المساعد الشخصي الرقمي

مشاهدة النسخة كاملة : فيكم شى


مها الرياض
01-14-16, 08:14 PM
فيكم شى !!!
صاير شى !!!
احد فيكم سامع شى
طيب احد شايف شى
قارى شى
يعنى كلش ماكو شى !!!
طيب ماشى هاليومين .... احد فيكم حس بشى
ياخى تحس الديره ... يعنى جنه صاير فيها شى
لما تطالع تلقى بوسط عيون العالم اميه شى
ولما تسالك اى واحد
يقولك فكنى ماكو شى
http://www.nationalkuwait.com/forum/styles/default/xenforo/clear.png
طيب قولى ليش معصب !!!
يقولك ياخى ماكو شى
يمكن صج مو صاير شى
مو انا قلت من الاول .... ماكو شى
لكن لا لا مو معقوله
ياخى مبين صاير شى
!!!
طيب دام ان ماكو شى
خلونا نسولف ونخربط
يعنى نسولف فى اى شى
نتوكل بالله سبحانه
ويحمبنا الله من اى شى


فى ناس تعيش وودها بـــ شى
و ناس تموت تحصل شى
وناس يذلها الوقت وتصبر
وبالاخر ماتلقى شى
وناس لشى تبيع اى شى
وناس لشى تدفع اى شى
وناس تموت بظلم الناس
وناس تحب تذل الناس
وناس تعيش بفقر .. وهم ... ومحد يدرى عنهم شى
وناس تبوق الديره وتمشى ... ومحد يكتب عنهم شى
وناس تحب تاخذ كل شى
وناس تنام بحلم صغير
وتصحى وماتلقى اى شى
وفى واحد يعطيلك كل شى
وتلقاه ماعنده اى شى
وواحد ياخذ منك شى
واهوا عنده اميه شى
وواحد واطى لكن واصل
وواحد منصب لكن فاصل
وواحد هيبه واسم ومركز
واهوا مايسواله شى



للحين احنا قلنا شى
اقصد خربطنا او شى
مو احنا قلنا من الاول
انه مو صاير اى شى
طيب ليش الشارع زحمه وتحس انه ناقص شى
والمستشفى تروح بشى وتطلع وعندك اميه شى
والمدارس ... ترس الديره لكن مافيها اى شى
http://www.nationalkuwait.com/forum/styles/default/xenforo/clear.png
ومرات يوقفون الماى
وقطع مبرج رايح جاى
ونسلف اهل بروناى
والديره مافيها شى
ويقولك فى بالديره شى
صاير سعره اميه وشى
والشى متروس بهالديره
وباعوه وماشفنا شى
اقصد يعنى شالى تغير
لما سعر الشى تغير
فى هالديره تغير شى !!!
مافى شى
!!!
http://www.nationalkuwait.com/forum/styles/default/xenforo/clear.png
الشوارع نفس الشى
والنوادى نفس الشى
والجمعيه صرت تروح وماتقدر تاخذلك شى
والرياضه بس هواش
واثنين اهما فى هالديره
وكل واحد ماسكله شى
وهذا يطلع يكتب شى
وهذا يرد يقولك شى
والفيفا ابتلشو ويانا http://www.nationalkuwait.com/forum/styles/default/xenforo/clear.png
وشى بشى بشى بشى
ردوا ثانى مره هواش
وجنه مو صاير اى شى

وواحد قاعد فوق الشى
وصاير بس اهوا كل شى
وجنه الشى الى تحت ايده
بس حقه ... ومومخلى شى

وشى يحطونه بالشى
ونقول اهوا الى بينقذنا
بسحبنا وياه للاخر
ويخلينا بآخر شى ​

وشى تحس بان شى
لكن تلقاه يشيلونه
وانته منته فاهم شى

وجسر يكلف جم مليار
واخر شى يطلع اى شى
وحط انته الشى
فوق الشى
يمكن يطلعلك اى شى
ولا يمكن تلقى نفسك
صرت بهذى الديره .... شى

ولا يمكن اهما صح
واحنا الى مانفهم شى
ولا ليش تلاقى الواحد
دابس نفسه بقرض او شى
وبس يمر اسبوع يفلس
ومايبقى من الراتب شى
منهو قالك تاخذ قرض
ياخى لاتبنيلك بيت
مولازم تركب سياره
مولازم تتزوج ياخى
دبر حالك باى شى
طيب ... لاتروح الجمعيه
مولازم تاكل كل يوم
جرب صوم
ولا قزر عمرك نوم
فيها شى
مو قلنا من الاول اصلا
والله مافينا اى شى
انا عن نفسى مستانس
ومانى محتاج لاى شى
انتو قولو
فيكم شى !!!
الشاعر سامي الانصاري

إحساس طفله
01-16-16, 05:10 PM
مها الرياض

خـآطِـره رآآئعهه .. سلمت اناملكك عَ آلطرح ..
الــرئع و المميــز ...
لآهِنتِ ...

:73344:

مها الرياض
01-18-16, 08:00 AM
مها الرياض

خـآطِـره رآآئعهه .. سلمت اناملكك عَ آلطرح ..
الــرئع و المميــز ...
لآهِنتِ ...

:73344:

الله يسلمك إحساس
والاجمل مرورك حبيبتي

azOoOoOoz
01-18-16, 08:11 AM
بارك الله فيك
:MonTaseR_91:
ع الخاطرة ربي يسعدك

مها الرياض
01-18-16, 08:14 AM
بارك الله فيك
:montaser_91:
ع الخاطرة ربي يسعدك

الله يسلمك عزوز
وشاكرة لك المرور طل عمرك


SEO by vBSEO 3.6.1