المساعد الشخصي الرقمي

مشاهدة النسخة كاملة : شَوْركم ي أهل المشورة ؟


سعــــود
06-17-16, 04:14 PM
_





السلام عليكم
وشلونكم ، عساكم مستانسين ومبسوطين ؟
يالبى قلوبكم ولله:x38:
والشهر عليكم مبارك ،
اول مرة اطرح موضوع هنيا ابا مشورتكم
انا سلمكم الله قبل 5 سنوات سكنا في حارة جديدة يعتبر مخطط جديد
لكن الان أمتلات ماشاءالله ،،
بديت اتعرف على الجيران وزورانا بعضنا وكذا رجال فقط
يلي حصل اجتمعنا قالو نبيها كل اسبوعين في بيت واحد بدال ماهي قهوة بعد مغرب
يجون عوايلهم بكل بيت واحد وعشاء
بيني وبينكم انا شخصيا ماهو مريحني تكون بهطريقة
لان دخلت النساء عليك بعض المرات دخلتهن دخلت شر حتى والدتي الله يسلمها ويخليها ماهو مريحها
الجماعة ردو لنا وبكرة اخر شي اهم قالوه يلي مايبغى عادي .. واذا مااكتمل العدد تلغى ..
تبقى على عادتنا اليومية طبعا رمضان تكون القهوة بعد التراويح


ادري موضوع مايستاهل لكن نمشي على قولت ماخاب من استشار:x38:



..

آلمتفائله
06-17-16, 08:17 PM
انا ماحب احتك بالجيران لهالسبب البعض يطيحون الميانه زياده عن اللزوم

اوك الجيران لبعض وحلو تزورونهم بس مو لدرجه يقيدون حريتكم وانه كل اسبوعين عند واحد

بالاول والاخير تعب على اسرتك من ناحيه ترتيب وتجهيز قهوه ومواعين وكرف وبعدين سحور
من جد لوين رح يوصلون واساسا الوقت صار مررره ضيق وسريع مايمديك تسوي اي شي

بصراحه لو انا مكانك ومو مريحني الوضع اكيد بقولهم انا اعفوني من الجمعات
احب اكون ازور كل واحد فيكم على حسب ظروفي ومتى مالوقت امداني

وبس ...

أمير الأبجدية
06-17-16, 08:35 PM
انا رأيي اتبع شور الوالده

الوالده معها حق

الجيرة ذوق واوقات و ظروف مناسبه

اذا كل اسبوعين راح تقيد حريتك

هم قصدهم خير

لكن طريقة تنفيذه خاطئة

تقديري لك

سُقيا
06-17-16, 10:44 PM
صعب اخي تكون مقيد
ممكن حصل لك ظرف هام
اوهلك وجماعتك عزموك الفطور
من راي لك خليها بعد التراويح
اولا ماسببت لأهلك ارهاق
فخليك معاهم جلسه بعد التراويح
تكون راحه لك
احنا العزائم كل شهر ونتعب
وهما بس جماعتنا جميعاً نجهز لترتيبها
فمابالك كل اسبوعين
ذا شي مرهق تماماً
والقرار لك

صعفق طاش كندي
06-17-16, 11:50 PM
عاده حلوه .. كنا نسويها زمان

بس لاتتشائم من دخلت الحريم

احيان الرجال يكونون شر

الدانة
06-18-16, 12:15 AM
هلا والله

وعليكم السلام ... جارح .. ياحلو الجيرة وياااحلو لمتهم

انا اشوفها طريقه حلوووه ...بالعكس الرسول صلى الله عليه وسلم وصى على سابع جار

وهم لك وووقت المحن والشدة والعوزة

واشوف مافيها شيء .. بالعكس تعارف جميل واذا انت ماتبي هالجدوله اللي قالوا عنها

خلوها مثل قبل .... الدعوه تساااااااهيل

وعسى الله يوفقكم .. وحب لي خشم الوالدة :MonTaseR_2:


وفطورها بكرة عندنا :MonTaseR_6:

مطر الفجر
06-18-16, 12:26 AM
عليكم السلام ورحمة الله وبركاته ...
باختصار يا اخي الكريم تعلم ان تقول لا في اي شيئ لا يريحك
فهكذا تعيش مرتاح وبدون مجاملات على حساب نفسك وراحتك
من يحبك سيتقبلك ويحترم رايك ورغباتك وان لم يقدروا ذلك مع الف سلامة ^_^

اهم شي راحة الوالدة الكريمة لا تتعبوها في شهر رمضان
تحيتي لك ...

