اتمنى المشاركه والأفاده والحلول [الأرشيف] - منتديات مسك الغلا

Sw_101

12-20-15, 11:49 AM

السلام عليكم ورحمة الله وبركاته، اليوم عندي موضوع مكرر ومختلف تقريباً شوي الموضوع والله صاير يتعبني حاولت استشير كم بنت ولين الحين المشكله تواجهني قبل كل شي انا بنت ادرس في المتوسطه السالفه ومافيها هي غريبه نوعاً ما المهم بقول لكم مشكلتي بدون ما اذكر اسامي

السالفه ومافيها اني انا احب بنت او زي ما تقولون يعني احب اطالع فيها وكل شي عنها احبه وهذي البنت بنت استاذه تدرسني بس هي بفصل يختلف عن فصلي هي مع صديقتي بفصل ثاني المهم يوم من الأيام انا وصديقتي كنا نستهبل قلت لصديقتي ان شوفي بنت الأستاذه هذي حلوه وجميله ومن الخرابيط ذي، صديقتي صارت تضحك والمهم تعمقنا بالموضوع المشكله هي اني انا صرت احبها من جد..من مزح قلب جد وبحكم ان هي امها تدرسني وان امها مدرسة دين مستحيل يصير شي..وانا مابي اكون من ذا النوع اللي يخق على بنات ويحبهم ويكون علاقات حب ومدري ايش، السالفه صارت تتعبني صرت بس ارجع البيت افكر فيها وافكر في شكلها وكيف تضحك وكل شي عنها يعني يومي يتحول لكابوس اذا غابت وطبعاً انا وهذي البنت مو صديقات ومستحيل نصير صديقات بسبة صديقاتها اللي معها، صرت ابي اكلمها او ما اعرف كيف بس اهم شي اقول لها كلمتين على الأقل بس مابي السالفه تصير اننا اقوى من صديقات يعني انا ما اعرف احدد كيف بالضبط بس البنت تجذبني كل مره اطالع فيها يزيد الشعور وانا ابي اكون صديقتها واحاول اقرب منها بس مافيه اي طريقه تخليني اكلمها الا عن طريق صديقاتي اللي بفصلها ومافيه الا وحده منهم تعرف عن هذا الشي..يعني الحين ابي اكلمها ونصير عادي مع بعض بدون حركات الحب والأشياء اللي تخالف الدين ومابي شعوري اتجاهها يقوى ويزيد اهم شي اقدر اكلمها وصديقتي مو عارفه تساعدني اتمنى تلقون لي حل.

طُهر السمآء

12-20-15, 12:03 PM

القسم غير مناسب مفروض بقسم همومنا

طُهر السمآء

12-20-15, 12:07 PM

عليك الابتعاد عنها وعدم الاخلاط فيها
لان اذا تعرفتي عليها حتى لو صديقه ممكن تحبيها اكثر
لذالك ابعدي عنها قدر الامكان ولاتتكلمي عنها واذا رجعتي البيت اشغلي نفسك ب اي شي
سجلي ب منتدى ب مواقع التواصل لاكن لاتجلسي فاضيه عشان ماتفكري بها
وانتي توك صغير ومجرد فتره وتعدي
وبعدين تتذكر موضوعك ذا وراح تضحكي

بالتوفيق لك حبيبتي
:67::67:

قيس

12-20-15, 12:11 PM

الله يحمي هذي البنت منك
ويحميك من شر نفسك

شعور الجاذبيه لمثل الجنس انثى وانثى وارتباطه بحب وتعلق بالشكل تحديدا لا بالجوهر هذي مقدمات شذوذ اسف راجعي طبيبه نفسيه لازم قبل تفاقم الحاله اسف منك ومن اللي بيقرون ردي ولكن معرف اجامل ابدا

سبب هذا الشعور اللي انتي فيه
1 الفراغ
2سن المراهقه
3عدم مماشات من تعينك على الخير

اكرر اسفي من الجميع:81:

الغيد

12-20-15, 12:17 PM

حبيبتي ...تدرين لو عندك ضميتك بقوه بقوه الين تهدين
تعرفين شنو الجميل فيك ..انك خايفه تقعين بالمحظور

اممممم انتبهي من الحب وخرابيطه بين البنات اللي تروح فيه ماعاد ترجع الا ماشاء الله
بما انك تبين تصادقينها خلاص ..روحي اسأليها عن امها مثلاً تبين تسوين عمل - نشاط
مفاجأه لأمها ومنها كل يوم سلمي الين تصادقينها

ممكن اسألك سؤال ... متى اخر مره ضميتي اختك او امك ابوك؟

دايم ضمي امك ..اختك ..اخوك ..ابوك..

