المساعد الشخصي الرقمي

مشاهدة النسخة كاملة : وداعـة الله مابـقـى للـغـلا روح


صمتي حكاية
01-18-16, 07:38 AM
وداعـة الله مابـقـى للـغـلا روح
وش حيلتي والعشق ينـزف وريـده
سامح حبيبك وانت معفي ومسمـوح
لكـن طلبتـك تسمـع اخـر قصيـده
قصيدة(ن) خذها على شيـك مفتـوح
من واحد(ن) ماقد نشد عـن رصيـده
فقير مـال ولكـن انـه غنـي روح
ويملـك مفاتيـح الحيـاه السعـيـده
لـو ان قلبـه لاخفـق كلـه جـروح
ولاهو من اصحـاب القلـوب البليـده
يحزن لحزن الناس ويسـج وينـوح
ويفرح لكل النـاس لـو هـي بعيـده
ومن منطلق سـر العلاقـات والبـوح
بعلمـك شـي(ن) عسـى تستفـيـده
يمكن تمرك ساعة الضيـق وتـروح
وتقـول عـدت والليـالـي مـديـده
وانـا اقـزر ضيقـة فراقـك مـزوح
هذي سنـه والعلـم عييـت اصيـده
عقبك قصيدي يسجعه نايـح الـدوح
وعقبـك تـرى ماللشرايـد شريـده
وعقبك لو اخفي ضيقة الصدر مفضوح
كلـه لعيـنـك يالمـهـاة الفـريـده
مضرم عليك ودلـة وصالـك تفـوح
فـي جنبهـا جمـر وتحتهـا وقيـده
والحين تبغى الوصل والا تبـا تـروح
بعد سمعـت اغلـى واخـر قصيـده

إحساس طفله
01-18-16, 10:01 AM
سِلمت انـآملش عَ آلنقل آلـرآئع
وصح لِـسـآآن قـآئلهـآ
لاهِنتِ
:0741:

azOoOoOoz
01-18-16, 11:12 AM
صح للسانك
الله يعطيك العافية
ماقصرتي

الســاهر
01-18-16, 02:21 PM
صح لسان شاعرها
وسلمت يمين ناقلتها
ماحاز على اعجابك حاز على اعجابي ايضا
شكرا لك على روعة مانقلتيه هنا
تقبلي ودي قبل ردي

صمتي حكاية
01-18-16, 03:32 PM
يسعد اوقاتكم بكل خير
وشكرا لكم على جمال مروركم
سعدت بحضوركم الراقي
لكم جميعا أرق التحايا وخالص الموده
:ورده:


SEO by vBSEO 3.6.1