حطلي المنوم بالفيمتو

[مشكلتي]

ماعرف اقول مقدمات غير انكم

خواتي وماعندي غير الله ثم انتوا تشورون علي بالراي

أنا في بداية حياتي الزوجيه وماعندي خبره

المشكله اني عروس ما صارلي شهرين وملاحظه زوجي من اول اسبوع زواج ماله خلق يجابلني

وجنه مغصوب علي لا ضحكه ولا سالفه

وكان على طول يطلع لمى يشوفني نايمه

الوضع هذا ماطول لأني ناقشته بالموضوع وقلت له انت مو مجبور علي اذا ماتبيني طلقني وقال اوعدج اني راح


اتغير وفعلا غير من نفسه وقام يجابلني

واهو كريم حيل ورومانسي الحمدالله بس مشكلته مايحب يقعد معاي بالبيت

السالفه وين ــ امس كنت ابيت اهلي واهو كان يحن علي نامي عندهم كل يمعه وانا رفضت

فلما خذاني وردينا البيت قال ابي اسويلج فيمتو طبعا انا استغربت لأنه بحياته ماشال عود من الارض اشمعنى

اليوم طرى عليه يسوي لي

المهم عطاني الفيمتو وشربته وحسيت بطعمه مر مر مر بدرجه فضيعه قلت ويع انته حاطلي شي بالفيمتو

قال لا والله بس ماعرفت اضبطه اول مره اسويه وتوتر حيل قال يبي القلاص ابي اغسله واستغربت بعد شنو طاري

عليه يغسل


المهم بعدها حضني بدون ما يفصخ اهدومه كأنه كان متأكد انه ماراح يعاشرني ويبيني بس انام عشان ينحاش

وفعلا ماصارلي نص ساعه الا وانا

دايخه ودزيته وقلتله بنام وسويت نفسي نايمه بس كنت بوعيي وافهم كل شي اهوا على طول قام لبس دشداشته

وطلع من الشقه يركض جنه ملحوق . ورد البيت ع الساعه 5 الفير وقعدت الصبح قلتله ابي بيت اهلي وانا حاليا

نايمه عندهم

الحين اللي بعرفه ليش نومني ؟ وليش طلع يركض وين راح بالضبط ؟ ليش مايستأّن ويقول انا بطلع جان خليته

وابي كلام يوقفه عند حده ؟وتقولون لي رايكم فيه عدل .؟

اسفه ع الاطاله والجرأه بالطرح بس انتوا خواتي واتمنى رد يريحني او دعوه منكم ان الله يسخره لي

[العوجاء]

ماعرف اقول مقدمات غير انكم

خواتي وماعندي غير الله ثم انتوا تشورون علي بالراي

أنا في بداية حياتي الزوجيه وماعندي خبره

المشكله اني عروس ما صارلي شهرين وملاحظه زوجي من اول اسبوع زواج ماله خلق يجابلني

وجنه مغصوب علي لا ضحكه ولا سالفه

هلابك الله يوفقك و يسعدك
يمكن مو ماله خلق يمكن مستحي و مايعرف كيف يسولف عليك شوي شوي.. اكيد في الاول انه يبي يصير فيه مواقف م تسولفون فيها و كذا تحسسين الوقت مايمشي من الطفش ..


وكان على طول يطلع لمى يشوفني نايمه


عادي يطلع مو لازم دايم عندك


الوضع هذا ماطول لأني ناقشته بالموضوع وقلت له انت مو مجبور علي اذا ماتبيني طلقني وقال اوعدج اني راح


اتغير وفعلا غير من نفسه وقام يجابلني

واهو كريم حيل ورومانسي الحمدالله بس مشكلته مايحب يقعد معاي بالبيت

السالفه وين ــ امس كنت ابيت اهلي واهو كان يحن علي نامي عندهم كل يمعه وانا رفضت
انتي هنا تقصدين كل جمعه ؟
صراحه انا م اشوف شيء غلط فيها احسن تفتكين منه شوي ترتاحون من بعض هههه كان وافقتي تنامين احيان
هو شكله يحب يطلع مع اصحابه دايم ف احس احسن لك م تتضاربين معه دايم اذا بغى يطلع يطفش منك يحس انك نشبه و بس تبي تربطينه عندك ..عادي اذا طلع ل اصحابه او شغل او اهله خليك عادي كملي يومك استانسي لحالك ع النت او رياضه او ... مو لازم يصير محور حياتك هو
....
وفعلا ماصارلي نص ساعه الا وانا

دايخه ودزيته وقلتله بنام وسويت نفسي نايمه بس كنت بوعيي وافهم كل شي اهوا على طول قام لبس دشداشته

وطلع من الشقه يركض جنه ملحوق . ورد البيت ع الساعه 5 الفير وقعدت الصبح قلتله ابي بيت اهلي وانا حاليا

نايمه عندهم

الحين اللي بعرفه ليش نومني ؟ وليش طلع يركض وين راح بالضبط ؟ ليش مايستأّن ويقول انا بطلع جان خليته

وابي كلام يوقفه عند حده ؟وتقولون لي رايكم فيه عدل .؟

اسفه ع الاطاله والجرأه بالطرح بس انتوا خواتي واتمنى رد يريحني او دعوه منكم ان الله يسخره لي


الحين اللي بعرفه ليش نومني ؟ وليش طلع يركض وين راح بالضبط ؟ ليش مايستأّن ويقول انا بطلع جان خليته

وش يخليك متأكده انه حط منوم ؟
وبعدين ليه احسك شوي نكديه و تشكين بكل شيء
تبينه يستأذن اذا بغى يطلع ؟ ليس واجب عليه ان يستأذن بس المفروض يعطيك خبر انه يبي يطلع عنده شغل او اي حاجه و انه يبي يرجع تقريبا بالوقت الفلاني عشان م تقلقين ..قولي له


م نعرفه عشان نعطيك راي عنه

الله يهديك و يسخرك له و يسخره لك )

[آلمتفائله]

زوجك تووحفه بصرااحه :MonTaseR_151:

لاجى قوليله تقدر تطلع وتتراكض بدون منوم ترا عادي :138:

واذا انتي شاكه بالمنوم قوليله كنت تقدر تطلع وتتراكض براحتك
بس ياليت قلتلي انك بتخرج عشان اكون مطمنه

الله يعينك على تصرفاته كانه مراهق اسمحيلي :138:

الله يسخره لك ويعقل موفقه

[روزا]

,

تصرفه معك غريب ويشكك ,,!
طيب افهمي منه ليش يسوي كذا معك
وخليك حريصه لاتاخذي اي شئ منه
واسألي اخوانك عن حاله وخليهم يتقربوا منه
وعلى طلعاته الرجال مايحبون القعده بالبيت
اغلبهم الان كل وقتهم بالديوانيه خليه على راحته
تفتكي ياشيخه منه لكن كوني حريصه
على نفسك منه , وان شاء الله مايكون حاط لك
شئ مجرد شكوك .
والله يسعدك اختي :رحيق:

[مطر الفجر]

عليكم السلام ورحمة الله وبركاته

وفعلا ماصارلي نص ساعه الا وانا دايخه
ودزيته وقلتله بنام وسويت نفسي نايمه بس كنت بوعيي
وافهم كل شي اهوا على طول قام لبس دشداشته
وطلع من الشقه يركض جنه ملحوق .
ورد البيت ع الساعه 5 الفير
وقعدت الصبح قلتله ابي بيت اهلي وانا حاليا
نايمه عندهم

اسمحي لي بان اقول قصتك بها الكثير من التناقض والغموض
يعني دايخة وسويتي نفسك نايمة ؟ المنوم يغيب صاحبه فورا
تمثلين وتعلمين انه سيخرج وايضا حسبتي موعد خروجه
ودخوله للبيت بانه رجع البيت 5 الفجر ؟
اشوف المنومات صارت دارجه هذه الايام ؟
انتي شكيتي انه منوم لان طعم الفيمتو مر ؟
ورغم هذا كملتي وشربتيه
لماذا لم تطلبي منه ان يشرب معك الفيمتو ؟
طالما انك شكيتي بالمنوم ؟ ومالذي جعلك تشكين انه منوم اصلا ؟

الفقرة الثانية تقولين :