حسي بحبهم ..صدقيني مارح تميلي لأشياء غلط
ورح تحسي ان هذي البنت عاديه مجرد بنت عابره

ربنا يحفظك من كل شر

بنت غامد

12-20-15, 03:46 PM

ابتعدي عنها وحاولي الأنشغال بالذكر والأستغفار دائما

مطر الفجر

12-20-15, 06:50 PM

وعليكم السلام ورحمة الله وبركاته
ان محبتك لها محبة بطريقة خاطئة لانك اعجبتي في شكلها
وضحكتها وتفكيرك بها ليس بريئ
وان صادقتيها قد تنحرفين بطريقة سيئة
نصيحتي لك ابتعدي عنها وركزي على دروسك
تحيتي

ذات

12-20-15, 10:36 PM

وعليكم السلام ورحمة الله وبركاتة
،
،
الله وحده اعلم بنوايا لا تبرري وتقولي اريد صداقتها لكى نبتعد عن مايغضب الله
وأنت السبب الأساسي لرغبتك بتقرب منها الأعجاب
وتقولين بأنك تتخيلين ضحكتها ويومك ينقلب راس على عقب لحظة غيابها
لان اجاملك ولست في مجال يسمح للمجاله أنتى في اول طريق الشذوذ
وقدر استدرجك الشيطان كثيرآ عن طريق الفراغ الذي تعيشين فيه
بنسبه للأمهات لا يشرفهن أن بناتهم تصاحب فتاة تعكس الفطره
وتريد التقرب من ابنتي لكي لا تخالف الدين
وكانك شاب يرد الزواج من حبيبته لكى لا يقع بالخطأ
ماهذا الكلام
ايقظي عقلك وقلبك وافعل امور تجعلك تفتخرين بنفسك بالمستقبل
لا عكس الفطره
لا تفتحي لشيطان باب وانتى قادره على قفله
لا تسلكي هذا الطريق ولا تعطي لنفسك الفرصه بالهيام بفتاة
لو ان كل همك دروسك لما كنت في حيرة في امر يغضب الخالق عز وجل
لا تبرري لنفسك
فعقلك براسك والحلال بين والحرام بين
أنت مسؤلة عن تصرفاتك
واي فتاة تسايرك بتلك الأمور هي اول من تفضحك بين الجميع
بانك من الذين يعجبون بالفتيات
لا تستسهلي الموضوع صدقيني سكيبر لأمور لا تحمد عقباها
ولان اوضح اكثر من ذلك(قدري تعب أسرتك في تربيتك لا تسمحي ولا تعطي لأحد الفرصه
بان اسرتك لم يحسنوا تربيتك ولا تكذبي على نفسك بقولك اريد مصداقتها فقط
وقلبك خالطه اعجاب بها)
الله يصلحك ..

الساحرة

12-20-15, 10:50 PM

سؤالي هنا هل قلدتيها في امر ما كطريقة لباسها او طريقة ضحكتها او في امر آخر !

شخبطة

12-20-15, 11:30 PM

انتي بغفلة

اذكري الله واتركي هالسوالف والخرابيط

عابرون

12-21-15, 06:36 AM

السلام عليكم

أسعد الله صباحك

هذا مايعتبر حب وإنما أعجاب بالشكل أو الأسلوب

مع الثانوي يخف تدريجيا وحالة التخرج راح تنسين

السالفه من الأساس :icon10:

‏"‏ قل للمؤمنات يغضضن من أبصارهن"

حلك الوحيد غضي بصرك عنها

لأن الشيطان بيجملها زود بعينك حتى ولو كانت العكس

غض البصر هنا حاله من حال أي شاب تغضين بصرك عنه

عشان ماتنفتنين فيه

لاتصادقينها ولاشي

أصلا لو صادقتيها مع أول أسبوع بتملين منها لأنك ماحكمتي

إلا بالشكل والحلاه

إيه الله كريم ألتفتي لدروسك والأختبارات قربت مدري بدت

وتجيك العطله اللي تنسيك طوايف البنت وأهلها :556751:

