مشكلتي الحقيقيه في الحياه قيس [الأرشيف] - منتديات مسك الغلا

قيس

11-24-15, 08:16 PM

بصراحه قريت مشكلة واحد وهي مشكلة الخوف

وقررت اقلكم مشكلتي الوحيده فالحياه يمكن البعض بينتقدني او يتريق لكن قبل لا اقولها بوضحلكم فكره انا انسان يالله لك الحمد لا اخاف من امراض ولا حوادث ولا حتى لو تدخلني فحرب ابدا ما اخاف

صح لي هنا صور امسك ثعبان عادي وفالحقيقه كمان العقرب العنكبوت كلها عادي
لكن ارمي علي المخلوق الكريه البغيظ اللي اسمه فرس النبي اظن اسمه العلمي قرفصاء يمكن بدون مبالغه يغما علي لدرجة اني لو شفته فمكان مستحيل ارجع لهذا المكان مره ثانيه مدا الحياه ومره من المرات جا على كتفي وكان بحجم كف اليد ومسك رقبتي اللي والله من الخوف عطشت ودخت وماقدرت حتا اهشه لين رحمه من الله طار ومن طار اخذت نفس كني كنت ميت ورجعتلي الروح من جديد

سؤال هل هذا مرض نفسي خصوصا انه ياثر علي فالتنفس ونبظات القلب وعطش مو طبيعي :MonTaseR_66:

همسة الروح

11-24-15, 08:53 PM

تمت الموافقه
وأن شاء الله يساعدونك الأعضاء

مرجانة

11-24-15, 09:25 PM

امممم ، لديك فوبيا

خوف يفوق الشعور بالخوف ههههه

أعتقد أنه أمر طبيعي!

مسكك الغلا

11-24-15, 09:31 PM

اعتقد عادي عندي نفس الشي لكن

مع الكلاب وحشرة الشبث يغمى علي وتصير حالتي حاله

هو الخوف الشديد اعتقد فوبيا

احتمال يكون حدث شي لك وانت صغير من هذي الحشرة

وثبت في ذاكرتك ولا قدرت تتخطاه

احنا بشر وشي طبيعي يصير عندنا خوف

آسيرة حرف

11-24-15, 09:43 PM

لي عوده استاذ قيس
لاني بطلع اللحين
انت عارف وش نسميه عندنا بجيزان (( كاسر الصباع)) شفت اسمه رعب لوحده
الاسم العلمي فرس النبي

صاري لي موقف معه حبسني بالحمام الله يكرمكم حول ساعه ساعتين تقريباً
بغيت امووووت والله مدري من وين جاااا
كل مابغيت اهرج اصيح
حرك راسه وعين لي
:MonTaseR_210:
وكان كبير يومها

:MonTaseR_141: بغا يجنني لا بارك الله بشره

من بعد هذا اليوم لو اشوفه في اي مكان اصارخ لو افضح الكل ماهمني
احسه مستهدفني ناوي يقتلني :بكى:

المشكله انو حتا الحركه الخفيفه :MonTaseR_179: يحس فيها

الساحرة

11-24-15, 09:44 PM

الأعراض التي تصاحب الخوف لديك ..
تدل انك مصاب بـ فوبيا من نوع معين من الحشرات
طبعا العلاج يبدأ بالإرادة والتعود على تلك الحشرة ..
وعند تعرضك لذات الموقف أو في حال لرؤيتك للحشرة
عليك أن تسترخي وتنظم
تنفسك وتشعر ذاتك بضئالة تلك الحشرة امامك
...
وفي الغالب 70% من خوف الإنسان غير حقيقي
أي نحن من نصنع الخوف . .
فالإنسان بطبعه يخاف من المجهول لكن تجد هناك من يخوض التجربة
وهذا لم يأتي بين يوم وليلة بقوة الإرادة وطرد الخوف خارج
أسوار العقل ويكون الخوف النسبة المنخفضه
ونسبة الحذر من المجهول مرتفعه ..
لذا تجد كثير من المغامرين نجحوا في أمور كثيرة ..
لذا أقول في إمكانك أن تتجاوز ما أنت فيه..
فآنت تحمل أفعى وعقرب بإمكانك أن تتجاوز
هذا المخلوق بطرد الخوف الغير حقيقي من داخلك …

مطر الفجر

11-24-15, 09:47 PM

اخ قيس
الخوف من فرس النبي او السرعوف
هذا نوع من انواع الفوبيا
واكيد عند الخوف يصاب الانسان بالعطش
وذلك لقلة التنفس ونقص الاوكسجين
وهذا لانك تعرضت لموقف افقدك فيه التنفس
او ربما سمعت عنه شيئ خاطئ او تعرضت لموقف معه
انا ايضا لدي فوبيا من الكهرباء
واعرف شخص لديه فوبيا من الفأر !!
هذا ليس مرض نفسي و لا يهدد حياتك
واعتقد انه من النادر ان تصادف حشرة فرس النبي
لا تعطي الموضوع اهمية
وان كنت تريد التخلص من هذا الخوف
احضر لك حشرة فرس النبي و حاول تلمسها
وبعد ذلك بالتدريج امسك جناحه
الى ان تتبدد مخاوفك وامسكه كله
اي شيئ لا يهدد حياتك ويشكل خطورة واجهه
وان لم تستطيع فانه امر عادي لانك لست مضطر لذلك
ما اتريق ولا اضحك لكن
هو الحشرة الوحيده اللتي تقضي على باقي الحشرات
وتؤمن مكان نظيف وامن و تخلص من الحشرات السامة
خاصة في المزارع

تحيتي لك

صعفق طاش كندي

11-24-15, 10:42 PM

لا وانا اخوك الموضوع عادي

لكل شخص نقطة ضعف

لكن عشان تتغلب على نقطة الضعف هذي .. لازم تواجهها باي شكل من الاشكال

زي ماقالوا .. افضل وسيله للدفاع الهجوم ..

انا متبع قاعده ... الشي الي اخاف منه احاول اخش فيه وزي ماتجي تجي
مره مرتين ثلاثه لين يروح الخوف من هالشي

انا كنت اخاف من السنوركل .. الي هو الصيد في البحر على عمق ثلاثه الى خمسه امتار .. بمسدس البحر وبدون اسطوانة اكسجين

وكل مانطلع بحر اقول لصاحب البوت .. وقفلي ابغا انزل .. ويوقف واجهز نفسي .. وامسك المسدس .. وهم ينتظرون انزل .. اخر شي ارجع البس واتعوذ من بليس واقضب ارضي .. طبعا يتونسون علي لين مادوخ .. وانا كنت اخاف .. من القروش وثعابين البحر ( الشاقه )
. اكثر من ثلاثين مره اسويها واجهز نفسي وابطل

واخر مره يوم طلع النور وقلت لخوي .. شوفلي منطقه خمسه متر بنزل سنوركل .. قامو الشباب يتونسو علي .. قلت علي الحرام لانزل وزي ماتجي تجي .. والله ويوقف .. واجهز نفسي والبسلك الشورت القسفوري الي لو شافه القرش مايقاوم .. واخذ مسدس البحر وبدون اي تفكير توكلت على الله واستودعت نفسي الله .. وطبحت

اخذت نفس ونزلت .. وانتف اول سمكه واطلع .. وكل مايطري علي القرش واتوهم انه بيجيني وبيعرط برجلي اخذ نقس وانزل .. والله يوم انكسر حاجز الخوف .. واعجبتني الشغله

والحمد لله من بعدها صرت باي مكان اطبح اذا كانت نظارتي الخاصه بالبحر معي ..

فالشغله بسيطه .. يبغالها مواجه وعزم

قيس

11-24-15, 11:30 PM

:SnipeR103: يارب تسعد كل من شارك في هذا الموضوع وشاكر لكم جميع بدون استثناء ووالله يعطيكم العافيه بدرس فكرة المواجهه ذي ولو انه مليون بالميه ماراح اقدر بس بحاول

ذات

11-24-15, 11:41 PM

والله مالومك أخي قيس
أذا ماخفت منها تخاف من ايش
والله تخوف ومرعبة
اتمنى مايعتبر خوفك مرض نفسي
رغم أن ردة فعلك قويه
يبقى الخوف من الحشرات امر طبيعي بنسبه لي
احترامي لك

جَســـــوُرْ..،

11-25-15, 02:14 AM

مرحبا بك قيس ../

لمـرحلة العطش أتوقع من شدة الخوف ينشف ريقك لذا تشعر بالعطش و زيادة دقات القلب أيضا سببه الخوف الشديد.

الخوف يتفاوت درجاته و أعلى درجاته تسبب سكته قلبية .

حماك الله و المسلمين .

