المساعد الشخصي الرقمي

مشاهدة النسخة كاملة : تعلم الشعر وبسهولة


ذات
12-04-15, 05:15 AM
بسم الله الرحمنالرحيم
بقلم الشاعر الحي (( يوسف الشقران )) ابوعيسى
نظرت إلي بعض الكتابات حول نظم القصيده
وجدت انه بالاضافه إلى الأخطاء العديده في هذه المواضيع
أنها تتسم بالتعقيد للشاعرالمتمكن قبل المبتدئ..
او من لديه رغبة لتعلم النظم
وبعد الاستعانه بالله
سأبدأ هنا سلسله دروس بعنوان
(( تعلم الشعربسهوله ))
وهي اجتهاد شخصي بحيث ابتعدت فيه قدر الإمكان عن التعقيد
وابتكرت بعض الأمور وكتبت أبيات وقصائد خصيصا لتوضيح بعض النقاط فيه
وستكون مواضيعنا كالآتي :
- كيف تكتب القصيدة ؟؟ -
ضوابط مهمة للكتابة الشعرية -
خطوات عمليه لكتابه الشعر
- الفكرة والقصيدة - ماهية القافية؟! -
المفردة وأهميتها - الوزن بشكل صحيح.
هذه السلسلة موجهه لمن لديه رغبه
حقيقية ليتعلم نظم القصيدة المقفاة الموزونة ..
وكذلك سيجد من يجيد الوزن والقافية مايفيده ولن أطيل أكثر بالمقدمة.
وباسم الله نبدأ
الموضوع الأول
كيف تكتب الشعر؟؟؟
تحتاج إلى:
1- فكره .
2- مفرده (حاول تكون المفردات اللي تستخدمها سهله ومفهومه ولاتعقد الأمور
3- قافيه ( لاتفكر فيها في البدايه راح تجي بروحهابس بعد البيت الأول التزم على الأقل بالحرفين الأخيرين ).
4-وزن لاتحاتي .
الخطوات:
1- اختر الفكرة:
مثال :
أبي اكتب للمنتدى مو لاقي كلام أقوله
شلون أصيغ هالفكره؟!؟!؟؟!؟!
اسأل نفسي سؤال شنو ممكن أقول؟!؟!
شلون أبدا؟!؟!؟!
وشنو القافية اللي اختارها ؟!؟!؟
- أجاوب
أول شي إنسا مسألة القافية راح تجي بروحها
أهم شي فكر باللي ممكن تقوله حتى الوزن أنساه وعبر عن اللي بخاطرك!!!
شلون ؟؟؟!
أنت ودك تكتب للمنتدى بس مو لاقي كلام تقوله
قول مثلا :
ودي اكتب لي كلام وما لقيت اللي أقوله؟؟!؟!!!
بداية لشطر بيت حاول تكمله بنفسك
المطلوب انك تسترسل بالكتابةبس
لا تنظر للوزن في البدايه
الوزن راح يضبط مع الممارسة
بس شلون اضبطه من غير تعقيد أو التزام بالتفعيلة وبحور الشعر
مثل.
فاعلاتن مستفعلن فاعلاتن
أو
فعلن فعلن فعلن فعل
وهلم جره .
الاجابه سهله
في البدايه حاول تغنيها وإذا جت بالغناء سهله وسلسة
فهي اقرب أنها تكون موزونة
بالنسبةللقافية
حاول تكون نهاية البيت من حرفين أو أكثر
مثال :
)ودي اكتب قصيده في حب الوطن الكويت(
شلون أصيغها ؟!؟!
أنت تحب الوطن؟!؟!
قول مثلا
ودي اكتب لك قصيدة حب ياكويت وماقدرت اكتب=لقيت اصعب مواضيع الهوى كلمات فـي حقـك
لاحظ أن الشطر الأول مو موزون حاول اتغنيها
حاول اتغنيها بنفس لحن تناسيني لمحمد عبده
تناسيني بنفس الموعد اللي به ذكرتيني .............
ما راح تغنيها بسهوله
حاول تصلحها
ابي اكتب قصيدة حب ياكويت وعجزت اكتب=لقيت اصعب مواضيع الهوي كلمات في حقك
حاول تغنيها وراح تمشي معاك ميه بالميه
أو ممكن أقول :
احبك ياكويت العز ياتاج الفخر والطيـب=احبك وارخص الغالي وابيع الروح لترابك
وعلي هالمنوال كمل
ولاحظ انك في البدايه ما اخترت قافيه
لكن هال قافيه راح تلتزم فيها بالابيات اللي راح تكتبها بعدين
ملخص الكلام
اختار الفكرة واكتبها بطريقتك بأي شكل كان
وكمل القصيدة كامله مع الالتزام بالقافيه
وفي الاخر حاول توزنها مثل ماوضحت في البدايه
ظوابط مهمه للكتابةالشعرية
الموضوع هذا ماراح يفيدك
الا لما تكون طبقت الكلام اللي بالموضوع اللي قبله
وإذا أنت ماقريت الموضوع الاول بخصوص
(كيف تكتب شعر)
فما راح يفيدك هالموضوع وراح اتضيع وقتك
الزبده :
بالموضوع الاول تعلمنا شلون نكتب شعر !؟!؟!
طبعا ماكو شي بدون ممارسه
ولا تتوقع انك قريت معلومة خلاص صرت تعرف لا
اسأل نفسك لماتعلمت القراءة والكتابة
كم أخذت من وقت وممارسه على ما عرفت تقرا وتكتب عدل
) أنا عن نفسي أكثر من سنه(
واسأل نفسك وأنت قاعد تكتب على الكمبيوتر هالسوال
هل أنا اكتب الحين بالكمبيوتر بنفس صعوبة وسرعة أول مره؟؟!؟!
ما اعتقد ..
لان كل شي مع الممارسة يكون أسهل ( حتى كتابة الشعر(
نرجع للموضوع
أنا راح افترض انك قريت وطبقت اللي بالموضوع الاول
والنتيجة هنيه أهي انك الحين تقدر تكتب كلام موزون ومقفى
)هذا طبعا مع الممارسه والتطبيق!! (
لكن
هل الكلام الموزون والمقفى شعر؟؟!؟!؟!؟!
طبعا لا
مثال على هالشي
وهي سالفة معروفه عن واحد وفروا له كل الظروف انه ايصير شاعر
وقعدوه بمكان حلو ماء وخضره ووجه حسن وقالوله قول شعر
شوفو شنو قال
وكانناوالماء من حولنا =قوم جلوس حولهم ماء
؟؟؟؟
بالله عليكم هذا كلام ؟؟؟
اللي أبي أقوله إن مو كل كلام موزون مقفى شعر
لان الشعر مشاعر تترجم بصور جماليه واضحة
وانتبه لكلمة واضحة اهنيه
ولحد ايقولي لا المعنا في بطن الشاعر
لاهالمقوله كانلها مناسبتها وغير صحيحة
المهم
أنت تعرف تكتب كلام موزون ومقفى
) وهذا شي خلصنا منه(
وينقصك اهنيه انك أتعبر عن مشاعرك
واللي يدور براسك وببساطه
وراح أيكون هال كلام الموزون المقفى المعبر المفهوم الواضح
شعر
بس ؟!؟!؟!؟!
لا مو بس
في أمور ثانيه
(وهذا اللي خلاني اكتب الموضوع(
أمور ثانيه لازم الكاتب يحاول يلتزم فيها
وانا أقول أيحاول
مو غصب
اتبع الأتي :
1-ابتعد عن الكلام اللي يمس الدين و والمقدسات
2- استخدم كلام مفهوم ( يعني مو تدور كلام قديم مو مفهوم وتكتبه)
3- استخدم معجمك الخاص ( راح اشرحها لكم)
4- عبر عن نفسك وبس ( لاتفكر برأي الآخرين(
5- لاتناقظ نفسك وواقعك بصوره غلط ( هم راح اشرحها(
6- لا تكرر القافية
7- لا تكرر الالفاظ أكثر من اللازم
8- اكتب وأنسا وأي فكره تطري علي بالك سجلها ولو بكلام عادي هذا إذا مو مستعجل
نقاط شكر على الفاضي صح ؟!
(لا موصح(
نبدأ من الاول مع الشرح :
1- ابتعد عن الكلام اللي يمس الدين و والمقدسات
واعتقد هذي الوحيدة اللي ماتحتاج للشرح
2- استخدم كلام مفهوم ( يعني مو تدور كلام قديم مو مفهوم و تكتبه)
لان البعض يدور وين الكلمة القديمة ويحطها
يا أخي الشعراء القديمين كانوا يستخدمون الكلام الدارج بحياتهم اليومية
وهذا اللي خلاهم يتميزون
) ماراح أزيد كلام اهنيه لان يمكن أطب(