Sw_101

12-21-15, 10:35 AM

ايه اعرف بس توني مسجله ومشوار ادور على العموم مشكوره وما تقصرين 💙💙

Sw_101

12-21-15, 10:38 AM

لا ما قلدتها في شي بس ما اعرف احس سبحان الله كذا فجأه يعني قبل اسبوعين وكم شهر ما كنت اعرف من هي بالأساس..

Sw_101

12-21-15, 10:39 AM

مشكوره الله يوفقك

Sw_101

12-21-15, 10:57 AM

ما اعرف اذا كذا يردون ولا لا، المهم اقسم بالله في البدايه كانت مزحه ولا كنت ناويه على شي والله..يعني انا مو من ذا النوع اللي يبي يختلط ببنات وحتى لو صارت لي الفرصه اني اكون معها واحبها ومن الشي ذا راح اتقرف على طول وبكرهها بس انا نيتي كانت صافيه البنت جميله بدون ما اكذب بس مره بعد مره احس فيه يجذبني زياده ما اعرف كيف اوقف الشعور ذا!! وانا احاول من كل قلبي وادعي كل يوم ان الله يهديني واصير ما اشوفها شي، والى حد الآن ودي بس اكون اقدر اكلمها لأني عارفه نفسي والله اذا صرنا اكثر من صديقات وشي مخالف للدين اول شي راح اتقرف وثانياً راح ادخل في محرمات وطريق ماله نهايه وبروح في مشاكل لأن حتى البنت مو من ذا النوع اللي يحب بنات وباين ان تربيتها تربيه محترمه من امها ما شاء الله بس الشي الشين الوحيد اللي فيها ان فيها غرور او متكبره شوي مو ذاك الزود واصلاً حتى لو قلت اني احبها راح تفضحني في المدرسه وفوق كذا عند امها اللي تدرسني وراح اخيب ظن ناس كثيير..الحين كل اللي ابيه هو اني اقدر اسولف معها هذي مشكلتي الوحيده اللي اتوقع ما راح تنحل الا اذا على قولتك اسوي نشاطات وغيره مع امها بس اتوقع انه ما راح يخليني اني اروح اكلمها لأن الشي بيكون بيني وبين امها وهي بفصل ثاني..وعن السؤال اذا اضم احد ايه اضم اختي بس انا اللي ادورها وادور كل احد في البيت عشان اضمه، يعني هم مو من الله اذا جو يضموني ولا اي شي لازم شي فيه مصلحه

آسيرة حرف

12-21-15, 11:18 AM

بما انك تخافين الله وتحاسبين ع تصرفاتك
ولا نيتك حركات شينه
باذن الله سهله امورك

يعني انتي همك كله تسولفي معها
دامها مغروره وش تبين بها
واذا بالفصل الثاني

غريبه ماتسولفون مع بعض اذكر كنا بفصلين وثلاثه كمان
وكنا متواصلين احنا وبنات الدفعه لانو نفس المستوى

حتا نحل الواجبات من بعض ونتشارك الاعمال والافكار

اللحين يومك تبي تسولفي معها فقط
خلاص صبحي عليها سلمي عليها الصبحيه اول ماتداومي
وبنفس الوقت سلمي ع صحباتك
ولا تبيني لها انها لفتت نظرك وهاكا يعني تتحسس منك وممكن ماتتقبلك صديقه ابد
وتشوف نفسها عليك

وبعدين موب معقوله ان الضمه عقول الغيد وفقدانها خلتك تنجذبي للبنت
ابااااااو لا مو كذا
اذا جمالها ملفت ماشاء الله عليها عادي شيء طبيعي تلفت النظر
مهيب سالفه كبيره

والمهم في ذا كله انك بنت تخافين الله ومالك نيه بشيء شين يعني ماعليك
الدعوه تسولفي معها فقط قلت لك صبحي عليهم افطرو مع بعض وقت الفسحه

الله يعينك ولاتنسي وتشغلي بالك بالسوالف معها يامن تجذب وسولفها تجيب الاكتئاب
شدي حيلك ولاتخلي اكبر همك البنت هذه تراها بنت بنهايه يعني مهوب شرط التواصل معها
وموفقه يارب

تقبلي ردي وعبق وردي مع خالص احترامي
آسيرة حرف

الغيد

12-21-15, 12:00 PM

اسيره نورتي ياعسولتي
وصاحبة المشكله اهلين

............

