المساعد الشخصي الرقمي

مشاهدة النسخة كاملة : ( بقلمي )تجارب الايام


general
02-20-16, 03:12 PM
خاويت لي ثعلب وخاويت لي ذيب
و خذيت من هذا وهذا فوايد

الثاني أرقاني بروس المراقيب
والأول أوقعني بوسط المصايد

سايرتهم من شان فهم الأساليب
حتى خذيت من التجارب شهايد

حتى عرفت أطباع بعض الأصاحيب
وعرفت ويش أختار وقت الشدايد

ما كل من خاواك يرهي لك الطيب
ولا شك بالأجواد ناقص وزايد

رجلٍ على الشدات ماعنه تجنيب
ورجلٍ على الشدات خله محايد

ولا كل هقواتك مع الناس بتصيب
هذا على ماقيل علم الوكايد

كم واحدٍ تهقابه الطيب ويخيب
تقول ما عنده سلوم وعوايد

وكم واحدٍ تطوي به الجرح ويطيب
في ساعة الشده وسيع البنايد

هذا حصاد الفكر بعد التجاريب
و تجارب الأيام تعطـي فـوايد

آلنـور
02-20-16, 03:27 PM
الله الله
صح لسانك

MK_ASD
02-20-16, 03:37 PM
ما كل من خاواك يرهي لك الطيب
ولا شك بالأجواد ناقص وزايد

رجلٍ على الشدات ماعنه تجنيب
ورجلٍ على الشدات خله محايد


أختصرت المرجله في هذي البيتين ..

أنا أشهد أنك شاعر الموج منت شاعر الجاله ..
تحياتي لك و لشعرك الجزل

general
02-20-16, 03:51 PM
الله الله
صح لسانك

صح بدنك

شاكر لك مرورك

general
02-20-16, 03:53 PM
ما كل من خاواك يرهي لك الطيب
ولا شك بالأجواد ناقص وزايد

رجلٍ على الشدات ماعنه تجنيب
ورجلٍ على الشدات خله محايد


أختصرت المرجله في هذي البيتين ..

أنا أشهد أنك شاعر الموج منت شاعر الجاله ..
تحياتي لك و لشعرك الجزل

سلمت حبيبي هذا من ذوقكـ

شاكر لك مروركـ

حلم وآندثر
02-22-16, 06:25 PM
صح لسانك وعلا شانك
مجهود رائع كآنتم
تقبلوا مروري المتواضع
حلم وآندثر

الحب ذا غدار
02-22-16, 06:50 PM
صح لسانك ابدعت

كم واحدٍ تهقابه الطيب ويخيب
تقول ما عنده سلوم وعوايد

راقت لي

جميل

بنتظارك دوما

مررت من هنا

الجآدل
02-23-16, 04:13 AM
لله درك قصيده جزله ..!
حآولت البحث عن شطر كي اعلق عليه بشكل ..؟
خآص ولكن لم آجد الآ كلمآت فآقة الجمآل وقررت الرد ..؟
على القصيده بشكل عآم آحسنت ..!

تقبل مروري ..!

ملااك ملوكة
02-23-16, 09:58 AM
صك لسانك و علا شانك

كلمات في القمة

راقت لي . استمر بالتفوق الصعود


SEO by vBSEO 3.6.1