أختي وزوجها المحشش

[مشكلتي]

السلام عليكم
شكرا لادارة المنتدى على فكرة (مشكلتي)
احيانا الواحد يحتاج فعلا انه يتكلم ويطلع الي في خاطره
انا أكبر الأولاد وعندي اخت أكبر مني متزوجه من واحد راعي حشيش دايما يدخل عليها البيت وهو محشش وما يصلي وحالته حاله كنت اتواصل مع اختي باستمرار واقولها اصبري وحاولي تعدليه وأحيانا اسافر لهم رغم بعد المسافه فأنا في الغربيه وهم في الدمام ولاكن حاله ما تغير بل انهم فصلوه من عمله بسبب الحشيش واضطر انه يعيش مع اهله واخوانه في الجنوب , اعطوه اهله غرفتين وحمام
وفي يوم من الايام قبل صلاة الفجر دقت علي اختي وقالت الحقني هذا الرجال دخل علينا محشش واحنا نايمين وجلس يسوي حركات مي حلوه مع بنته (عمرها 14 سنه)
وهنا أيقنت ان العيشه بينهم صارت مستحيله خصوصا ان اختي قالتلي والله اني اكرهه وما اطيقه
قلتلها جهزي نفسك انا جاي اخذك وان كان زوجك رجال يمنعني , وكلمت اهله وقلتلهم انا اليوم ابغا واحد منكم يوقف قدامي , انا جاي اخذ اختي واولادها
فعلا جيت وللأسف زوجها شرد وما قابلني غير ابوه الشايب , وقلتله ولدك محشش وصابرين عليه سنين , وأهان اختي وجابلها النفسيه , وتراه تحرش ببنته ,
وانا باخذها الحين هي وعيالها , واذا ولدك يبغا شي خله يقابلني

بعد ما اخذتها وجبتها البيت عند اهلي كلمني زوجها وصراحتا كنت عنيف معه في الكلام وهددته , وعلى الفور طلق وبعد اشهر ارسلي ورقة الطلاق وسوت اختي حفله من شدة فرحها بالطلاق
والحمد لله دبرتلها وضيفه وامورها عال العال ولله الحمد

والآن جوني ناس يلوموني على الي سويته
وقالولي انه يبغى يرجع اختي

فما هو رأيكم ؟؟؟؟؟
وهل الي سويته انا صح ولا خطأ؟؟؟؟

[مسكك الغلا]

تمت الموافقه


..............


اقولك شي ونعم الاخ والعضيد
بالعكس اللي سويته هو الصح :32:

والمسلم لا يلدغ من حجر مرتين واللبيب من الاشارة يفهم
مالها في وجع الراس لا ترجعها دام حاله زي ماهي ودامها
كارهته خلاص مالها له رجعه


واستمع لبقية الاعضاء فربما لديهم رأي آخـــر

[همسة الروح]

اول شيء الحمد لله على سلامة أختك وأولادها
وتصرفك سليم وماعليك اي لوم
والناس اللي جالسة تلومك ( ماعندهم سالفة)
اتـوقع من قوم ظل راجل ولا ظل حيـطة
يعني وش بقى .. ؟!
دام زوجها على حاله لا ترجع له
لان وضعها بيرجع مثل أول ويمكـن اكثر !!
وعندها وظيفة تقدر تعيش نفسها وعيالها
والله يعوضها ويكتب لها مافيه كل خيير ،،،
خاصةً أنه مافيه اي جهه او قانون يردع هالأشـكال
والله يكتب لك الأجر ...

[آخيل وطروادة]

انظر يا ايه الاخ الشهم

انت فعلت الصواب 10/10

واذا اعدتها اليه فانت اصبح صوابك 10/0

وكاني احس تخوفك على تفكك الاسرة
وجلوس اختك مطلقه هو الذي يقلقك وليس
حديث الناس فانت رجل عطوف جدا جدا

فلا تجعل عطفك الذي انقذ اختك من هذا الرجل
هو نفسه يعيدها لنفس الخطاء ?

تحياتي
آخيـــل

[أمير الأبجدية]

تعال عطني راسك

لو انك عندي كان حبيت راسك

ياشيخ نعم الاخ ونعم العضيد انت فعلاً


الله يخليك لاختك و لاهلك و يسعدك

لا تلتفت للناس و كلامهم

لا يرجعها و لا هم يحزنون

اختي نفس مشكلة اختك

و فكيناها من زوجها وارتحنا

عسى الله يهدي كل واحد مبتلى بالحشيش

والحمد لله انك فكيتها منه

[MK_ASD]

الحمد لله على كل حال

أسئل الله أن يهديه و يرزقه من واسع فضله ..

