المساعد الشخصي الرقمي

مشاهدة النسخة كاملة : العطر واحد بس الاذواق شتان


azOoOoOoz
04-28-16, 01:21 PM
العطر واحد بس الأذواق شتان !!
........ ماكل شـي لا عجبكم عجبني

أنا أتعطر بالوله بعض الأحيان !!
........ وأحيان عطري ..شوق قلبِ غلبني


أتنفسه .. وأغمض إحساس وأجفان !!
......... وأبني وأهد.. وأرجع أهد وأبني


أعيش وحدي كن ماحولي إنسان !!
........ ولا أنخلق إنسان.. فـعلا جذبني


أستطلف ..أصحاب وحبايب وخلان !!
.... وفي..{لستتي}» عشرين قلبِ طلبني


وأنا طبوعي ....أفدي فلان وفـلان !!
....... وأقول : يكفي طيب قلبه وهبني


لكن !!! بكون أصدق دقايق علشان !!
........ماحـد يظن إنه.. بحبه سـلبني


أنا أجامل وأعتبر حولي إخوان !!
....... ومحـظوظ قلبِ بالموده كسبني


ما أحبك وأعترفلك و ولهان !!
...... ماعاد تغـري هالزمن روح يابني


حبيت لي مره .. وإلى اليوم ندمان !!
..... كبوة جـواد وطهر نكبني


وأرجع أكرر تجربة !! حب غلطــــــاآآآآآآآن !
..... جربتها ماحد على أيدي ضربني


وشلون تقنعني إذا منت خوان !!
.... وإذا قدرت تجيب .. راسي فجبني


ولاتحـسب إنك بالأبيات تنهان !!
..... تـرى شعوري ماكتبته كتبني


وأظن ماترضى ..أراعيك إحسان !!
وإن كان حكيي.. ماعجبك إجتنبني


أنا غريبه داخلي عدة أوطان !!
..... وذوقي غريب وبجد أحسه تعبني


العــطر واحد بس الأذواق شتان !!
.. مـاكل شـي لا عجبكم عجبني


أنا عطر شرقي معتّق.. من أزمان !!
.. ماحد على : كبر أمنياته ســكبني

بساام
04-28-16, 01:37 PM
اخوي الطيب عزوز azOoOoOoz المحترم..

كلمات روعة ولوحة في منتهى الجمال والابداع..

واسمح لي اسجل حضوري بهذا الابيات الرائعة:

العــطر واحد بس الأذواق شتان
مـاكل شـي لا عجبكم عجبني..

أنا عطر شرقي معتّق.. من أزمان
ماحد على كبر أمنياته ســكبني ..

رائع رائع..

فسلمت اناملك على هذه اللوحه الراقيه والمميزه الرائعه ..

ولك مني اطيب تحياتي واصدق تقديري ودمت بود وسعادة..

نادر
04-28-16, 06:31 PM
يعطيكم العافيه

azOoOoOoz
04-30-16, 05:12 PM
ياهلا ويامرحبا
نورتو الموضوع
:MonTaseR_112:

المريسي
05-02-16, 11:22 PM
كلمات جميلة

بس ما ندري مين الشاعر ما كتبت إسم قايلها

شكرا لك

تحياتي

مـولـي
05-04-16, 12:51 AM
لابأس⭐


SEO by vBSEO 3.6.1