مشكلتي مع وزارة العمل

[يَعْرُب]

السلام عليكم ورحمة الله وبركاته

اسعد الله ايامكم بكل المسرات وكل عام وانتم بخير ..

عندي مشكله تواجهني حبيت اطرحها لعلي القى رأي ممكن يفيدني لأنني تعبت كثيراً من كثر المراجعات

أولا انا صاحب مؤسسة مقاولات ولدي مايقارب 60 عامل وموظف عليهم حسب النظام الي اجبرنا عليه 14 سعودي


عندي النشاط في السجل التجاري مقاولات عامة وكنت في غفله الى قبل سنه ونصف او سنتين تقريباً اكتشفت ان النشاط مسجلينه علي وزارة العمل تجارة الجملة والتجزئه لذلك هم طالبين مني توظيف سعوديين أكثر

ولو كان مسجل النشاط صحيح الي هو مقاولات عامة راح اكتفي ب5 فقط بدل ال14 سعودي الي كل شهر ادفع عنهم في التأمينات مايقارب 9500 الف غير رواتبهم .

راجعت وزارة العمل وطلبت منهم يعدلون النشاط رفضوا قلت لهم هذا السجل قدامكم مقاولات عامة كيف مخلينه تجارة جملة وتجزئة وحنا على باب الله ماعندنا الا الشي الي يكينا من وين لجدي تجارة جملة وتجزئة وهذه تجارة كبيرة جداً

كيف تسجلونها علي بدون اثباتات من رخص وسجلات . اكتشفت انهم بس يبون نوظف سعوديين يعني نصب x نصب
وانا وش ذنبي اكثر من 4 سنوات ادفع 9500 الف للتأمينات عن كل واحد 650 ريال للسعوديين غير رواتبهم بعضهم من 3000 الف وبعضهم من 2000 وبعضهم من 1500

وانا ابي تعويض على الي دفعته هذا الي مسجلينه كله ظلم وبهتاناً .وبعد عناء من مراجعات قالوا لي لازمتراجع وزارة التجارة وتعدل السجل

قلت اعدله لأي نشاط قالوا لمقاولات . طيب هو الحين مقاولات كيف اعدله لمقاولات قال لازم تراجعهم

راجعتهم وفهمتهم ولكن للأسف مافي تجاوب قالوا لي لازم تعدل رخصة البلدية .

ذهبت للبلدية قالوا لازم تعدل السجل بالأول .. انا بصراحه تعبت وقلت بسلمها لمعقب .. ف المعقب فهمته على كل شيء

وقالي هذا ظلم واضح اذا عدلت النشاط ماعاد لك أي تعويض وحقك الي دفعته لمدة 4 سنوات راح يخلون الخطأ عليك انك انت مسجل تجارة جملة وتجزئة .
وش الحل هل من رأي يفيدني هل اشتكي لديوان المظام او المحكمة . او اضل اراجعهم الان لي سنتين مراجعات بدون أي فائدة .

ولكم التحية

[آلنـور]

الله يعينك ،،
و اتوقع يبيلك رأي محامي ،،
و الله يسهل امرك

[يَعْرُب]

المحامي راح يطلب كشوف حسابات لرواتب السعوديين وانا اسلم بعضهم كاش وبعضهم احول لحسابه وبعضهم لحساب غيره يعني مافي يده شيء ممكن يثبت اني مسلم رواتب
حتى التأمينات رفضوا يعطوني كشف حساب يقولون عن طريق الموقع والموقع مافي .
شكرا يالنور .

[اللورد يحيا]

أكثر وزارتين متلاعبه بأنظمتها هي ( وزارة العمـ ....... ) و ( وزارة البلـ ........ ) بغض النظر عن ( وزارة الصحـ ..... )

وأكثر الشكاوي من المواطنين في ديوان المظالم تتم على هذي الوزارتين تحديداً لأن أنظمتهم بنيت من محامي شاطر بطريقة غير مفهومه للعامه

فالله يعينك وييسر أمرك توكل على الله وأرفق شكواك مستدلاً بجميع المستندات التي تدل على الخطأ في ملف أخضر علاقي والى الامام سر لطابور السرى في ديوان المظالم ، وتأكد بأنهم سينصفونك في الأخير ولكن يلزمك الصبر والانتظار لسنوات طوال ..