مسكك الغلا
06-18-16, 12:35 AM
يالله يازين جمعة الجيران
كنا كذا زمان لما كنا بالقرية
لكن مو كل اسبوعين بالنسبه
لرمضان كان بشكل يومي بالنسبة
للفطور كل يوم في بيت حنا حارتنا تقريبا
6 بيوت يعني يصير الدور علينا بعد 6 ايام
فطور كامل رجال وحريم انا مافهمت بالضبط

طريقتكم هل هو للجمعه ع الفطور في رمضان
او الايام العادية

تذكرت الايام القديمه وتكتن العبرة :( ياجمالها بس
ليت الجيران حولنا زي القريه مشكله لصرت اجتماعي
وجيرانك كلن مسكر بابه عوذهـ بس

سعــــود
06-18-16, 12:40 AM
انا ماحب احتك بالجيران لهالسبب البعض يطيحون الميانه زياده عن اللزوم

اوك الجيران لبعض وحلو تزورونهم بس مو لدرجه يقيدون حريتكم وانه كل اسبوعين عند واحد

بالاول والاخير تعب على اسرتك من ناحيه ترتيب وتجهيز قهوه ومواعين وكرف وبعدين سحور
من جد لوين رح يوصلون واساسا الوقت صار مررره ضيق وسريع مايمديك تسوي اي شي

بصراحه لو انا مكانك ومو مريحني الوضع اكيد بقولهم انا اعفوني من الجمعات
احب اكون ازور كل واحد فيكم على حسب ظروفي ومتى مالوقت امداني

وبس ...


انا عاد ماهوب خشتي بخشتهم لا صار عندي شغل ولا ارتباط رحت له : )

سعــــود
06-18-16, 12:43 AM
انا رأيي اتبع شور الوالده

الوالده معها حق

الجيرة ذوق واوقات و ظروف مناسبه

اذا كل اسبوعين راح تقيد حريتك

هم قصدهم خير

لكن طريقة تنفيذه خاطئة

تقديري لك


لا خلاص سمعنا شورها وتم الاعتذار :35:

سعــــود
06-18-16, 12:45 AM
صعب اخي تكون مقيد
ممكن حصل لك ظرف هام
اوهلك وجماعتك عزموك الفطور
من راي لك خليها بعد التراويح
اولا ماسببت لأهلك ارهاق
فخليك معاهم جلسه بعد التراويح
تكون راحه لك
احنا العزائم كل شهر ونتعب
وهما بس جماعتنا جميعاً نجهز لترتيبها
فمابالك كل اسبوعين
ذا شي مرهق تماماً
والقرار لك


ماهو في رمضان في الايام العادية الاتفاق رمضان موقفه

سعــــود
06-18-16, 12:50 AM
بنت الشرقية

ياهلآ بك :cupidarrow:
خلاص تم الفطور عندك باااتسر ان شاءالله :x30:
لا تكثرون ترااي دايتي تمر وماء 3 سمبوسة فرن :5:
ويوصل سلامك وحبتس العافيهة :رحيق:

سعــــود
06-18-16, 12:53 AM
عليكم السلام ورحمة الله وبركاته ...
باختصار يا اخي الكريم تعلم ان تقول لا في اي شيئ لا يريحك
فهكذا تعيش مرتاح وبدون مجاملات على حساب نفسك وراحتك
من يحبك سيتقبلك ويحترم رايك ورغباتك وان لم يقدروا ذلك مع الف سلامة ^_^

اهم شي راحة الوالدة الكريمة لا تتعبوها في شهر رمضان
تحيتي لك ...

انا يوم اقول للوالدة كمشوره ماهو انها تتكلف عناء عمل شي
الحمدلله مخدومه ومحشومه ماتعمل شي عسى الله يحفظها:x38:

سعــــود
06-18-16, 01:24 AM
_


مسك الغلا

هالزمن راح وماضنيت يرجع الا في القرى موجود
الان في المدن نحاول نرجع شوي منها

cougarr
06-18-16, 02:01 AM
جزآك الله خيرآ ..

نبراس بن علم
06-18-16, 02:27 AM
خويا جارح "سعود" اللمه حلوه وما تعرف امكن تفر بيك الدنيا وتحتاج الهم

جوج1
06-18-16, 08:51 PM
وعليكم السلام ورحمة الله
العاده حلوه وانا اختك
لكن تكون مقيده
وبعد المرات تكون مكلفه على البعض
فيه حلين
الحل الاول:
تسون قطيه
كل شهر ىالاجتماع يكون
في أستراحة مو في بيوت
الحل الثاني:
تقتصر على القهوه والحلا

لكن يجب تكون هناك اسرار للبيت
وكذا

الصولجان
06-23-16, 12:11 AM
/


ارفض وبشده .. الواحد يبي يرتاح ... يبي ينام

يبي يستأنس مع مرته وعياله .. وخصوصيه


ونهايك اذا البيت مفروش احلا اثاث ويجون البزارين


يعفسونه فوق تحت .. لا لا لا والف لا في الشهر مره وحده


اوك وغيرها تاسف .. الواحد ذي الزمن خلقه ضيق


والمشاكل تجيه لما حده مو حلوه اسير قضيه الحاره


وفلان عنده وما عنده .. يا اما ناس مره يا اما قطاعه

لاحول ولا قوه مالهم حل

سعــــود
06-23-16, 04:48 AM
_



الله يجزاكم خير وجزاء من تكرم بالرد وأعطى رده ورأيه
فعلا الامر مقلق ومن الصعب انك تقدم راحتك في سبيل ارضاء غيرك


ماقصرتم ودمتم ع آلعز :نبض:

ملاك الجنة
06-29-16, 10:36 AM
حلو كثير


SEO by vBSEO 3.6.1