العمر ينقص وأوله غير تاليّه

[مجرد امل]

العمر ينقص وأوله غير تاليّه

العمر ينقص وأوله غير تاليّه
وانا الهموم اللي بقلبي بديده

خلوني اكتب ما بدالي وأغنيّه
اسوق طاروقي واتمه قصيده

وابدى علي المرقاب ساعة واعديّه
ما عاد باقي فالطواري شريده

مذهب وادّور غايتي في عواليّه
و الذاهبه ماغير فرصة سعيده

عليك ياللي في عيوني مواريّه
ابطا عن اعيوني وداره بعيده

اللي من البارحه وانا في حراويّه
فرقاه هم .. الآ فراقه مكيده

طيفه مخاويني وقلبي مخاويّه
هذا قديمه فالفؤاد وجديده

يذرع ويشبر في فؤادي مفاليّه
ويدق شرياني ويضرم وريده

ابيع عذبات الغنادير واشريّه
يبقي رصيدٍ لي وانا ابقي رصيده

يهمني واهتم له يوم اراعيّه
مشاعري من حضرته مستفيده

لكن حداني ظرف والوقت حاديّه
والله يمضي فالبشر ما يريده

مايلحقه مني ملام ومشاريّه
لو شـّبت الفرقا بجسمي وقيده

اقفت ضعون اللي ليا قال لبيّه
كنه يصب الشوق والآ يزيده

خلالي الطاري عسا الله يحييّه
وزهدت عقبه فالحياه الزهيده

جعل السحاب اللي ترازم مناشيّه
تسقي هماليله دياره وبيده

اللي مسميّه الحلا قبل أسميّه
هذه قصيدة شوق في يوم عيده

ياااجرّ قلبي كل ماحّل طاريّه
انشهد إني فاقدٍ لي .. فقيده

[رويدا محمد]

للي من البارحه وانا في حراويّه
فرقاه هم .. الآ فراقه مكيده

طيفه مخاويني وقلبي مخاويّه
هذا قديمه فالفؤاد وجديده


صح لسان قايلها ..
أبيات جدآ جميلةة بالأخص هذهِ
راقت لي كثيراً

كل الشكر لك على الإدراج

[مجرد امل]

مرورك الأروع
سعدت بتواجدك بصفحتي
لقلبك السعاده

[آلنـور]

قصيدة جميلة
صح لسان شاعرها و سلمتِ

[صمتي حكاية]

يسلمو امول
انتقاء راقي ومميز
سلمت ودام الحضور والتألق
تحياتي وعبق وردي لسموك

[الســاهر]

صح لسان شاعرها
وسلمت يمين ناقلتها
نقلتي فابدعتي
مودتي وتقديري لك