<<<< إلا أقول وأنا اخوك ماعندكم سعوده ؟ :60:

[اللورد يحيا]

ترى مافي حل إلا تنقل كفالة العمال وتصفي السعوديين ثم تبدأ من جديد أما غير ذالك ارى بأنه صعب عليك

صحيح قد تخسر الكثير ولكن قد تحل وتجنب نفسك من مشاكل أكثر مستقبلاً

اما لو ضليت كما انت عليه الآن سيعتبرك نظام مكتب العمل والعمال متلاعب في النشاط وربما يكسرون ظهرك بغرامات كبيره ومستمره لا تستطيع الخروج منها ..

[يَعْرُب]

أكثر وزارتين متلاعبه بأنظمتها هي ( وزارة العمـ ....... ) و ( وزارة البلـ ........ ) بغض النظر عن ( وزارة الصحـ ..... )

وأكثر الشكاوي من المواطنين في ديوان المظالم تتم على هذي الوزارتين تحديداً لأن أنظمتهم بنيت من محامي شاطر بطريقة غير مفهومه للعامه

فالله يعينك وييسر أمرك توكل على الله وأرفق شكواك مستدلاً بجميع المستندات التي تدل على الخطأ في ملف أخضر علاقي والى الامام سر لطابور السرى في ديوان المظالم ، وتأكد بأنهم سينصفونك في الأخير ولكن يلزمك الصبر والانتظار لسنوات طوال ..

<<<< إلا أقول وأنا اخوك ماعندكم سعوده ؟ :60:

حياك الله اخوي اللورد فعلا والله الي ينظر في نظام وزارة العمل نظام شيطاااني
وانا متردد وخايف اذا قدمت على ديوان المظام ان وزارة العمل بعد ما يوصلها صورة من صحيفة الدعوى أنها تصر على خطأها وتدافع عنه وأكيد لديهم محامين وحقي يروح فيها حقا محتار معهم حسبنا الله ونعم الوكيل اكلوني خسائر مدة 4سنوات ظلم

بالنسبة للسعودة فيه بس على نشاط فرعي لسى ماخلص حق شهرين :x38:

[سآلفـَة قـ لمْ]

ماعليه وانا اخوكولكن الخطاء خطاك من البدايه .

الان ما بينفع التذمر ولا التحسف

امامك حلين

الاول .. توكل محامي ويتابع لك القضية وبنظام مع ان صبرك بيطول ولكن بتاخذ حقك اذا كنت متمكن ماديا درعم ماحد بيقص رقبتك
الثاني .. تلغي النشاط التجاري وتبدا بنشاط تجاري جديد وهذا بيكلفك السنين اللي راحت + خسارة الموظفين الحاليين اجانب او سعوديين

[يَعْرُب]

ترى مافي حل إلا تنقل كفالة العمال وتصفي السعوديين ثم تبدأ من جديد أما غير ذالك ارى بأنه صعب عليك

صحيح قد تخسر الكثير ولكن قد تحل وتجنب نفسك من مشاكل أكثر مستقبلاً

اما لو ضليت كما انت عليه الآن سيعتبرك نظام مكتب العمل والعمال متلاعب في النشاط وربما يكسرون ظهرك بغرامات كبيره ومستمره لا تستطيع الخروج منها ..


ياساتر الحالتين كلها تكسر الظهر فيه عماله ماقدر استغني عنهم حرفيين وصعب تعويضهم راح اخسر كثيرا كثيرا

وبالنسبة للتلاعب هذا الي الان اخشى منه ماني ناقصهم الله المستعان بدل ما يكون لي الحق صار علي :eh_s(11):

الله يعطيك الف عافيه هذا تنبية مهم غفلت عنه اشكرك كثراً

[يَعْرُب]

ماعليه وانا اخوكولكن الخطاء خطاك من البدايه .

