يوميآت سآرة ..! [الأرشيف] - منتديات مسك الغلا

sara mohammed

06-09-16, 05:24 AM

صباح الخير

بصراحه انا عندري موضوع و حابه اخذ رايكم فيه
إلي يقدر يفيدني يقيمني و انا ارد بالتقييم هنا

انا عندي شخص قريب لي و عزيز على قلبي
اهو الحين في سن المراهقه و سنالمراهقه معروف انه متع ولازم الواحد يتراقب فيه بس بشكل محدود بشكل ان ما يخلي الشخص ينفر منه
بس هذا الشخص من البدايه لا يهتم بكلام احد و حتى لو تكلمت له و نصحته مايرد عليك ما يناقشك ما يتكلم مثل الجماد
من كم يوم كنت طالعه و مرت سيارة من جنبي عرفت ان اهو إلي يسوق السيارة و كانت بسرعه جنونيه بشكل مرعب
نصحته تكلمت معاه ابيه يناقش ايه يتكلم ابيه يعصب يتنرفز من كلامي ابيه يرد علي يتفاعل معاي بس لا حياة لمن تنادي
ف المدرسه مطنش كل شي بس لو اهو يبي يحط باله لدراسه يكون من الناجحين كل سنه
محيرني و حير اهلي كلهم بودنا نساعده بس اهو صاير ما يسمع لاحد
عايش حياته طنش كل شي تطنيش حتى كلامنا معاه صفر ع الشمال ولا ياخذه بأهميه ولا يتكلم بجديه ابد

احس إني فقدت الامل في انه يعتدل او تصلح حاله

إلي يقدر يفيدني بشي يقيمني او اي شي و انا ارد عليه هنا

تمسو على خير
و صيام مقبول بأذن الله

sara mohammed

06-13-16, 04:55 AM

ربّي إني أسألك أن تُريح قلبي وفكري، وأن تَصرف عني شتات العقل والتفكير، ربّي إن في قلبي أمورًا ﻻ يعرفها سواك فحققها لي يارحيم ياكريم

sara mohammed

10-10-16, 12:38 AM

السلام عليكم
رجعت من جديد

احياناً الدنيا تعطي دروس قاسيه جداً
من اسبوع انحطيت في موقف لا احسد عليه
للاسف ما اقدر اكتب عنه شي
بس تعلمت منه اشياء كثيره
و اتمنى اتمنى من جد يرجع كل شي طبيعي فيني و اقدر اتعدى الشي إلي صار

sara mohammed

10-13-16, 01:35 PM

يا رب .. عفوك لما فات ؛
وحسن تدبيرك لما هو آت .. !!

:in_love:

sara mohammed

10-15-16, 01:52 AM

صباح الخير
في شي بكتبه توه من اسبوعين صار لي
انا ما بقوله بالتفصيل

بس تعرفون شعور إلي كانت تشوف العذاب بعينه و كانت لدرجة ان الايد تنرفع في وجها يداية موجة ضرب و تتراجع
شعور ما اقدر اوصفه لان مافيه شي يجي بهالتعامل
و للاسف ان هالاطباع الخايسه في بعض قلوب الناس عامه
شعور ان كل ليله انام بصياح مو من الضرب لان ما انضربت
بس رفعة اليد في الوجه و فيه طرق اعدل و احسن من هذا التعامل يخليني بعيده عن الشخص مليون مره و كل البعد

من اسبوعين صارت سالفه
الغلط علينا ثنينا
بس كنت احس براحه وما احش براحه فس نفس الوقت لان الشي إلي صار خلى هذا الشخص تنزل دمعته لان ياما و ياما نزل دمعتي معن ما كان بودي الشي يصير
الشخص هذا وقف مع اهله ضدي في وقت انا كنت محتاجته بدل ما يوقف مع اهله ضدي
تآمر وياهم علي قالي الشخص انا ادري ان فلانه بتقول لك هالكلام بس ما ادري متى
طيب ي هااشخص ليش ما عطيتني خبر ليش ما قلت لي و تخليني مغفله
4 ايام بعد السالفه كل ليله انام بصياحي احاتي شبيصير بكرا

وضعي حالياً
اعيد اعيش الحباة من جديد لعلى و عسى يكون فيه تطور بشخصه و بنفسهو يترك بعض الاطباع إلي مالها داعي

فضفضه من قلب
لاني قلب متعود ع الكتمان

تصبحون على خير :MonTaseR_1:

sara mohammed

10-16-16, 12:42 AM

اليوم كان يوم صعب بكل مافيه
بدايته كانت حلوه و النهاية كانت مره

كله عصبيه في عصبيه هذا يصارخ و هذيك تصارخ ووووو الخ
احس نفسي ضايعه بقوه
حياتي انقلبت 360 درجة
ان جيتها يمين كشرت في وجهي و ان جيتها يسار صفعتني
مافي حل وسط ابداً

سبب تسجيلي ف المنتدى و إني ابتدي مشاركاتي إني افتح مدونه عشان افضفض هنا
لان طبعي كتوم و كتوم بقوه
بس ان شاء الله ادا تخرجت هالسنه من الجامعه بحاول اشارك في قسم التصوير و اوريكم ابداعاتي

دعواتكم ي جميلين

sara mohammed

10-16-16, 01:18 PM

لاولاد لهم اهتمامات وهوايات واذا حصّل الولد من يشجعه لما يحب فرغ طاقاته فيها واذا ما حصل تجدينه يتخبط ويتصرف في اتجاهات عمياء بلا دليل وبدون معرفه. حاولي تبحين عمّا يحب ويهوى وتشجعونه عليها << شكراً ع التقييم معن ما ادري منو إلي قيمني ههه

