مشكلتي مع البنات

[مشكلتي]

السلام عليكم ورحمة الله وبركاته
انا شاب عمري 22
مشكلتي وهي باختصار اني امل من العلاقات
يعني كل ما اتعرف على بنت اكون متمسك فيها بشده باول فتره
بعدها باسابيع امل منها ويتحول اعجابي وتمسكي فيها لتجاهل بعدين اخلق اي عذر عشان اتركها
وبنفس الوقت احس اني احتاج احد بحياتي وما افضل فكرة الزواج التقليدي ابدا ..

[همسة الروح]

وعليكم السلام

تمت الموافقه
___
حيياك أخوي

أول شيء أنت عمرك صغير
وثانيآ وأهم شيء أبتعد عن هذه العلاقات الخاطئه فهي الدمار
و التوجه لله سبحانه وتعالى
ومراقبة الله لك تجعلك تعيد النظر في أفعالك وتصرفاتك
فمشاعر الأخرين ليست لعب او تسلية !
واذا محتاج أحد بحياتك فلا طريق صحيح وسليم الأ الزواج
و أكثر من الأستغفار والدعاء

[دهؤؤررهه]

اجل لا تسوي علاقات خلك عاقل

انت ما تحتاج احد انت تحتاج تعديل في مخ ي شاطر

بنات الناس ماهي لعبه تلعب مشاعرهم لا تجيك دعوه تطيح ع خشمك


ما تجي زواج تقليدي اجل وش تبي مثل تركيا ولا امريكا

[أمير الأبجدية]

و عليكم السلام و رحمة الله و بركاته

الله يوفقك في حياتك

اخوي الزواج التقليدي مو سيء عشان ماتفضله

الحين جالس تتعب نفسك عشان تتعرف على وحده تتوافق معك

لكن صدقني بعد الزواج راح يتغير كل شيء

اتكلم عن تجربه

الزواج التقليدي اريح

انت اللي تتحكم في زوجتك

انت اضبط الامور بشخصيتك وقوامتك

و اسمع كلام همسة الروح بعد

كلامها طيب

تحياتي لك

[روزا]

واضح ماتحب الزواج التقليدي وانت كل مره
فاسخ علاقه ومن بنت ل بنت اتقي الله في حق غيرك
اذا انت متعود على كثرة العلاقات يمكن اللي علقتها فيك
ما حبت غيرك بالله كيف بكون حالها ونفسيتها
يالله كم بنت دعت عليك وانت نايم والله حقها راح ياخذه
منك بالدنيا او بالاخره , راجع نفسك وتوب
ومالك حل غير الزواج لاتقول صغير اصغر منك تزوجوا
اذا هذا حالك ماتقدر تضبط نفسك .
؛
موفق اخوي

[مطر الفجر]

تمل من العلاقات !!!
مع نفسك
انت لا يوجد لك حل
لانك تعرف الحلول وتاركها خلف ظهرك
استمر هكذا و ستتزوج فتاة مثلك صاحبة علاقات
او انتظر خبر احد اخواتك ستكون مثلك
وستفضح سمعة العائلة
و كما تدين تدان واعراض الناس ليست هينة .

[اللورد يحيا]

قال الله تعالى في محكم كتابه : ( الخبيثات للخبيثين والخبيثون للخبيثات والطيبات للطيبين والطيبون للطيبات )

تأملها ..

[نُقطه✿]

الحيّاه أيها الشاب لاتقتصرُ أبداً على الفتيات والعلاقات!!

عش حياتك وإستفد من عمرك بأشياء يرقي فكرك ويخليك ناضج فكرياً

وإن كنت بالمرّة ماتقدر تعيش من غير علاقات تزوج وان ماكنت قادر على الزواج
"فك بنات الناس عنّك وطبعك الملولي"

والأستاذ "لورد يحيا" كفى ووفى

فإنتبه لكل خطوه تخطوها لأنك كذا ولا كذا بتاخذ وحده على شاكلتك :5:

[جوج1]

وعليكم السلام
اخوي انت توك في بداية عمرك
وغلط الي تسويه
اكثر من الصلوات
واذا انت تقول تبغى احد في حياتك
اشغل نفسك
بأي نشاط
وحاول تلهى في امور غير العلاقات
لان حرام الي تسويه مع البنت
والله يهديك ويوفقك

[آخيل وطروادة]

وفي نهايه المطاف

تترك من تحبك

وتتزوج

من تحب غيرك

هكذا تكون النهايه .