3-استخدم معجمك الخاص ( راح اشرحها لكم(
لما تكتب استخدم الكلام اللي أنت تتكلم فيه لا تتعمد تستخدم لهجة مو لهجتك
ولا كلام مو من بيئتك مثال علي هال كلام
تخيل شاعر أو خل نقول تخيل شاعره مثقفه
وتعليمها عالي وحضريه وفرضا قالت هال بيت :
كلالاماني غاديه في يميني =مير الظروف القاسيه ضيعتها
علي طول راح تتساءل ويمكن تشك
وتقول من وين كلمه مثل غاديه وكلمة مير ؟؟؟؟!!!!!
يعني شفيها لو أنها قالت
كلالاماني صايره في يميني =بس الظروف القاسيه ضيعتها
يعني استخدم وابحث في معجمك الخاص وكلامك اليومي العادي
لا ترد لكلمات غريبة عليك
4- عبر عن نفسك وبس لاتفكر برأي الآخرين
لما تكتب عبر عن نفسك
وتأكد إذا كنت عفوي وصادق بتعبيرك انه كلامك بيكون احلي
ولكن إذا كنت تبي يقال عنك الشاعر الفلاني
فاقترح انك تترك الكتابة
5- لاتناقظ نفسك وواقعك بصوره غلط هم راح اشرحها
هذي بابداها بمثال وهو
تخيل مثلا انه الابيات قالها شاعر مليونير او أمير ؟؟؟!!!!!!
شف حالتي فقران والحال دوني= والجسم من زود الفقر زاد سقمه
اقعد مع السكه وانادي عطوني=من مال ربي يالاجاويد لقمه
(راح تطق علي راسك وتقول الله يالكذب )
ولحد يقول المعنا كيت وكيت انا لي الظاهر
وهذا اللي يفترض وانت تكتب تتبعه
يعني
بعد الكتابه الاوليه للقصيده
فكر بمعنا الكلام وتفسيره وبعدين اعتمده
6- لاتكرر القافيه
وهذي واضحه يعني لو عندي بيت شعر مثلا
اقعدمع السكه وانادي عطوني =من مال ربي يالاجاويد لقمه
مايصير نفس القافيه بالابيات الثانيه ( عطوني ) او ( لقمه ) !
وان حدث فيكون ضعف
او لاغراض متعمده ومقصوده بس
7- لاتكرر الالفاض اكثر من اللازم
لان تكرار اللفض الواحد بكثره يبعث الملل وكانك مو لاقي الا هالكلمه تعيد وتزيد فيها
يعني مره قول احبك ومره اهواك ومره متيم ومره اشتاقلك
كلها تعبر بطريقه او باخري عن الحب ولكن اللفظ اختلف
8- اكتب وانسا واي فكره تطري علي بالك سجلها ولوبكلام عادي
( هذا اذا مو مستعجل )
وهذا من واقع تجربه سو اللي اقولك علي مسؤوليتي
في الموضوعين اللي قبل عرفنا شلون نكتب شعر
( هذا المفروض يكون )
!!!!!
بس كل اللي فات كلام نظري
يعني نظريا صح
يفترض بان اللي طبق الكلام في الموضوع الاول والثاني
خلاص صار يكتب شعر
بس هالكلام لازال نظري !!؟؟!
انا ابي فعليا لما امسك قلم واكون ناوي اكتب شعر
هل راح اقدر اكتب شعر ؟!؟!؟!؟!؟
نعم تقدر
وهذا هو موضوعنا هالمره
وهو خطوات عمليه لكتابة الشعر
(وانابطبيعة الحال افترض انك خلاص استوعبت اللي بالموضوعين اللي قبل )
خلنا اولشي نتفق علي هالامر واللي اهو
ان القصيده قسمين
1- الفكره (خمسين بالميه )
2- الصياغه والوزن والقافيه و .......الخ ( خمسين بالميه )
!!!!
هذا اللي اناشايفه
مسألة الفكره ما اقدر اسوي فيها شي
هذي ترجع لك انت
وترجع لحياتك وترجع للموضوع اللي تبيه
ولكن الامور الثانيه ممكن نتعامل وياها
الكتابه العمليه للشعر
وهالموضوع راح نقسمه لمرحلتين
1- الاستعداد والتدريب
