المساعد الشخصي الرقمي

مشاهدة النسخة كاملة : دفتر مها


الصفحات : [1] 2

مها الرياض
01-12-16, 02:08 AM
بسم الله الرحمن الرحيم

السلام عليكم ورحمة الله وبركاته
احبائي الغالين اضع بين ايديكم الكريمة دفتري الخاص
سأكتب مايجول في خاطري من اشعار او خواطر او ادعية او نكت وسعة صدر................ الخ فيه
لا امانع من الاقتباس او النسخ
عليكم بالعافية
وارجو ان ينال اعجابكم
اولا اسمي مها من مدينة الرياض
انتمي ل أحدى القبائل العريقة في نجد
كما انتمي لعائلة شعرية فالوالد رحمه الله كان شاعر
اباً عن جد ولكن ورثت عنهم القليل من هذه الموهبة
واحب الشعر واحفظ الكثير منه
مجاملة لابعد مدى ولا احب ان اجرح احد ولكن
في حياتي خطوط حمراء لا اسمح بتجاوزها

مها الرياض
01-12-16, 02:10 AM
الصداقة
نحتاجها .. في كل لحظات حياتنا
في لحظات الحزن الكئيب
في لحظات الفرح العارم
في لحظات المرض ابعده الله عن الجميع
نحتاج الصديق او الصديقة بشرط ان تتوفر فيه كل مقومات
الصديق الصالح اما ان يعينك على امور الدنيا
وهذا ينطبق على الصديق الشخصي
واما ان تجد منه ريح طيبة
وهذي كناية عن الاستفادة منه بطريقة النصح والتوجية
وهذا ينطبق على الاصدقاء غير المباشرين

مها الرياض
01-12-16, 02:11 AM
ساجمع كل تاريخى
على دفتر
ساكتب .لايهم لمن
ساكتب هذه الاسطر
فحسبي ان ابوح هنا
لوجه البوح لا اكثر
حروف لا مبالية
ابعثرها
على دفتر
ساقول ما بقلبي
عسانى اجد لكلامي معاني
او يجتاح احدهم مكاني
على دفتر
ارسم فتى احلامي
على دفتر
ساكتب
كل احلامي
ذكرياتي
اسراري
افراحي
احزاني
على دفتر

مها الرياض
01-12-16, 02:12 AM
أجد نفسي أحيانا"

أدور في فلك لا أعلم ماهيته

تماما"

كدوران الفراشة حول النور ..

تقترب وتبتعد

تقترب وتبتعد


ألى متى ياترى ..

مها الرياض
01-12-16, 02:31 AM
ليتك معي ساهرٍ ليل الهـوى كلَّـه ..
ما انوم أنا وإنت لأجل الحبِ سهراني

ترى السَّهر مع حبيبك يبري العلَّـه ..
لي صرت شفقٍ وهو عليك شفقـانِ

كلِّش حلاته إلى وافق علـى حلَّـه ..
وإلا ترى كل شيٍ يالغلا فـانِي

لاعاش خلٍ تنكَّر عن هـوا خلَّـه ..
يومٍ حبيبٍ ويـوم صـار عدواني

وش فيك دايم تعسر القلب وتتلَّـه ..
أخاف يـومٍ يجـي ماعـاد تلقانـي

مها الرياض
01-12-16, 02:32 AM
الدنيآ دفتر
أجمل بدآيتهآ الصدآقه
واحلى صفحاتها الحب
وأروع موآضيعهآ الصرآحه
واخر سطورهآ الذكريآت
وأغلى أورآقهآ الوفآء

مها الرياض
01-12-16, 02:33 AM
القلوب الجميلة مثل الذهب
لا تصدأ حتى لو أنهكها التعب
مجرد مسحها بكلمة جميلة يظهر بريقها
مره أخرى

مها الرياض
01-12-16, 02:34 AM
ليتك تشوف اللي بقلبي وتقراه
وتعرف مكانك داخل القلب بوضوح
وتشوف حبك كيف قلبي تبناه
وتعرف مدى تأثير حبك على الروح

مها الرياض
01-12-16, 02:35 AM
ياكثر مااشتاق لك واشفق على شوفك
و ياقلّ مااقول لك عن لوعة اشواقي
ماودي اضايـــقك وانـا اعـــــرف ظروفـك
لو في يدك شي ماانت بـــراغـب فراقـي

مها الرياض
01-12-16, 02:36 AM
اخطأت ، عندمآ كنت أعتقد ،
أنّ كلّ من إبتسم في وجهي ،
يريد لي خيرآ ،
فـ للخبثاء إبتسآمة جميلة أيضآ

مها الرياض
01-12-16, 02:37 AM
أنا معك واجد ... و واحد بدونك
أهرب من الدنيا .. و أدوّر أمانك ،
( أحبك ) اللي قلتها في عيونك
أجمل من اللي قلتها في لسانك

مها الرياض
01-12-16, 02:37 AM
تسرّني : كلمة هلا
و جاري الكتابة
و الظهور
و تضرني لا غبت
من بين الحضور
خذني على
قد الشعور
ومـرني