بالعكس تقدرين عادي تبين الافضل
خلك ذكيه وجريئه تقدرين تدخلين عليها
واذا انتي من النوع الخجول وهي متكبره فأنا اشوف ان هالصداقه رح تتعبك
طنشي وابعدي

.......

وبعدين منو قال ان فقدان الحب مايصنع شخصيات تبحث عنه
منو اللي عايش بالحياه ومش محتاج للحب !! اي كان نوعه طبعاً اتحدث بحدود الدين
حب ابوك لك
امك
اخوك
اختك
.......

انا صارت معي تجربه مع احدى البنات
بأذن الله بنزل تجربتها وسبب انحرفها
واللي هو كان فقدانها للحب

sw-101
خبريني بالجديد ياقلبي وحاولي تقربين لأهلك حتى لو كان احساسهم لك بالحب هو تمهيد للمصلحه
ان كان للمصلحه اليوم بكره مارح يكون

تآجر السعُاده

12-21-15, 12:12 PM

شوفو تفكيركم فين راح هدو شوي

اختي هذه مجرد اعجاب معجبه فيها ودك تصير البنت ذي اختك او قريبه منك
اوصديقتك ذا شي عادي يمكن معجبه بشخصيتها بطريقة كلامها ضحكتها
واتمنى محد يفسرها على كيفه

وانا لمسة من كلامك انك معجبه فيها كشخصيتها واسلوبها

اختي عادي صارحيها بهالشي بس لايقودك تفكيرك ل شي اعظم

والا مري من عندها وسلمي عليها وكل يوم سوي هالشي لما تقدري تكلميها

انا كان معجب فيني مدرس بطريقة اسلوبي مع الطلاب ومعاه مو معناتها انو الاعجاب شي غلط او شي محرم

ارتقو شوي بالعقول

ســـارا

12-21-15, 12:54 PM

وعليكم السلام

عزيزتي شعورك طبيعي في المرحلة هذة بس انتي سميتيه حب
وهو اعجاب واجهنا كثير اعجاب ومن الشئ هذا وكانوا بريئات بس خرابيط بنات ومرحلة لابد تواجهينها لكن تحتاج لكنترول !
و في الزمن هذا انتشر الشذوذ بين البنات وحرصك من الخوف من الوقوع في الشئ
هذا شئ جميل !
مثلا انا لما كنت في المتوسط قبل 8 سنين كان فيه براءة وعفوية وتجي الوحدة لو ماتعرفينها وتجيب لك ورةد او بطاقة اوو وعادي .
لكن لما كنا في الجامعة اختلف الوضع حتى نظرات الوحدة لما تكون معجبة بجد مخيفة هذة غير الالفاظ او المسميات الي تطلق كانت سيئة!
بنات قمة في الاخلاق ومن سوالف الاعجاب اصبحن في اسفل السافلين !

لكن نصيحتي لك اشغلي نفسك ب المذاكرة والذكر وصديقاتك المقربات لان الطريق هذا بدايته بريئة لكن قد يتطور لاشياء لايعلمها سوى الله !
لا تفكرين فيها ولا تجلسين بمكان هي فيه ابدا !
ولا تتكلمين عنها مع احد وبتنسينها !

انتبهي لنفسك والله في الجامعة شفنا العجب من بداية الاعجاب !
الله يوفقك للخير دوما

Sw_101

12-21-15, 01:39 PM

انا تقريباً من النوع الخجول اذا احد ما اعرفه ما اتكلم معه كثير يعني بين قوسين انا من النوع اللي يكون صداقات بصعوبه وما اقدر اروح لها واسلم عليها فجأه كذا ولا اقول لها صباح الخير يعني حتى هي بتنفجع وتقول وش تبي ذي زي كذا..يعني ممكن اذا هي مع صديقاتي في الفصل الثاني يمكن راح اقدر اكلمها عن شي يخصهم او شي لهم بس ما اتوقع اني راح اكلمها في يوم واقدر اتعرف عليها مع صديقاتها

Sw_101

12-21-15, 01:42 PM

هي مو متكبره ذاك الزود يعني اللي مره يخليك تكرهينها او شي زي كذا بالعكس..بس المشكله في صديقاتها يعني مستحيل يخلونها تمشي مع احد او زي كذا لأنها دايم معهم وكلهم امهاتهم مدرسات ومن ذا النوع

الغيد

12-21-15, 01:44 PM

sw-101

مش صعبه لهدرجه
ترا عادي مابتاكلك هي بنت زي اي بنت وانتي بس تبين صداقه عادي
تمالكي نفسك وحاولي :ah11:

Sw_101

12-21-15, 01:48 PM

ايه البنت تلفت النظر ما شاء الله عليها بس الناس يحسبوني ابي اروح اسوي معها اشياء ما يعلم بها الا الله والله اني عكس كذا بس انا ابي اقدر اكلمها بأي طريقه وعندي خوف من شعور الأعجاب او اياً كان اسمه اذا زاد يعني ما ابي اتعلق فيها بس اكون صديقه يعني او علاقه سطحيه

Sw_101

12-21-15, 01:50 PM

والله هي صعبه ومو صعبه اذا شفتها وانا مع صديقاتي وهم يكلمونها راح اقدر اتكلم بس لحالي واروح لها وهي مع صديقاتها ما راح اقدر اكلمها يعني فيه شي يصعّب علي وفيه شي لا وصديقاتها هم اللي متكبرات زياده شوي عنها يعني ما اتوقع اني راح اقدر..

تآجر السعُاده

12-21-15, 01:52 PM

كل واحد ونوايه الله يهديهم بس

ي اختي شوفي وحده من صديقاتك

الغيد

12-21-15, 01:55 PM

طيب عادي
ليش خايفه ..حاولي وخلي صديقاتك يساعدونك
ترا وربي عادي
خلك قويه ترا كلها صداقه
....

Sw_101

12-21-15, 02:00 PM

هي كلها صداقه بس بالنسبه لصديقاتها ما اعرف ليش يشوفونها شي ثاني يعني..هم يفضلون ان صديقتهم تبقى معهم 24 ساعه واعرف ان صديقاتها او شلتهم ذي ما راح تتقبلني كصديقه لهم بحكم ان امهاتهم مدرسات ومدري ايش..

Sw_101

12-21-15, 02:01 PM

مشكور والله ماتقصر على الكلام..وان شاء الله وحده من صديقاتي راح تقدر تساعدني على ذا الشي..

الغيد

12-21-15, 02:05 PM

يعني كريهات
والقرين بالمقارن يقترن
يعني رح تطلع مثلهم
تبي الصراحه ...طنشيها وخذيني انا صديقه لك :29:
اذا على الجمال على لاتخافين قمر قمر :DsC00581:

هههههههههه

ربي يسعدك ..انتي محطمه نفسك حاولي واذا ماقدرتي خلاص ابعدي
ترا مو كل شيء نبيه ناصل له
اعتبريها انها مش مقسومه لك تكون صديقتك
انتي بس حاولي واحكي لصديقاتك
ربنا يكتب اللي به صلاح لك

تآجر السعُاده

12-21-15, 02:05 PM

اها اجل شيلي الموضوع من راسك مدام بنات مدرسات فتحصلي نفس المدرسات متفقت عالشي ذا

Sw_101

12-21-15, 02:11 PM

يمكن بعضكم راح يتسآل ويقول ليش تبين تكلمينها او لا تكلمينها عشان مايزيد الشعور..الإعجاب اللي انا فيه خارجياً وتقريباً اسلوبها في الكلام، يعني لو انا كلمتها 100٪‏ راح يكون فيها شي انا ما كنت متوقعته يعني شي سلبي وما راح يعجبني فيها بسبة الغرور اللي من صديقاتها فإذا كلمتها بيروح الشعور لأني وصلت للي ابي بس ما اعرف كيف اكلمها..💔.