تحياتي
آخيـــل

[عابرون]

لمن تتزوج أو نقول فترة الملكه

راح يتغير كلامك وفكرك جذريا

وتصبح جاد ومسؤل

بإختصار لإنك بتسلك طريق الحلال


‏"وأتق دعوة المظلوم"

تمل وتترك وكأنك لا تتكلم عن قلوب خدعتها

ومشاعر أوهمتها

أكثر الشباب اللي مايبون زواج تقليدي

بعد الزواج تلاقيهم مبسوطين ومرتاحين


‏"وعسى أن تكرهوا شيئا وهو خيرا لكم"

عندك أمك أو خواتك أو أي وحده تقربلك أعطها

مواصفات شريكة حياتك وهي بتدورها لك

أهم شيء تبتعد عن الحرام :22:

[صعفق طاش كندي]

عقبال ماتجيك وحده تعلقك مع اذانيك .. وتطفش منك وتترك

مثل ماتسوي ببنات الناس

[سآلفـَة قـ لمْ]

يا ولد اصحى الصاح ترى بالصاع

لك ام واخت وبكره زوجه وبنت ترضى احد يسوي فيهم نفس ما تسوي ببنات الخلق

اصحى اصحى تكفى وانا اخوك وتعوذ من ابليس
صل فروضك ولاتقصر في حق ربك

[عاشق الحرية]

يا معذب البنات انت ارحمهم بس....*

عندما ترى أن العلاقات كسلعة جاهزة للاستبدال أو التغيير... هنا تكون أنت تحتاج إلى لدغة قوية لتصحيح مفاهيمك الخاطئة...

صدقني أن بحثك لا يتعدى حدود إرضاء ذاتك غريزتك.. ولكن سرعان ما تتضح الصورة فيبدأ الملل ممزوجا بتأنيب الضمير... وهنا تكمن المشكلة مع علاقاتك

حاول أن تتذكر ان مشاعر الآخرين ليست حقل تجارب لك أو لغيرك

لك أن تتخيل مدى الدعاء الذي سيصيبك من قلوب ربما تكون اعتقدت انك على قدر من المسئولية تجاه الصداقة أو علاقة كانت تتمنئ أن تنتهي بزواج...

واخيرا مالا ترضاه على نفسك أو أحد أفراد أسرتك فلا تستبيحه على الآخرين

[متنحه]

آآؤؤيييلآآآآآآهه
م تخخججل آننتت
ؤؤل ي سسآتتر ممنكك
م ققصصرؤؤ اللي ققببلي

[A S M A A]

يا اخي كيف تمل ؟
اكيد رراح تمل
لان حلاة الحب حلااله
و استغفر ربك اذا ما عندك اخوات راح يكونو عندك بنات ان شاء الله كما تدين تدان :MonTaseR_1:

[سَآكنُ الرُّوْح]

اتوقع انت نزلت الموضوع لتتسلى
احمد ربك اذا في وحده بس طالعة فيك
ههههههه

تتسلى في بنات الناس بعدين تاخذ بنت عمك عساس ضامن بنت عمك ماكلمت غيرك
عقول متحجره

انتبه من المقوله ذي

من دق باب الناس دقو بابه وخلك من الحكي الفاضي حب وخرابيط
بالغرب ممكن عندنا يتسلى بعدين يحلف ماياخذها ليش لئن كلمت غيره
تقوله جيب دليل يقول اكيد كلمة غيري يبي لنا غسيل مخ عقولنا محتاجه لنظافه

[قيس]

علاجك الوحيد موجود في كلمة -إرتقي- ابحث كثير في ابعاد هذي الكلمه واعماقها يمكن تلقا علاج لمرضك واقرى سورة الافك وقرر هل انت من الطيبين او الخبيثين انت وحدك تعرف مانقدر احنا نحكم


وانتبه ترى الدنيا قصيييره :MonTaseR_166: