المساعد الشخصي الرقمي

مشاهدة النسخة كاملة : يسولف لي عن جروحه و انا من سبته مجروحه


azOoOoOoz
08-18-16, 05:11 PM
يسولف لي عن جروحه و انا من سبته مجروحه

يكلمني عن جروحه ،، و أنا من سـبّـته مجروح
يسولف لي عن ( أحبابه ) !! ،، و أسولف عنه لحاله

أحس في دمعة عيونه ، و تطلع من بكاه الروح
و إذا يفرح مع غيري ،، ( بكى قلبي .. و هنـّى له ) !!

ياليت آنا معاه اللي ركبنا في سفينة نوح
محد يقدر يفرّقنا .. لا عمـّي ،، و لا خاله

رسمته في قلم ناشف على قطعة خشب من لوح
و تهيـّأ لي يحاكيني ، و يبيني أرسم ظلاله

تحرّك طيفه الدايم ، و لَـعـَب في حسبتي بـجموح
( يحب الخيل ) ، و أشعاري عشانه صاروا خيـّاله

و صار بعيني الأجمل ، مع إنه شويّ هو مملوح
و لا غيره ملا عيني ، و قلبي بس يصفى له

ذبحني قلبي الساكت ،، متى قلبي عليه يبوح ؟؟
أحبه .. و مادرى إني أحبه , و أعشق وصاله

كتمت / و هذا من طبعي ، و تمنيت الغلا مفضوح
بأبيّن له ، و لا أقدر !! مع إني جالس قباله

أخاف إنه بعد مده يطير ،، و من إيديني يروح !!
هو نعمة من فضل ربي ، و يقولوا : النعمه زوّاله !

لي قلبٍ من كثر حبه ،، على فراش التعب ( مطروح )
لا هو ميت و لا عايش .. و والله إن مات أشوى له !!

و حبي ( من طرف واحد ) ، غلا صادق ، بدون مزوح
و إذا هو طاح قدامي : نزل له قلبي و شاله

شكى لي ، و كنت له ( أسمع ) / و قلبي دووووم له مفتوح
يطمّني عن ( أخباره ) ، و شنهي آخر أعماله

و إذا شفته خطا بحقي . . بدون أعذار هو مسموح
في نيـّاته .. و لا يدري .. و طيبة قلبه همّاله !

في جياته يروح الهم .. و يبدّل دمعتي بـ فروح
تمنيت البشر مثله ،، و كل من حولي أمثاله

من الله حبّه بقلبي ،، حشى مالي ترى مصلوح
عسى يكبر و يذكرني .. و يسمّي بـ ( اسمي )عياله

السامي
08-18-16, 05:29 PM
الله يعطيك العافيه ع الطرح الرائع

تقبل مروري

ام باسل
08-18-16, 10:22 PM
صح لسانك

azOoOoOoz
08-19-16, 01:54 PM
تـوآجدك الرائــع ونــظره منك لموآضيعي هو الأبداع بــنفسه ..

يــســعدني ويــشرفني مروورك الحاار وردك وكلمااتك الأرووع

لاعــدمت الطلــّـه الـعطرهـ
:MonTaseR_137:

ساري الشوق
08-21-16, 10:53 AM
سلمت أناملكـ ياغلآهم على روعة طرحكـ
نترقب المزيد من جديدكـ الرائع
مودتي لكـ

azOoOoOoz
08-21-16, 09:07 PM
يعطيك العافيه
نورت بارك الله فيك

رموودي
08-22-16, 03:17 AM
الله يعطيك 1000 عافية


SEO by vBSEO 3.6.1