ثانياً احنى او بالاحرى انا و اخواني امي و ابوي ما كانو قريبين منا ابداً ابداً ابداً
كانو لما يشوفو الخطأ يعصبون و يشيلون الدنيا
يعني غصب الواحد ينفر منهم ما يجونا بالحنان إلي نحتاجه احنى منهم
هذا إلي خلى حياة اخوي كذا حتى لو كنت انا قريبه منه يحتاج رجال يكون جنبه
ف الاخير كلنا صرنا ضحايا للعصبيه

شكراً ع التقييم مره ثانيه
بس ياليت توضحون لي من انتم عشان اعرف اشكركم

sara mohammed

10-17-16, 12:57 AM

- أشبعوني قرباً فَ يوماً مَ سأرحل عنكم دون ودآع ♡ :”) !

هذي الرساله لو اقدر اوجها لشخص المقصود كان ما ترددت ولا ثانيه في توصيلها :(

sara mohammed

10-17-16, 12:59 AM

ليس كل ما انقله هنا يعني إني اعيشه
انقل ما يروق لي

و إلي انقله و هوه يعنيني سأعلق تحته

sara mohammed

10-17-16, 07:54 AM

:ورده:
صباح الخير
اليوم قاعدين بكير

الشي إلي اتوقع إني ما قلته
انا متزوجه من رجال مكفيني عن الدنيا كلها و عندي ولد
اهم دنيتي كلها

sara mohammed

10-17-16, 08:06 AM

احلى شي في القعده بكير
انو اقعد احمل محاضراتي و احل مناقشاتي و واجباتي

عشان ارتاح بعدها

sara mohammed

10-17-16, 02:46 PM

‏عندما تعجبني . عقلية احدهم س تعجبني ملامحه مهماا كانت

عشت تجربه مماثله للجمله هذي
و للحين اتذكرها و من احلى التجارب انك تعرف اشخاص عقلياتهم جميله اسلوبهم جميل منفتحين ولكن بحدود
و لساتهم في ذاكرتي وما اتوقع انهم بيطلعو منها في يوم من الايام ولا بشكل من الاشكال
و لو اشوفهم كلمه وحده تكفيهم
اقول لهم اعقشكم بجنون :0741:

sara mohammed

10-18-16, 02:24 AM

في المدرسة يعلمونك الدرس ثم يختبرونك, اما الحياة فتختبرك ثم تعلمك الدرس

كلام سليم 100%

تصبحون على ما تتمنون :eh_s(21):

sara mohammed

10-19-16, 01:30 AM

اجمَل لحظہ هي أنَ يتحَقق فيَ النهَايہ مآصبرت ﻷجله

هذي جمله يتمناها كل من له امنتيات و صبر لين تحققت
و انا امنتياتي قاعدة تتحقق شوي ششوي و ما باقي شي و اوصل للي ابيه
وبس اوصل راح اعلمكم شنو كنت اتمنى
وفيه اشياء بأذن الله راح تصير لي هالسنه
اولهم تخرجي و قلت لكم عنه
و الباقي بس يجي وقتهم بقولكم شنو اهم

حبيت اكتب هالكم كلمه
و تصبحون على خير
و تصبحون على امنيات محققه بأذن الله
:MonTaseR_205:

sara mohammed

10-19-16, 12:00 PM

“‏جَميّعنٌٱ نٌعلم بّأنٌ قَرٱرٱتُ ٱلعقَل ۂيّ ٱلٱكثًر صِوِٱبّٱً وِمع ذٌلك لٱ نٌسًتُطٌيّع أنٌ نٌتُخٌلى عنٌ مٱيّخٌتُٱرۂ ٱلقَلبّ .”

القلب ثم القلب ثم القلب
لازم تصير اشياء في الحياة يتدخل فيها القلب من جميع النواحي
مثل لما يكون عندك شخص متى ما طلبته لباك
متى ما بغيته يسمعك حتى لو ما كان قدامك الله يخلي الجوالات اتصال و يكون جنبك احسن من لو كان قدامك
في اي وقت احتجته ما يردك
انا عشت فترة ما يقارب 3 سنين من عمري ما انساها مع شخص كان لي كل شي
الله يخليه و يطول بعمره و يوسع في رزقه و يخلي له كل غالي في حياته
دايماً ادعي لشخص هذا ما عمره اذاني ولا طلب مني شي و لو طلب و احتجيت على الطلب ما يقول شي
و بضل دائماً و ابداً ادعي لشخص هذا
و بسبب الظروف صرنا ما نشوف بعض يعني الشخص هذا فرد من العائله و الكل يعرفه
و اتمنى و اتمنى و اتمنى إني التقي فيه في اي مكان عااااام او في اي مكان بوجود زوجي طبعاً

احس نفسي صايره غامضه و بقوه
مدري شلي غيرني هههه
بس الاهم عندي إني افضفض

sara mohammed

10-20-16, 12:49 PM

سوف تنمو أحلامنا، ثم تغدوآ رغم شوك الحياآة زهرا أنيقا '♥

sara mohammed

10-25-16, 12:38 AM

السلام عليكم

اليوم مدري شفيني داقني الملل من كل صوب
سويت ملخصاتي ملازم و المفروض المفروض ابتدي اذاكر و خلاص يعني الشي صار جدي ما ينمزح فيه
بس وقتي كله ضايع
يعني حمودي ماشاءالله لا اله الا الله حركي و شيطون و مطلع لي قرون
و اي شي يشوفه عندي يجي ياخذه
محتاره في نفسي متى اذاكر ولله

