مساعده

[طُهر السمآء]

السلام عليكم ورحمه الله وبركاته

انا ماعندي مشكله قد مابغى مشورتكم
لان اهلي وصديقاتي ب الامور ذي مايتدخلون

المشكله هي احنا عندنا ع طول ملكه يعني مافيه فترة خطوبه
وماعندنا حتى شوفه شرعيه
يجي يخطب بعد اسبوع ارد الموافقه ع طول يتم التحليل وبعدين الملكه وتستمر خمس شهور الى سنه وبعدين الزواج

لاكن انا رافض الفكره تماما من كنت بالمتوسط اقول ابغى خطوبه بعرف الرجال واذا اقدر استمر معه او لا

فاقبل 6شهور انخطبت من واحد من نفس القبيله لاكن مو نفس العايله
قلت انا ابغى خطبه وابغى شوفه شرعيه ل اهلي واعرف احلا من املك عليه وبعدين مايعجبني واحمل بعدها اسم مطلقه
وشرطي تستمر الخطبه 5 شهور عشان اعرفه عدله بعدها نملك
اهلي واهله ماعترضو فاتمت الشوفه واعجبني وسوينا تحليل وتم التطابق
بعدها ب فتره بدينا مراسلات فقط ب الواتس يعني ماكلمه صوت ولا اشوفه ولاشي

المشكله عايلتنا اعترضو حيل بشكل ماتتصورونه
حتى شيخ عايلتنا يصير خال ابوي جاء لنا وقال ل ابوي اذا جبت ذي العاده لنا منت بناخي ولا انا خالك

صار لنا 3 شهور محد يجيينا ونروح ل احد
انا عارفه ان مو ميتين اذا تمت المقاطعه لاكن مهما كان
احسها باخطر ابوي لما اخوانه اصغر منه مايجونه لهم 3 شهور وهو بس جالس ب الدوانيه لحاله
وبخاطر امي لما زوجة خالي جابت ولد وشرت امي هديه وحلا وكيذا وراحت لهم مافتحو لها الباب
ظلت ساعه وهي عند الباب
واختي بعد كان في زواج بنت خالي وشرت اختي له وتجهزت وارسلت لها بنت خالي
قالت ابوي يقول لاشوفها تجي !!
صرنا كان مسوين عار مو خطبه
حتى خطيبي جاه البلا من وراي بعد
قبل شهر هو موقف ب الشرطه عشان هوشه مع واحد من العايله
لما سالته عن السالفه يقول يجاكر او شي كيذا لما نزلت له تضاربنا

انا الحين حتى لو ملكت عليه بيظلو زعلانين هم غصب يبوني اتركه
اهلي مو متكلمين ولما اخذ رايهم يقلون ذي حياتك مالنا شغل اختاري الي يناسبك وحنا معك

ابي شوركم والي يرحم والدينكم :MonTaseR_95::MonTaseR_95:

[همسة الروح]

تمت الموافقه

...

[العوجاء]

وعليكم السلام )
هلابك ) مبروك مقدما ان شاء الله )
ما عليك منهم اللي يبي يزعل من نفسه الوقت يرضيه )
لا تخلينهم يأثرون على قرارك )
اذا تبينه و يبيك خلي الملكه تتم ) و الله يوفقك و يسعدك )
الله يحفظ لك امك و ابوك )
:0741:

[جوج1]

وعليكم السلام
اهلين اختي وربي يوفقك ان شاء الله
انا انصحك تمشين تحت مبدا (خير البر عاجله)
دامك صلي استخاره واستخرتي
وارتحتو لبعض
احس فتره خمس شهورر كثيرهـ
واذا على الناس وجماعتكم
الناس عمرها مراح ترضى
اهم شي اهلك الي هم امك وابوك
ربي يحفظهم لك
ومردهم ان شاء الله بيكلمون ابوك
لان مو معقوله تكون كذا قطعة رحم
عشان سبب مالهم صلاح فيه
وهذي من خصوصياتكم

بس انصحك ياختي
تتمون الملكه على طول
ربي يوفقك ويتمم لك على خير

[مطر الفجر]

وعليكم السلام ورحمة الله وبركاته\
والله يا اختي انتي شجاعة ومنصفة
واحييك واهنيك على موقفك
تعجبني الفتاة اللتي تاخذ حقها وتحقق رغبتها
في مايتوافق مع الدين والحفاظ على نفسها
هذا حقك الشرعي وحق الرجل ايضا
والزواج هكذا على حظ بدون نظرة ولا معرفة
فيه ظلم لكلا الطرفين واتعجب حقا من ناس الى هذا الوقت
يسيرون وفق هذا النظام اللذي ما انزل الله به من سلطان
وتحكمهم العادات فقط وليس الدين !!!!
انتي لم ترتكبي جريمة انتي اردتي حياة واضحه
وصريحه بدون غش ولا خداع وهذه رغبتك وحقك الشرعي
وصدقيني ابقي متمسكة برايك طالما انكم تريدون بعضكم
من اراد ان يزعل فاليزعل اتمي الملكة وارمي بالجميع خلفك
هذه حياة وارتباط و من حق كل شخص اختيار حياته ومايريده
طالما انه في غير معصية الله
وبعد ان تتزوجي اجزم لك ان جميع بنات العائله
سوف يفعلون مثلك وستكونين فتحتي لهم
اول ابواب العدل في الزواج
و رجال اقربائكم اللذين يدعون انهم غاضبين منكم
سوف يزوجون بناتهم نبفس طريقتك وسوف تدور عليهم الايام
وستتذكرين كلامي هذا
انتي لم تفعلي خطأ ولا حرام ومن يريد ان يتكلم فاليتكلم
ومن اراد ان يقاطع فاليقاطع و من اراد ان يغضب فاليغضب
مصيرهم يقبلون الامر الواقع
هذا ليس تمردا ضد العادات والتقاليد
لكن ان كانت العادات والتقاليد تظلم المرأة والرجل
في مسيرة حياتهم نعم كوني متمرده واصري على رايك
لن ينفعك احد لا خال ابوك ولا اكبر شيخ عشيرة
على اساس ان تركتي خطيبك سوف يتقدم لك شاب اخر ؟؟؟
او هم يسعون لزوزاجك بشخص اخر وتصحيح مسار حياتك ؟؟؟؟
بئسا لهم قوم انانيون
الناس سيتكلمون عنك لا محاله ويقولون مالم يقوله احد
لن نقبل بها خارجه عن العادات وراها فلان قبل الخطبه
و و و من هذه الافكار المتخلفة للرجل الشرقي
طبعا البعض وليس الجميع
بل حتى انهم سوف يشككون بك وبشرفك وانك كلمتيه
او خرجتي معه
ان فسختي خطوبتك لكي ترضين الناس
فان الناس لن ينفعوك ولن يتزوجك ولن يتقدم لك احد
لاني ارى من خلال كلامك بان قبيلتكم تفكيرها سطحي
مع احترامي
لكن تساؤلي هنا لماذا عرف عنكم الجميع؟
من اخبرهم اصلا انك تتكلمين معه بالواتساب
او انه راك نظرة شرعية ؟
لماذا لم تبقوا الامر سرا بين اهلك واهله فقط؟؟؟
امه وامك و والده ووالدك
بدون اعمام ولا خوال ولا اي طرف
هذا ما حيرني فعلا
يا اختي اقضوا حوائجكم بالكتمان
ابقي مع من تحبين وليحميك الله
ويوفقك ويسهل امرك ويتم زواجك بكل خير
حاولي ان يتم عقد الزواج بسرعة
ثم بعد ذلك لكم حرية تاجيل حفل الزفاف
اهم شيئ تكتبون العقد الرسمي

تحيتي لك ....

[إحساس طفله]

طهر السماء حبيبت قلبي ..
معليك منهمم اعذريني قبيلتك متخلفه درجه اولى ..
وانتي ع صح والله وانتي عليك بأهل بيتك ..
خيلانك وعيالهم جعلهمم لا رضوو خليهم بيعرفون قدركمم ..
و الشوفه الشرعيه لازم تصير ..
كل القبايل عندهم شوفه شرعيه الا القبايل اللى مخهم مقفل ..
يختي انقهر من القبايل اللى كذا ودي اسوي مثل هتلر اسوي حفره كبيييييره واحط فيها كل قبيله
متخلفه واحرقهمم اقسسم بالله ايش التفاكِـر الخايسه هذي ..
لا والله الحمدلله احنا عندنا اهووون بكثيير ..
م اقول غير الله يكون بعونكك .. :رحيق::رحيق:

[آلمتفائله]

توكلي على الله ماسويتي شي غلط

طريقك صح والله يوفقك يااارب

عادات غبيه اخترعوها وماتاكلها الا البنت المسكينه

طنشيهم وارميهم ورا ظهرك

ولا ملكتي خل العرس عائلي عناد فيهم :Kq600697:

وقتها بيحبونك ويجووون يتميلحون يعنني لاتعطينهم وجه

توكلي وتزوجي هذا من ابسط حقوقك

[زبن بيك]

اول شي مبروك
نجي لموضوعك بالنسبة للمكلة اغلب البنات والشباب يخافون وقت الملكة
وانا جلست مع اشخاص مرة عليهم نفس المشكلة
المشكلة طلعت وسواس شيطان لا اكثر كون الزواج عفة للرجل والبنت
يعني احلام افكار تجي يمكن ويمكن ............الخ
ولا تجاملي على حساب نفسك واذا خالك شيخ مايفرض رائية انتي الي تبي تعيشين
والزواج متعه وراحة
استخيري الله لا خاب من استخار
واسال الله ان ينجلي الضباب عن افكارك وتختارين