الغيد

12-21-15, 02:13 PM

ندري انه رغبه وتبين تشبعينها مش غلط دامك بتكون بحدود الدين
دامها صعبه خلاص طنشي
وربنا يعوضك بصديقه احسن

Sw_101

12-21-15, 02:14 PM

اكيد راح تطلع زيهم عشان كذا بعدين اذا كلمتها راح اقتنع ان فيها شي ما يعجبني اما الحين راسي يابس ومو راضيه اقتنع ان فيها شي راح يخليني اكرهها الا اذا جربت انا بنفسي

Sw_101

12-21-15, 02:16 PM

يلا، مشكوره والله ما تقصرين تعبتك معاي والحمدلله على كل حال :نبض:

تآجر السعُاده

12-21-15, 02:18 PM

انا من البدايه فاهم قصدك ان اعجاب ذا شي عادي ماله شغل الشكل

Sw_101

12-21-15, 02:20 PM

مهما صار الحمدلله على كل حال اذا الله ما كتب يمكن تكون خيره لي..بس الموضوع متعبني بشكل مو طبيعي واتمنى كل شي ينتهي ولا كأن فيه شي صار..

الغيد

12-21-15, 02:22 PM

روقي حبيبتي ترا مايسوا هذا كله
خلاص اعتبريه ماكان واهتمي بدراستك

Sw_101

12-21-15, 02:29 PM

والله ساعدتوني كثير وكلكم ما تقصرون وطلعتوني من اللي انا كنت فيه وكنت اب احد يفهمني ولقيت احد يفهمني، كنت مسويه المنتدى عشان القى احد يساعدني ويطلعني من الدائره اللي انا كنت فيها شكراً للمره الألف، وبما اني يمكن ما ادخل هنا كيف اقدر اتواصل معك بأي طريقه يا الغيد؟ 😂

الغيد

12-21-15, 02:37 PM

حبيبتي المهم انك روقتي
فرحت بحكيك كتير
شاركي معنا بالمنتدى
وتقدرين تاصلين لي بالمنتدى
كلنا هنا خواتك واخوانك صبحي علينا ونمسي عليك

مـلامح حـزينه..

12-21-15, 04:20 PM

هالححب اللي تنجذبين فيه ناحيتها م رح يدوم وهي بالنهايه زي اختك لاتتعلقين فيها وفري هالححب للقريبات منك اخواتك لمن تكبرين رح تضحكين ع نفسك اكثري استغفار ونمي طموحاتك ورحمه ربك اوسع من كل شي وابعدي عنها ودي لكي

غيرمهتم

12-21-15, 08:19 PM

الغيد

12-21-15, 08:22 PM

لاجد ياغير مهتم
اكثر المنتهيات وربي الا تلاقين اهلها محقرينها
وبعدين لاتكوني سطحيه ..!!اختلطي بالناس وشوفي

غيرمهتم

12-21-15, 08:24 PM

اما صاحبه موضوع موضوع جميل

انتي احتكي فيها لما تصير كلمينها يوما بصير عندك شعور
عادي راح يتغير

غيرمهتم

12-21-15, 08:27 PM

لاجد ياغير مهتم
اكثر المنتهيات وربي الا تلاقين اهلها محقرينها
وبعدين لاتكوني سطحيه ..!!اختلطي بالناس وشوفي

ما تلاحظي الكلمه قويه المنتهيات

ي كثر ما شفنا في مدرسه كذا كلها تحت مسمي استهبل

الغيد

12-21-15, 08:30 PM

ما تلاحظي الكلمه قويه المنتهيات

ي كثر ما شفنا في مدرسه كذا كلها تحت مسمي استهبل
لا يا حبيبي مافيش اسمه استهبل
جالسه بحضنها وماتبوسها الا على .....

وتقولين استهبل
ياشيخه بلاقرف الا منتهيه وخالصه
كلنا درسنا وشفنا هالاشكال ..

غيرمهتم

12-21-15, 08:34 PM

لا يا حبيبي مافيش اسمه استهبل
جالسه بحضنها وماتبوسها الا على .....

وتقولين استهبل
ياشيخه بلاقرف الا منتهيه وخالصه
كلنا درسنا وشفنا هالاشكال ..

هي وضحت وش نوع البوس
بعدين كلنا نحضن البنات شي عادي
مو شرط اذا انتي شفتي تروحين تقولين كذا
في شي اللي مو قرف

هذا يدل ع تفكيرك ي حلوه

الغيد

12-21-15, 08:39 PM

هي وضحت وش نوع البوس
بعدين كلنا نحضن البنات شي عادي
مو شرط اذا انتي شفتي تروحين تقولين كذا
في شي اللي مو قرف

هذا يدل ع تفكيرك ي حلوه
انا مااقصد صاحبة الموضوع ولو قريتي ردودي تعرفين اني اقولها شلون تتعرف عليها
واقولها ندري انك مش منحرفه
وصح حضن كلنا نحضن بس عني ماقد جلست بحضن صديقتي
والبوس المحظور ماجربنها :iqf03163:

هالاشكال هي ظهرت سبب فراغ عاطفي بالبيت فرديت هالرد
علشان اسأل واذكر
وطلعت البنت مثل ماقلت ..مفتقده هالشيء واعترفت انها ماتبي تطيح بالمحظور

غير مهتم ركزي حبيبي

غيرمهتم

12-21-15, 08:42 PM

انتي اللي ركزي ع ردك

بعدين حب اعجاب مو شرط البنت اذا احد ما يضمها

تروح تنحرف ي ليت قبل لا تكتبي يكون رد جميل

صج ما قريت ردها الباقي بس انا رديت ع ردك

الغيد

12-21-15, 08:46 PM

انتي اللي ركزي ع ردك

بعدين حب اعجاب مو شرط البنت اذا احد ما يضمها

تروح تنحرف ي ليت قبل لا تكتبي يكون رد جميل

صج ما قريت ردها الباقي بس انا رديت ع ردك
ليش انا قلت انه السبب الوحيد ...؟

هاه وين التركيز تبعك ؟

ردي جميل ولو ماكان جميل ماكانت البنت طلبت تتواصل معي
وبعدين ردي لصاحبة الموضوع
ردي مبني على ردها فردي بناءً على الاثنين
وشوفي الحالات اللي بالجامعه بالثانوي بالمتوسطه
ارد واقول ركزي :iqf03163:

آسيرة حرف

12-21-15, 08:50 PM

اباااااااااااااااااو خرجتو عن الموضوع
البنت وضحت تبي تسولف معها لاغير
ماحكت عن شيء ثااااني

الغيد

12-21-15, 08:52 PM

اباااااااااااااااااو خرجتو عن الموضوع
البنت وضحت تبي تسولف معها لاغير
ماحكت عن شيء ثااااني
صح
وهذا اللي فهمناه منها
حنا نسأل ونسترسل معها فقط

غيرمهتم

12-21-15, 08:54 PM

اول رد متي اخر مره حضنتي اهلك وش دخل اهلها بسالفه

ثاني شي ردك دخلت الحضن البوس ما دري مين تفكير اللي راح بعيد

اول اللي عنده شي نصحيه جميله يكتب ما عنده لا يتفلسف ع البنت

يسال اساله ماله داعي خلك في موضوع مو يطلع من موضوع يدخل فلانه علانه

غيرمهتم

12-21-15, 08:55 PM

اباااااااااااااااااو خرجتو عن الموضوع
البنت وضحت تبي تسولف معها لاغير
ماحكت عن شيء ثااااني
صح عليك انا فهمت الغيد وين تبي توصله

آسيرة حرف

12-21-15, 08:57 PM

صح
وهذا اللي فهمناه منها
حنا نسأل ونسترسل معها فقط

اجل كان المفترض ماتخرجي عن موضوع السوالف
لان الموضوع اتخذ مسار خاطىء
والبنت صغيره بلاش تخرجو عن الموضوع

الغيد

12-21-15, 09:02 PM

اول رد متي اخر مره حضنتي اهلك وش دخل اهلها بسالفه

ثاني شي ردك دخلت الحضن البوس ما دري مين تفكير اللي راح بعدين

اول اللي عنده شي نصحيه جميله يكتب ما عنده لا يتفلسف ع البنت

يسال اساله ماله داعي خلك في موضوع مو يطلع من موضوع يدخل فلانه علانه
وش دخل اهلها بالسالفه ...؟شلون والبيت هو اول مدرسه ..؟
وهل رميتها بالانحراف ...!!عند سؤالي لها ..؟ ليه البنت مازعلت وتكلمت ..؟
ليه انتي تهجمتي ..؟ مين اللي الحين تفكيره مش حلو ؟؟
وبعدين انتي الللي جبتي سالفه الاعجاب وقلتي استهبال
فأنا جبت سالفة الاحضان والبوس علشان تعرفين حجم الاستهبال هذا ..!!!

ماتفلسفنا بالعكس شاركناها وذكرنها ..!!
وكلمتك "تتفلسفوا على البنت "لهدرجه وصل العلم بهذه السطحيه ..!!
القسم اسمه شاركنا بهمومنا ..مش حط نصايحك وامشي

الدكتور ميسره ..يقول ربوهم بالحب !!
بليز خذيها بشكل عميق ..مش بشكل سطحي ؟؟
وحتفهمي هالحوسه كلها

غيرمهتم

12-21-15, 09:04 PM

انا قلت استهبل في بنات استهبال انتي اللي دخلتي الضم البوس

مو شرط احب في اشياء ذي ردك مره ماله داعي

قلت لك اذا تفكيرك كذا لا تناقشي في موضوع

الغيد

12-21-15, 09:05 PM

اجل كان المفترض ماتخرجي عن موضوع السوالف
لان الموضوع اتخذ مسار خاطىء
والبنت صغيره بلاش تخرجو عن الموضوع
وين اتخذنا المسار الخاطئ ؟؟
ردي على رد غير مهتم ..!! مش لها

الغيد

12-21-15, 09:08 PM

انا قلت استهبل في بنات استهبال انتي اللي دخلتي الضم البوس

مو شرط احب في اشياء ذي ردك مره ماله داعي

قلت لك اذا تفكيرك كذا لا تناقشي في موضوع
لا مش استهبال ...!!
انك تصغري بعض الاشياء مش حلو ..
الا له داعي ردي ..لأنك كل شيء تشوفينه عادي ..وسطحي
وبعدين ردي على ردك الاول
مش تجين تسحبين رد لردك الثاني وتعليلين به الاول
ركزي ورتبي افكارك

غيرمهتم

12-21-15, 09:11 PM

انتي تعرفين وش الاعجاب سولف بين بنتين

مو شرط حركات اللي قلتها ترا الناس مو نفس تفكيرك

فهمتي ي حلوه

الغيد

12-21-15, 09:22 PM

انتي تعرفين وش الاعجاب سولف بين بنتين

مو شرط حركات اللي قلتها ترا الناس مو نفس تفكيرك

فهمتي ي حلوه
...؟
ايه علشان كذا طلعت بنات مثل البويه ماجد
وبعدين على فكره انتي اللي استرسلتي وطلعتي عن الموضوع ..!
انا مجرد نصيحه وتذكير ..وعلقتي بأستفزاز ..وحاولت اجاري واوضح لك
على العموم استمتعت بالنقاش لكني لقيت ان قول الرسول عليه افضل الصلاة والسلام

"أنا زعيم ببيت في ربض الجنة لمن ترك المراء وإن كان محقا "

افضل من التكمله بالنقاش
للأسف تفتقدين الكثير غير مهتم مش الاسلوب وبس

مشكوره

غيرمهتم

12-21-15, 09:25 PM

غيرمهتم

12-21-15, 09:31 PM

...؟
ايه علشان كذا طلعت بنات مثل البويه ماجد
وبعدين على فكره انتي اللي استرسلتي وطلعتي عن الموضوع ..!
انا مجرد نصيحه وتذكير ..وعلقتي بأستفزاز ..وحاولت اجاري واوضح لك
على العموم استمتعت بالنقاش لكني لقيت ان قول الرسول عليه افضل الصلاة والسلام

"أنا زعيم ببيت في ربض الجنة لمن ترك المراء وإن كان محقا "

افضل من التكمله بالنقاش
للأسف تفتقدين الكثير غير مهتم مش الاسلوب وبس

مشكوره

ارجعي شوفي من طلع من الموضوع

حتي البويات في البعض منهم ما يحبون بنات

انا رديت ع ردك كان كلامك بصراحه ماش

ع فكره البنت تكلم انها احبت ما قلت انها بويه تحب

حركات الاعجاب معروفه