بشوف وضعي من الحين لكم يوم ما ضبط
انا متربعه ف بيت اهلي اهو مع امي و انا اذاكر

و الله ايسر الامور
دعواتكم

sara mohammed

10-28-16, 01:26 AM

يجعلك من أساسيات يومه ، يستحق أن تبني له في قلبك وطناً يليق به 💖

كان في حياتي شخص صار كل حياتي كل دنيتي
وقف معاي نصحني علمني اشياء كثيررررره
شجعني ع الدراسه و الحمدالله سجلت ف الجامعه و انقبلت و من هذاك اليوم لليوم انا باقي لي هالسنه و بتخرج
اتمنى اسمع صوته و اشكره على تشجيعه لي و وقفته معاي اي شي احتاجه رنه وحده مني و يتصل على طول
ولا انسى بعد زوجي ما قصر في تشجيعي

دااااايماً ادعي لشخص هذا دعواتي ما توقف لما اتذكره
ماحد وقف معاي و ساندني و علمني و فهمني امور الدنيا غيره

الله يوفقه و يسعده و يزرقه و الله يجعل حياته سعيده

فضفضه ما قبل النوم

تصبحو على خير

sara mohammed

10-31-16, 03:45 AM

احس بالسعاده و الفرحه لما اشوف تقييمات تجيني كذا
رغم انزعاجي و هم المسؤلية من كل صوب
احس الهم مسيطر علي بقوه
مو عارفه انظم وقتي
حمود من يشوف عندي ملزمة اذاكر يجي يسحبها مني و يقومني تعالي العبي و تعالي بس المهم ما اخليه بروحه ومن ينام انا اكون خلاص دايخه و حالتي حاله

احترت مره في وضعي

و مره ثانيه شكراً ع التقييمات إلي تسعدني و تفرحني

sara mohammed

10-31-16, 04:49 AM

شكراً ع التقييم :x117: << معن ا اعرف من منو

و بشكل عام تقييماتي كلها ما اعرف من منو

يا ليت تقولون منو انتون عشان اعرف اشكركم

sara mohammed

11-03-16, 02:38 AM

مدري شذكرني بهالشي
بس حنيت لنفسي القبليه
ساره الي تقعد بروحها في الظلام و تقعد تفكر في هدوء
رااح الهدوء إلي اقعد افكر فيه
وحشني من جد
وحشني هدوئي وقت ضيقتي
وحشني هدوئي في الوقت إلي بكون افكر فيه عشان اتخذ قرار
المسؤليه اخذ كل وقتي
صرت ما افكر في نفسي كثر ما افكر في ولدي و زوجي
ساعات احس بضيقه مو طبيعيه بسبب تنقيصي في حق نفسي
ساعات اقول يا ليتني ما درست وفي نفس الوقت الحين الواحد بدون شهاده ما يسوى
دراسه و بيت و مسؤلية و زوج و طفل وقتي صار ملكهم مو ملكي

خاطري لو يوم واحد ترجع ساره القبليه
..

ثاني حاجه بسويها هالسنه على خير
بعد التخرج ان شاء الله بنحجز للحج انا و زوجي و بقضي فرض الاسلام
وبعدها فيه مشاريع غيرها تحسسني بوناسه و تفاؤل
بس بعد ابي اجلس في ظلامي الجميل

sara mohammed

11-05-16, 02:17 AM

تحتاج أحيانًا إلى لحظة هدوء بعيداً عن كل ما يَصِلكَ بالعالم .

تصبحون على خير :)

sara mohammed

11-05-16, 07:23 PM

صح كلامك
و شكراً ع التقييم :67:

sara mohammed

11-05-16, 07:30 PM

عندما يتراكم عليك كل شيء و تصل الى نقطة لا تتحملها احذر ان تستسلم ..ففي هذه النقطة يتم تغيير قدرك 💙..!

كلام سليم و سبق لي التجربه :19:

sara mohammed

11-06-16, 12:59 AM

مو شرط تعلمونه خلاص ، بيصير له درس وبيتعلم منه ، او خلي ابوه يشد عليه + بدايه طيبه

اولاً شكراً ع التقييم
ثانياً انا ادري انو فات الاوان و انا قلت لابوي هالكلام
و ابوي مو عارف كيف يشد عليه او يمسكه

بس في علومن حلوه و ان شاء الله اذا اكتملت قلت لكم اياها هنا

بس ادعو ان شاء الله كل شي يكون تمام

:بكى::crying:

sara mohammed

11-06-16, 05:57 PM

‏عندما نعرف كيف نتجاهل .. ‏من يستحق التجاهل
‏سنكون في مرحلة متقدمة من السعادة !
‏

طنش تعش تنتعش :crosscrusher:

sara mohammed

11-06-16, 11:27 PM

روتيني مسلي جداً يعطيني شعور حلو إني اكمل يومي

اقعد ساعات الصباح او ساعات الضهر
على حسب نومة ولدي
اخلص لي كم شغله في الشقه و اروح بيت اهلي اتغذى و اقعد اذاكر و ولدي حولي

طبعاً كل هذا بتصريح من الراس الكبير :29::29:

sara mohammed

11-07-16, 07:25 AM

صباحٌ يُشرق تفاؤلاً ويعزفُ أملاً و يكتبُ حروفاً جديدة للسعادة ،
اللهم بك أصبحنا وعليك توكلنا فـَ احفظنا أنت خير الحافظين <3

صبآحكم ورد ي ورود ../:110:

sara mohammed

11-07-16, 08:25 AM

الكلِمات الجميلة و الإبتسامات الصّادقة ، أشياء بسيطة ؛ تزيد الحياةَ حيَاه ❤

sara mohammed

11-07-16, 08:26 AM

سؤال ؟!
ليش ما اقدر اقيم احد
عشان مشاركاتي لسه قليله ولا وشش السبب بالضبط

sara mohammed

11-08-16, 11:40 PM

اعشق قراءة الروايات

طول الليل صغيري يلعب و انا من رواية لروايه
احس بصمت روايات كثيره هههه

و لازلت مستمره

^^
شي متواضع بس حبيت اكتب شي و اترك بصمتي و مدونتي من الاوائل

sara mohammed

11-11-16, 12:43 AM

أنْ يَكُون قَلبَك فَارغاً خَيرٌ لهُ مَنْ أنْ يَكُونْ مُمتلَئِاً بشَخص ﻻ يَشعُرُ بهِ .. !

جات ع الوتر الحساس

:eiwp:

sara mohammed

11-11-16, 01:04 AM

احس بضيقه مو طبيعيه

اليوم سمعت بخبر ضيق خلقي و بصراحه ما عرفت شنو اكتب او شنو ارد بالضبط

بس يلا الحمدالله على كل حال
اهم شي هم الحمدالله مافيهم شي و كل شي يتعوض

sara mohammed

11-11-16, 03:45 AM

لا أحد يفهم مشاعرنا بالضبط إلا الله. <3

رحمتك ي رب :(

sara mohammed

11-12-16, 10:22 PM

و يا حلات طلعة البر في هالجو

ترد الروح ولله

اليوم كان كله وناسه في وناسه

الحمدالله رب العالمين

sara mohammed

11-13-16, 07:06 PM

:MonTaseR_11:

فيس يدل ع التواضع

الحمدالله

sara mohammed

11-15-16, 02:19 AM

في شي بخاطري من زمان
خاطري بقعده ع البحر مع صديقاتي نفرفش و نسولف و نضحك
بس ادري انه شي مستحيل

ما اقدر اقول غير

الله كريم
:eiwp:

sara mohammed

11-16-16, 05:38 AM

تعرفون الواحد تجيه هفات وناسه و هفات ضيقه وهفات تجيب الهم

انا اليوم هفتي بضيقه
توني شايفه مشهد ف التلفزيون من مسلسل خليجي
كيف الام تهتم بشخص او بولد او بنت من اولادها و تعطيه كل شي اهو خصيصاً
احس انه قلب علي المواجع من جد
عشته بالتفصيل
تصدقون إني تزوج و عاده البنات الحساسات ليلة زواجهم يصيحون ومادري شنو انا لا بالعكس ما جتني الصيحه وشيتها لا ما جتني الصيحه ابد
وحتى لما امي حظنتني ما حسيت بشي ابد
ما تعودت بهالشي من امي
تعودت دايماً ع التجعم و الزف و التهزيء
كنت محتاجتنها و اهي ابد ولاهي صوبي ولا صوب اختي إلي اصغر مني
تعبت في هذيك المرحله مره
مرحله تكون الام قريبه من بناتها تاخذ و تعطي معاهم تسمعهم ما يخافون منها
^^
انا كنت عكس هذا كله امي بعيده عنا كل البعد كلياً كلياً
انا ما اتشمت بس انا تعبت من الشي إلي شفته منها
و الشخص إلي فضلته علينا اهو نفسه إلي كتبت لكم مشكلته هنا
مو قادرين يسيطرون عليه
عطوه كل شي من البدايه
ما يسمع كلامهم ولا يجيب خبر لاميو ابوي
ولما يتكلمون معاه يدخل الكلام من اذون و يطلعه من الثانيه
لدرجة ان امي كانت تضربنا عشانه
لدرجه ما تتصورونها إني كرهته

كلام كان في جعبتي و سدحته
:(

صباحكم برد و جو حلو و سهر

sara mohammed

11-16-16, 06:42 AM

يا هلا فيك ربي يحيك بينا

الله يحييك/ي

تسلمو:1:

sara mohammed

11-16-16, 05:47 PM

شكراً ع التقييم ي صاحبه او ي صاحبته

sara mohammed

11-17-16, 06:17 AM

صباحكم لقاء ” بخطى فرح ، بحُلم جميل و دفء أحبة

صباحكم جميل بآذن الله
:DsC00581:

sara mohammed

11-18-16, 04:08 AM

تدرون في شي بخاطري بودي انه يصير و بقوه بعد

بخاطري شي من شخص و يجي منه نفسه
خاطري من هالشخص يقولي قومي ي ساره بنطلع بروحنا و نتمشى و ووووووو الخ
محتاجه طلعه بروحي مع هالشخص و بقوه

النفسيه مره مو خوش
ضغوط مذاكره و مسؤليه وووو الخ
ابي مكافأه تجي منه اهو شخصياً
بددون ما اتكلم و اقوله ي فلان ابي اروح هالمكان او ي فلان بخاطري نطلع بروحنا
بس شكل هالشي ما بيصير الا ليمن تطلع روحي هههه

كلامن في قلبي سدحته هنا

:icon27:

sara mohammed

11-21-16, 12:51 AM

حبيت كلامك قريب من القلب .. | ورد

مافي كلام يطلع من احد عبث
شكراً ع التقييم

sara mohammed

11-21-16, 12:52 AM

بدأ العد التنازلي للاختبارات

دعواتكم ي حلوين

sara mohammed

11-21-16, 04:19 PM

ي مساء الخير

صحيح انو اايوم نومي مو شي
بس الحين الحمدالله مروقه ي سبحان الله :210:

اخذها فرصه حمادين نايم اقعد اذاكر
دعواتكم

sara mohammed

11-21-16, 04:54 PM

:0741:

sara mohammed

11-21-16, 04:57 PM

وحدها الأم من تَكنّ لإبنها العشق بلا مقابل، وحدَها من تقرأ عيْنيه وتعرفُ منها فرَحهُ ووجَعه. 💙

جعلني فدوه لك حمودي :0741::MonTaseR_205:

sara mohammed

11-22-16, 12:20 AM

بصراحه في كلمتين في بالي ابي اقولهم

بصراحه من بعد ما الناس قطعت المنتديات
هذا اول منتدى اشوف فيه النشاط و كأنه على ايام المنتديات اول
الله يدوم فيه هالنشاط يارب
و مره عجبني و ارتحت فيه و بأذن الله بكمل فيه

و شكراً ههه
:MonTaseR_222::MonTaseR_222:

sara mohammed

11-23-16, 09:54 AM

صباح الخير
صباح النوم القلق
صباح النعس

هذا وضعي حالياً:30:

sara mohammed

11-23-16, 06:15 PM

تغير الوضع لراحه النفسيه
لان خلصت كميه من المذاكره الحمدالله رب العالمين
عقبال الباقي:MonTaseR_183:

sara mohammed

11-24-16, 12:04 AM

اقولون ان بكرا ويكند
و الكل يفرح و يرتاح لانه ويكند

الا انا الويكند ما احبه
فيه بعض المواقف ترسخ بالقلب مستحيل تنسى بل تتناسى

ليلة بكرا يكون تجمعنا في بيت اهل زوجي
من قبل صارت بينا مشاكل و اهم سببها و تدخلو اهلي منهم امي و عماتي
إلي سووه موب قليل خربو علي فرحة زواجي مثل اي عروس تنتضر ليلة زواجها
صحيح اهلي ما قصرو معاي و وقفو معاي وما خلوني

لكن ما زلت و بضل قلبي شايل عليهم و انا لا تحسبت عليهم ولا قلت شي
لكن الله ما ينسى عبده و بالذات لما يكون مظلوم
انا وكلت امري لربي و اهو بياخذ حقي منهم

فضفضه شوي بما في قلبي
:DsC00581::قلب ازرق:

sara mohammed

11-25-16, 05:47 PM

يا حلات الطلعه البناتيه تجيب السعاده ولله

تغيير جو

صحيح انا الكبيره بس خواتي حلوه اعمارهم يعنس ينطلع معاهم
الله يخليكم يارب :x117:

sara mohammed

11-26-16, 07:20 AM

اللهمّ مغفرةً لكل الذنوب ..

صباح الخير ../

sara mohammed

11-26-16, 07:23 AM

لا تستطيع أن تبدأ فصلًا جديداً وأنت ما زلت
مصراً على إعادة قراءة آخر فصل مر بك في حياتك !

:32::32::32:

sara mohammed

11-26-16, 04:07 PM

انا اليوم فرحانه :(
اعشق المطر بجنون :16:

sara mohammed

11-27-16, 04:29 PM

البارحه وصلتني رساله من شخص
يطلب مني المساعده
و المشكله ان الشي موجود عندي و انا املكه بس للاسف ما اقدر اعطيه
اكره شي عندي شخص يترجاني بشي يبيه و اهو عندي وما اقدر اعطيه الشي هذا

ما بقول كسر خاطري لان الشي صعب صعب صعب صعب اعطيه
انتهى الحوار طبعاً بدون ما اعطيه بس انا كذا بالي و ظميري مرتاحين لاني ما عطيته
لان الشي املكه انا لي حلالي ما يتسلف ولا بأي طريقه

sara mohammed

11-28-16, 11:12 AM

اليوم التاريخ 28 باقي شهر بالضبط على اختباراتي

توفيقك يارب

sara mohammed

11-29-16, 01:07 AM

يارب راحه نفسيه لو يوم كامل

وضعي متعب قسم بالله

يارب انت العالم بما في داخلي عطني الراحه ي الله

sara mohammed

11-30-16, 01:35 AM

في ككلامن في قلبي بودي اكتبه هنا

من فتره بسيطة عرفنا ان اخت زوجي منومه ف المستشفى لان الجنين متوفي في بطنها
طبعاً احنى حريم اخوانها و حتى اخوانها ما يدرو بشي ابد
وش دعوه يعني لهدرجه صرنا احنى و ازواجنا غريبين عنكم
ولا خايفه من حسد مثلاً
ولله الحمد زوجي و اخوانه عندهم عيال
يعني بسم الله عليهم مافيهم شي او واحد منهم ما جاب عيال و خايفه من الحسد مثلاً
بما ان الحسد زايد

طبعاً انا تأذيت منهم بشكل مو طبيعي بس اروح عشان زوجي مو عشانهم
ف دايماً زوجي يوقف في صفهم انا احقره بس من داخلي اغلي غلي
المهم في النهاية يصير الشي لصالحي لان لو صار لي شي لازم اهو يعلمهم و يقول لهم
من بعد هالسوالف طبعاً قالي اذا كل واحد عايش حياته بالسر و بالخش و الدس انا بعد بكون مثلهم و اعظم
قلت في نفسي الحمدالله رب العالمين يوم انك انقرصت منهم
تعبت و انا احمل في قلبي كلام له بس بعد هالكلام كل شي طار

طبعاً اخته الثانيه هم حامل ولا عارفنا بالموضوع مدري شقصتهم عرفت من زوجي قالت له امه
ما عرفت كيف ابارك لها من اعرف ومن ما يعرف وش السبب في خشها هالشي
و صار موقف قدامي ختها تسألها سويتي هالاشياء عند الدكتوره اشرت ليها بمعنى اسكتي ان مرت اخوك ما تدري الا اهي انا
وش دعوه ولا بخطفه ولا بقتله مدري كيف افكرو بالضبط
الحمدالله و الشكر على هالعقليات

المهم ان إلي قررته انا بأذن الله ان ما راح اعلمهم بأي قرار اتخذه ابد
مخططين بأذن الله على اشياء واجد

إلي فهمته من الحياه معاهم
ان كل واحد اعيش حياته بروحه بالسر نا عدا الام و اخوات إلي يعرفون الباقي صفر ع الشمال
و انا بأذن الله بسوي مثلهم

مدري ليش دايماً خوات الزوج يبتعدو عن حريم اخوانهم شي من جد مقرف

خرخشه كانت بقلبي و سدحتها
تصبحون على خير :ah11:

sara mohammed

12-01-16, 07:48 AM

فلَرُبما اتّسع المضيق، ولربّما ضاقَ الفضا..
ولرُبّ أمرٍ مُحزنٍ، لكَ في عواقِبِهِ رضا.
صباح الخير 💛

sara mohammed

12-02-16, 08:38 AM

السعادة حقْ وَ الحُزن حقْ , فأعطِ كُلَّ ذي حقٍ حقه ..

صباح الخير .؛

sara mohammed

12-03-16, 01:10 AM

تصدقون فيه شي مميز بحياتي مستحيل تكتمل لي حاجه قبل لا يصير هالشي

سبحان الله سبحان الله مستحيل تصير لي حاجه و استانس فيها
لازم تكون قبلها هوشه محترمه بعدين تصير
كنت مستانسه ان هالشي بيصير وما صارت قبله هوشه
بس الليله صارت الهوشه

وضع متعب قسم بالله تعبت من هالشي مليت منه
كرهة حياتي و السبب هو

sara mohammed

12-04-16, 02:40 AM

الأشياء الجميلة في القَلب
لا تَعود صالِحة للإستخدام مرّةً أخرى،
حينَ يُفسدها الأشخاص الذين أحببناهُم

الناس إلي احبهم قاعدين يصدموني بأفعالهم
و اخر موقف صار لي البارحه شكلي بضل عايشه كذا بس للهواش و المشاكل و الكدر و الهم
طاقتي نفذت

sara mohammed

12-04-16, 03:17 PM

يارب ..
راحة بال لا تنتهي :(

sara mohammed

12-05-16, 01:07 AM

اليوم بصراحه يوم حلو و الجو حلو
رحت قضيت اغراض لعيد ميلاد حمودي
ما سويت له لما كمل سنه كنت اقول انه لسه ما يفهم و بيكون المكان فوضى و كذا

ان شاء الله بعد اسبوعين بسوي له العيد ميلاد و من الليله رحت و اشتريت كل شي عشان ارتاح
و عشان اقدر اوفس بين بيتي و عايلتي و بين مذاكرتي للاختيارات
ابتدء العد التنازلي باقس اقل من شهر
بس الحمدالله انا امشيه في مذاكرتي

و دعواتكم لي بالتوفيق

تصبحون على خير

sara mohammed

12-06-16, 07:25 AM

وفي الصّباح سعادة لا يدركها إلا المتفائلون <3

صباح التفاؤل و التوكل على رب العباد

sara mohammed

12-06-16, 11:50 PM

شي يقهر
لما تكون مخطط لشي و مستعد له و متحمس تسويه
و ف الاخير يجوك ناس اخربون عليك

ولله العظيم ما عمري جيت بقدم على شي اسويه الا لازم تصير لي سالفه قبله
ولله شعور جداً متعب
اكرهون الواحد يسوي شي
نفسي انسدت عن كل شي بسسويه

حدددي مضايقه
بروحي مضايقه عشان هالاختبارات إلي ابيها تبتدي و تخلص بسرعه

رحمتك ي الله

sara mohammed

12-08-16, 06:22 PM

مالي خلق اطلع لمكان
بودي انخش في بيت اهلي اذاكر

بس من الاسبوع الجاي بأذن الله اني منخشه في بيت اهلي اذاكر

sara mohammed

12-09-16, 01:39 AM

اليوم خلصت كمية محاضراتهالشي يعطيني شعور جداً جميل

و ماشيه ف المذاكره مثل ما ابي

و مرتاحه جداً
بكرا لزوم إني اطلع العصر
بس بعد العشا بنخش صحيح جمعة اهلي بكرا بس استغني عنها لمصلحتي

دعواتكم

sara mohammed

12-11-16, 11:30 PM

ماعندي شي اقوله

غير المذاكره ثم المذاكره ثم المذاكره

بس حبيت اسير عليكم
و اذكركم فيني :crosscrusher:

sara mohammed

12-14-16, 12:34 AM

تعب و صداع و كرف مع هالمذاكره

بأجلها لبكرا بأذن الله يكون المزاج رايق و بدون صداع و العفسه تبعه

sara mohammed

12-21-16, 02:17 AM

صباح الخير

رجعت لكم
وحشتني مدونتي
الاسبوع إلي راح سويت لحمودي عيد ميلاد لانه كمل سنتين
صحيح واجهتني عقبات و مشاكل شوي
ومن اقر الناس لي
لكن تم العيد ميلاد و كان حلو و اهم شي حمودي استانس

و لسه ما عندي غير المذاكره ثم المذاكره ثم المذاكره
دعواتكم
باقي اسبوع و ابتدي اختبارات
:MonTaseR_1:

sara mohammed

12-22-16, 01:49 AM

تعرفون بدون مبالغ
فيه ناس ممكن تكون مثلي
يعني تسمع لغيرها محد يسمع لها
دايماً امثل إني مرتاحه و سعيده و الناس او صديقاتي يفتكروني جد انا مرتاحه وووو الخ
ما درو شلي ف داخلي
و الشي إلي اعاني منه من و انا صغيره

لكن ماني محتاجه احد
ربي معاي ما يخيب عبد التجأ اليه

sara mohammed

12-22-16, 01:50 AM

سارة انا من متابعين مدونتك ان شاء الله - وربي يوفقك بدراستك

اتشرف فيك حبيبتي

الله يوفق الجميع يارب

sara mohammed

12-26-16, 01:29 AM

الله يستر بس
شكلي بزفت ف الاختبار من الحين

مو عارفه اذاكر من حمود
الخوف متملكني
اول سمستر يمر علي و اهو في هالعمر صاير عندي فرق ف المذاكره
ولله انتضر هالسمستر اخلص بفارغ الصبر

دعواتكم

sara mohammed

12-27-16, 07:16 AM

صباحكم فل و ياسمين

اليوم اول اختبار لي
و مادري شصاير إلي خلاني احلم بأختباري اليوم
استغفر الله

دعواتكم محتاجتها تكفوووووون

sara mohammed

12-27-16, 11:07 PM

الحمدالله رب العالمين
عدا اليوم الاختبار على خير

عقبال الباقي

دعواتكم

sara mohammed

01-02-17, 02:35 AM

بكرا عندي اختبار ثاني ماده عندي هالسمستر

دعواااااااااااااااااااتتكم تكفون تكفون
الدكتور شديد و الاسئلة شوي حقته معقده

ادعو لي و للكل ان الله يسهلها علينا

sara mohammed

01-02-17, 03:56 AM

اسمع من فتره و اشوف بعيني اشياء لها علاقة بموضوع انا امشي زوجي على كيفي

بقولكم شي انا جربته

في فترة خطوبتي اخو زوجي يجهز لزواجه
خوات زوجي دايماً كانو حاطين في بالهم ان حرمة اخوهم امشيته على كيفها و ان الحرمه ما تمشي الرجال بالعكس الرجال اهو إلي امشي الحرمه
المهم حطو في مخ زوجي هالفكره
لدرجة انهم كانو يتكلمون قدامي يقولون له لا تخلي ساروه تمشي كلامها عليك
يعني عيب حتى اسميما تقولونه بحترام وش قلة الحيا هذي

المهم جات فترة تجهيزنا للزواج احنى وفي بعض الاشياء تخص الحريم زوجي غصب الا يبي يمشي كلمته علي
المهم تصير بينا هوشات و كلام و مشادات كلاميه
طبعاً تنتهي انه يزعل و انا اسوي إلي براسي اشياء انا افهم فيها منه
بعد الزواج بعد ما سويت إلي براسي يجي اهو يقولي صحيح ولله طلع كلامك في محله

قلت له و بكل صراحه هذا كلام خواتك قبل الزواج إلي كانو يقولونه قدامي وانت ما ترد عليهم بكلمه

الحياه الزوجيه مو ان الرجال يمشي كلامه ع المره
الحياه الزوجيه تفاهم
في منها اهو يمشي كلامه و في منها اهي تمشي كلامها
انا واجهت مشاكل كثيره
وفي منها فادنيو في منها ضرني
بس الحمدالله على كل حال
المهم ان حياتي الحين ماشيه تمام ولله الحمد

طبعاً من بعد هذي السالفه الرجال يمشي كلمته ع المره و العكس صار ما يعطي لكلام خواته اهميه
عرف ان ماله الا مرته و بيته و ولده

هذا رد على إلي يقولو كسرو روس زوجاتكم ولا تعطونهم فرصه وووووو الخ
طبعاً اشوف نماذج قدامي واجد
بنات خالتي خير دليل لو ابي صرت مثلهم
بس ليش اهدم حياتي على شي تافه
واهم كل يوم و الثاني ناطين بيت اهلهم بسبة مشاكل مع ازواجهم
و الحمدالله زوجي مو مقصر علي بشي

اتلقى التعليق او اي رد على كلامي ف التعليقات او اي مكان عادي انا جاهزه ههههههههه

sara mohammed

01-02-17, 04:19 PM

يا مسهل كل عسير
سهل علي و على الجميع اختبار اليوم

دعواتكم القلبيه

sara mohammed

01-06-17, 02:15 AM

الحمدالله رب العالمين

خلصت 3 موواد باقي لي ماده وحده يوم الاثنين

و الحمدالله إلي اختبرت فيهم درجاتي فيهم مرضيه جداً
عقبال اخر ماده ان شاء الله اجيب فيها الدرجة إلي في بالي

sara mohammed

01-12-17, 08:48 AM

‏دعوة صباحية : ‏ربي بشرني بما يتمناهُ قلبي وأنتَ خيرُ المبشرين 🌿

sara mohammed

01-12-17, 09:51 AM

الحمدالله خلصت اختباراتي
و ان شاء الله ناجحه في موادي كلهم

و يبقالي السمستر هذا بس و اتخرج

:0741::0741:

sara mohammed

01-20-17, 12:19 AM

الحمدالله رب العالمين
اليوم طلعت النتائج
الحمدالله ناجحه فيهم كلهم
و علاماتي مره مره مره حلوين

و ان شاء الله باقي لي السمسار الجاي و اتخرج
ويا فرحة التخرج

الحمدالله رب العالمين

sara mohammed

01-25-17, 03:04 AM

ما شاء الله الف مبروك عليك وعقبال الشهادات العليا موفقه خير إن شاء الله

الله يبارك فيك
الله يسمع منك يارب

جميعاً يارب

شكراً ع التقييم

sara mohammed

01-25-17, 03:08 AM

صار لنا شهر انا و زوجي و ولدي مرضيني بعيد الشر عنكم

اول شي ولدي بعدين ابوه و بعدين انا انتقلت لي العدوى
المرض مره شي متعب
و انا لساتني الكحه مره مره قويه
و السهر المتعب
بس لكن كل شي بأجره
من ابتديت اجازه ما اترحت ابد

sara mohammed

02-07-17, 02:37 PM

السلام عليكم
من زمان ما كتبت شي
هالايام او بصفه عامه من زمان صرت اشيل هموم الناس و انا ابي من يشيل همي عني
لكن ربي معاي و محتاجه احد
اشكي له و اهو العالم بحالي

الحمدالله تم تسجيل اخر 3 مواد عندي هالسمستر و ان شاء الله متخرجه بأذن الله
شعور جمسل لما ادخل على موقع الجامعه و يقولي انت خريج هذا السمستر اذا نجحت في المواد المتبقيه
شعور اسرسح على القلب في هالشتاء القارص

وسلامتكم ي جماعه
فضفه من بعض ماعندي

مع السلامه:MonTaseR_197:

sara mohammed

02-07-17, 03:10 PM

من فهمت للحياه عدل
كنت دايماً افكر انو لازم اعتمد على نفسي شوي
طبعاً في المدرسه صارت لي مشاكل يا كثرها لين صرت مو طايقه الدراسه و حتى معدلي تزل مره
كان حلمي ادخل الجامعه و اروح و اجي مثل الباقي
لكن ما لقيت الا تحطيم فقع جبهتي تفقيع من اهلي
و راحت 3 سنين و انا قاعده بدون شي

ولله الحمد زوجي اهو إلي حمسني ع الدراسه و وقف وياي و ساندني
و الحمدالله هالسمستر بتخرج
راح الكثير وما بقى الا القليل
و الحمدالله بحقق حلمي معاه و زوجي من مؤيدين شغل المرأه و يقدر يوظفني حتى معاه في نفس الشركه في قسم البنات

و الله يكتب لنا كل خير يارب

sara mohammed

02-14-17, 05:42 AM

ما شاء الله الف مبروك عليك وعقبال الشهادات العليا موفقه خير إن شاء الله

الله يسمع منك يارب

sara mohammed

02-14-17, 05:51 AM

الحمدالله البارحه فتحو ايقونة استكمال بيانات التخرج
و الحمدالله تم تعبئة النموذج بنجاح

و الله يعدي هالسمستر على خير

sara mohammed

02-21-17, 04:41 AM

في موقف يعني كل إلي صار في الموضوع في البدايه ماله شغل بالي صار بنهايته

يعني عمي ابو زوجي فتح موضوع ليلة جمعتنا في يتهم انو ولده يبي يشتري تلفزيون يحطونه بالمجلس عشان لو جاهم احد
المهم صار سوء تفاهم و كبير كمان بين الولد و الام قدامنا كلنا كلنا حتى زوجة الولد موجوده
و تكلمو معاه خواته و قالو له ان ما يصير تكلم امك كذا سواء قدامنا او من ورانا و عيب احنا متجمعين نستانس او متجمعين عشان تصير مشاكل

ف النهاية انقلبت السالفه علي انا
بما ان خوات زوجي تكلمو مع اخوهم و قالو له ما يصير تكلم امك كذا ولا يطول اللسانك
قال لهم ليش إلي سويتوه في حرمة اخوكم شوي
وقاعدين تتكلمو لي عن العيب وما ادري ايش
طبعاً عمي ابو زوجي ما يعرف بالسالفه ابد
ف لما تكلم ولده وقال هالكلام انا سكته ما ابي مشاكل تعبت من المشاكل معاهم
قال عمي لا خليه يكمل وش هذي السالفه إلي انا ما ادري عنها ولا احد قال لي عنها
طبعاً خلى ولده يسكت و جا دوري بالكلام لانه سألني و حلفي اقول السالفه كامله
طبعاً انجربت اتكلم و عصب على بناته و على امهم بعد
انا ما ارضى على عمتي بولا شكل من الاشكال
بس اهو حلفني اقول الصدق
و قالت له كل شي

بصراحه
انا كان بودي عمي يعرف بالموضوع عشان يعرف حقيقة بناته المصونين و طبعاً عندي تسجيلات صوت لما كلمتني وحده من خوات زوجي
كنت مركبه لي برنامج يسجل الصوت مو متقصده هذا الشي
بس طلع في صالحي
المقاطع عندي كلها
و في نفس الوقت ما بغيته يعرف بالموضوع بهذي الطريقه

بغيته او ما بغيته اهو عرف بالموضوع
و انا ارتحت بشكل مو طبيعي لما عرف من زمان ابي هالشي

وسلامتكم
فضفضة بعض مافي قلببي الجميل
:blush-anim-cl::blush-anim-cl:

صح نسيت اقولكم شي
انا توقعت ان هالسوالف تصير في القصص و الروايات
ما توقعتها تصير في الحقيقه