستشفى خخخ

و ف داخلي صوت يقول لي ما اخذتيها اخذيها ،،
و اسمي بالله " بسم الله اللذي لا يضر مع اسمه شيء في الارض و لا في السماء و هو السميع العليم "

و ابلعها :MonTaseR_115:

بعدها يرجع لي الشيطان يقولي هاااه شفتي قلبك بدا يعورك فيه نغزات ، قلت لك لا تخذينها
و اصدق و اقول من جد بدا يعورني خخخ و انتظر متى اطيح خخخخ :MonTaseR_215:

بس بقولكم لا تسمعون وساوس الشيطان تراه ما عنده سالفه الله ياخذه :33:

<- ودها تسولف بس خخخ

[آلنـور]

يا ليتني طير و اعلي ، و اخذ حبيبي من الصفين ،، :MonTaseR_73:




بما اني منفسه ،، لازم اشغل شيء يفرفشني ،، :لا بالله:
عااد هذا مزاجي وش اسوي ،، لازم النفس نطاوعها عشان ترضى علينا خخ :cupidarrow:



https://www.************/watch?v=rW9hSO2vSOg

[آلنـور]

http://www.al2la.com/up/uploads/images/domain-1284dc73a6.png

الله يسلم قلبك و روحك :نبض:
و يسعدني متابعتك :x38:

http://www.al2la.com/up/uploads/images/domain-7f620c25b4.png

يا هلا و الله و غلا :رحيق:

[آلنـور]

صحيح دايم لحظات الوداع صعبه ،، حزينه ،،
لكن اليوم قلبناها فله :نبض:

اخر الدوام

http://www.al2la.com/up/uploads/images/domain-9c62d3526a.jpg


ودعنا وحده من زميلاتنا بتنقل ، صح يعز علي فراقها بس مدامها مبسوطه و النقل خير لها ، فرحت لها

عاااد قلبناها رقص و فله :41556:

رقصنا خطوه ، رقصة اهل الجنوب " غيمه جنوبيه "
احب اهل الجنوب و رقصهم و كلامهم و كل شيء فيهم ،،
احس قلوبهم بيضه و طيبين مررره

عااد اختكم فالله لازم تشارك ف الرقصه نطيت مع الجنوبيات و رقصت خطوه
قالوا على طووول ضبطيتها خخخ ،، اول مره ارقصها بس دخلت معهم ف الجو :MonTaseR_25:
استهبال و ضحك و وناسه

الله يسعدهم دنيا و اخره
:نبض:

[آلنـور]

محد بيضحك علي صح !
من زمان ما خربطت ف الفوتوشوب الا تعديل الصور بس

صورت صوره و حبيتها و تخيلت عليها تصميم على قدي طبعاً ،، و استحي احط موضوع لها
قلت مالها الا مدونتي :x38:

http://www.al2la.com/up/uploads/images/domain-1e86a57da2.jpg

عندي هوس تصوير الاكواب الفاضيه ، احسها ترمز للسعادة اكثر منها تكون مليانه بالقهوه
ريحة القهوه تجيب السعاده و منظرها يبهج ،،
بس الكوب فاضي يذكرك بالسعاده اللي ارتشفتها :نبض:

<- شرايكم بالفلسفه خخخ


للي يبي يشوف الصوره قبل
http://www.al2la.com/up/uploads/images/domain-374b0e2681.jpg

قلت محد يضحك صح !!
:MonTaseR_166:

[آلنـور]

لي يومين احاول ف بنتي اقص شعرها مي راضيه .. <- مسكت معها غلط خخ
المهم اليوم و انا امشطها قلت لها شرايك ي ماما اقص شعرك الين وين تبينه
قالت لا خليه طويل انا على طول قلت لها يالله نقصه محد يدري عشان نسويها مفآجأه
و هي مسكينه تحب المفاجآت خخخ قالت يالله :x150:

و مسكت المقص و قصيتها و اتفنن ف القصه خخخ
طلع عليها يهبل ،، بس انا تندمت :MonTaseR_203:

بس ما بينت لأحد اني متندمه عشان ما يهاوشوني

من يوم بنتي صغيره و انا اشوفها عروستي :icon10:
كلهم يقولون لي تراها كائن حي مو عروسه ،،
بس انا بكيفي بنتي و انا حررره :نبض:

[آلنـور]

الليلة احساس غريب
عاشق و انا مالي حبيب
،
،

احاول تجاهل ما اشعر به ،
احاول اكذب هذا الإحساس

لاني على يقين ، اني أعيش الخيال

و اعلم اني من سيخسر

غداً اجمل بإذن الله :نبض:

[آلنـور]

الورقة التي سقطت من غصن .. لا تعود إليه ،،

من يشرح هذا للراحلين العائدين بثقة !!







سطر يشرح حياة ،،

[آلنـور]

ليتنا لم نقترب اكثر ،،
.. حتى لا تتشوه الصور امامنا ،،


لكن رسائل " الله "

نستقبلها بصدر رحب

،،، و نتعلم منها

:نبض:

[آلنـور]

بطني يخضني اليوم ،، كأن عندي اختبار بكره ،،:MonTaseR_187:
الله يسهل الامور و يقويني و ابيض وجيه ناس معتمده علي

[آلنـور]

ذهب عوف بن مالك الأشجعي إلى رسول الله عليه الصلاة والسلام وقال له: يا رسول الله، إن ابني مالكًا ذهب معك غازيًا في سبيل الله ولم يعد، فماذا أصنع؟ لقد عاد الجيش ولم يعد مالك ـ رضي الله عنه ـ قال رسول الله عليه الصلاة والسلام: يا عوف، أكثر أنت وزوجك من قول: لا حول ولا قوة إلا بالله ـ فذهب الرجل إلى زوجته التي ذهب وحيدها ولم يعد، فقالت له: ماذا أعطاك رسول الله يا عوف؟ قال لها: أوصاني أنا وأنتِ بقول: لا حول ولا قوة إلا بالله ـ فماذا قالت المرأة المؤمنة الصابرة؟ قالت: لقد صدق رسول الله عليه الصلاة والسلام، وجلسا يذكران الله بقول: لا حول ولا قوة إلا بالله، وأقبل الليل بظلامه، وطُرِق الباب، وقام عوف ليفتح فإذا بابنه مالك قد عاد، ووراءه رؤوس الأغنام ساقها غنيمة، فسأله أبوه: ما هذا؟ قال: إن القوم قد أخذوني وقيّدوني بالحديد وشدّوا أوثاقي، فلما جاء الليل حاولت الهروب فلم أستطع لضيق الحديد وثقله في يدي وقدمي وفجأة شعرت بحلقات الحديد تتّسع شيئًا فشيئًا حتى أخرجت منها يديّ وقدميّ، وجئت إليكم بغنائم المشركين هذه، فقال له عوف: يا بني، إن المسافة بيننا وبين العدو طويلة، فكيف قطعتها في ليلة واحدة؟! فقال له ابنه مالك: يا أبت، والله عندما خرجت من السلاسل شعرت وكأن الملائكة تحملني على جناحيها، سبحان الله العظيم! وذهب عوف إلى رسول الله عليه الصلاة والسلام ليخبره، وقبل أن يخبره قال له الرسول عليه الصلاة والسلام: أبشر يا عوف، فقد أنزل الله في شأنك قرآنًا: وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا.



...

اكثروا من قول : لا حول ولا قوة إلا بالله

:نبض:

[آلنـور]

ايقنت ان الدنيا لا تساوي شيئاً ؟!
و رأيت من كان مع بالامس يتركك اليوم ؟!

لا شيء يدوم لك
لا شيء يستحق العناء
لا شيء يستحق ان نبكي من اجله

لا شيء سوى رب الكون ، ينتظرك كل يوم و كل ساعه و دقيقة
ان تتقرب له بالدعاء و الطاعات و العبادات

فنحن ننتظر حدث عظيم هو من يستحق العناء
يارب ارزقني و اياكم جنان النعيم
:نبض:


صباحكم خير ،،
:MonTaseR_2:

[آلنـور]

الحمدلله ،،
الحمدلله اللي عدا هاليوم على خير ،،
على كثر الخوف اللي تملكني الا اني رضيت على اللي قدمته
صح بغت تجيني جلطه خفيفه بس الحمدلله
جلست اكرر " لا حول و لا قوة الا بالله "
الين ربي فرجهااا

اقولكم السالفه <- تكت خخخ

اليوم كان عندي جلسة تصوير لعروسه مكياجها و تسريحتها ،،"دعايه للصالون "
انا بالعاده اصور اطفال بس ،،
لكن المصوره الاساسيه صار لها ظرف و طلبت مني اصور بدالها قلت قداام
لكن كان فيني خوف ما يعلم فيه الا الله ،،:MonTaseR_203:

قلت ي بنت بطلي خووف بس ،،
ورحت لهم ع الوقت لكن اخروني ، قلت عشان التأخير قصو شعري ببلاش خخخ
المهم اخذت قصه ببلاش :x126:

اقولكم الجلطه :
ركبت الاستديو و ضبطت كل شي ،،
جيت اشغل الكاميرا ع الاستديو عيت تشتغل :56b889:
اجيها من هنا من هنا مو راضيه ،، كنت بموت من الخوف خخخ
شغلت الكاميرا الثانيه نفس الشي ،، غيرت البطاريات نفس الشي
و الله كنت ببكي :MonTaseR_203: .. بس افكر ف البنت اللي طلعت مكانها
جلست اكرر " لا حول و لا قوة الا بالله "
الين الحمدلله ضبطت
و صورت و خلصت و انا مبسوطه اني كسرت حاجز الخوف الاول ..
باقي حواجز بكسرها و ارتاح منها :21:

وبس :210:

[آلنـور]

صباح السعادة

صباح الامل

صباح الصديقات


اجمل شي في الحياة الصديقات ،،
ما تحلا لهم السوالف ف القروب الا الصباح ،،
و المواضيع اللي يطرحونها مواضيع شائكه خخخ
انا ما اقدر اشارك فيها ،، عاد هنا اخذ وضع المزهريه و اقراء :670:

يَ حلوكم و الله لا يخليني منكم

[آلنـور]

http://www.al2la.com/up/uploads/images/domain-6412ddab04.png


في مثل هذا اليوم :نبض:

[آلنـور]

حرفٌ شامخ : السعادة الحقيقة بعد توفيق الله هي أن ترسم لك طريقاً واضحاً في هذه الحياة وتبعتد عن كل مايكدر خاطرك ويجرح فؤادك .. فلقد خلقت لتكون سعيداً ..

مما لا شك فيه ان السعاده ،
حلم يتحقق امامك
اشخاص تفرح لهم و يفرحون لك

اذا رأيت كل الاشياء حولك تدعو للفرح
فحتماً ستعيش سعيداً

:نبض:

[آلنـور]

جاري تعديل الصور :MonTaseR_185:

معي يومين بس
:MonTaseR_51:

[آلنـور]

http://2.bp.blogspot.com/-z-p7qahXxR4/TmlYtcAeb_I/AAAAAAAAAl0/6PTH-TI4kLc/s1600/228014_225420887471586_124281667585509_992524_2953 56_n.jpg


تعبت و راح و قت نومي و لا نمت ،،
يالله تصبحون على خير
:رحيق: :نبض:

[آلنـور]

عيني ع الجوال ، و انتظر رسالة تقول لا تداومون :Kq600697:
مدري اضحك على نفسي و الا اضحك على نفسي خخخ
من سابع المستحيلات يخلوننا نرتاح ف بيوتنا ،، لازم يمرمطوننا
يجيبونا و لا نقدر نرجع بيوتنا ،،


بس ناخذ الامور بإيجابيه ،، و نقول اننا كبش الفداء خخخ و يجربون فينا لجل الناس تعيش خخخ
لا امزح ..

اني اطلع و اشوف الامطار اللي ترد الروح ،، يارب ما يوقف الين اطلع من البيت

..

انتظرني شوي
يَ ريحة هلي

^

محاوله اني اكتب بس مالي مزاج الصراحه ،، كل ما استانس اتذكر وراي هم ما خلصته :eiwp:

[آلنـور]

خميس و مالي خلق ازعل ،، مهما تستفزوني :b090:

[آلنـور]

http://www.al2la.com/up/uploads/images/domain-308501afa9.png

امووت و اعرف من سجل و حط اني دعيته خخخ
ما دعيت احد للمنتدى ،،
بس فجأه لقيت عدد الدعوات = ١

طيب انت ي صديقي علمني بنفسك خخخ
ي زينك حسستني اني كشخه خخ

على كثر ما انبسطت اليوم و تهاوشت مع ناس الا اني مررروقه على الاخر ،،
لا و فوق كذا مشاركه ف افضل مدونه <- على ايش ي حظي خخخ
مدري ليه احب نفسي هالكثر :نبض:
الله لا يفرقنا ،، و نموت بيوم واحد :64:

[آلنـور]

دائماً عندي تنبؤ بالسنوات كيف بتكون .. و اهلي يضحكون علي يقولون لي انتي "مجنونه"
لكن رغم كلامها و احباطهم لي ،، الا اني اعرف بداخلهم يقولون صح لها نظره ،،،

٢٠١٣

كانت جدا تعيسه استغفر الله ،، مشاكل مشاكل و انا ف الوجه دايم
الحمدلله انها عدت بسلام ،،

٢٠١٤

قلت لهم انها سنه ماليه اللي عنده مشاريع و خطط بخصوص المال يفكر كويس عشان يتصرف صح

٢٠١٥

ريحت تفكيري شوي ،، كانت فتره انتقاليه بالنسبه لي ،، بس عرفت منها نقاط القوة بشخصيتي و نميتها

الحين بقولكم <- لا تضحكون علي طيب خخخ

٢٠١٦

سنة الانجازات ،،
يالله اللي عنده شي يشتغل عليه ،، يخلص اموره و بينجح ان شاءالله
من جد .. جاني خبر قبل امس ،، عجيب ،،
ارسلت لي وحده قالت ممكن ي نوره يصير كذا و كذا ،، قلت يالله ما اقول لا ،،
اللحظه اللي رديت عليها ما خفت زي دايم ،، قلت يمكن ينفتح لي باب
و الله ياني حلمت احلام عجيبه <- احلام يقظه خخخ
يا سلام لو يصير

يالله الله يسهل

<- اليوم فيها سوالف خخخ من كثر ما تمشكلت والله خخخ

[آلنـور]

٢٠١٦

تتوالى السنوات ،، و نشوف ناس جديدة و نعرف ناس جديدة و نفارق ناس ،،
اسوء شي في عملنا ،، حركة التنقلات اللي تصير ،،
اول مره طلعت من مكاني و نقلت مكان ثاني ما ابالغ اني كنت بموت من الصياح
انفطر قلبي ،، على المكان على الصحبه الطيبه اللي للحين اتشرف فيهم
هذاك المكان كان بالنسبه لي غيير غييير ،، شيء اقدر اعبر عنه و شيء ما اقدر
صارت لي في نفس المكان تغيرات عجيبه ف حياتي ،، ف الحزن و الفرح ،، ف الحب و الكره
شيء ما تتخيلونه ،،
معروف عني اني احب هالمكان اللي انا فيه الحين ،، تربطني فيه علاقة روحيه
<- شوي و تبكي خخخ

المهم اكمل لكم ،،
بعد ما جلست فيه اربع سنوات نقلت مكان ثاني ،، اول ما جيتهم قالوا لي كنك ما تبيننا :17:
احساسي يبان و شعوري يبان ما اقدر اخفيه ،، بعدها حبيتهم تعلقت فيهم ،،
كل وحده فيهم لها مكانه خاصه ،، و فرحني هناك ان فيه بنات ما تثق بأحد و لا تعطي اسرارها لأحد
و قالت لي كل شيء عنها ،، و صرحت لي انها عمرها ما اعطت سرها لأحد ،، و هذا زادني فخر بنفسي
كلهم حبيتهم من كل قلبي <- القلب فندق خخخ
جلست عندهم خمس سنوات ،، بعدها جا نقلي للمكان اللي انولدت فيه ،،
زعلت : " ليه انقل " ، " انا ابيكم " ،، و من هالكلام ،، هو نفس شعوري اول مره نقلت
سبحان الله الانسان يجفل من التغيير ،، و انا ما اخاف منه بس ما احبه ،،
جيت للمكان اللي حبيته .. صح المجموعه كانت مختلفه لكن قلوبهم حلوه
او بالاصح انا اشوف دايم قلوب الناس حلوه ،،
" اظهر اجمل مافيك ،، ترا القلوب جميله "

من اول سنه جلست عندهم ،، جت اخر السنه و جات اسماء المنقولين <- سخافه :(
ودعنا ثنتين من البنات ،، كلهم يبون يرتاحون من المكان ،،
لان المكان اللي انا فيه الآن قوي و لا يستحمله الا الاقوياء ،، و انا الحمدلله اقدر اجلس فيه الزمن كله

وحدة منهم اصغر مني بعشر سنوات ،، البنت مو على سجيتها و بس ،، بنت مؤدبه متربيه
بنت اخلاقها عاليه ،، و اخر يوم طول وقتها و هي تبكي ،، كل ما ضميتها بكت
كل ما كلمناها بكت ،، " خلاص ي بنت لا عاد اشوف دمعتك "
كانت بتخليني ابكي و انا مافيني دموع خخ <- كيف تجي مدري ..
بس الاصح اني ما احب دموع الفراق ..