الان ما بينفع التذمر ولا التحسف

امامك حلين

الاول .. توكل محامي ويتابع لك القضية وبنظام مع ان صبرك بيطول ولكن بتاخذ حقك اذا كنت متمكن ماديا درعم ماحد بيقص رقبتك
الثاني .. تلغي النشاط التجاري وتبدا بنشاط تجاري جديد وهذا بيكلفك السنين اللي راحت + خسارة الموظفين الحاليين اجانب او سعوديين

اهلا بك أولا اشكرك كثيراً

وانا خطأي ان ما تنبهت للنشاط لاني أصلا ما ادخل حسابي في وزارة العمل الا لنقل الكفالة او اصدار رخص عمل
او طلب تاشيرات وتفاجات بعد دخولي على حسابي نزول نطاق منشاتي وراجعت النطاق ف وجدت النشاط
ليس نشاطي تجارة جملة وتجزئة

والله اني متحسف شغلي كله 5 سنوات بذي البساطة يروح :(واني اوكل محامي والله ماعندي المقدرة المالية راح يطلب مبلغ مو سهل والله يعيين واضح ان الصبر بيمل لكن مادري كم بتاخذ وقت في ديوان المظالم مع العلم اني متردد في التقديم عليهم اخشى ان يعتبرون هذا تلاعب واروح فيها

وثاني شي اذا الغيت النشاط التجاري راح ابدأ من الصفر وهذا راح يكسر ظهري كثيراً

الحل الأول ربما هو الأنسب اما الثاني ماقدر عليه ابداً

اشكرك كثيرا والله يعطيك الف عافيه

[جوج1]

،وعليكم السلام ورحمة الله
والله ياخوي مالي في هالامور
بس ممكن تجيب كشوفات حسابات وتطلب من الموظفين كشف حسابات
بالتاريخ الي مسلمهم الرواتب
عشان يكون لك إثبات

والله يعينك
وإذا ماعوضوك احتسبها صدقه عن ربي
وربي بيعوضك بالضعف ان شاء الله
ويمكن هذه تكون بدايه قويه
للمستقبل ان شاء الله

والله يسعدك

[مطر الفجر]

وعليكم السلام ورحمة الله وبركاته ..
مشكلتك لو ارد عليها رح اجيب العيد ^_^
خليني ساكته احسن
المهم ابقى مدافع للحصول على حقك لا تستسلم بسهولة
و الله يسهل امورك
تحيتي ...

[يَعْرُب]

،وعليكم السلام ورحمة الله
والله ياخوي مالي في هالامور
بس ممكن تجيب كشوفات حسابات وتطلب من الموظفين كشف حسابات
بالتاريخ الي مسلمهم الرواتب
عشان يكون لك إثبات

والله يعينك
وإذا ماعوضوك احتسبها صدقه عن ربي
وربي بيعوضك بالضعف ان شاء الله
ويمكن هذه تكون بدايه قويه
للمستقبل ان شاء الله

والله يسعدك

الله يعطيكِ الف عافيه اشكركِ على مشاركتكِ وربي يعوضنا ان شاء الله
وبالنسبة للكشوفات ماحسبت حسابها من اول صعبه لاني احول أحيان على حساب غيرهم وبعضهم يجي
يستلم كاش وشغله الله لا يشغلنا الا بطاعته .
اشكركِ كثيراً

[يَعْرُب]

وعليكم السلام ورحمة الله وبركاته ..
مشكلتك لو ارد عليها رح اجيب العيد ^_^
خليني ساكته احسن
المهم ابقى مدافع للحصول على حقك لا تستسلم بسهولة
و الله يسهل امورك
تحيتي ...

والله اني ادور حل ما عرفت كيف صراحه ارهقوني بطلباتهم وبعد ما ننفذ لهم ما ينفذون لنا
تلاعب في تلاعب
والله يمدني بالصبر ان شاء الله
والله يعطيكِ الف عافيه اشكركِ كثيراً

[الصولجان]

/

الشكوى لله .. مالك الا كلمه حسبي الله وكفى


حركه وظف عامل سعودي ومافي عامل اكبر نصب

يسير في البلد وغير كذا نسبته 500 ريال عسى خير !!


واذا عجزت اصرفها من التأمين .


احسلك دور لك عمل ثاني والله لو تبيع جرجير

ولا نصب واحتيال وقله .. مروه منهم