مها الرياض
01-12-16, 02:39 AM
أجيـدَ تجاهـلَ كل شـيَء
إلاَ .. أنــت
واتسائل هل به سحر عن بعد

مها الرياض
01-12-16, 02:40 AM
عجباً لهذه الدنيا..
تجمعنا..ونحن لا نعرف بعضنا ..
.ثم تفرقنا بعدما صرنا
أقرب الناس لبعض

مها الرياض
01-12-16, 02:41 AM
بعَض الطرقَ نسَلكها ونحنَ عَلى يقَين
آن نهَايتها مؤلمَة
لسَنا اغبَياء لكنَ نحَن بأمَس الحاجَه
لسعادتهَا المؤقتَه

مها الرياض
01-12-16, 02:44 AM
نصف جمال الانسان لسانه ،
فأحسنوا التحدث

مها الرياض
01-12-16, 02:45 AM
ابختصر لك حالتي
ماهي طويله بس بيت
اليا سهيت اتذكرك
واليا تذكرتك سهيت

مها الرياض
01-12-16, 02:46 AM
لِيسَ مِنْ المُهِم أنَ تَمتلكَ الجَمالّ ؛
بَلْ الأهَمُ أنَ تَمتلكَ الجَاذِبيةّ،
وَأرقَىْ أنَواع الجَاذِبيةّ
هِيَ جَاذِبيةّ الآخَلآقْ

مها الرياض
01-12-16, 02:47 AM
أشارت بطرف العين خِيفة أهلها
إشارة محزونٍ ولم تتكلم
فأيْقنت أنَّ الطَّرف قد قال: مرحبا
وأهلا وسهلآ بالحبيب المُتيَّمِ

مها الرياض
01-12-16, 02:55 AM
:thumbdown:ترا اللي دايم اشوفه:MonTaseR_79:
بمفضلتي بعدين يختفي:thumbdown:
افقده 🙍 واذا فقدته:thumbdown:
يضيق صدري وازعل :b:
وبعدين مااجيب شي:MonTaseR_5:
يوسع صدوركم :Hbz01935::MonTaseR_215:
فاهمين حبايبي :x150:
يعني لااحد يختفي :33::wed39:

مها الرياض
01-12-16, 02:57 AM
فايدة الأخ فالبيت ؟
تلبسين نعاله إللي عند الباب
إذا بتطلعين الحوش

مها الرياض
01-12-16, 02:59 AM
الف شكر ديزجنر على التقييم
والتشجيع
ويشرفني متابعتك طال عمر

مها الرياض
01-12-16, 03:00 AM
آنآ .. وروحي .. والقصآيد والالحآنَ
وآلشوق .. وآلقلب آلوفيَّ .. گلنآ لگ
تعآل يآ آغلىَ معرفَه .. وآقرب أنسآنَ
وآلـوصل ويشَ آلوصلٌ لولآ وصآلگ

مها الرياض
01-12-16, 03:02 AM
ﻗﻤﻪ ﺍﻻﺣﺮﺍﺍﺝ :
ﻟﻤﺎ اقعد ﻣﻊ بنت ﻋﻤﺮﻫا 16ﺳﻨﻪ !!
ﻭتقول ﺍﻧﺎ ﺣﺒﻴﺖ ﻣﺮﺗﻴﻦ
ﺑﺲ ﺗركنا بعض،
ﻭتسئلني ﻭﺍنتِ؟
ﺍﻧﺎ؟
احب الملك سلمان☹

مها الرياض
01-12-16, 03:03 AM
الحبّ ليس من هواياتي
لكن عندما أرى الزين
v
v

أغدي مَرقة ☺️

مها الرياض
01-12-16, 03:07 AM
واحد شين راح يخطب وبعد الموافقه
قال لأبو البنت ممكن ياعم اشوفها شوفة شرعية
قال ابوها
والله يا ولدي اخاف إذا شافتك ترفض

مها الرياض
01-12-16, 03:09 AM
الشاب السعودي رومنسي
لدرجة إن لو سواق هندي صدمه
وطلع معاه بنات على طول
يسامحه لعيونهن
يالبى بس شباب الوطن

مها الرياض
01-12-16, 03:10 AM
محتار باللي حصل ما بيـنه وبيني
خصٍ ليا شافني والشوق في عينه
يدريبي شاريه وادري فيه شاريني
مير القدر ، صار يصفقنا بـكفينه

مها الرياض
01-12-16, 03:11 AM
بعض الناس فوق إنہ عايش بوجهين
وﻻ واحد فيهم ينبلع

مها الرياض
01-12-16, 03:12 AM
لـيتــك يا أعز احــبابي لنا جار
يوم اجــيك ويوم مثــله تجــيني
وليت المسافة بيني وبينك جدار
والبـاب بنـص البيت بينك وبيني

مها الرياض
01-12-16, 03:13 AM
انا ادري اتابع مفضلتي وتقرالي
وهذا هو اللي مكبر قدرك بعيني
الله يحيي مرور الوافي الغالي
نور مفضلتي وزانت به عناويني

