أنا نادمه جداً هل أعترف له

[مشكلتي]

أتمنى ما ألقى ردود تجرح

أنا أعترف أني غلطانة و مره ندمت على ألي سويته

عمري 22 متزوجه من ولد عمي عمره 25 مر على زواجنا سنه وأربع شهور

الحمد الله أمورنا تمام لكن لابد تمر مشاكل بسيطه كأي زوجين


من قبل ثلاث شهور تقريباً زوجي أدمن السهر وصار نظامه فوضى يرجع من الدوام ينام للعشا ويطلع يسهر مع أصحابه

شبه يومي حتى أذا جلس بالبيت أغلب الوقت نايم وما يصحصح ألا على تسع قليل وورا


عانيت كثير من ناحية مواعيد مستشفى زيارة بيت أهلي الطلعة مع صديقاتي والمناسبات الأجتماعيه




لما قررت أعطيه دوا منوم يضبط نومه بدون ما يعرف

ساعدني أخوي هو طبيب وجابها لي أخوي في نفس عمر زوجي


كنت يومياً لأربع أيام على الساعة عشر فليل أعصر له عصير وأحط فيه الحبوب



جابت نتيجه لكن بعدها رجعت لهذي الحركه أذا كثر طلعات لأصدقائه أذا قرر أخر الأسبوع يطّلع معهم أستراحة



أنا ندمت على سويته لأنه من أخذني ما قصر معي يطلعني ويسفرني

أفكر أعترف له بس أخاف ما يسامحني

[معذب القلوب]

لازم تعترفين له عشان تكونين على بيّنه معه , وغير كذا يسمع منك احسن من يعرف من غيرك بعدين يزعل او تصير سالفة ف الافضل يسمع منك انتي ف قولي له بسرعة تجنباً للمشاكل ولاتترددين

[مطر الفجر]

عليكم السلام
لا اعلم هل ماتقولينه صحيح ام لا !
لكن الحياة الزوجية ليست لعب اطفال وتجارب !!
ان كان لديك شي تفاهمي معه صارحيه تحاوري معه
ابلغيه واطلعيه على مايضايقك وماتريدينه
وانتي ايضا اتركي له مساحته الخاصه مع اصدقائه
لماذا تنومينه ؟؟؟
لا انتي تستفيدين شيئ منه لانه نائم !
ولا هو يستفيد شي مع اصحابه لانك نومتيه ^_^
ولا حتى يفيد نفسه
وانتي ضليتي تحرسينه وتتفرجين فيه وهو نايم :pv503112:
اعذريني لكن شر البلية مايضحك
طالما انك لا حظتي الفوضى في نظامه هذا دليل على انه
مل من الروتين وبدا يريد شيئ جديد في حياته
ثانيا خطاك الاكبر انك التجأتي
الى شخص خارجي وهو اخوك !!!
انتي متزوجه من رجل عليك بحل مشاكلك
وامورك بنفسك مع زوجك ولا ان تدخلين طرف ثالث
لانه ايضا غير ناضج ولا مسؤول وجاهل
كان مفترض ان يعطيك حل و ليس يستغل مكانته
ك طبيب ويعطيك منوم لزوجك
افترضي ان زوجك لديه حساسيه معينه اتجاه احد المحتويات
في هذا الدواء ؟ كدتم ان تقتلوه

عليك الان ان تتبعي خطوات سليمه لانجاح حياتك الزوجيه
وليس تتصرفين على كيفك بدون ان يعرف زوجك
ولا تخبريه شيئ عن الذي حدث لو اخبرتيه لن يثق بك
ولن ياكل من اكلك ولن يشرب وسيبقى مشككا
في كل ما تصنعين له من طعام و ربما يطلقك
ويفكر انك سوف تسممينه في احد الايام
اجعليه من الماضي واياك ان تعاودي هذا الفعل
لان الله يعلم ويرى وسوف تحاسبين عليها
وايضا ستعرضين زوجك للمرض
لان جسده سوف يتعود على المنوم
ولن ينام ابدا الا بالدواء المنوم
وبهذا ستهدمين حياتك الزوجيه بالكامل

اسال الله لك الهدايه
موفقه تحيتي

[اللورد يحيا]

إسألي نفسك ( هل زوجك من النوع الهمجي الذي يعير الآخرين بأخطائهم في لحظات غضبه ؟ )

إذا كان كذالك فتأكدي يوماً من الأيام سيقول لك ( بأنك وضعتي له "السم" في شرابه دون علمه )

نصيحتي لك "أسكتي" وأكتمي السر ولا تعيدين ذالك مره أخرى مهما كان .

[أمير الأبجدية]

اسمعي نصيحتي

عفى الله عما سلف

لا تبلغينه

توبي إلى الله و ذلك بترك الفعل و الندم على مافات

لأنك لا تعلمين ردة فعل زوجك لا سمح الله ممكن يطلقك

لكن افضل لك كتمي على الموضوع و حاولي تدارينه و تناصحينه

اما سالفة المنوم انسيها تماما و لا كأنك سويتي شي

و الله يسعدكم و يهنيكم

[آلمتفائله]

هل انتي بكامل قواك العقليه ؟؟؟؟!!

شفتي نظامه تغير عدليه بنفسك شدي حيلك بدل ماتسوين له منوم ليه هو بزر عندك ؟ نونو هو تعطينه منوم !

ولا فار تجاارب مثلا ؟؟

والله شي يشيب الراس صدمه مابعدها صدمه لو مات وش استفدتي انتي ابفهم


لاتعليق من جد صراحه غباء زي كذا ماعمري شفت اصلا ماتستاهلين تكونين على ذمته

وان بغيتي تزعلين من كلامي بكيفك هذا الواقع

مصيبه لو الزوج يشك بزوجته اساسا الحين من بعد كلامك ذا ولا رجال بيفكر يتزوج اصلا

الله يستر بس عدلي نفسسك وانتبهي لزوجك ابرك لك بدل ماتعطينه منومات

[جوج1]

وعليكم السلام
اختي اقولك طريقه والله اعلم
انتي تصرفك كان غلط بس الله اعلم بنيتك كانت نيتك طيبه
شوفي اجلسي معه وسولفي
قولي له فيه وحده سوت لزوجها كذا كذا كذا وحطت له منوم
لانها تبيه يجلس معها
ويصير نومه كويس
وشوفي ردة فعله
بعدين اعترفي له وبرري له

او الحل الثاني انك تنسين السالفه
والله كريم

[الصولجان]

/

اسكتي وخليه يولي ..


واذا خرج بلي يحفظه .. لا تدورين وراه


ولا تفكرين متى يجي اكسري وراه جره


بصراحه الي تمضي حياتها وراء زوجها

والله متلاقي الا الي يوجعها ويجرح كرامتها

طالما عندك اخوانك اذا سمحوا بعد أذن زوجك


اخرجي معاهم محل ما تبين ..

واذا ما سمح حطي بوليود وعيشي لنفسك

اقولها. وانا أعنيها ورب بيت رب محمد ما منهم

خير ولا طير .. ولا سعاده ما وراهم الا النكد

والشقاء


اما الدواء / لاعاد تعودين الحركه .. مره افترضي جاته نوبه

ولا جلطه ! عساه ما جلس ولا ثانيه يخرج وبسلامته


المهم روقي ولا تسوين اي شي بكره ينقلب ضدك ..


وعسى الله يسهل الأمور

المهم اكملي دراستك توظفي ابني موهبتك

أكررها ما منهم فايده وخالقي