اخر شي جلست انا وهي ووحده صديقتنا ،، الثلاثي كان جميل ،، انا و " د" و " أ "
والله ما ابالغ ان قلت اني حبيتهم من كل قلبي ،، تمنيت نجلس سوى فتره اطول
يعجبوني الناس اللي قلوبهم بيضاء و على نياتهم ،، اتعلق فيهم بشكل مو طبيعي

المهم البنت من كثر ما تبكي ،، قمت احكيها كيف انا تنقلت و رحت وجيت و حبيت بنات كثير
و قلت لها لسى الدنيا قدامك لسى بتشوفين ،، لا تخلين دمعتك تنزل على اي شي ،،
دايم خلي عينك على الشيء الطيب ف الناس و تغافلي عن السيء لو هو ما يمسّك
اكتسبي خبرات و طبايع الناس الحلوه :نبض:
و مدامنا عايشين مصيرنا نتقابل ،، و اذا اخذنا الموت نكون كسبنا ناس تدعي لنا بالخير

بس نبهتها على شيء ،، قلت شوفي ترا انا وحده ما استحي على وجهي
انا ما اكلم و لا ارسل و لا شي ،، بس ان تجمعتو دقو علي و انا اجيكم طيران
اعز بنات كثير بس مشكلتي ما احب التلفون ،،

و لازم تفهمين الشيء هذا عشان ما تزعلين مني <- كل وحده تعرفني لازم تعرف هذا الشيء
عشان ما اخسر احد احبه :نبض:

بس الامل في قلبي دايم كبير ، دايم احس ان اللي جاي افضل من اللي راح ،،
صح اني مقصرة مع الله كثير بس احسه يحبني يقرب لي الخير ،،
يقويني ، يزيدني قوة و صلابه شيء عجيب و الله
الله يقويني على طاعته و عبادته ،، ابي ادخل الجنه :( ،، <- هذي اعظم امنياتي

امس كان احتفالنا بالبنت اللي بتنقل و المديره كانت اجازه و اصرت انها تجي و جاتنا
بس الشيء اللي ما توقعته منها ،، انها تجيب لنا هدايا تقدير و شكر بنهاية سنه عظيمه
سنه انجازات و تحقيق مستهدفات .. لان المكان زي ما قلت لكم ما يجلس فيه الا القوي

بوريكم وش جابت

http://www.al2la.com/up/uploads/images/domain-ad92d7fe7c.png

اول ما عطتني الكيس ،، شكرتها و قلت لها وجودي معك هو الفخر و من زمان كنت اتمنى اشتغل معك
قلت ف نفسي من محل اكسسوارات و انا ما تستهويني الاكسسوارات بس قبلت الهديه بصدر رحب
و ما فتحتها ،، جلسنا شوي الا قالت افتحو الهدايا و شوفوها ..
يوم فتحتها و شفت الاجنده عليها اسمي و الميداليه عليها عبارة لي و بإسمي
انا هنا كنت ببكي بس الدموع ما تطلع ،، شكرتها بكل ما اوتيت من قوه و سلمت عليها
احب الهدايا اللي تكون بإسمي ،، لها مكانه خاصه

ادعي للبنات اللي فارقونا بالخير ،، و البنات اللي بجلس معهم الثلاث سنوات الجايه اذا ربي احياني
فيهم الخير و البركه ،،
ارجع اقولكم كل ما كان قلبك ابيض و صافي للناس ،، قلوب الناس تنفتح لك و يحبونك :نبض:
المشاعر اليوم جياشه ،، الحروف تنكتب و انا ما احس فيها ،،
و الصباح يزيد المشاعر رهافه و رقه ،، الله يرزقكم اطيب و اجمل النعم ،،
و نتقابل ان شاءالله في الجنه و نضحك على ايام عشناها ف الدنيا و نقول ياسخفنا
كنا نبكي و نزعل على اشياء تافهه ،، كنا نضايق ناس و نزعل ناس و ننسى ان الدنيا زايله
كلام ف قلبي و حبيت اعبر عنه ،، و لو اختفيت اعرفوا اني عند الكريم جزيل العطايا
بس ابي دعواتكم تخفف عني تفرحني ،،
:نبض:

