المساعد الشخصي الرقمي

مشاهدة النسخة كاملة : لا تسألوني واسالوها


إحساس طفله
11-22-15, 09:38 AM
لاتسالوني. واسالوها من متى ماكلمتني
وصدقوني لوسالتوا ادري ماينفع معاها

من يصدق كيف غابت عن عيوني وهجرتني
مخطيه والله يعلم لوتجي بمدح خطاها

غاليه والشاهد الله من غلاها ولعتني
ومن بعد ماولعتني احرمتني من غلاها

وقلت يمكنها اتغلا مثل ماهي امعودتني
تحرق اعصابي وترجع. كل ماربي هداها

ليه؟ وش ذنبي؟ بدون اسباب هالمره نستني
ماني متحمل جروحي وزود جروحي قساها


اذكر انها حذرتني بكم كلمه واسالتني
(وش مصيرك لوتركتك وسط هالدنيا وغثاها)

كانت اتلمح لحاجه ومن بعدها حلفتني
اني لاغابت اغيب وانسى لوقلبي بغاها

ليتها قبل الرحيل بكل صراحه فهمتني
هي ظروف الوقت؟؟. والا شخص ولعها وخذاها

ماهقيت اني ابتعب لين راحت واتركتني
ولين قلبي قال هذي مالي محبوبه سواها

من يلوم القلب فيها لويقول انها افتنتني
دام لاجات اتباها قال من حقها تباها

من حلاها ماكذبت ان قلت تسحر واسحرتني
ولوتمر قدام عيني زر عقلي من حلاها

ليه قالتلي احبك) ليه فيها حببتني؟
مادرت انها بكلمه علقتني في سماها

من كثر ماكنت احبها لوثواني قاطعتني
ابلا شعور اسال عليها واقلب الدنيا وراها

علموها كيف صارت دنيتي من هملتني
علموها راح اموت وكاره الدنيا بلاها

وذكروها بكل كلمه من شفاها ضيعتني
ماكفاها ماجرالي اسالوها ماكفاها

مابقالي غير صوره فالبعاد وعذبتني
من اطالعها تضيع العين في ضحكة شفاها

ومابقالي غير ساعه منها يوم ا ذكرتني
بعيد ميلادي وصارت تحسب الوقت القاها

لوصحيح انها تبيني ماتمادت وخسرتني
ولوصحيح انها تحبني ماتخلت عن هواها

السهر عذب عيوني والقصايد دمرتني
وكل حرف بهالقصيده يشكي الحال وعناها

ليتها تفهم كلامي لاوصلها واسمعتني
وليتها ترحم حبيب لوتناست مانساها

نـجـم
11-22-15, 09:47 AM
صح لسانك
حسوساا

اكثر من رائع ومميز

لاهنتي يا الغلا

مواضيعك يميزها النقائق العذب
وبداعك الجميل

مشكوووووووووره

الســاهر
11-23-15, 12:05 PM
(وش مصيرك لوتركتك وسط هالدنيا وغثاها)


روووعه
صح لسان شاعرها
وسلمت يمين ناقلتها
اختيار اكثر من رائع
تقبلي ودي قبل ردي


SEO by vBSEO 3.6.1