2- مباشرة الكتابه
المرحله الاولي:
1- الاستعداد والتدريب
لما تبي تلقي محاضره او درس عن القدس مثلا
لازم تقرا تاريخ القدس
وتقرا السياسه وتجهز امورك ..... صح؟!!!؟؟!
قبل لانكتب
ياليت اتحاول قد ماتقدر تسوي هالامور :
1- اقرا شعر فصيح
( اول شي لاحمد شوقي والشعراء اللي عاصروه وبعدين اقرا المعلقات حتا لو مافهمتها )
2- اقرا واسمعلهالشعراء
(خلف العتيبي - سليمان الهويدي - خالدالفيصل - محمدبن راشد المكتوم - سعود بن بندر - عبدالله الفيصل )بس هذولا وانا مختارهم بالذات متعمد مو معناتها مافيه غيرهم لا فيه
ويمكن افضل بس ابيك تسمع كلامي
واعتمد.
وارجووووك
اترك شعراء هاليومين لانهم راح يخربون مستواك
( شعراء هاليومين ذبحونا بهالكلام
نعنبوها ونعنبو جدها ويلعن خيرها والله ياخذخالتها....
مادري أي غزل كله شتايم )
3- درب نفسك علي كتابة الشعر !!
شلون ؟!
انا اعطيك هالطريقه وحاول تسويها
اختار اي بيت شعر وحاول تكتب علي نفس منواله
وعلشان تسهل الامر علي نفسك
اكتب الكلمات اللي تخدم قافيتك براس الصفحه عشان تكون حاضره قدامك
مثال :
والبيت لسعود بن بندر الله يرحمه
ياليتني بينـك وبيـن المضـره=من غزة الشوكه الي سكرة الموت
براس الصفحه اكتب الكلمات اللي تساعدك
مضره : مسره - مبره - جره - مره - مجره .......الخ
موت : فوت - صوت - حوت - قوت - مكبوت - .........الخ
واقعد ركّب
ناديت لـك ياغايتـي الـف مــره=وان فات فينا الفوت ماينفع الصوت
ماشفت ياعمري بعمـريمسـره=والضيم فيني طول الازمان مكبوت
وهلم جره
تحدى نفسك بالكتابه وحاول تكتب 4 او 5ابيات نفسه
واذا خلصت اختار بيت غيره واكتب علي شاكلته
( وكرر هالعمليه لان الممارسه مهمه)
المرحله الثانيه :
قول باسم الله
قبل لاتبدأ
- تاكد انك اذا لقيت الفكره ف خمسين بالميه من القصيده خلص
- حطفي بالك ان الكتابه امرها سهل مو شي معقد
- اعتقد وآمن بانك تقدر تكتب شعر
- تأكد ان المساله مو الهام او وحي ينزل عليك
كل المساله حاله منالاستعداد الذهني والنفسي والعاطفي
فهيئ الجو المناسب للكتابه بعدين راح تلقاالامر عادي
يعني جو الهدوء والمكان الحلو والبراد ...
وصدقني مساله الجوالمناسب بعدين تصير مالها داعي
يعني انا
ما اكتب الا وعندي ناس مزعجين يسولفون
او وانا اطالع مباراة كره قدم
المهم
صل على النبي
2- مباشرة الكتابه
أ - الكتابه الاوليه
ب - تعديل المعاني
ج - ضبط القافيه
د - ضبط الوزن
ه -اعتماد القصيده
وراح نتكلم عن كل نقطه بروحها :
أ - الكتابه الاوليه
(اكتب بالفكره اللي تبيها و لاتعقد الامور
ولا تركزحيل علي المعاني لكن حاول تكتب اللي في بالك
وحاول تسترسل قد ماتقدر
وكثرماتستبسط الامر راح تلقاه بسيط )
(قول بسيطه ماتستبسطهاش) ===>> مالها شغل بالموضوع )
ب - تعديل المعاني
(يعني مثلا لاتذكر المؤنث او تأنثالمذكر ولاتجمع المفرد او تثني الجمع
وانتبه للمعني اللي انت كتبته مو المعني اللي في بالك)
ج - ضبط القافيه
( والقافيه تكون من حرفين او ثلاثه في الغالب
وانتبه للتشكيل
مثلاكلمه يختلف بكسر اللام وكلمة اختلف بفتح اللام !!
صحيح ان اخر ثلاث حروف نفس الشي بس التشكيل للحرف اللي قبل الاخير عفس الدنيا وخلاهم مايضبطون .
و ممكن تتبع الطريقه اللي قبل شوي
انك تكتب الكلمات اللي تساعدك براس الصفحه وتستخدمه الكلمات )
د - ظبط الوزن
( مسالة ظبط الوزن راح تكتسبها مع الممارسه
لكن الحين حاول تغنيهابنفس اللحن راح تجي معاك
و بالموضوع الاول سولفنا عنه)
هـ -اعتماد القصيده
( اذا كتبت قصيده واعجبتك اكتبها وانساها علي الاقل اسبوع وبعد الاسبوع اقراها طبق هالمسأله ولا راح تندم صدقني)
وانت تكتب
- حاول تبتعد عن القوافي الصعبه لانها راح تاذيك
- ولاتستعجل مسالة اتقان الوزن كل شي بالممارسه
بعد ماتكتب
- ابحث عن اخطاءك وانقد نفسك بنفسك
- قارن أي قصيده تكتبهابقصيده مشابهه لها
- اعرض محاولاتك علي ناس تثق انهم ينصحونك ولاتزعل من النقد ومو بالضروره ان اللي ينقدك شاعر يكفي أي متذوق للشعر انه ينقدك اهم شي يكونصادق
( وللعلم النقد فيه بناء وفيه غير بناء البناءهو اللي يقولك عندك خطا كذا وكذا ويبين شنو الخطا ووين صايراذا قدر والغير بناء اهواللي يقولك انت عندك اخطاء ولايقول شنو او يقول لا فيها نواقص ولا يبين او يقول شنوهالنواقص )
شوف
القصيده اساسها الفكره
فاذا الفكره اخذت 4 ابيات في التعبيرعنها
ف هالاربعه كفايه مو بالظروره اتمطط الفكره عشان اتصيرطويله
عط كل شي قدره
ياما ابيات مفرده وبروحها تسوالها قصايد منمية بيت
4- الفكره والقصيده
بنكمل معاكم هالمواضيع وراح افترض انك قريت وطبقت الليفات
واذا ماقريت المواضيع اللي قبل اقراهم
الفكره والقصيده :
الموضوع هذا ماهوإلا اضاءه لتوضيح الفكره بالأساس ومن باب المعرفه بالشئ
ومن باب قناعتي ان ايامر لما اعرف اجزاءه ، وشلون مركب وطريقة تكوينه راح يكون التعامل معاه اسهل وابسط .
الكثيرين يعتقدون إن الفكره مجرد موضوع للقصيدة وبس !!؟
لكن اقول
ان الفكره هي المخطط العام للقصيده اللي يبين الغايه والهدف منها ويوضح تسلسلها وطريقة بنائها
واذا انت حددت هالامور ,
مو المفروض انك تسوي مخطط يبين تصورك النهائي !؟!!!
انا ما احب اتفلسف او ادخل في متاهاتمالها داعي
ولكن الموضوع هذا بالذات مجرد مافكرت فيه
لقيت افكاري تشعبت وتنوعت بشكل خلاني اتردد اني اكتبه بالاساس
ناهيك عن اني استفيض فيه
فلذلك وعلشان نصيب الهدف من هالموضوع ومن غيرلانضيع
فراح نتناول هالموضوع كالتالي وبالظبطبهالترتيب :
1- مفهوم الفكره
2- أقسامالفكره
3- عرض أمثله
4- صياغة قصيده من الصفر
خلك معاي
1 – مفهوم الفكره:
قلنا في الموضوع اللي قبل هذا إن الفكرة تمثل خمسين بالميه من القصيدة<<<< قناعه كاملة
أول شي لازم تعرف ان الفكرة هي أساس للقصيدة
( وأساس الفكرة هو أنت)
سواء تبي تقول شي, توصف شي, أو تعبر عن أي شي
- لاتتوقع إني أعطيك فكره جاهزة وأقولك تفضل اكتب !! ما اقدر
- كل اللي اقدرعليه إني أعطي شرح عام وخطه للتفكير عشان تعرف أنت وين تمشي وشنو قاعد تسوي بس
شنو أو ماهي الفكرة ؟؟(حلوه ماهي )
الفكرة هي المادة أو الإحساس اوالتصور الواضح اللي تبي تكتبه
وخل ننتبه لهالشي ان الفكره مو معناتها إني أبي اكتب غزل،مدح ، هجاء، وصف، فخر.........الخ
(يعني مجرد إني بكتب قصيده غزل مو فكره ) !!
إنما الفكره مثل ماقلنا هي:
المادة أو الإحساس اوالتصورالواضح اللي تبي تكتبه
واهم شي ((( الواضح )))
ـــــــــــــــــــــــــــــــــــــ
2-اقسام الفكره
راح نقسم الفكره إلى 3أقسام:
1- فكره أساسيه
2- فكره فرعيه
3- فكرةصياغه
1- الفكره الاساسيه:
وهي الخط الرئيسي للقصيده او مجموعة ابيات فيها وهي مثلا اني بارسلرسالة عتب لصديق
او ابي اعبر عن إحساس معين بخاطري او موضوع ابي اكتبه خلالقصيده ؟!؟!
2-فكره فرعيه:
وهي فكره البيت بحد ذاته او الصوره الشعريه الخاصه فيه اوالخاصه بمجموعةأبيات شعرية واللي تخدم المعني العام
و احيانا
واقول احيانا ممكن تنفهم بمعني ثاني لو قرأت البيت بدون باقي القصيدة
يعني مثلا قصيده مدح لشخص معين .......
ومن ضمن الأبيات شبهته بنور الشمس ! (هذي فكره فرعيه )
3- فكرة صياغه:
وهي الحبكة في القصيدة او طريقة العرض والسرد (وغالبا الابداع يكون اهنيه)
كلام مو مفهوم صح؟!!
( إذا ما استوعبت هالنقاط لا تنزعج راح نشرحها بالامثله وراح تستوعبها عدل )
تراهن؟؟؟!!!
3- عرضأمثله
خلال الامثله اللي راح نذكرها راح تبين اقسام الفكره وطريقتها انشاء الله
المثال الاول:
ابيك تقرا هالقصيده بشكل سريع
وبعدين راحانعلق عليها
عنمستواي اليوم تسأل شالاسباب =والاسئله في محتواها تشابه
دكتور تسأل والسبب عينواهداب=يوم امتحاني كنت احاتي غيابه
يوم امتحاني عشت في حلم كذاب= صرت اكتب اشعاري مكان الاجابه
وشلون تعبير الألم فيه جذاب = منية حياتي شوف حضرة جنابه
في ضحكته يعزف علي عود زرياب= يرفع بضحكِه كل معنى الكآبه
لو عذربوني مايهمالتعذراب =الواقع اني عاشقن للذرابه
دكتور تسألني !! أنا مسكر الباب= حتى لدروسيما ألقَّي مجابه
في هالمثال
الفكره الاساسيه :
غزل بطريقة اجابه علي سؤال دكتور بخصوص المستوىالدراسي
فكره فرعيه :
تشبيه الضحك بعزف العود
في ضحكته يعزف علي عود زرياب) <<<< ويمكن تكون هناك افكار فرعيه اخري)
فكرة الصياغه :
الجواب عن تدني مستوى الامتحان خلال التعذر بوجود محبوبه غائبه وصولا إلي عدم التفكير بالدروس اصلا
مثال ثاني وراح نشرحه اكثر
اقرا هالقصيده شوي شوي
وبعدين اقرا الشرح :
لوكان لون الورود اسـود =والشمس بالليل مألوفـه
والثور فوق الشجر غـرد =والفيليزحف علي الطوفه
أو الفقع بالبحـر يوجـد=أو طارت أسراب منتوفـه
والصينكانوا عدد مفـرد =والثلج في صيفنا انشوفه
او عمر الانسـان يتجـدد =او السمابخيـط ملفوفـه
وابليـس للخيـر يتعمـد = والجن بالطيب معروفـه
او بوش يرتاحلاسم احمد = او اليهودي نسـى خوفـه
لايمكن العـرب تتوحـد =وان صار ماقيلبحروفـه
لو حاولنا نشرح هالقصيده