مها الرياض
01-12-16, 03:14 AM
الآدمـي لا طـاب نبعه وطبعه
له عندنا حشـمة وقدر ومكانة
اما نحشّمه حشمة اهله وربعه
والا نحشم اهله وربعه عشانه

مها الرياض
01-12-16, 03:15 AM
وش ترتجي من شعب !!
يحط اصبعہ قدام النملہ🐜
عشان تغير طريقها
محدثتكم مغيرة مسار جيش

مها الرياض
01-12-16, 03:16 AM
عزيزيتي البنت
اذا مليتي من قعدة البيت
تذكري مقولة يسجن العصفور
بذنب الجمال ᴗ̈
'تسليك نسائي مسائي

مها الرياض
01-12-16, 03:18 AM
آشتهي سيجآرة ملفوفة ،
وكآس خمر يفقدني ذاكرتي
أمزح
أمززح
انا حمضيات واضيع غرفتي
ولا أقول خلونا على عصير الربيع
ويخب علينا

مها الرياض
01-12-16, 03:20 AM
شكرا تراب الحياة على التقييم
ماقصرتي حبيبتي

مها الرياض
01-12-16, 03:21 AM
تدرون من هو الخروف ؟
^
روحوا سوق الغنم وتشوفونه
^
يعني لازم نقعد نسب شباب الوطن :dance:

مها الرياض
01-12-16, 03:22 AM
صـحيح ( نكه ) مستعار وخيالي
ولا يوضح لي تفاصيله بـ شي
لاگن أحس ان صـاحـبه حيل غـالي
أشتاقله وأنا أدري أنه مهو لـي

مها الرياض
01-12-16, 03:33 AM
اهداء لبنات منتدانا اللي مابعد تزوجوا

كيــف تصطادين عريسا دون اللجوء إلى الخاطبة أو الأساليب السقيمة من المغازلات والترقيم والتلميح اللي ماله طعمة........ إلخ
أهم شي..؟ انشبي للعجوز اللي (حاطة عينك على ولدها )
ثم اعملي مايلي:

1_ خليك مع امك ولاتروحين مع البنات وتتهيبلين اصبري عنهم
كم شهر لين تتم العمليـة..

2_ امشي وأنتي حاطة راسك بين كتوفك ولا ترفعينة أبد حتى لو
عورك خلي (الفكس) دائما في متناول يديك..لان العجايز
يحبون البنت الخجولة

3_ كلمة خالة خليها دايما على لسانك خاصتاً لأم المعرس عشان
تحس بنوع من التميز عن باقي العجايز..
( ملاااااااااحظـة):
لامانع تنادين عجوز ثانية بخالة عشان اذا مانجحت الخطة مع
العجوز نمبر ون تنجح مع نمبر تو
<< الإحتياط واجب وأنا اختك

4_ اذا بدت امك تتكلم انغزيها بكوعك عشان تدخلك فالسالفة
حتى لو مالك داعي تطبيقا للمثل (كثر الدق يفك اللحام)
دارية المثل مالة داعي

5_ اخوانك الصغار لاحقيهم وطامري معهم وين مايروحون
حتى لو ماهي عادتك بس تصرفي معهم كأنك
امهم عشان العجوز تاخذ فكرة إنك حريصة على ذريتــك..

6_ كل ماأكلت امك عندهم أكلة زينة خليها تقول نفس الأكلة
اللي تسويها بنتي حتى لو الأكل من مطعم صيني أومكسيكي..

7- اذا جتكم ام المعرس مدي ايديك وتوجعي وخلي امك تقول:
قايلتلك وأنا امك ماله داعي تنظفين جدران البيت الخارجية<< .يامعودة نظفي غرفتك اول

8_ اذا تكلموا أهلك عن العرس اكتمي نفسك لين تحمر خدودك
عشان يقولون البنت تستحي ومالنا حق تكلمنا عندها
<<< بس لا تكتمي نفسك حيييل اخاف تروحين فيها
وأصير قتلت نفساً بغير حق

9_ مهما كان موضوع الحوار حماسي لاتبدين رايك خليك
مثل البكما لأن اللقافة مايحبونها العجايز وبتجيب
اجل الخطة

10_ شعرك افرديه ولاتجعدينه :MonTaseR_49:مهما كانت الموضة
لأن العجايز مايدورون الا اللي شعورهم ناعمة

11_ اذا أدلت العجوز (ام المعرس المتوهق)
بأي راي سواء الراي سياسي أو وطني أواقتصادي
وافقي عليه حتى لوإنه ماسخ وماله داعي
..مثــال:
تقول العجوز نعرف اهل اوباما ويوم جاهم تقهوى عندنا البارح
قوليلها: وليه ماعلمتيني ياخالة أجي أساعدك..؟

12- في حفلات الاعراس اضغطي على نفسك واقضبي أرضك ولاترقصين واعتبري الرقص عيب وشق جيب
<<< حتى لو انك من اللي مايقعدن ابد
تحملي علشان خاطر ابو الشباب يستاهل المزيون

