ضروري ياجماعه الخير شوروا علي

[مشكلتي]

مرحبا

ياجماعه الخير شوروا علي باللى تشوفونه حق اكيد البر واجب والواحد يسعى لاكن احس ان صار يجي ع حدود علاقتي بزوجي. ابي رايكم كل وحده تحط نفسها مكاني فكروا بعقل والمنطق السالفه انى مره كلمنى زوجي اذا ابي شي من برا وقال اهلي جايين بيباتوا عندنا يعني امه واخته واخوه قلت طيب زين قلت حزتها كان الوقت متاخر ع طلعه زوجي من دوامه طبعا (عشان توضح الصوره انا خليته ياثث البيت براحته ولا تشرطت بس قلت الالوان لي احبها وان تسريحه الغرفه تكون مرايتها كبيره ولا طلبت محل معين هو فرش الشقه كلها ماعدا غرفه قال مابنحتاجها اغلب الجلسه بالصاله وانا من خوفي ان مو زين غرفه تضل مهجوره قلت له يجيب منشر وانشر فيها الملابس بدل طلعه السطح لي ماحبيتها ) يوم وصلوا استغربت انه يقنع امه تنام بغرفتنا وماشاورنى ولاشي. سكتت وقلت عادي لان بيتهم في هدم بيت وحاله قعدوا يومين ومشوا كنت وقتها حامل اخوه نام بالمجلس وهو بالصاله وانا وامه واخته بغرفه نومنا. الان انا ولدت واليوم اتصل سال عن البنت وقال لي ان امه ببيتنا عشان راشين مبيد ببيتهم. يعني انا نفاس عند امي مايصير يدخلون شقتي لا وغرفه نومي وانا مو موجوده بعد انا اذكر اني تركتها نظيفه بس اخر يوم ماكنت اعرف ان خلاص بيولدوني. قبل الزواج يطلبون شقه ليه مو عشان يكونوا براحتهم خبري مايصير احد يجلس ع سرير المتزوجين مهما كانت القرابه هذا لي اعرفه من اهلي ومن الناس. بغض النظر عن التدخلات والكلام وكل شي اتحمل اقول احبه ومايهمنى ولا بزعل ولا بكدر زوجي. اذا صديقتي تقفل غرفتها بالمفتاح محد يقرب منها او يفكر هذا وهم بنفس البيت بس غرفتين مستقلين.
الي احسه ان غرفتى مملكتى الخاصه انا وياه ومابي غير نفسي ونفسه فيها لان هذا الشي الوحيد لي حقي ممكن اتنازل عن كلام يضايق بس مارضي احد غيري يدخل.
والى افكر فيه ابي احاول اقنعه نفرش الغرفه المهمله ونحط فيها سريرين وعادى حسابي ولا ان احد يشاركنى ممتلكاتى وخصوصيتى
ان كنت ع غلط او علي صح. اتمنى مالقى رد جارح خلونا نستفيد من بعض ابي رايكم. انا كلمته ان اخاف وضع البيت مكركب لايشوفوا شي وينقدون علي وقلت له الله يهديك كان قلت لي كان جيت رتبت قال لا اخاف كل شي مرتب وزين. انتي تعبانه ويوصيني ع نفسي ماقلت لي بخاطري لان مابي انفعل او اعصب وانا نفاس مو زين ابي حل

انا اهلي منفصلين يعني ماشفت حياه طبيعيه لزوجين وهذا اول مولوده لنا. حملت بسرعه بعد عرسي بشهر ونص مامداني اخذ ع اطباعه او افهمه لعب فيني الوحام وهو ماتفهم وضعي زين

[رويدا محمد]

صحيح الغرفةة ملكك والواجب من زوجك ان يستشيرك
من أول مرةة أنهم يناموا بغرفتك
وبما أنهم تعودوا على أنهم يناموا ب غرفتك ..
اعتقد من الصعب تقبلهم الآن يناموا بغيرها
وبيشوفوا منك عدم رضاك على ما كانوا يفعلوه من البداية

قولي لأخت زوجك وفهميها إذا كانت كبيرة
هي بدورها رح تفهم أمها من الخطأ أنهم يناموا ب غرفتك ..
وإذا كانت صغيرة وتري أنها ما راح تتفهم ..
قولي لزوجك بأسلوبك بحيث ما يزعل من رأيك ..

والله يعينك ...

[مطر الفجر]

وعليكم السلام ورحمة الله وبركاته
اختي الغالية بالعكس انتي صبورة جدا ماشاء الله عليك
واتخذتي خطوة مهذبة وجيده بان قبلتني ان ينامون عندك
اثناء تصليحهم لشقتهم
ولكن يجب ان يعرف زوجك بان غرفتك هي حق من حقوقك
و ليس كل مره يدخلونها على كيفهم
هذا شيئ خاص بك انتي وهو فقط ولا يحق له
ان يدخل امه او اخته الى غرفتكم
لانها ليست خاصه به لوحده
بل انتي شريكة بها ويحق لك الرفض
المواجهة مطلوبه بشكل عقلاني بدون انفعال
اطلبي منه ان يزورك وتجلسين معه جلسة مصارحة
قولي له انا احترم والدتك واخواتك وافراد عائلتك جميعهم
لكن خصوصياتي ما احب احد يتدخل بها
وقولي انك عديتيها اكثر من مره وذلك احتراما له ولامه
طالبيه بان يفرش الغرفة الاخرى لضيوف او في حال اتوا اهله عنده
ليس عيبا ان تطالبي باغلاق غرفتك واخذ مفتاحك معك
ولكن لا تضمنين النسخه الاخرى من المفتاح
اللذي مع زوجك سيفتح لهم وانتي غير مووجوده
لذا لابد ان يقتنع هو بهذا الكلام وان كان زوجك
من الشخصيات الضعيفة الخاضع لكلام والدته
على حساب خصوصياتك هنا يجب عليك الدفاع لاجل حقوقك
توجهي لام زوجك بطريقة مهذبة قولي لها
ان تطلب من ابنها تاثيث الغرفه الفارغه لهم اذا اتو عندك او لضيوفكم
لانك لا تحبين احد ان يشاركك غرفتك
وهي هنا ستفهم قصدك بطريقة غير مباشرة
قولي ما تريدين ولكن بدون جرح
وانا اقول لك بأن الحق كله معك انتي و مافعلتيه كان صائبا
والى هنا يكفي ان تصمتي عن حقك
بالتوفيق غاليتي
تحيتي

[معلم فله]

ماشاء الله عليك ست بيت
ولكن المشكله ان شقتكم ناقصه اثاث ولوكانت الغرفه الثانيه مفروشه
مانام احد بغرفتك وزوجك انحرج من اهله وماعرف وش يسوي
والدليل انه نام بالصاله

لكن المسأله سهله
تقولي لزوجك يآخذ كم سرير ويفرش الغرفه الفاضيه
عشان يآخذون راحتهم وفي نفس الوقت قوليله صعبه
حد يدخل غرفة النوم حقنا مهما كان لنا خصوصيه
بس اهم حاجه بيكون كلامك بأسلوب جميل وطريقه حلوه
عشان مايتحسس ويقول ماتبغى اهلي وكذا
وألف مبروك على المولود جعله الله قدومه قدوم خير عليكم وسعاده

[ترياق مصر]

ماشاء الله عليك ست بيت
ولكن المشكله ان شقتكم ناقصه اثاث ولوكانت الغرفه الثانيه مفروشه
مانام احد بغرفتك وزوجك انحرج من اهله وماعرف وش يسوي
والدليل انه نام بالصاله

لكن المسأله سهله
تقولي لزوجك يآخذ كم سرير ويفرش الغرفه الفاضيه
عشان يآخذون راحتهم وفي نفس الوقت قوليله صعبه
حد يدخل غرفة النوم حقنا مهما كان لنا خصوصيه
بس اهم حاجه بيكون كلامك بأسلوب جميل وطريقه حلوه
عشان مايتحسس ويقول ماتبغى اهلي وكذا
وألف مبروك على المولود جعله الله قدومه قدوم خير عليكم وسعاده





هذا الرائ الصواب باذن الله

[سآلفـَة قـ لمْ]

ماشاء الله عليك ست بيت
ولكن المشكله ان شقتكم ناقصه اثاث ولوكانت الغرفه الثانيه مفروشه
مانام احد بغرفتك وزوجك انحرج من اهله وماعرف وش يسوي
والدليل انه نام بالصاله

لكن المسأله سهله
تقولي لزوجك يآخذ كم سرير ويفرش الغرفه الفاضيه
عشان يآخذون راحتهم وفي نفس الوقت قوليله صعبه
حد يدخل غرفة النوم حقنا مهما كان لنا خصوصيه
بس اهم حاجه بيكون كلامك بأسلوب جميل وطريقه حلوه
عشان مايتحسس ويقول ماتبغى اهلي وكذا
وألف مبروك على المولود جعله الله قدومه قدوم خير عليكم وسعاده






:
:
.
+1

[صمودَ]

كلمي زوجك ان ذا الشي يضايقك واكيد رح يتفهمك بس امه ابدا لا تكلميها لانه اكيد رح تفهمك غلط وانك ماتبينهم يجو بيتك



،

[جَســـــوُرْ..،]

كلمة حق وابي اقولها ..

هذا بيتك.. و هذه غرفتك ولك الحق باللي تسويه ولكن فيه امور لابد انك تفهميها عدل.
زوجك لو ما فيه خير لأهله مافيه خير فيك..

ولهم حق الطاعه منه.

لكن مو ذنبك انهم يتطفلوا على غرفتك و خاصة غرفة النوم.
كلمي زوجك بكل احترام و هدوء ان الشي هذا غلط ومايصير لان في اسراركم و اغراضكم الخاصه اللي مو مفروض احد يشوفها.

وان رفض.. لا تتضايقي فهو من رفض ويتحمل ما يجيه

خلي اغراضه الخاصه والخاصه جدا طارفه بحيث لو اهله دخلوا الغرفه يشوفونها.. و بكذا صدقيني راح يعرف معنى الخصوصية وقتها.

و الله يعينك صراحه. بس الصبر لابد منه.

[عايضه:~فاصصله]

شايفه السالفه عاديه
لاتكبري الموضوع الغلط منك من البدايه لو جهزتي لهم مكان
مانامو بغرفتك وبعدين ذي ام زوجك حسبت امك
ولاتزعلي يوم قلتي مملكتي الخاصه
حسستيني غرفتك من الماس
وانا خيتك الرجال مايحب الحرمه يالي تتشكا من اهله
ترا ذي امه انتي لو امك جت في بيتك نومتيها بغرفتك
اذكري الله وتعوذي من ابليس وانا خيتك

[اسومة]

:wallbash: و الله راي ان غرفة النوم شيء خاص بمتزوجين و عيب عيب كبير ينام فيها غيركم و الله انا غرفة نوم ابي و امي و اسحي ادخلها بدون اذن او اطلب شيئ لان هي الي ياخذون فيها راحتهم
حبيبتي تكلمي مع زوجك بهدوء فهميه ان غرفتك خاصة فيكم انت اثنين و و ما يجوز ينام فيها غيركم و خاصة انك مو في بيت هذا شيئ ممنوع منعا باتا و جربي تكلميه بهدوء و حنان و ان شاء الله يفهمك غاليتي
و الف مبروك طفل يتربى في عزكم و ان شاء الله ربي يحميه و يخليه لكم تاج فوق رسانكم حبيبتي الف مبروك الله يسعدك :81:

[السهم الأخير]

أختي الكريمة إنتي عارفه معنى أن تقبل أم تنام في غرفة مع زوجة ولدها؟

معنى هذا الكلام أنك طيبة وكبيرة فنظرها وسمعتك وأخلاقك راقية وقلبك على زوجك وأهله .

إنتي سويتي الشيء الصح وحتى لو متضايقة وكتمتي طوال هالفترة فأنا أحييكي على أخلاقك العالية وذوقك.

إنتي شوفي وضع زوجك المادي إذا يسمح لازم تأثثي الغرفة اللي خليتيها شبه مهجورة علشان أهل زوجك أو ضيوفكم .

مو شرط أكثر من سرير المهم تكون الغرفة جاهزة لاستقبال الضيوف.

إذا وضعه المادي ما يسمح أنا عندي لك حل مميز.

انتي راح ترتاحي مع زوجك فأي مكان فإذا جاتك أم زوجك وبناتها إنتي وزوجك ناموا في الغرفة الثانية وجهزيها من الحين بلي تقدري . مكيف تلفزيون مفارش .

منها تغيري الروتين ومنها تحس أم زوجك أنها تاج على راسك وصدقيني

الله يرضى عليكي
أم زوجتك تدعي لك
زوجك يقدر هالتضحية ويحس بعظمتك

صدقيني الصبر ساعة وبكره لما تفكري بهالماضي راح تقولي اااخ يارتيني سويت كذا وترا الدنيا فانية مافيها شيء يروح للقبر.

شاركي زوجك وخليكي كذا لأن اللي سويتيه شيء يفتخر فيه زوجك قدام أهله بأن عنده زوجة راقية مثلك

الله يسعدك .....وما الله بغافل عما تعملون .

[عابرون]

السلام عليكم

أتفق معك تحطين أي شيء في الغرفه المهمله حتى لو

قلبتوها غرفة ضيوف بس تري مالوا داعي تستأذنين لأن من كلامك هو مو معارض
وسالفة نومهم في غرفتكم صح هذا شيء خصوصي

بس بقولها لك والله يسامحني اللي ترضى تسوي كذا حتى لو أمه أو أخته أو أي وحده من قرايب الزوج يمكن لها هدف
لكن ماأنصحك تواجهينها أو تكلمينه بذا الشيء لأنه بيوقف بصف أهله

أكضمي الغيظ لعل اللي يحدث بعد ذلك أمرا

ودامك في بيت أهلك وقت النفاس أستغلي البعد المؤقت

وأستمتعي بوقتك وهو بيدبر أموره وتنحل إن شاء الله

أول سنه كثير يحصل بين أي زوجين كذا مع الأيام تتعودون وتعرفون طبايع بعض
الله يوفقكم ويصلح بالكم :22:

[جوج1]

الله يرزقك نتيجة صبرك صراحه
ويمكن زوجك انحط بموقف صعب
يعني مو ذنبه
لانه يبغى البر لامه
ومالقى غير هالطريقه
لو الغرفه الثانيه اثثتوها من قبل لايجون بكم يوم
كان انحلت المشكله في نظري
لكن انهم تعودو
فهذا غلط الام صراحه
لانه زوجك اكيد مايقدر يطرد
امه من غرفته وصعبه عليه يقولها
بس هي المفروض تحس
والله يرزقك الصبر
وزي ماقالو الاعضاء
جهزو الغرفه الثانيه
وافرشوها
ورتبوها
:نبض: