شليويح ~
12-13-15, 03:07 AM
غنيت هاجس بعيد الطرق ياغريّب
ساري معي عبرة(ن) بالصدر اجاذبها
جيتك على فاطري طرقي ومتهيب
ناقل بلاها معي من فوق غاربها
من تحتها بيد ماغرهد لها الصيب
تاخذ من الذيب جوع اللي مجربها
هاك الرسن من يدي وان صرت متريب
انحر ذلولي عشا لاصرت راكبها
وان قلت لي ليه قلت الجوع ياحبيب
الناس ماتت ولا قضيّت مطالبها
وين انت يااللي تقول الفقر مايعيب
وضيوف الاجواد راحت دون واجبها
جبت القدح فاضية وش جبت يامجيب
وكل(ن) يشوف القدح بيدين جايبها
من حبّها ( بكر ) وارخصها وهي ثيب
لقابها عذره اللي به يعذربها
كم لي وانا اسرح لها بالعود متطيب
من جرحي اللي على جمره يطيبها
شفني مع الناس من قلّ السنع خيب
من ناس ( تعطي فوايد من مصايبها )*
من ثابني جوع لو قلت العطا ثيب
شف خبزتي كلها بضروس واهبها
قل للشوارع فقر.. يااستاذي الطيب
خذ كلمة الفقر من جملتك واعربها
وعطني من الحلم شرهة قلبك الهيب
واعطيك الاحزان خمر العين شاربها
لو عارض الليل من وجه الفجر شيب
ماشابت العين من ميلة قرايبها
يامبعد(ن) وانت هاجس قلب وقريب
رجلي مثل ساعتي تمشي عقاربها
يكفي حضوري شعرلاصرت متغيب
ويكفي هجوسي وجع لاصرت كاتبها
وان قلت لي طرق هاجس فقر ياغريب
قلت اترك جروح قلبي لاتقلبها
لشاعرها الرائع / عبدالحميد ناحي العنزي
ساري معي عبرة(ن) بالصدر اجاذبها
جيتك على فاطري طرقي ومتهيب
ناقل بلاها معي من فوق غاربها
من تحتها بيد ماغرهد لها الصيب
تاخذ من الذيب جوع اللي مجربها
هاك الرسن من يدي وان صرت متريب
انحر ذلولي عشا لاصرت راكبها
وان قلت لي ليه قلت الجوع ياحبيب
الناس ماتت ولا قضيّت مطالبها
وين انت يااللي تقول الفقر مايعيب
وضيوف الاجواد راحت دون واجبها
جبت القدح فاضية وش جبت يامجيب
وكل(ن) يشوف القدح بيدين جايبها
من حبّها ( بكر ) وارخصها وهي ثيب
لقابها عذره اللي به يعذربها
كم لي وانا اسرح لها بالعود متطيب
من جرحي اللي على جمره يطيبها
شفني مع الناس من قلّ السنع خيب
من ناس ( تعطي فوايد من مصايبها )*
من ثابني جوع لو قلت العطا ثيب
شف خبزتي كلها بضروس واهبها
قل للشوارع فقر.. يااستاذي الطيب
خذ كلمة الفقر من جملتك واعربها
وعطني من الحلم شرهة قلبك الهيب
واعطيك الاحزان خمر العين شاربها
لو عارض الليل من وجه الفجر شيب
ماشابت العين من ميلة قرايبها
يامبعد(ن) وانت هاجس قلب وقريب
رجلي مثل ساعتي تمشي عقاربها
يكفي حضوري شعرلاصرت متغيب
ويكفي هجوسي وجع لاصرت كاتبها
وان قلت لي طرق هاجس فقر ياغريب
قلت اترك جروح قلبي لاتقلبها
لشاعرها الرائع / عبدالحميد ناحي العنزي