13_اذا جا طاري السوق واهو لازم يجي الطاري
لأنه ملح الجلسة عند الحريم خلي امك تقول:
بناتي ما يحبون يطلعون السوق وانا اللي اجيب لهم اغراضهم..
الحيـــــــــــــــــــــــن العجـــــــــــــــوز بتكـــــــــــــون
وقعـــــــــــت فالفــــــــــــــــخ
نروح للمعرس الحين
[1_ اهجدي في بيت اهلك ولا عاد تطلعين واذا جا المعرس
بيشوفك خلي أبوك يقول والله ودي تشوف البنت
بدون ماتدري عشان تاخذ راحتك وأنا عمك لان بنتنا
مابعد احد شافها وان جبرناها تدخل عليك
يمكن يغمى عليها عاد الولد بينهبل
وده يشوف ذا الجوهرة المكنونة

2_ قبل يجي اليوم اللي بيشوفك فيه بحوالي اسبوع او أكث
ر(حسب شين الوجة) طامري من صالون لصالون
(صبغ بديكيرمنيكير تنظيف بشره إلخ ..)

3_ إذا جا المعرس خلي اخوك يوقف جبنه ويبلشه عشان
مايطول بالتبحلق ويبان المخفي وذلك تطبيق لنظرية
(اللمحة ذبحة)

4_ في نهاية المشهد خلي ابوك يقول:
معليش وانا عمك ترى البنت ان درت انك تناظرها تراها
بترفضك عاد الولد بيغمض على طول لانه وقع في غرامك

وبهاللحظة الولد بينط على راس ابوك وبيحب راسه
ويبوسه لين يشفط مخه ويقول متى العرس ياعمي؟؟؟؟؟؟


[تـــــــــحـــــــذيـــــــــــر مهـــــــــــم:::

ابتعدي عن امهات العيال المتعلمات
راعيات الشنط نفس لون الجزمة هذولي
لازمهم خطط بعيدة المدى........ :MonTaseR_115:

مها الرياض
01-12-16, 03:48 AM
قصة من البادية رائعة وقديمة )
قصه حقيقيه حصلت في قريه قريبة من مدينة الرياض في
السعوديه قبل ان تسمى الرياض .
كان هناك شاب اسمه عايش يعيش في هذه القريه وكان يحب بنت
اسمها نوره في يوم من الايام ذهب عايش لكي يخطب نوره ولكن
ابو نوره رفض لانه عايش كان على قد حاله وما عنده حلال ولا
عنده فلوس كثيره فشاف عايش نوره عقب ما طلع من عند ابوها
وقالها : نوره انا راح يصير عندي فلوس وراح اشتغل وراح ارجع
اخطبك واتزوجك.
ونوره كانت تحب عايش فوافقت انها تنتظره .
سافر عايش الى منطقه مرموقه في السعوديه وصار
يشتغل في التجاره ..
ومرت الايام وصار عنده فلوس ورجع لقريته عشان يطلب
يد نوره من جديد ويتزوجها
ولكن لما رجع القريه تفاجئ انه نوره تزوجت !!!!!
لانه ابوها اصر عليها انها تتزوج وكان عندهم البنيه
لازم تتزوج اذا جاها شاب قادر على الزواج .
وتفاجئ ايضاً انه مو بس تزوجت بل هاجرت الا مكان ثاني
مع زوجها ولا احد من القريه يعرف المكان .
فقام صاحبنا عايش وقال بيت شعر
(ابنشدك عن نور القمر وشلون نوره؟)
وقرر يسافر ويدور على نوره.
ومر على القريه الاوله وراح وسلم على امير القريه
وقاله (أنا عندي لغز واللي يجاوب عليه بعطيه كل حلالي)
فقال الامير وشو اللغز؟ .. قال :
(ابنشدك عن نور القمر وشلون نوره؟)
احد الجالسين قال له ابيض واحد ثاني قاله اصفر وكل الاجوبه
غلط محد عرف حل اللغز.
فسافر الى قريه ثانيه وطرح عليهم نفس اللغز
ومحد عرف الجواب.
وراح للقريه الثالثه وكان تعبان من السفر ،
فقالهم انا عندي لغز واللي يعرف يحله بعطيه كل حلالي
وقالهم بيت الشعر مااحد عرف الجواب ..
فقالهم أنا اليوم بنام عندكم لاني تعبان واللي يعرف الجواب
يقوله لي الصبح ومن بين الحضور كان زوج نوره
موجود فرجع للبيت ،
وقالها نوره قالتله سم
قال جانا اليوم واحد خبل
يقول عندي لغز واللي يحله بعطيه مالي وحلالي كله
فقالت له قوللي وشو
اللغز يمكن احله قالها :
(ابنشدك عن نور القمر وشلون نوره؟)
فبتسمت نوره وقالت له عرفت الجواب
قالها صدق قالت له قوله
(مثل السمك في البحر وشلون عايش؟)
فقام الصبح رجل نوره وراح وقاله انا عرفت الجواب
فقاله وشو الجواب قاله
(مثل السمك في البحر وشلون عايش؟)
تبسم عايش وقال جوابك صحيح وهذا مالي وحلالي
وسلم لي على نورة
عاد مدري وش صار
هو رجل نورة طلقها ولا لهف أموال عايش مع نورة
وعايش طلع بلوشي

مها الرياض
01-12-16, 03:51 AM
قرّرت أصك القلب بالشمع الأحمر
واكتب على الأبواب ‬يُمنع دخوله
وابرمج احساسه برقمٍ ‬مشفّر
أخطر '‬هكر' ‬مايخترقه بْسهوله
واحميه قبل ‬يصير قلبٍ مهكّر'!!‬
من شان ما ‬يعشق ويسهر ويوله
لنّ ‬العشق في‬هالزمن صدق ‬يقهر
ناس تحب وناس ماهي ‬بحوله
في ‬هالزمان الحب سهمه تحدّر
صار الوفا نادر ويصعب حصوله

مها الرياض
01-12-16, 03:52 AM
لا كتبت اسمك تزين لي الحروف
ولا نطقته صار فـ لساني حلا
صدق أنا أحبك ولكن فيّني خوف
خوف من فرقا بعد ذاك الغلا
كانت الكلمات بـ لساني ألوف
ويوم شفتك ما ذكرت إلا هلا

مها الرياض
01-12-16, 03:55 AM
اقرأها بهدوء لتفهم معناها :
- لك صديق تثق به ..
- ولصديقك صديق يثق به ..
- ولصديقه صديق يثق به ..
- فاحتفظ بأسرارك لنفسك (y)
لماذا ..!؟
[ العَيب ] عِندنا . .
أشدّ من [ الحرام ]
هل لأننا
نهتم للخَلق ،
أكثر من الخالق !
الجنسيات تختلف .. ولكن البشر واحد ..
فلا تنظر للجنسية ومن اي بلد ينتمي ..
ولكن اعرف قلبه وتفكيره الى اي مبدأ ينتمي ..
اللسان ملعقة
و العقل ٳناء ¸
و كم من ملعقة ٲكبر من ٳناء !
لايستطيع أحد العَودة
إلى الماضي والبدء من جَديد و
لكن يستطيع :
أن يبدأ من الآن 
ويصنع نهايه جديدة
مَن لم يشرب ,
مِن بئر التجربة ،
مات عطشاً
في بحور الجهل ,
لو شعـرت بـالتأنيـب
على موقف فعلته
ذكّر نفسك أنّك بشر
أخطأت, وتخطئ, وسوف تخطئ
لا مفر من بشريتك
إندم لـحـظـة
ثم إستبدل الشعور مباشرة
بنيّة صادقة للتغيير
مُمَارسَة (قوّة السُلطة)
على ضعيّف :
ردّة فعل ناتجه عن
[ضعف شخصية]

مها الرياض
01-12-16, 03:58 AM
مـؤلـم
تتعود ﻋلى شخص ،
وفجآءھ يغيب ..
مـؤلـم
لآ تجد من. يفهمك ،
آو يحس بك ..
مـؤلـم
تحب آنسسآن ،
ومسستحيل آن ترآهـ ..
مـؤلـم
يموت بعينك آنسآن ،
وﮬو حي ..
مـؤلـم
يكذب آحدهم وآنت تعلم ،
ولكن تصدقه لآنك تحبه ..
مـؤلـم
تبتسسم ودموعك ،
على وشك آلآنهيآر ..
مـؤلـم
يجبرك آلزمن على شي ،
آنت لآ تريده ..
مـؤلـم
آن تشتآق لشخص ،
وهو عند ربهـ ..

مها الرياض
01-12-16, 04:00 AM
خل الخجل : دام إنها جت على الكيف ,
بعض الفرص والله ما نلقى عوضهن !

على الأقل .. إن كان ما به سواليف ؟
خل العيون .. يسولفن لـ ( بعضهن )

مها الرياض
01-12-16, 04:01 AM
غرد لحالك بالغلا خارج السرب
...وامراً .. لافضلاً لاتكرر سؤالك
سبق وقلت لحضرة احساسك الذرب
... المبتدى والمنتهى في الغلا لك
يفعل غيابك .. مثلما تفعل الحرب
....لاصبر .. لا اطمئنان .. لاغيرذلك

مها الرياض
01-12-16, 04:04 AM
قصيمي بالحرم يسأل أمه :
تبين ماء يوه ؟
(اي تريدين ماء ياامي)
استغربت مصرية جالسة جنبها
وسألتها :
عاوزة المايوووه ليه ؟
حتعومي فين ياوليّه

مها الرياض
01-12-16, 04:05 AM
ما زالت الطفلة السعودية وآثقة يوم
تسألها وش تبي تصيرين يوم تكبرين
تجاوبك وبدون تردد
دكتورة
الوعد حافز يآأم قرنين وبكله
ياحيآة الشقى

مها الرياض
01-12-16, 04:07 AM
محشش زوجته جابت له بنت
وهو يبى ولد !!
قالت له الممرضه:
حتسميها إيه!
رد:بسميها (نعالي)
قالت الممرضه:
ياه لو تشوف نعالي
زي وش حضرتك☺

