((يا جنس حوّاء هاتي الحق هالحين))

[القارظ العنزي]

القصيدة ((المجروحة))

يا جنس حوّاء هـــاتي الـحـق هالحين
من يصبر صبري ويـعـطـي الـحـق قلّي
عشرين عــــــام ومثلهن صبري سنين
وآخر مــطــافــي بالــصــحـــاري أمولّي
وش ذنبي عقب ذلك لو ننسى الادنين
اللي باعـونـي بـارخـــــص الناس كلّي
وش ذنبي لو نـبـحث عن مغـيزل العين
وننهل من الـمـشـروب واثـمـل واعـلّـي
وش ذنبي لو اني تـركـت الــقـوانــيــن
ما دام ما انخــــالــــــف عقيدة هل لّي
وش ذنـبـي لو دوّرت بـنـت الشيـاهـين
الـلـي تـنـسّـيـنـي اغـبـــونـي وذلّـــي
قل لـلـمـنـافـــــــق ابـو نـــيّــات وقلبين
ستر الهنوف اللي تـنـاسـت عطى لّي
اللـــــــــه خلقني خـلـقـــة ما لها اثنين
ولا شفت مثلي بالـخـلايــــق فطن لّي
وانا الصـبـور ومـذهـبـي يــقــبــل الـزيـن
الا الـخـيـانـــــة ما هي من مذهـب لّي
الـصــدق مـــنــجــاتـي بــكــل الدواوين
والـكــذب مـا احــبّــه ولـو فــيـــه ظـلّـي
ولو ربي ما نزّل ديــــــــانـــــة لـنـا ديــن
عـبـدت أنا الـــمــــبـــــــدأ بدقّي وجلّي

القارظ العنزي

[رويدا محمد]

ولو ربي ما نزّل ديــــــــانـــــة لـنـا ديــن
عـبـدت أنا الـــمــــبـــــــدأ بدقّي وجلّي

ما شآء الله مبدع أخي القارظ . . !
والله يكتب لك كل ما لك فيه خير
أحببت جدا هذه الأبيآت
تحياتي لك

[القارظ العنزي]

أختي رويدا محمد ـ أسعدني مرورك ـ وأنا كذلك حبيت قصيدتي وأحس أنها من أقرب قصائدي لي وهي ما تعزّيني في ظروفي ، ولولا القصيد ما قرنا على الصبر ، وها نحن نبثُّ ما عجزنا عن كتمانه طويلاً ، لعله يخفف من المصيبة . احترامي

[نجم ضاوي]

خابـرك يـا الفـارظ . . رجـلاً فطـين
لأصعب عقود المشاكل . . تحِلي

تطلب الحق من إللي لك مـودين
هزيتني وانـا جالس فـي محلـي

أنـا ادري إنك . . يا الشاعر حزين
لاتقول . . حط نفسك في محلي

قبلك انـا . . دارت فيني المـوازين
ذقت عـذاب الويل من قلب خِلـي

[القارظ العنزي]

الطين مثلي ما يتشكوى على الطين
يـشـكـي لـــــرب فـزعـتـه مـا تـقـلّـي
وجـهـة نـــظـــر نـقـلـتـهـا لـلـمـزايـيـن
ياللي تـشـرّه في قــوافــيــك يالـلــي
وان حليت الـمـشكـلـة بـظـرف يومين
مــانــي من اللي يصبر صبـر مـخـلّـي
غربت انا لديــــــــــــــار ربــــع عزيزين
والـكـل مـنـهـم بالـمـراجـــــل يـهـلّـي
وخـطـبـتـهـا عـنـقـاء وحــــوراء بـعينين
عـيـون حــر بــــالــحــبــاري مــفــلّــي
من زيـن حـظـي حـزتـهـا لـي زمـانـين
غصب عن اللي مـعـتـرض مبغض لّـي
وتـرى الـبـشـر يا صـاحـبـي بين ذنبين
ام حــســــــــود او حـــقــود مــغــلّــي

[ملااك ملوكة]

القارظ العنزي + نجم ضاوي


جمييله هي أحرفكما ..

ابدآع تتميزان به كل حين..

سلمت انآملكما الذهبيه ..

تقبلا مروري ..

تحياتي و ودي♡

[القارظ العنزي]

اهلين ملوكة اسعدني مرورك . اما الشعر والجو فقد ذهب به ابو ضاوي وتركنا نضرب اخماس في اسداس . ولا نقول الا . ذلك فضل الله اتاه ابو ضاوي والله ذو الفضل العظيم . احترامي

[الغيد]

الله عليك
ياويل قلبي القصيده تهبل
تسلم يمناك وصح لسانك وعلا شانك يارب
:ah11:

مااقول الا اني بانتظار القادم بشوق

تحياتي لسموك :ah11:

[القارظ العنزي]

يخليك ربي يالغيد ما حلاك وما حلا مرورك . كله من لطفك ما ننحرم منك . احترامي

[آلنـور]

مشاءالله ،
دائماً تمتعونا بالكلام الزين
صح لسانك القارظ

[نجم ضاوي]

القلب يشكي .. ولحالته تبكي العين
والـزيـن .. فـوق عـرش الغـرور متعلي

تشـدني يمـه مشاعر قلبـي والحنين
ليته يجرب ويعيش ساعه في محلي

وش حـال انـا ذايـب فـي حُـبـه سنين
قـول يا القـارظ ويش السـواه قُـل لـي

مسكـيـن قلـبـي .. قــد طــواه الانـيـن
حظـي رماني في درب شخص متغلي

[القارظ العنزي]

اهلين بالنور عودة سعيدة نورتينا وصح بدنك اختي احترامي

[القارظ العنزي]

نصيحتي يا صاحبي تطرب العين.......
..............في جولة بين الهناء والتسلي
وتنسى اللي ما يوم انشدت وينكم وين
بعها ودور لك في حبيب يهلي...........
...ينسيك اطعونك اللي هبت بك سنين
وتنسى القديم اللي هواهم يعلي .......

[عابرون]

هييييه >> تنهيده مع تصاقع الدله والفنجان

صح لسانك :22:

[القارظ العنزي]

صح السانك ... عابرون . اسعدني مرورك الكريم احترامي

[إحساس طفله]

ولو ربي ما نزّل ديــــــــانـــــة لـنـا ديــن
عـبـدت أنا الـــمــــبـــــــدأ بدقّي وجلّي

ماشاءالله ..
ابدعت ي العنزي قصيده قِمه فِ لخيـآآل ..
صح لِسـآنكك وَ أعتلا شـآنكك
انتظر جديدهه ..
لآهِنت .
:MonTaseR_11:

[القارظ العنزي]

هلا بك يالحسوسا أسعدني مرورك ـ تحياتي واحترامي

[صمودَ]

صح لسانك ي خي ماشاء الله عليكم انت ونجم ضاوي قصايدكم جميله استمتع بقراءتها



،
اكتبو فيني طيب قصيده عشان امدحكم كل مره :210:


،

[القارظ العنزي]

ابشر يا صمود بالقصيدة سوف تأتيك قريباً ، لا هنت على المرور والفكاهة الطيبة والتي تدلُّ على طيبة قلبك الكبير ـ احترامي