[آلنـور]

انا هسترت و هسترت باللي عندي :MonTaseR_21:
صاحيه من سبع الصباح و للحين ما نمت


ياااعاااالم اعتقوني لوجه الله:MonTaseR_178:

[آلنـور]

الحمدلله اللذي رد لي " روحي " ..
نبدأ من جديد بداية جميله ، بداية حُب و صدق ،،
امتنان لكل شخص مر بحياتي
شكراً للهدايا ، للدروس و العِبر ..

صباحكم سعادة ، تنعش ارواحكم ، تنقي قلوبكم ،
تخبركم أن للحياة بقية تستحق أن نعيشها بـ حُب :نبض:

[آلنـور]

" حلم يجمعـنا "


كنت احلم ،،
فيك
بضحكتك
همسك
روحك الحلوه


كنت احلم ،،
اقبلت
شفتك
و عشتك
و فرحنا سوى



كنت احلم ،
و صحيت مفزوعة ،،
افزعني
الفراق
الألم
الدموع
و الشكوى

لكن تبقى " حلم "
و الحلم ما يتكرر ،،

[آلنـور]

الصورة المكسورة .. (http://www.al2la.com/vb/t64812.html)


:رحيق:

.
.


على مدى عشر سنوات ..
كنت احتفظ بتلك الصورة الجميله
أُبروزها ، اهتم بها كل يوم ..
و أُعلقها على جدار القلب
لم أتغافل عنها يوماً ..
انظر لها من حين لآخر و احافظ عليها
و ازداد حباً ، شوقاً بها
كانت طفلتي المدللة ، همي الأكبر
اخاف عليها حتى من نفسي

إلى أن سقطت دون أن ادري
تهشمت و تهشم زجاجها ..
غلافها المحيط
لم استطع لملمتها ..
كل ما اقتربت ، تجرحني
تُسيل دمي ..
اللذي لطالما حافظ عليها من الذبول
إلى أن ايقنت إنها لن تعود إلى مكانها
مهما حاولت المحافظة عليها
بقدر إسعادها لي
اهدتني التعاسة
بقدر الحب ، هُناك حنق

لكن هُناك رب كريم
عطوف ، رحيم
يجبر كسرنا و ضعفنا


:رحيق:

[آلنـور]

http://daftaree.com/post-img/0d5b1c4c7f720f698946c7f6ab08f68713ffd7a801a394a7b1 e273a3038bea8e.jpg

،
،

يَ طير سلّم على صاحبي و قلّه
قلّـه رفيقك دايـم الـدوم يطريـك :نبض:

[آلنـور]

ارتقيت ف اعلى مراتب الجنون ،،
...... لا يمكن لأحد الوصول اليها ،،


.......................... و لا يمكن مجاراتي

[آلنـور]

حزن الليالي
http://www.al2la.com/up/uploads/images/domain-25deec521d.gif

،،

ايام جميله عشتها بـ هذا النك من عام ٢٠٠٣ ،،
بالرغم من الاسم الحزين الا اني كنت ف يوم من الايام مشرفة الفكاهه و الضحك ،،
و تذكرت الصوره اللي كنت حاطتها و رحت احوس بقوقل الين طلعتها ،،
اوقات اخاف مني ،، اي شي افكر فيه اجيبه او يصير لي ،،
بس بنفس الوقت افخر بنفسي ،، احس قانون الجذب عندي قوي ،،
اؤمن فيه ، و من كثر ايماني فيه احس اني اطبقه ف حياتي
<- قامت تخبص خخخ
يالله ما علينا ،، اذا طقطقت اصابعي ع الكيبورد ما توقف
و اجلس اخربط و اقول اشياء حتى لو ما هي مترابطه ،،
بعكس لساني خخخ لاني ماني راعية سوالف ،، الصمت يغلب علي :nosweat:

يالله تحملوني و اتحملكم :9:

[آلنـور]