احسن يستاهل

مها الرياض
01-12-16, 04:08 AM
دخل عليها بصحن الفطور
وهي في غرفة النوم
فإبتسمت خجلاً
وقالت : كان خليتني أنا اجيبه لك؟
فقال : كلي تبن فيه عمال بالمطبخ ☺

^
يا دار لا هنتي ولا هان راعيك ☺

مها الرياض
01-12-16, 04:11 AM
واحد يقول:
مرة كنت جالس عند جدي وهو تعبان
قال لابوي: حللني ياوليدي
قال أبوي:
الله يطول بعمرك محللك يبه
قال جدي:
حلل سكري جعلك السكر
ودي اضحك بس ماتهون علي جبهة الوالد

مها الرياض
01-12-16, 04:12 AM
فايدة الخوات المعرسات !!

لا فايده ولا شيء
يجون يحوسون البيت
هم وعيالهم ويروحون

مها الرياض
01-12-16, 04:14 AM
أجمع له علومي ..قبل لا أحاكيه ،
وأضيع كلي بين عينه و رٍمشه ،
أيوه يا الطلة ولبى ولبيه
، يا خشة تسوى ثلاثين .. خشـه

مها الرياض
01-12-16, 04:18 AM
هل تعلم ان ( نجوى كرم )
من مواليد 1960 يعني عمرها 56 سنه ، ومازالت فاتنة
وهذي اللي قال عنها الشاعر السعودي ناصر الفراعنة
كل ماتكبر تزين وكل ماتقدم تجدد

مهي مثل الي عندنا الوحدة
عمرها 20 ويالله تقوم
الله يخلف علينا ويعوضنا
الجنة بس

مها الرياض
01-12-16, 04:20 AM
رحت آتسلى بالقوافي علـى النـتّ ,,
وأثري لقيـت (النـت) كلـه مجالـك
أفتح على (قوقل) تجي صورتك ست ,,
وأفتح على (الايميل) وألقـى سؤالـك:
ألقاك تسأل:"صاحبي ليه ما بـتّ ؟" ,,
وشلوووون أبات ونوم عيني غدالك

مها الرياض
01-12-16, 04:21 AM
آشُـوٍفٍ نٍــكك بُيًنٍـهُـمٍ وٍ آتِأمٍـلْـگ
وٍآبُحِرٍ مٍـعُ مٍرٍسِـىٍ غٌـلآگ وٍحِنٍيًنٍـيً

آتِـآبُـعُ رٍدُوٍدُگ وٍآَقٍـبُّـل تِوٍآصِـلْـگ
فٍيً نٍگ زٍآئرٍ خٍـوٍفٍ (لا) تِحِـسِ َفٍيًنٍـيً

رٍغٌمٍ آنٍيً آتِجَآهُلْـگ وٍآشُعُـرٍ تِجَآهُلْـگ
آحِسِ َفٍيًـهُ شُعُـوٍرٍ .. بُيًنٍـگ وٍبُيًنٍـيً

مها الرياض
01-12-16, 04:22 AM
انا كل ما سجيت
عن حبكم وانصاع

عرض لي ابو نوره
يرفع الصوت ويشيله

يغني طرب

أيوووه قلبي عليك إلتاع

واكمل معه

ما يحتمل غيبتك ليلة

مها الرياض
01-12-16, 04:23 AM
الصراحه أكثر بنت مرتاحة
البوية:نط:
لا تمعيط شعر بالاستشوار
ولازعبلة حلاوة
ولا قروشة تشقير
ولاتحلس وتملس
حتى لبسها من دولاب اخوها

مها الرياض
01-12-16, 04:25 AM
إثنين لآتآخذ منهم وصف
بنت وشايب
البنت: فجأة وانت ماشي 120 تقول
شفت السوبرماركت البرتقالية
خش يمين تلقى شجر كثير
الشايب: خل وجهك غرب ولف يسار
يصير وجهك جنوب وآلشمس على
حجاجك الايمن ☺
في كل الحالتين ماراح توصل
فخذها من قاصرها
وارجع لبيتكم احسن لك

مها الرياض
01-12-16, 04:26 AM
سألو محشش
وش وجه الشبه بين الزيتون والليمون؟
قال كل الاثنين ما نقدر نطلع
منهم عصير جوافة.
صادق الرجال

مها الرياض
01-12-16, 04:28 AM
الضحك لمدة ربع ساعة يجعلك تحرق 40 سعرة حرارية
إذا استمريتوا على هذا المعدل
فسوف تفقدون تقريبا
2 كيلو في اليوم
الزبدة .......
خليكم متواجدين في مدونتي
وأخليكم تنحفون 20 كيلوا قبل يأذن الفجر

مها الرياض
01-12-16, 04:29 AM
فيه ناس الفايدة الوحيدة منهم
: [ اني اذا شفتهم استغفر

مها الرياض
01-12-16, 04:31 AM
عزيزتي البنت:
ترا في المناسبات يلبسون ملابس
و يحطون شوية مكياج
مو يلبسون شوية ملابس
ويحطون كثير مكياج
عرفتي كيف.!حبيبتي