لكن اذا كان وضعه ما تغير قول له خلاص مالها رجعه و اذا كانت اختك راغبه فيه لاززم يعدل وضعه ..

و اذا ما فيه فائده شوف لها رجال صالح غيره ..

الله يهدي النفوس

[شذى الورد]

جوز اختك مش من الرجال يلي بنزعل عليهم اول بتنلام لا طلقت اختك منهم
بالعكس انت عملت الصح ولا تخلي حد يأثر عليك أو يلومك
ما حد عاش الظلم غير اختك هالناس ما عاشوا حياتها ولا جربوها
واذا عشان الاولاد حياتهم مع امهم لحالها افضل مية مرة من حياتهم مع اب متل هيك
ربنا يخليك لها وتاخذ حقها وتكون سند لها بالدنيا

[3lOoSh.A.]

اخوي اول شي دامك تعرفه محشش كيف امنت على اختك معه وخليته يستمر معها ,, حكي تعديل قسم ماينفع ذا الزمن ,, غلطك الوحيد انك قلت لها استمري ,, والباقي الي سويته صح مليون بالميه بس المفروض من اول تبعدها عنه ,, الي يلومك مالك فيه والزم ماعليك اختك لو يوقف الكل ضدك خلك معها ,, ذا ماهو كفو ترجعها له , لو انه رجال م دخل رجال ثاني عند بنته ,, اختك بذمتك وانصحك ماترجعها ,,

الله يكتب لك الخير ولها

[حطام الذكريات]

الرأي الاول و الاخير لأختك

اذا هو تاب لله و ندم على ما فات

[وهم الاقنعه]

افضل ان لاتعود اليه
وانت فعلت ماهو الصحيح
وان شاء الله تتغير حياتكم للافضل






مررت من هنا

[الدانة]

وعليكم السلام ورحمة الله وبركاته

اخي العزيز ..ابغض الحلال عن الله الطلاق

بس كلنا نعرف ان الانسان مبتلى ..لربما زوج اختك مبتلى ويبي من يعالجه

اتمنى من اهله النظر في امره ..واذا هو تاب ورجع لربه

ولااختك قابليه الرجوع له ..ليش لا ..وتحطون شروطكم

مهما كان الابناء هم التضحيه ..ولازم نجعل لهم الاولويه في التفكير


واذا مو حابه ترجع له ..الله يعوضه من هو احسن منه


ولا تلوم نفسك كثير ..هذا امر ربك ..وهذا حكمته

والله يرزقها ويريح بالها لما فيه خير لها ولذريتها


محبتك

[مطر الفجر]

وعليكم السلام ورحمة الله وبركاته
يا اخي الكريم لله درك
انت فعلت الصواب لا تشعر بالذنب
انت انقذت اختك وابنتها من وحش كاسر
لا يعرف لله طريق انتبه من ارجاعها له
قد ينتقم فيها بابشع الطرق
لا ثقه في اشخاص مثله اكرر لك انتبه ثم انتبه تعيد اختك له
حتى وان تعدل اخشى ان تكون خطه ينتقم منها ويعذبها
لا تخشى كلام الناس ولا تهتم لهم
وان كانت اختك مطلقه فهذا ليس عيبا ولا حرام
وان لزم الامر عليك ان تجد لاختك زوج اخر طيب
يعوضها عن مافات الله يسهل اموركم ...
احسنت وبارك الله بك

[ترياق مصر]

انه يتحرش ببنته يبقي انت مكنتش تبقي راجل لو مرجعتهاش بيتك وتبقي بتغلط لو رجعتهاله تاني حتة لو حب علي رجلها

[سَآكنُ الرُّوْح]

فعلتك صحيحه
بس له الحق يشوف اولاده اذا صحصح من اللي يبلعه
لاتحرمه من اولاده اذا طلب يشوفهم

[إحساس طفله]

قسم اهنيك ي الغالي على اللى سويته ..
انصحك قفل اذنك من كلام الناس .
اهم شي اختك مرتاحه معاك وتشتغل
الحمدلله ..
لا ترجعها

[Mr.Fawaz]

اللي سويته عين العقل
المفروض اهله يآخذونه و يعالجوه
حرام يخلووه ضآيع كذا
اسأل الله ان يرده لطريق الصواب
و يهديه لعيآله
اما بالنسبه للناس اللي يلومونك
طنشهم هم ما عاشوا اللي عآشته اختك و لا شآفوه
كلام الناس ما يخلص
و الله يعوض خيتك عن اللي عآشته

[جوج1]

وعليكم السلام

اخي بصراحه اهنيك على تصرفك
ونعم الرجال والاخ بصراحه
تصرفك في قمة الصواب
والرجال هذا ما امن نفسه على عياله
كيف بيحميهم من الغرب
ماعليك من الي جالسين يلومونك
والله يحفظك يارب
ويجزاك الجنه انك انقذت اختك من هالمجرم بصراحه
تصرفك جدا جدا جدا سليم
الله يخليك لاختك يارب
ويوفقكم

[آسيرة حرف]

وعليكم السلام ورحمة الله وبركاته

صاحب المشكله قبل كل شيء حابه اقولك
انت ع صواب
والناس سوسه مدسوسه لاتسمع لهم ابداً
محشش ومايصلي ومسوي حركات ميب زينه ولساتهم مسوين فيها
انهم طيبين ويغفرون
انت اللي سويته كله صح
باقي شي واحد
ترا جد اتكلم
اده كف لين يفقد سمعه من قلب الكف يكون
ولو يمدي تمردغه مردغه

الطلاق من قال انه ابغض الحلال عند الله ايه ابغض الحلال ولكن ليه ربي جعل
في مسمى الطلاق واحله الا لجل في ناس تطلق لان في حياه ماتسير
الا به
ابغض الحلال لمن يكون شاب اخلاق ومافيه شيء ومصلي وصايم
وتجي البنت تتدلع تقول ماطيقه ماحبيتو هذه ابغض الحلال عند الله الطلاق لانها
تطلقت بدون سبب وعقوبتها تحرم الجنه
والعكس اذا هو طلق زوجه اخلاق وحسنت التصرف لجل مارتاح او شيء سخيف
هنا ابغض الحلال الطلاق

قال تعالى (( ما احل الله شيئاً أبغض إليه من الطلاق )
وهنا يوضح نوع من انواع الطلاق وهو المباح الذي اباحه الله والسبب الذي تطلقت من اجله مقبول في نظر الشرع
وش بعد محشش
ومايصلي
والحركه الشينه اللي سواها مع بنته
اذاً اختك الطلاق لها حلال ومباح جعل ربي يهنيها مع عيالها ويغنيها عنه واذا بتعرس حقها وابسط حقوقا
والله يصرفه عنهم دنيا وآخره

اما انهم يقولون تصرفك غلط لا
قلت لك تصرفك عين العقل زين سويت به انت اخ ونعم الاخ
بس ناقصه يندج لين يعرف ان الله حق

وع شينه قوات عينه
لو مكتوب ع جبينه الى الجنه لاترجع له اختك حتا لو تاب وحفظ المصحف هذه مايستاهل احد يعفي عنه
يشوف غيرها
خلاص عيشت قشرا ماتنشرى هذه من وجهت نظري

وهذولا اللي لاموك يرضون ع بناتهم او خواتهم يكون بنفس موقف اختك
يرضون يتحملون العيشه مع بنت محششه قولهم كذا
اذا رضي واحد من هذولا الرجال اللي جو يكلمونك يصبر يعيش مع محششه وقتها عيين خير

تجي ناس تتكلم من راسها مسوين اهل خير وهم اهل الشر
صدق من قال قل خيراً او لتسكت

انت طنشهم كل ابوهم ولا عليك منهم
وبالله لو فرضنا سألت اختك حابه ترجعين بتقول لك ابااااااااو من جدك انت مستحيل ارجع
لا انا كذا حاسه مستحيل ترجع لذا الشكل
طيح الله حظه يستاهل

ع العموم تقبل ردي وعبق وردي مع خالص احترامي لسموك
آسيرة حرف

[اليمامة الليبية]

هذا إنسان غير سوي بالمرة..
فيه أب يتحرش بابنته .مش بعقله وماعنده عقل
الله يجبر بخاطرك.
ادعوله ان ربي يهديه ويصلح حاله .علشان عياله

[عابرون]

السلام عليكم

لا بالله أنشهد أنك كفو وسويت اللي عليك وزياده


ولو كنت أخوي كان أفتخرت فيك

يكفي أنه تحرش ببنته والحمدلله ماصار شيء


والناس كلامها مايخلص بكره تنسى

وإذا حسيت بتأنيب الضمير؟ شف فرحة أختك

وراح تحس أنك ماغلطت :22: