المساعد الشخصي الرقمي

مشاهدة النسخة كاملة : ((سلمان لو تدري عن الحال ما نمت))


القارظ العنزي
06-13-16, 10:03 PM
سلمان لو تدري عن الــحـال ما نمت
ولا غمّضت لك عين وباقي لنا ثـــــــار
عزايه فيك اصغير وتكثر من الـصـمــت
ولا تفهم اللي براس مثلي الــيــاثــار
كنّي على جمر الغضى وفيه صـرّمـت
وعزّي لمن مثلي على واهــــــج النار
عسى العوض في طلّتك كان سلّمت
وشفتك على ما قيل مع ناس واكـبـار
وعسى العوض في طلّتك كان يممت
يمي وتنشدني وش العلم وش صـــار
وعسى العوض في طلّتك كان خيّمت
وبـنـيــت لي عزّ(ن) على بن وابــهــار
اخترت لك ام(ن) وعن غيرها شـمــت
وبنت الردي ما تبني الـبـيـت والـــــدار
واخترت لك ام(ن) وعن غـيـرها صمـت
اخشى لبنها يـجـلـب الـعـيـب والـعـار
واخـتـرت لك ام(ن) عــزيــــزة وحرّمـت
بنت الذي ما ســجــل الطيب تذكــــار
واخترت لك ام(ن) عــزيــزة ودرهــمـت
لبيوت ربع(ن) هم طويلين الاشـــــبــار
ما نشّدوني عن مـهـرهـــا وصـمــمـت
ما هم من اللي نسبهم حوش ديـنــار
حكّمتهم بالــروح منّي وحــكّــمـــــــت
وسلّمتهم نفسي عزيزين وابــــــــــرار
ان طـاب حظي فيك حظي ومــا رمــت
وان خـــاب خابوا قبلي ذربين الاحــــرار

القارظ العنزي

آلنـور
06-13-16, 11:05 PM
و النعم فيك ، و صح لسانك ،،

نجم ضاوي
06-14-16, 03:17 AM
والله والسبعة انعام فيك يا السمي ,,,
إن شاء الله تقر عينك بسلمان ويجعله الله من الصالحين الطيبين ,,,
ومن البارين بك وبأمه وتشوفه إن شاء الله رجال يملا العين ,,,
صح لسانك ولا نامت عين ضايمك ,,,
عز الله إنك كفو وولد حمايل ,,,

تراني محزمك .. حزت الضيم
وسيف في نحر منهو يضيمك

وضلالك حزات .. المطر والغيم
على عروش العِـزه الله يديمك

الدانة
06-14-16, 04:39 AM
صح لسانك مليون والله

وجعل ربي يرزقك بر سلمان ..وتشوفه على ماتحب


لاهنت على هالقصيد ..وعساك عالقوة دوم

عابرون
06-14-16, 05:27 AM
صح بوحك

والله يحفظ لك سلمان :22:

بـرد ودفــا
06-14-16, 10:37 AM
صح بوحك يا شيخ .. شعر بالفطرة
الله يحفظك لك سلمان ويخليه لك ونعم فيك وفيه وكل غالي عليك
اشهد ان سلمان انتمى لذيب

شديت قافي للرحيل وتولمّت
هنا قصيدة هيّضت ضايق الدار

عن زحمة العنوان جيت وتحيزمت
ناصي ديار العز وافين الاشبار

القارظ العنزي
06-14-16, 12:05 PM
اهلاً فيك يالنور صحة انفاسك لا هنت . احترامي

القارظ العنزي
06-14-16, 12:21 PM
اللهم آمين ، والله يسمع منك يا بو سلمان ، لاهنت ولا هان مرورك الكريم وبيانك الكامل الجميل وثنائك العطر ، قليل هم الأوفياء مثلك .

يا مرحبا بك عد ما بالمطر ديــــــم
واعداد ما كــبّــرت وترجـي رحيمك
يا شوق من فاق المها زين والريم
اللي بشوفه ينجلي عنك غيـمـك
قافك وصلني بحرفه الكاف والميم
وخفف همومي جعـل ربي يديمك

القارظ العنزي
06-14-16, 12:23 PM
بنت الشرقية ، صحت انفاسك مليون ، وربي يقويك ويخليك ، ما ننحرم من مرورك العطر واللهم ’مين على دعائك الصالح ـ تحياتي

القارظ العنزي
06-14-16, 12:24 PM
عابرون صح بدنك ، اللهم آمين على صالح دعائك لا هنت ولا هان مرورك الكريم ، احترامي

القارظ العنزي
06-14-16, 12:30 PM
الاخ الغالي والعزيز على قلبي ـ برد ودفا ـ ما عليك زود واسعدني مرورك ، واحساسك المرهف ، واطرائك اللطيف يالذيب ، الحقيقة تمنيت أن بيتك
: (شدّيت قافي للرحيل وتولّمت ** هنا قصيدة هيّضت ضايق الدار)
كان لي ، فقد شدّني من جماله ، ولكنه كتب لك ، وهو عن قصيدة كاملة ـ بل لعله يكون مفتاح قصيدة جديدة فيما بعد ، العلم عند الله ، فشعرك كثير ما يثير وجداني ، فإن له طعمه الخاص وفيه من ريحة الماضي الأصيل ، لا هنت على المرور وتعطير متصفحي ولا هان قافك المميز ، كلك ذوق ، تحياتي لك وتقديري .

إحساس طفله
06-16-16, 11:30 AM
صح لِسـآنكك ي الغالي ..
قصيده رآآئعه قسمم ..
الله يخلي لك سلمان و ام سلمـآن ..
لاهِنت ولا هـآن قلمكك :ah11:

القارظ العنزي
06-16-16, 12:17 PM
اهلا بك الحسوسا الطيبة لا هنت ولا هان مرورك العطر . اشكرك على احساسك الطيب احترامي


SEO by vBSEO 3.6.1