مها الرياض
01-12-16, 04:33 AM
تعجبني البنت الكوميدية المضحكة
الجميلة الرايقة الرومنسية
الطيوبة والمهم ماتنكد على اللي
حولها وعايشة بعفوية
كأنہ انا
☺ ̶ لحظة اشوف
☺ اي انآ........ الريشة وصلت السماء

مها الرياض
01-12-16, 04:34 AM
‏أكبر مصيبة لاتعلقت بـ إنسان
غصب على عينك سكن بالمحاني
كل مابغيت أتصارحه وجيت شفقان
تلقاه يشكي لك غلا إنسان ثاني"

اليمة

مها الرياض
01-12-16, 04:35 AM
يامرحبا باللي له القلب خفّاق
شخصٍ يساوي في عيوني ملايين

صارت غلاته شي لا يمكن يطاق
الله يحفظه ياعرب قولو ( امين )

مها الرياض
01-12-16, 04:37 AM
ليت الجفا كله يخلا على جنب ..
وقلوبنا المخلصة ... ماتباعد !

انت وانا بفراقنا مالنا ذنب ..
ظروفنا : وحظوظنا : ماتساعد

مها الرياض
01-12-16, 04:40 AM
الأسد https://abs.twimg.com/emoji/v2/72x72/1f406.png: يخاف من صوت الديكhttps://abs.twimg.com/emoji/v2/72x72/1f414.png
(اخس عليك طحت من عيني يا بو كشه

مها الرياض
01-12-16, 04:40 AM
الزرافة : لا تنام في اليوم الواحد إلا تسع دقائق
و ليست على مرة واحدة إنما على ثلاث مراحل
كل مرة ثلاث دقائق
( وش اللي شاغل بالك ياطويلة يا حلوه )

مها الرياض
01-12-16, 04:42 AM
في مدونتي مش حتئدر تغمض عينيك
بس تعالوا كل يوم

مها الرياض
01-12-16, 04:43 AM
الجملhttps://abs.twimg.com/emoji/v2/72x72/1f42b.png:
لا ينسى من يظلمه
( حقود يا ابو براااااااطم )

مها الرياض
01-12-16, 04:45 AM
لـو تساقطــت نساء الكــون أمــامـي كـالمطــر
فـلن تمـلاً عينـي غيــركِ ,
وعفــواً يـا جــمـــيــع نسـأإء العالــم.

عفــواً وش جنسيتك

مها الرياض
01-12-16, 04:47 AM
أول فتاه احبها هتلر فتاه يهوديہ
احرقت قلبه فاحرق أهلها
اااخ يابو ربع شنب ليتك حبيت
إيرانية بعد واحرقتهم مع اليهود
وخلصتنا من شرهم كلهم

مها الرياض
01-12-16, 04:49 AM
تدرون ليش الجميلين :icon18:
دايم مشغولين
اذا فضيت أقول لكم

مها الرياض
01-12-16, 04:51 AM
فيه فرق كبير بين الثقة بالنفس ,:x90:
وبين احساسك بإنك آخر حبه:MonTaseR_21:

فرق يافله عشان مانكرهك :10:

مها الرياض
01-12-16, 04:52 AM
جداوي قاعد بـ مجلس بدو
قاله واحد :
يا النشمي قرب الماء من عندك ﻻهنـت
ذابحني الضما ابي ابل ريقي
القيض ميبس تسبودنا
قال الجداوي
ايوا ايوا صح لسانك

مها الرياض
01-12-16, 04:54 AM
تغلط مرة ماشي،
كمان مرة ماشي
كمان مرة ؟انا ماشي

مها الرياض
01-12-16, 04:57 AM
صدقيني حبيبتي انا غير عن كل الشباب
صدقيه يا بنت الحلال
صدقيه
يمكن من اياهم

مها الرياض
01-12-16, 04:58 AM
كل ما اشوف خويتي اللي غشت
مني ايام الثانوي
تبيع كب كيك بالانستقرام
احس بالذنب

مها الرياض
01-12-16, 05:00 AM
'محشش يقول لصديقه :
لو الزواج مو جريمة ما كان طلبوا
اثنين شهود
^
نصرف نظر يعني
بصراحة مو ناقصين

مها الرياض
01-12-16, 05:01 AM
مجتمعنا العزيز
فيه فرق بين الشخص الإنطوائي
وبين الشخص المنحاش من الأمراض اللي فيكم

مها الرياض
01-12-16, 05:02 AM
مدري ليه اذا شفت احد ياكل جزر
لازم أقوله : تدري ان الجزر يقوي النظر؟
مدري .. بس أحس أحد حالف علي
أنشر هالمعلومة

مها الرياض
01-12-16, 05:02 AM
" أروح ملح "
ممكن اعرف وين الرومانسية بالموضوع

مها الرياض
01-12-16, 05:03 AM
عجوز قالت لطبيب مصري :
بطني يوجعني لو آكل أدناة الدون ،
قال لها : خلاص يا حاجه متاكليش
"أدناة الدون" دي
وكلي أي حاجه تانيه