راح نلقا وبكل بساطه انالشاعر يبي يقول ان اتحاد العرب مستحيل وعلشان يقول هالشئ فاختار انه يعرض ويقولعدد من المستحيلات ويوصل بالنتيجه ان حتا ولو حدثت هذي المستحيلات فاتحاد العرب مستحيل
والخلاصه
ان اتحاد العرب مستحيل <<<<<<<<< فكرهاساسيه
كل مستحيل ذكره الشاعر <<<<<<<<< قكرهفرعيه
عرض المستحيلات والوصول الي النتيجه بالنهايه <<<<<<<<< فكرة صياغه
وبشكل ثاني:
حسب التقسيمات اللياتفقنا عليها فيمكن نقول ان
الفكره الاساسيه هي :
اتحاد العرب مستحيل
الفكره الفرعيه:
في هالقصيده 14 فكرهفرعيه
(ولاحظ ان كل نقطه فيها صوره مختلفه)
وهي بالترتيب :
1- لو كانلون الورود اسـود
2- لو الشمس بالليل مألوفـه
3- لو الثور فوق الشجر غـرد
4- لو كان الفيل يزحف علي الطوفه
5- لو كان الفقع بالبحـر يوجـد
6- لوطارت أسراب منتوفـه
7- الصين كانوا عدد مفـرد
8- الثلج في صيفنا انشوفه
9- عمر الانسـان يتجـدد
10- السما بخيـط ملفوفـه
11- ابليـس للخيـريتعمـد
12- الجن بالطيب معروفـه
13- بوش يرتاح لاسم احمد
14- اليهودينسـى خوفـه
فكرة الصياغه :
وهي طريقه الشاعر في انه عرض المستحيلات ووصل للنتيجه اللييبيها
فالشاعر اهنيه بدا في
لو كان .....
وبعدين ؟!؟!!
الشمس بالليل مالوفه-الثور فوق الشجر .........الخ
واخر شي انتهت في :
لايمكنالعرب تتوحد ..............
راح اكتفي بهالمثال ينعشان مايطول الموضوع
ولو ان في بالي امثله ثانيه فيها فكره اساسيه وحده ولافيها أي فكره فرعيه وفكرة صياغتها هي نفسها الفكره الاساسيه
يعني مثلا سردقصه بطريقة قصيده
(نفس قصيده امير الشعراء احمد شوقي اللي في بدايتها يقول برزالثعلب يوما في شعار الواعظينا ...)
ومثال ثاني مليان افكار فرعيه وفكرةالصياغه فيه رائعه
(في قصيدة ايليا ابوماضي اللي اولها – قال السماء كئيبةوتجهما)
عموما اذا ماكو فايده من هالكلام فانشاءالله راح تلقا بالنقطه الجايه فايده
5- صياغةقصيده من الصفر :
مثل ماقلنا قبل
اكتب موضوعك بتعبيرك العادي وبعدين رتبه :
الخطوه الاولي :
اكتب الموضوع اللي راح تصيغه بطريقتك وحاول تسترسلوتكتب قد ماتقدر
الموضوع مثلا :
( القصيده تتكون من ابيات شعريه والبيت الشعرييتكون من شطرين صدر البيت وعجز البيت ولازم يكون للبيت قافيه نلتزم فيها تتكون منحرفين في الغالب وطبعا لازم كل بيت يكون موزون حسب البحر اللي ماشيه عليه باقيالقصيده ولازم نختار الالفاظ اللي تساعدنا في التعبير المناسب والدقيق قدر الامكانعن الفكره اللي نبيها لان الفكره بالنهايه هي محور القصيده وموضوعها وبطبيعة الحاليختلف الشعراء في تناولهم وصياغتهم ونظرتهم للافكار ويكون تميزهم في طريقة التصورالكامل لهالافكار )
الخطوه الثانيه :
حاول تجزئ افكارك يعني تحطهم بطريقة نقاطبهالشكل:
- القصيده تتكون من ابيات شعريه
- البيت الشعري يتكون من شطرين صدر البيت وعجز البيت
- البيت لازم يكون له قافيه نلتزم فيها
- القافيهتتكون من حرفين في الغالب
- لازم يكون موزون حسب البحر اللي ماشيه عليه باقيالقصيده
