المساعد الشخصي الرقمي

مشاهدة النسخة كاملة : علاقتي معه لاادري مانهايتها


مشكلتي
05-19-16, 07:44 AM
السلام عليكم ورحمة الله وبركاته
بليززز بليز آبي الكل يعطيني حل الله يخليكم مو جاييني نووم ولاشي وقلبي مرره يعورني وينغزني كثييييراش اسوي تعبت من التفكير وأختلاق الاعذار انا عمري 25 واحب واحد عمره 32. تعرفت عليه بغرض الزواج وهو كماان لاننا من موقع زواج وكذا
بااقولكم نبذه عنه : هو طيب محافظ ع الصلاه كريم بار بااهل
ه مره مرره ، موظف مثالي بعمله وكويس عمله ووظيفته راتبه زين المسؤول عنه أهله ،،،، يعني للامانه ماشفت منه شي يخوف لامقابلات لاصور لاكلام جنسي ولاغيره وأحسه فاهم وعاقل بهالحياه ،،، واذا تخاصمنا يجي هو يراضيني مع اني اقوله كلام مايتحمله الرجال ولو قلت لاي رجال مثله والله ييسحب علي بس ذا لا احسه مايبي يخسرني
عيوبه : فيه نوع من الكذب 💔 القى كلام تناقض احيانا
عصبيييي مررره مايحب يتكلم ع مشاريعه اللي يسويها اتفاجئ بعد فتره أنه مثلا سوا مشروع اي كان يطرح الفكره علي واكتشف أنا بعد فتره من الزمن أنه سوا هالشي اللي مخطط له أنا أحب الرجال اللي يشاركني بكل صغيره وكبيره ، واذا جيت اقوله يقول مااحب احد يدري اش اسوي حتى أهلي مايدرون ،،،
ياربي يعني مررره عصبي وعنييييددد زي الاطفال واذا عادنت يعاند زياده .. بس ارجع واقول قلبه حنننننووووووون وطيب مرا

نجي لموضوع الزواج طبعاً طبعاً . لي معه سنين مو سنه اوسنتين أكثر☹
قبل كنت أكذب عليه وأقوله أنخطبت ويعصب ووربي ماتوافقين وووو من هالهروج ذي!! ويوسلي افلام مع اهلي عشان مااوافق

صرت كل بعد فتره أكذب عليه ع اني البنت المزيونه اللي الكل خااق عليها😹 اصلا ولامره انخطبت الله يرزقني بس يارب بالخير وين ماكان

بعد فتره لما اكذب عليه بزياده أني انخطبت واعصب منه انه مايدي الموضوع أهميه يقول انا موجود تبين تتزوجين اتزوجي ماتبين أنا موجود وأنا أدري بقلبه يبيني بس هو عنده كبرياء فظييع !!!! شالحححل بهالشي


ثاني شي مثلا يجلس اسبوع يكلمني او فتره ونكون سمن ع عسل فجاءه الا مايكلمني اخاف منه والله اوسوس اقول يمكن يبي يتزوج او شي او معاه غيري
واذا جيت عاتبت يقولي ابوي تعبان ولامي مريضه لاتحسبي اني ع الجوال 24 ساعه
ياربي فكره تودي وفكره تجيبني مرره تعبت

مستحيل يقولي شي ع اهله حتى اسم ابوه ماعرفه واذا سألته يقول خصوصيه
هذا بيجلطني وربي سكت ماقلت شي والله بس الايام توضح لي لكن مستحيل يطري اهله لابخير ولابشرر
وهذا الشي يخوفننني
وربي خايفه مممره نزلوا موضوعي يااداره

أش اسوي اش اسوي حاولت ابعد عنه مالقى نفسي الا مرسله له وادري حراااام بس ماني عارفه كيف الحل والله تعبت
نفسي أتزوج خلاااص وربي ابي الحلال☹😔 اش اسوي خاصموني عادي اعتبروني بنتكمم

عاشق الحرية
05-20-16, 12:17 AM
تناقض... تقولين له كلاما لا يتحمله احد غيره.. وبعدها تقولين عصبي

لايهم.. العلاقة مبنية على الكذب والتزوير

وكل شيء غير دقيق هنا مجرد كلام يقال وكأننا بقصص من الخيال

عموماً لا أريد أن أطيل فخير الكلام مآ قل ودل

نصيحة إذا لم يتقدم لخطبتك ويظهر بعضاً من صدق نواياه.. ارفعي نفسك من مستنقع علاقات الأكاذيب

على متن التمني
05-20-16, 02:54 AM
يعني انسان بهذا العمر وبهذا المستواى المادي والأجتماعي وش اللي مخليه للحين ماتزوجك دامه يحبك واقف بطريقك بزواج "
مافي الا تفسير واحد"
كذاب وجالس يقضي وقت لاأكثر "
وربي يسعدك ويبعت لك راعي النصيب:MonTaseR_137:

روزا
05-20-16, 03:04 AM
,

الحل تبعدي عنه واضح يعبي وقته بوجودك
فكرت انه بيتزوجك هذي شيليها من راسك اختي
مستحيل الرجال ياخذ وحده تعرف عليها ويكلمها
واذا ربي كاتب لك زواج بيجيك نصيبك لعندك مايحتاج
تجري وراه ولاتتعبي عقلك بفكرة الزواج وحاولي تشغلي
نفسك بشئ يفيدها بدنياه واخرتها ..#
الله يوفقك اختي ويسعدك .

معزوفة مشاعر
05-20-16, 04:25 AM
حبيبتي ترا توك 25 ليه مستعجل عالزواج عيشي دنياك واعملي لاخرتك ترى ان كان مقدر لك انك تنخطبي راح تنخطبي وايش يدريك يمكن لو ابتعدتي عن الحرام (مكالمتك له حتى لو رسايل حرام) تنخطبي بسرعة بعدين على كلامك عنده جميييع المقومات اللي تساعده على الزواج ومو ناقصة شي فهذا اما متزوج ويخون زوجته او لعاااااااااااااب ومايبي يتزوج

بعد فتره لما اكذب عليه بزياده أني انخطبت واعصب منه انه مايدي الموضوع أهميه يقول انا موجود تبين تتزوجين اتزوجي ماتبين أنا موجود وأنا أدري بقلبه يبيني بس هو عنده كبرياء فظييع
اذا صار مايديك وجه لما تكذبي عليه فهو اكيد انتي مو مهمة عنده او غير مبالي او عنده حت لو انخطبت في غيرها 1000 بنت
وبعدين كيف راح تزوجي واحد يكلمك ماتخافي مستقبلا انه يكلم غيرك حبيبتي اببعدي عنه وابعدي عن هالطريق اشغلي نفسك بما هو انفع لك واصلح في دينك ودينياك لاتوسوسي تراك توك شباب لييه تجري ورا الشباب عشان تزوجي ابعدي عن هالطريق اصلح لك
وماقوول غير الله يهديك ويوفقك

مطر الفجر
05-21-16, 02:28 AM
وعليكم السلام
لا تكوني غبية ولا مغفلة ولا يسهل الضحك عليكي
باختصار هذا كذاب واستغل تواجدك يتلاعب بمشاعرك
الشخص الواضح والصريح من البداية
سوف يعرفك على اهله ويعرف اهله عليك ويقول لك
هو من عائلة من وابن فلان ويعطيك مقر عمله
واسمه وفي اي مكان يتوضف او ياخذ رقم ابوك لو كان جاد
خاصه وان لك سنين معه ؟؟؟؟
اسالك بالله سنين ولا تعرفين عنه شيئا حتى اسم والده ؟
هل انتي بكامل قواك العقليه تضيعين وقتك وعمر
ك في شخص تافه كهذا ؟
والمصيبه انه عمره 32 يعني ليس مراهق
وليس بحاجة الى ان يقول ليس لديه مال
وما هو السبب الذي جعله يدخل موقع زواج ؟
وهل اهله على علم بذلك ؟ الاجدر بك ان تساليه وتسالي نفسك
افيقي من سباتك يا اختي ترى حياتك لا تتوقف على الزواج
وهو يلعب باعصابك لانه يعلم انك تعطينه فوق حجمه
وتبررين له وتراضينه لو زعل وهذا الذي يريده
هو ان تدارينه وتطلبين رضاه
وهذه تصرفاته بداية لكي يسحبك بطلباته اولا صوت او صوره
وان لم ترضي سيكون يفتعل الزعل والغضب ولن يكلمك اساببيع
الى ان تضعفي لانك لا تريدين ان تخسريه وتقومين بمايريده هو
اقسم لك انه كاذب ومحتال وماكر
فكري في والدك وعائلتك الناس والزوج لن ينفعونك ابدا
اسحبي عليه فجأه وبدون ان تقولي له كلمة واحده
وابتعدي عن كل الدنيا والجأي الى الله
هو وحده من يدبر لك الامور ويعلم ما الخير لك
احبي نفسك فقط وكوني قوية لاجل والدك وعائلتك
تحيتي لك ....

دُرة
05-21-16, 02:49 AM
انا لا أرى معنى للحب في هذي الصفحه !
اصلا من الاساس طريقة تعارفكم غلط من موقع لزواج؟!
ابسالج سؤال وابا عقلج يجاوب مو قلبج تمام ، هل أنتي متوقعه شاب سيتزوج فتاه عرفها عبر موقع زواج ؟!! او كلمهاا من اي موقع للامانه جاوبي بعقلج؟؟ ، باجر لو جاتج بنتج تقول اني بتزوج واحد عرفته عبر موقع زواج هل ستشعرين انه فعلا جاد ويبي يتزوج من بنتج؟
ياقلبي مافي ريال يتزوج وحده كان يكلمها وحتى لو تزوج ستعيشين في شكوك طول حياتك اما ان هو يشك فيج او انتي تذبحج الغيره وتشكين فيه صدقيني لان سبب التعارف كان غلط ، نرجع للعمر انتي صغيره وتفكرين واحد عمره بالثلاثين ويمنعج من فكره الزواج حتى لو كنتي تكذبين دامه يمنعج ليه مافكر يدق بابك ويرتاح ويريحج ؟! اصلا لو هو ريال ماكان للحين ماتعرفين ولد من ويشتغل وين هذا دليل قاطع ان مستحيل يتزوجج عشان باجر لو امه خطبت له يقدر يهرب منج بكل سهوله وعرفج من الموقع لان كان فعلا يبا يكلم بنيه ولا لو صدق يبي الزواج كان طلب اهله يدورون له وحده يخطبها هو يبي يتسلى وبس اصحي من أحلامج ادري كلامي يمكن يجرحج لكني ادري انج مقتنعه بكل كلمه تقرينها منا لكن ماتقبلينهاا لانج تقريين الكلام من قلبج مو بعقلج اتركي قلبج يرتاح فهو لا يستحق ان يعيش تجربه حب مزيفه باجر تتزوجين ولد الحلال اللي يستحق هذا الحب وتنسين هذا الشخص ، اذا تبين نصيحه مني ابعدي عنه غيري رقمج وأقتربي من الله كثير كثير ورددي دايم "اللهم أنزع حبه من قلبي وأبدلني بحب أطهر واصدق منه"
الله يسهل امرج ويسعدج وين ماتكونين :19632-::19632-: ~

الدانة
05-21-16, 03:30 AM
وعليكم السلام حبيبتي


تبين نصيحتي .. ابعدي عنه ... وهالمواقع لاعاد تدخلينها ابد

اقطعي علاقاتك .. ولا تتحسفين كلش

وعسى الله يوفقك

خالــKSAـــد
05-26-16, 12:30 PM
1- عصبي

2- كلامهـ متناقض

3- ما يقول لك اسم اهلهـ

4- تعرفتوا عن طريق موقع زواج ..


شوفي يا بنت الناس .. العاقل عاقل .. والأحمق أحمق .. لما الشاب يتعرف على بنت ويعرف إنها وإسمحي لي على الكلمهـ " غبيه " هنا يبدأ يتفنن .. ولو هو من الاساس يبغى زواج كان كـ حد أقصى أسبوع وهو عندك .. هذا لعاااااب وعرف " من أين تؤكل الكتف "


إذا ما عندك كرامهـ وشايفه نفسك جدا رخيصهـ للدرجه هذه .. فــ خليك معاهـ وخليه يكمل خدااااعك حتى تقولي بس ..


وهنا السؤال ..


متى راح تقولي بس ؟!!!


SEO by vBSEO 3.6.1