مها الرياض
01-12-16, 05:04 AM
اتصلت وحدة على شيخ
وقالت ياشيخ النمل و الصراصير عندي في البيت
هل هو دليل سحر او عين
قال : هذا سلمك الله دليل على انك مهملة في تنظيف البيت

يوووووووه قوية ياشيخ

مها الرياض
01-12-16, 05:05 AM
شايب يقول
أم العيال إذا كبرت صارت مثل الصك المتشقق
لا تقدر تقرأ اللي فيه ولا تقدر ترميه
حسبي الله عليك من شايب عايب

مها الرياض
01-12-16, 05:07 AM
واحد مغرد
الحصان يملك شعر ولا يمشطه إلا إنه أجمل من شعر بعض البنات
ردت وحدة
الصرصور له شنب شطوله إلا إن هيبته عندنا أكثر من هيبة بعض الرجال
^
نعنبوك مالقيت تعرض الا النسوان:MonTaseR_5:
هذولي مايقدرعليهن الا ربهن
هذي وحدة منهن طيرت شنباتك
اقصد جبهتك

مها الرياض
01-12-16, 05:10 AM
يا كامله يا معجزه يا اسطوره
لو ان مافوق البسيطه كامل
لو ريس امريكا لقى لك صوره
حطك مع اسلحة الدمار الشامل

زين انه ما لقاها اوباما
مااحب ادمر احد

مها الرياض
01-12-16, 05:10 AM
فاونديشن , بليشر , كونسلير , كريكتر , ايشادو ,
قليتر , هايلايت , ايلاينر , كنتور , تونر , ماسكارا .
^
العيال يشوفونها تشكيلة فريق اوروبي

مها الرياض
01-12-16, 05:11 AM
كل برامج التواصل الإجتماعي
هدفها انك تتواصل مع ااقاربك واصدقاءك
واحنا كل ما شفنا واحد منهم صكيناه بلوك
غاثينا في الحياة الواقعية بعد بيغثونا في الحياة الخيالية

مها الرياض
01-12-16, 05:12 AM
مثل تونسي
"مشيناك حافي ولا تكركيرك في الشلايك"
الترجمه:
حافي:يعني بدون حذاء !!!
الباقي أعتقد واضح

مها الرياض
01-12-16, 05:12 AM
لرؤية المحتوى سجل بالمنتدى !
https://abs.twimg.com/emoji/v2/72x72/1f447.png
من أحقر وأنذل ما قرأت
عسى ماحنا كذا

مها الرياض
01-12-16, 05:13 AM
في وحده كاتبه :
سأوسيطر على العالمي يومن مينا الايامي ،
انتي سيطري على الكيبورد بالاول
وبعدين نتفاهم

مها الرياض
01-12-16, 05:14 AM
واحد كاتب
انا ماحسدت في حياتي الا الهندي
بنطلون احمر وقميص ازرق
وزنوبه خضراء
والدنيا سهالات
ولا همه احد وينادونه يا مدير
والبنات مايتغطون عنه
والبنات مايتغطون عنه
والبنات مايتغطون عنه
الأخيرة ذابحتني

مها الرياض
01-12-16, 05:15 AM
عجوز راحت للدكتور
قالت تعبانه بالحيل أوجس بطني له رنين
قال الدكتور:
عندك غازات ياوالده
قالت: عندي سبع براميل بالحوش
وواحدً آخذه عزيز للمخيم

مها الرياض
01-12-16, 05:16 AM
اعزائي الشباب
انا اللي رفعت سعر البنزين عشان
تبطلون فرفرة وتفحيط
عند بيتنا ازعجتونا
اللي محتج يرفع اعتراضة للديوان

مها الرياض
01-12-16, 05:21 AM
اذن الفجر عندنا بالرياض
بروح اصلي
وطلع الصباح وسكتت شهرزاد
عن الكلام المباح
تراني مواصلة عشان اكتبها
الزبدة
أتمنى اني خفيفة على قلوبكم
وحياكم الله كل يوم
ومشكورين على التواجد كزوار
والتقييم اللي اسعدني وحمسني
ربي يسعدكم دنيا واخرة
تصبحون على خير

مها الرياض
01-12-16, 12:49 PM
يسعد صباح الرضا والحب وعيونك
وشموس صوتك وبرد الصبح ونعاسك
إي وﷲ إني أحبك وأعشق جنونك
ي حلو كلمة صباح الحب بإحساسك

مها الرياض
01-12-16, 12:53 PM
قآلوآ سهر قلت آلسهر مبتلينآ
قآلوآ قهر قلت آلقهر فآلمعآليق
قآلوآ بكى قلت آلبكآ م بكينا
إلآ من آلآشوآق وآلبعد و آلضيق

مها الرياض
01-12-16, 01:00 PM
قل وصلك ماهي بعاده قسيت
لايكون بخاطرك شي علي
والله انك ياغرامي لاطريت
جظ قلبي جظت الي مكتوى


SEO by vBSEO 3.6.1