- ولازم نختار الالفاظ اللي تساعدنا في التعبير المناسب والدقيق قدرالامكان
- الفكره هي محور القصيده
- يختلف الشعراء في تناولهم وصياغتهمونظرتهم للافكار
- ويكون تميزهم في طريقة التصور الكامل لهالافكار
الخطوه الثالثه
حاولتفهم هالنقاط وتستوعبهم عدل وحاول تضيفلهم
وابدا ببيت منهم اذا قدرت
واذاماقدرت لو شطر بيت
ومو بالظروره بنفس الوقت
واسال نفسك اذا كتبت شطر بيت اوبيت
هل ممكن اصيغه بشكل احسن او لا ؟!؟!
بعد ماتكتب البيت الاول اللي مقتنعفيه
خلاص الجزء الصعب انتهى
(لان القافيه تحددت ولان البحر (الوزن) اللي راح تمشي عليه صارموجود)
حاول تكمل باقي الابيات علي نفس منواله ونفس قافيته ولحنه
ومو شرطيكون ترتيب ابياتك بنفس الترتيب اللي حطيته بنقاط ((اللي بالخطوه الثانيه))
لكناستخدم النقطه المناسبه واللي تشوف انها ماشيه حسب حاجتك
الخطوه الاخيره
اكتب القصيده وحاول تراجع معانيها وبعدين حاول تشيلها (تغنيها) بلحن ثابت واذا مشت بهاللحن حاول تغير اللحن كذا مره واذا لقيت انها ماشيه بسلاسه بالاغنيه فهي تماااام (بس مو تعوج لسانك تمشيها غصب) .
النتيجه النهائيه اللي طلعت معايلقصيدتنا :
البيتله صدرن وعجز وينتهي في قافيه=يحكم بوزن ايكون واجب نلتزم في وزنته
الصدر فيهاول شطر والعجز شطره ثانيه=والقافيه حرفين او اكثر باخر شطرته
والوزن له رنة جرسلابد تطلع صافيه=لابد ينساب الكلام ابنزلته او رفعته
ولانسيت المفرده ماظن هذيخافيه =من صاغ بيت ايدور اللفظ الحسن في لفظته
واهم من هذا وذاك افكار تكتبوافيه= روح القصايد فكرها ولكل شاعر نظرته
احلي القصايد ماتميز في معاني كافيه =والبيت صوره مبدعه في فن ترسم حبكته
(مشكلتي انا طلعت معاي موزونه من البدايه وصدقني هالامربالممارسه( واللي يقولك علم العروض والتفعيله قوله استرييييييييح) ولاشي غيرالممارسه )
ولاتظن هالنتيجه راح تطلع معاك من اول او ثاني او سابع محاوله ..
ولاتظن انك بعد فتره من الممارسه راح تكون مظطر اتسوي هالخطوات كلها ..
بالعكس راح تلقا نفسك مباشره رايح للخطوه الاخيره
وكل شي مع الممارسه يصير
وآسف على الإطالة والتقصير
منقووووووووووول

آلنـور
12-04-15, 10:43 AM
فاعلاتن مستفعلن فاعلاتن
أو
فعلن فعلن فعلن فعل

.......

هذي اللي عجزت ادخلها مخي .. :14:

ع العموم موضوع جميل و يحتاج مخمخه
ابدعتي بنقله لنا برنسيسه :رحيق:

رويدا محمد
12-04-15, 12:18 PM
يعطيك العافية على الإفادةة برنسيسةة

موضوع بحاجةة لدقة في القراءةة
وليست الموهبةة هي المتطلب الوحيد في الشعر أو غيره
أنما لو وحدت موهبة الشعر ب أحدهم 1بالمئةة
بقي عليك التدريب والتعلم وسوف تتقن
وهذا ما أطمح له ان شاء الله في مجال الشعر

ولي عودةة للقراءةة جيداً بإذن الله

برنس وصاب
12-04-15, 05:45 PM
موضوع جميل له ابعاد كبيره وجميله

اشكرك على طرحك الجميل
سطورك احساس وحروفك أنفاس

أسرني نزفك وأطربني عزفك

نبضات حروفك بعثرت مشاعري

لا وجود لحرفي على متصفح إبداعك

دام قلمك وصفاء قلبك


SEO by vBSEO 3.6.1