فـ حفظ الحفيظ../

اللورد يحيا

11-25-15, 02:44 AM

على كذا أحمد ربك بأن معرفتك بي من خلال شاشة كمبيوتر فقط

لاني من النوع الساخر الذي يثير الآخرين بما يخافون منه وخصوصاً إن كان خوفهم من شيء أليف قد لا يخاف منه الأكثريه

فلهذا لا تستبعد لو كنت جمبك أرمي عليك أو أضع بين ملابسك "فرس النبي" ثم أهرب ^___^

للمعلوميه أخي قيس فرس النبي لا يعض ولا تصدر منه أي سموم او روائح كريهه تأثر على الانسان ، بل هو كائن حي ضعيف لا يأكل سوى النبات فقط ..

حاول تكون شجاع إتجاهه وتقرأ عن حيات هذا الكائن الحي أكثر وستفهم بأنه كائن مسالم لا يؤثر أو يثير اي مخاوف علينا نحن البشر ..

إحساس طفله

11-25-15, 02:56 AM

اهنن ي قيس المنتدى
انا عندي خووف من كل الحيونات :138:
قسسم لا طيور ولا عصافير ولا صراصير ولا قعاميص " نوع من انواع النمل :138:
ولاكاسر الصباع اللى هو " فرس النبي " ولا الثعابين كثرت ب الاسماء ..
طبعا هذي كلها اخااف منهاااا ..
البساس وهم ": القطط :" هع الايام هذي سرت امسكهاا
فهذا امر عاادي وانا اختك ..
ممكن حصل معاكك موقف مع نفس الحيوان هذا ..
المهمم اسفه ع التأخييير :رجل خجول:

شخبطة

11-25-15, 02:59 AM

http://1.bp.blogspot.com/-cyM21ls6HQE/UDc1qHQXO-I/AAAAAAAABCk/63gAF1Y6Q8Q/s1600/Praying-mantis15.jpg

شوفة بالصورة ودقق فيه زين ياحليلة يادلبوو

شوفه وشلون ياكل صدقني راح تحبة كثير

انا عندي مشكلة مع ام اربع واربعين اتقعطل وتجيني ام الركب مقدر انحاش

الحاله عادية جدا عندنا وعندك خير توكل على الله ولاتعلم احد بهالسالفه

إمبراطورة البحر

11-25-15, 10:03 AM

بالعكس أخوي قيس
كل شخص عنده خوف ولا هو عيب
انا عندي خوف من بعض الحشرات والزواحف
لا شفته جدامي اييني دوخة ونبضات قلبي يتسارع
ومن كثر خوفي والله اييون في الاحلام
ومن موضوعك عرفت انه فوبيا والحل اني اواجه هالشي
ما كنت اهتم لان شي عادي فوايد عندهم خوف من الحشرات
عاد تخيل المواجهة صعب فكيف لو على الحقيقة

فلا تحاتي ما اظن مرض نفسي ابدا خوف عادي يكون عند اي شخص
يمكن بموقف مريت فيه يوم كنت صغير وثبت في ذاكرتك
وان شاء الله تقدر تواجهه ويروح عنك الخوف مع انه عادي

دمت بود

:81:

قيس

11-25-15, 12:34 PM

يسلمو اللي شاركو

ههههههههههه
لورد انتبه فيه ناس يمكن تموت اياك والمزح كذا نصيحه

اقرا رد جسور وشوف ترا كلامه والله صحيح

هي فرس النبي كذا يسوي :MonTaseR_194:

قيس

11-25-15, 12:44 PM

لاحول شخبطه حاط صورة المجرم الاخضر ويقول ياحليله :nosweat: ههههههه

يويلي لو اني ملك وعندي شعب بعدد شعب الصين لعطي كل واحد يذبح فرس نبي ١٠٠ ريال ع الواحد لين ينتهي من الوجود تماما ١٠٠٪

ام اربعه واربعين ياشخبطه انتبه منها يقولون سامه بعضها مره سام

قيس

11-25-15, 12:54 PM

شكر لكم كلكم على مساعدتكم لمشكلتي ببدا اتفرج يوميا على صوره هذا المخلوق لين اقدر فعلا اني امسكه انا جاتني فكره اني القا واحد ميت او محنط واجرب امسكه لين اقتنع ان هذا شي طبيعي بعدين اشوفه وهو حي ونتفاهم وقتها معاه:MonTaseR_147:

إحساس طفله

11-25-15, 12:58 PM

هههههههههههه قسسم بالله ضحكتني ي قيس ..
يسعدكك

قيس

11-25-15, 01:21 PM

هههههه امين يارب الجميع:t:

نجم ضاوي

11-25-15, 03:08 PM

ههههههههههههههه

يا رجُل تخاف من كاسر الصباع ,,,
في جيزان عندنا ما احد يحسب له حساب ...
انا والله ما اخاف من اي شيى عدى الثعبان و الشِبث ,,,
اقسم بالله يا مره في منطقه اسمها أملج تابعه لمنطقة الوجه وقتها توني خريج المعهد البحري
وجاء تعييني في مدينة املج المهم جالسين في البر ونلعب ,,, بلوت ,,, يعني في منطقه بعيده
عن المركز شوي وفجأه كذا جسمي قشعر وطوالي التفت على ورى والله جات عيني عليه
وهو النذل لما شافني انتبهت له جاني منطلق وبعدين كبير وسريع بصراحه وتعال شوف صرت بطل مسافات
طويله عليه الحرام إني قطعت قلبه والله مالحقني تخيل كيف جريت الخوف جرى وراي الين وصلني المركز
والولا الله ثم الدرج حق دورات المياه اكرمكم الله فرعتلي منه ويتناقزون زملائي والله مافكوه الين قتلوه ,,,
قعدت اسبوع عضلات رجولي مشدوده ولا اقدر امشي منها ,,,
لانه بصراحه خطير ويسمونه مبَرِك الجِمال طيب إذا كانت قرصته تبرك الجمل اجل كيف لا قرص إبن ادم ,,,

لكن ياقيس فرس النبي لا يهش ولا ينش اللهم شكله يفجع بس لا تخاف منه اضربه مره وحده بيروح
هذا الخوف كله ,,,

إحساس طفله

11-25-15, 03:20 PM

ههههههههههههههه

يا رجُل تخاف من كاسر الصباع ,,,
في جيزان عندنا ما احد يحسب له حساب ...
انا والله ما اخاف من اي شيى عدى الثعبان و الشِبث ,,,
اقسم بالله يا مره في منطقه اسمها أملج تابعه لمنطقة الوجه وقتها توني خريج المعهد البحري
وجاء تعييني في مدينة املج المهم جالسين في البر ونلعب ,,, بلوت ,,, يعني في منطقه بعيده
عن المركز شوي وفجأه كذا جسمي قشعر وطوالي التفت على ورى والله جات عيني عليه
وهو النذل لما شافني انتبهت له جاني منطلق وبعدين كبير وسريع بصراحه وتعال شوف صرت بطل مسافات
طويله عليه الحرام إني قطعت قلبه والله مالحقني تخيل كيف جريت الخوف جرى وراي الين وصلني المركز
والولا الله ثم الدرج حق دورات المياه اكرمكم الله فرعتلي منه ويتناقزون زملائي والله مافكوه الين قتلوه ,,,
قعدت اسبوع عضلات رجولي مشدوده ولا اقدر امشي منها ,,,
لانه بصراحه خطير ويسمونه مبَرِك الجِمال طيب إذا كانت قرصته تبرك الجمل اجل كيف لا قرص إبن ادم ,,,

لكن ياقيس فرس النبي لا يهش ولا ينش اللهم شكله يفجع بس لا تخاف منه اضربه مره وحده بيروح
هذا الخوف كله ,,,

هههههههههههههههههه قسسم بالله تخيلت شكلك ومت ضحكك :MonTaseR_128::MonTaseR_128:

قيس

11-25-15, 04:25 PM

الشبث سام جدا فعلا خطير بس له مثل يدين طويله قدام مايقدر يحنيها تقدر تمسكه من خلاله بس تكون حذر من يدينه الباقيه :MonTaseR_222:

سبق ومسكت واحد حي :MonTaseR_222:

بس الشعر اللي فيده مقزز

بس عيبه صعب تثبته يطلع روحك لين تحشره لانه سريع ويقدر يقفز ويتسلق اي شي كنه ننجا ماكنه عنكبوت ههههههه

