المساعد الشخصي الرقمي

مشاهدة النسخة كاملة : يمه...!


الاصيله
02-10-16, 01:16 AM
يمه فداك الكون واللي بهالكون
ويفداك كل الناس قاصي وداني

يمه عسى خاطرك ماهوب مغبون
من سالفة بعض العرب والزماني

عساي فدوه يَ بعدهم ويفدون
رجلينك وخطواتها بالمكاني

يَ سيدة هالكون بالعون بالعون
إنك على راس العرب بالحناني

فاقت تواصيفك يَ يمه هَل الكون
أنتي بشر مافيه أحد منك ثاني

متفرده بالحب في قلب وعيون
على مدار العمر والعمر فاني

كل الحواس إن نادت إلها يلبون
عيني وقلبي والعقل واللساني

وحقي عليكم يَ بشر كان توحون
وش قصة الحب الّذي في كياني

إن الدعاء مني يجي ثم تدعون
للي عطونا عمرهم بالثواني

الله يجعلهم قبل لايموتون
راضين عنـّا من صميم المحاني

وش عاد من شعرٍ بسيطٍ يوّفون
والله مايوّفا جزاهم سماني

وختام قولي ودي إنكم تصلون
على نبي القوم وافي المعاني

راقت لي

رويدا محمد
02-10-16, 01:26 AM
فاقت تواصيفك يَ يمه هَل الكون
أنتي بشر مافيه أحد منك ثاني

متفرده بالحب في قلب وعيون
على مدار العمر والعمر فاني


أبيات جدآ رائعةة
أحببت كثيراً هذهِ البيتين
شاكرةة لك طرحك يا غاليةة

الســاهر
02-11-16, 02:21 PM
ماراق لك راق لي ايضا
حفظ الله كل ام لاتزال على قيد الحياة
ورحم الله امهاتنا وكل ام رحلت عن هذه الدنيا


SEO by vBSEO 3.6.1