المهم بعدها حضني بدون ما يفصخ اهدومه
كأنه كان متأكد انه ماراح يعاشرني ويبيني بس انام
عشان ينحاش وفعلا ماصارلي نص ساعه الا وانا دايخه
ودزيته وقلتله بنام وسويت نفسي نايمه بس كنت بوعيي
وافهم كل شي اهوا على طول قام لبس دشداشته
وطلع من الشقه يركض جنه ملحوق

كيف هذا ؟؟ تقولين لم يفصخ هدومه
وهنا تقولين لبس دشداشته
يعني اعطاك الفيمتو وهو اصلا لابس ملابسه
ومستعد للخروج بعد ان تنامين !
امركم عجيب ...
عليكي ان تثبتي ان الذي وضعه لك منوم
وليس فقط لمجرد افكارك وشكوكك انه منوم
المهم واجهيه ولا تشربين ولا تاكلين شي من صنعه
دعيه ياكل ويشرب قبلك وعيشوا حياة ترقب لبعضكم !!!

قلت له انت مو مجبور علي اذا ماتبيني طلقني
وقال اوعدج اني راح اتغير وفعلا غير من نفسه
وقام يجابلني واهو كريم حيل ورومانسي الحمدالله
بس مشكلته مايحب يقعد معاي بالبيت

هو لو لم يكن طيب معك لما حاول التغير
وانتي اعترفتي بنفسك انه تغير
واعترفتي ايضا انه رومنسي وكريم
يعني الرجل لم يقصر معك
لكن انتي من كلامك مبين انك تريدينه 24 مقابلك وهذا خطأ

هنا ايضا تقولين
امس كنت ابيت اهلي واهو كان يحن علي
نامي عندهم كل يمعه وانا رفضت
هذا من حرصه عليكي يريدك تنامين ببيت اهلك كل جمعه
لانه هو يريد ان يسهر مع اصدقائه
ولا يعود الا الفجر ساعه 5 كما سبق وذكرتي ذلك
ولا يريدك ان تبقي لوحدك في البيت لهذا قال لك كوني عند اهلك
نصيحه لك يوم الجمعه هو حر دعيه يذهب مكان الذي يريده
يكفي انه مقابلك طوال اليوم صباح ظهر عصر مغرب عشاء
ويراعيك ويحاول ان يغير من نفسه لاجلك
ولم يجرحك ولم يرغمك على شيئ
هو لا يعرف كيف يتصرف وهذا بداية الزواج وحياة جديدة
مازال متعلقا باصدقائه وحياة العزوبية اصبري وسيتغير مع الايام
الزواج لا يعني السجن والتخلي عن الاصدقاء
وعدم ممارسات النشاطات التي كان يفعلها سابقا قبل الزواج
لا تجعليه حبيسا لك هناك مساحة حرة للطرفين
على الاخر احترامها واعلمي ايضا
الرجل لا يمكن ان يستاذن زوجته في خروجه
ان اراد الخروج لاباس ولكن اساليه فقط هل ستتاخر ام لا
واين ستذهب لكي اكون مطمئنة دعيه يعلم سبب سؤالك
انه اطمئنان وليس للسيطرة والتحقيق
وهو وضميره ان صدق معك في جوابه او كذب
اتركيه حر وانتي مارسي نشاطاتك وحياتك بشكل طبيعي
لا تراقبيه وتتبعينه في كل تصرفاته

تحيتي لك ....

[حُسآم]

.. / ~

إهربي منه ودعيه هو يتبعكَّ .. !!

[سعــــود]

_


ولله يابعض الناس وجيهم ماهو وجه زواج
انا لو القى زوجه مو زوجه وحدة نص بعد تودني محترمتني وطيبه لا احطها على راسي
ياشيخ لا اقدم اجازة اعتيادية اسبوعين اتكي عندها خشتي بخشتها :MonTaseR_10:
هذا لعاب ويلف ويدور .. الحل المصارحه ب اسلوب الطفولي هذا . ان مانفع كل يروح بحال سبيله

[مها الشامسي]

نصيحه اخت لاختها

كل انسان يحمل بداخله الكثير ، و كل شخص له ظروف ،
و ان غاب عنك. ليس بالمعنى أنه لا يريدك ،
ربما شيء يعيقه

اقري الايه هذي
((بسم الله الرحمن الرحيم))

﴿وَقُلْ رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا﴾ [الإسراء:80].

وان شاءالله يفرجها عليكي