امي تهبل :نبض: ..
عشان تواكب العصر حطينا لها انستقرام و سناب شات ،،
بس تتفرج ف الناس لا تعرف ترسل و لا ترد على احد و لا شي ،،
لو بغت شيء تناديني ،، تعالي ضيفي هذي و ردي على هذي ،،
الحين تبي تسأل وحده عن شي و تمليني و انا اكتب خخخ

مرره و انا اضيف لها وحده الا اشوف عندها مصورة ،، قلت فلانه وش تبين فيها هذي مصورة
قالت قالوا انها تطبخ و اضفتها خخخ

تجنن ي حبي لها :نبض:

[آلنـور]

صباح السعادة

لما اشوف الطلاب فرحانين بإن الاختبارات انتهت ،،
اتذكر ذاك الشعور ،،
اخر يوم ف الاختبار ، كنا نحتفل انا و خواتي :نبض:
مرره شعور جميل ،، صح وقتها كنا نشيل هم بس الحين اتشفق عليه
الحين ف بيتنا مافيه جو اختبارات ،، بس اصغر خواتي ف الجامعه ،،
و بنتي تخلص بدري و لسى ما دخلو جو الدراسه ،،

يَ زين ذيك الايام ،،
كل شي كان فيها ابيض و صافي ، رايق و هادي ،،

كانت اكبر مشاكلي ،، ايام المتوسط دقت علي وحده من البنات
قالت لي " انتي راسبه في التاريخ " <- تعرف اني اكره مادة التاريخ :6:
قالت اختي شافت نتيجتك ف التاريخ و طلعتي راسبه ،،


و طول ليلي و انا اتقلب ف السرير عيّا يجيني النوم ،، شايله هم بكره
وش بقول لأهلي " أنا رسبت " <- كبيره ف حقي :(
المهم و يطلع الصبح و نروح نستلم الشهادة ،، و اطلع ناجحه بكل المواد ،،

ليه قالت لي البنت انتي راسبه ،، إلى يومكم هذا مدري :kkp00697:
لكن البزرنه خلتني اقطع علاقتي ف البنت نهائي خخخ

،،

كنا يوم الشهادات لازم نأخذ اصغر اخواني للمدرسه و نكشخ فيه خخخ
و البنات يتجمعون ،، هذا اخوك و انا اقول ايوه و انا مبسوطه خخخ
ي حلونا و احنا صغار ،، :نبض:

[آلنـور]

<- تكتب و تمسح ،، :x38:

فيه "اشياء" صعب تعبر عنها الحروف ،،
الحالة هذي بالذات انا ما اقدر اكتب عنها ،،

عشان كذا بقولكم صباحكم سعيد ، جميل
بعيداً عن الاحاسيس الموحشه ،

[آلنـور]

https://www.************/watch?v=aGY66YxUbGY


راحت حياته ي مضاوي رجاوي

:26:

[آلنـور]

الساعه وحده و ثلث و انا ما نمت :g:
و المصيبه ان مافيني نوم :dunno:

[آلنـور]

:MonTaseR_173:


يحدث أحياناً ان تكون عقولنا خارج نطاق التفكير ،،
و نحاول ان نبعد العقل عن كل ما يثيره او يزعجه
نلتزم الصمت
نغمض اعيننا
و نأخذ نفس عميق
و ننسى مافات
و عسى الله يعوضنا عن تعبنا خيراً
:نبض:

[آلنـور]

:MonTaseR_127:

و ما زلت احاول السيطرة على ما تبقى مني ،،
لا أخفيك سراً انك تمكنت من القلب
نسأل الله الرحمة
:نبض:


احتاج اجازه طويله ،، لكن مالي الا الصبر :لا بالله:

[آلنـور]

:MonTaseR_59:

عندما اشعر ان المدونة هي المكان الوحيد اللذي يحتويني
تنصت لي دون ملل و لا كلل ..
ف اني لا أتوانى عن الارتماء في أحضانها ،،
الحروف لا تستحي ان تبوح هنا


^
تأثير التعب :(

[آلنـور]

من زمان ما سهرت كذا ،،
ايام زمان كنت أسهر الين يطلع الصبح <- ايام الدشره خخخ
بس الحين صرت دجاجه انام بدري ،، لولا العروس اللي أشغلتنا خخ :MonTaseR_113:

سقى الله زمانٍ راح ، و لا ضنتي بيعود <- موسيقى حزينه خخخ


انتظر صلاة الفجر عشان اصلي و انام بكره دوام :(