مسكك الغلا

11-25-15, 04:36 PM

ههههههههههههههه

يا رجُل تخاف من كاسر الصباع ,,,
في جيزان عندنا ما احد يحسب له حساب ...
انا والله ما اخاف من اي شيى عدى الثعبان و الشِبث ,,,
اقسم بالله يا مره في منطقه اسمها أملج تابعه لمنطقة الوجه وقتها توني خريج المعهد البحري
وجاء تعييني في مدينة املج المهم جالسين في البر ونلعب ,,, بلوت ,,, يعني في منطقه بعيده
عن المركز شوي وفجأه كذا جسمي قشعر وطوالي التفت على ورى والله جات عيني عليه
وهو النذل لما شافني انتبهت له جاني منطلق وبعدين كبير وسريع بصراحه وتعال شوف صرت بطل مسافات
طويله عليه الحرام إني قطعت قلبه والله مالحقني تخيل كيف جريت الخوف جرى وراي الين وصلني المركز
والولا الله ثم الدرج حق دورات المياه اكرمكم الله فرعتلي منه ويتناقزون زملائي والله مافكوه الين قتلوه ,,,
قعدت اسبوع عضلات رجولي مشدوده ولا اقدر امشي منها ,,,
لانه بصراحه خطير ويسمونه مبَرِك الجِمال طيب إذا كانت قرصته تبرك الجمل اجل كيف لا قرص إبن ادم ,,,

لكن ياقيس فرس النبي لا يهش ولا ينش اللهم شكله يفجع بس لا تخاف منه اضربه مره وحده بيروح
هذا الخوف كله ,,,

ههههههههههههه زين مو بس انا لكن في معلومه الشبث لونه اصفر وغير سام لكن

سريع ويطرد لحسك خايف منه بالعكس

السام لونه اسود ناس يسمونها الارمله السوداء والبدو يسمونه البشبش

قيس

11-25-15, 07:31 PM

يامسك من قالك الشبث بس اصفر اجل ماش خبرتك قليله فيه منه اصفر وفيه رمادي وفيه بني ومخطط رمادي

وصح فيه مره شغاله لدغها المغرب وتنومت فالمستشفا وماماتت بس قعدت ٣ ساعات لكن يوم اضربه يطلع منه شي كذا مقرف اتوقعه سم

اما الارمله السودا هذي مصيبه ماعمري شفتها قدامي لكن هي من اغرب المخلوقات تتزوج وبعد ماتتزوج تقتل زوجها وتاكله عشان كذا اسمها الارمله السودا

موطنها الاساسي مو عندنا لكن ما اعتقد انها نفس نوع الشبث لانها اجنبيه الشبث عربي١٠٠٪ :x30:

أفِيندآر .

11-28-15, 01:41 PM

عادي انا الصرصور انام وانا مادخلت دورة المياه لما يخرج ههههههه

قيس

11-28-15, 11:29 PM

نورتي افيندار اذا تخافي من صرصور اجل كيف لو يطلعلك الشجاع الاخضر اللي بموضوعنا ههههه

خفوق

11-29-15, 05:34 AM

فرس النبي. مااحب اشوفه اخاف. من كل الحشرات.
الله يعين بس. ممكن اخوي صار لك موقف مثلي بالصغر وكرهته.

تآجر السعُاده

12-05-15, 05:36 PM

اما فرس النبي افا ي قيس ذي يبي لها علوم رجال
شنو اخاف وماخاف لا لا كده مبينفعشي
لاوقف على كتفك غمض عيونك وادعي بقلبك :pv503112:
لاتزعل انا م حب الناس يالي تخاف من حشره او حيوان هو لو تكلم قال بسم الله :3:
واذا مرا تخاف من الاشياء ذي حاول تمسكها

طُهر السمآء

12-06-15, 10:08 AM

عندك فوبيا بس ب اقوى مراحلها
انا عندي فوبيا من الارانب والدم
والارنب اذا حطوها علي او شي اصيح وتحصلني اقمز نص ساعه اخاف متعلقه فيني :MonTaseR_145:
اما ب نسبه ل الدم يغمي علي :MonTaseR_66:

فادايم الفوبيا الي يغمى عليك منها ذي من طلعت ع الدنيا او وراثه >> مثل فوبيا الدم عندي وراثه
اما الوفبيا المكتسبه >> يعني الي صار لك موقف او شي منها وصرت ماتحبها فاذي مارح يغمي عليك منها
حلها يقولون انك تمسكها او تقرب لها بس كله تسذب
انا الدم احلل تقريبا كل شهرين وكل تحليل يغمي علي :MonTaseR_111:

الله يبعدها عنك
تحاتي لسموك

قيس

12-07-15, 08:40 PM

الله يعين كل انسان من كل شي يخاف منه :رحيق:

ويشفي كل انسان

مشكورين كل اللي كتبو في مشكلتي الله يوفقكم تسلمون