هذا من أطباعي لكن مايعطيني وجه

[مشكلتي]

ممكن أشوف نفسي مزعجه لأَنِّي كثيرة كلام لكن غصب عني أذا ما تكلمت وسولفت أطفش كل اليوم

أحياناً ننشغل أنا وصديقاتي عن بعض


أحب أسولف أتكلم لكن زوجي ما يعطيني وجه

بعد الغدا يجلس على التلفزيون بعدها الأيباد ويطلع للدوام العصر ويرجع على عشر


طبعاً فليل أستلمه وأبدا أتكلم أخرتها جرحني ما تعرفين تسكتين قلت نص ساعه طيب أستغرب تبين نصف ساعه زياده



طيب كيف أبطل هذي العاده حاولت أشغل وقتي لكن ما قدرت أحب أسولف مع زوجي وهو ما يعطيني وجه

[غـيـر مـهـتـم]

لو انا منه عطيك كف والله ههههه

عودي نفسك ع الصمت كثر سوالف تصدع الراس

[يان]

وعليكم السلام
حبيبتي اذا شفتيه راجع من الدوام لا تكلمينه لان بعضهم يرجع معصب وماوده يتكلم وده بس ينوم حبيبتي مو مشكله انك تبين تكلمينه وذا
بس حاولي تخففين من كلامك معه يعني اذا جاء من دوامه لا تستلمينه عندك وقت طويل تتكلمين معه الصبح الضهر
اذا دوامه العصر اذا جاء اشغلي نفسك ب الجوال حاولي قد ماتقدرين تختصرين كلامك
يمكن مايقصد يمكن راجع معصب وانتي استلمتيه وقاله
لا تزعلين نفسك بس لا تكلمينه وقت مايرجع كثيرين الرجاجيل اللي مثله م يحبون احد يسولف فوق روسهم بعد م يرجعون من الدوام
هذي ثاني مره اقولك إياها
وان شاء الله تتعدل اوضاعك

[azOoOoOoz]

.
السلام عليكم

اختى بيتقبل منك زوجك سوالفك
وصدقيني يحبك ويبيك تسولفين .
ولاكن بشرط
اختارى الوقت المناسب للسوالف معه

يعمي بعد ميرجع من الدوام لا تسولفين واجد
قوليله عساك ع القوه
الله يعطيك العافيه يابعدهم
:138: كذا يعني .
من ذالكلام الي يطيب الخاطر
ويخليه يبتسم .
مثلا اذا متضايق من شى لا سمح الله
حاولي متسولفين .

يعني بعد ميريح من الدوام
ويتغدا
ويعين من الله خير
سولفي اضحكي
صدقيني بتشوفينه غير
واحد ثاني

والله يألف بين قلوبكم ويسعدكم
وشي طبيعي لا تتحسسين من الموضوع
جدا طبيعي
عوديه مع الوقت واهم شي
اختاري الوقت الي تسولفين معه فيه
يعني متي يكون رايق للسوالف
ومني ميكون رايق
ومتي تطلبين منه او ماتطلبين
هاذي كلها بتفهمينها من عيونه مع الوقت

[مطر الفجر]

عليكم السلام و رحمة الله وبركاته
باختصار انتي لا تعطينه وجه
اتركيه وهو سياتي لك ويتعجب من صمتك
وسوف يطالبك بالحديث معه ويقول لماذا لا تتحدثين
في ذلك الوقت ثرثري بكل شيئ عندك ^_^
اختاري الوقت المناسب وليس وقت النوم ولا وقت بعد الدوام
استغلي جلوسه على الايباد او التلفزيون بعد الغداء
اما بشكل عام الافضل لك ان تشغلين وقتك بالقراءة وليس الكلام
اقراي كثيرا وتعلمي واستفيدي
القراءه سوف تقلل من كلامك الكثير
بالتوفيق ....

[اللورد يحيا]

شكلك من النوع اللي يحب الهدره على رأس الشخص وهو غير رايق

في هذا الحال الشغله بسيطه ولكن يبي لها شويه تفتيح مخ

إذا شفتي زوجك كثير حركه في البيت إعرفي بأنه محتاج أحد يكون قريب منه ، وفي هذي الحظات بإمكانك تستلمينه سوالف وتطرحين الميانه معه ، ولكن إحذري تكدرين مزاجه بطلبات هو يكرهها وخصوصاً ( ودني السوق أو الحديقه أو عند فلان أو علان ) لأن غالباً الرجال يكرهون هذا الشيء في لحظات روقانهم إلا بالحيله ..

أما إذا شفتيه ضجران أو طفشان ومنخمد على فراش وقاعد يمشي وقته بأي شيء يستحسن بأنك تنطمين وتسكتين ، ولكن مو لدرجة بأنك تيأسين منه بل حاولي تلعبين معه لعبة "الثعلب المكار" ، يعني زي مثلاً : أغريه أو سوي له تورطه أو عصير السكر فيه كثير أو من هذا القبيل ، يعني خليك معه سامجه ولكن بالفطره ..

وبكذا بتكوني مقبوله عنده ومقبول عندك ، حتى لو زعل عليك أو زعلتي عليه بيكون زعل اللي بينكم دلع

بختصار إهدري على زوجك بأفعالك وليس بلسانك عندما يكون غير مبالي أو مهتم بك

[آسيرة حرف]

الفاضله/ مشكلتي

مو عارفه طبيعتك هل انتي ثرثاره بالفعل او ان زوجك نكدي
بس انتي ماعليك الا انك تلزمين الصمت اسبوع
يمكن يستفقدك

دائم يقولون القطو يحب خانقو

يعني ممكن اذا تغيرتي واصبحتي ماتسولفي بيجي هو يسولف معك
ويقول وش الطاري وش مغيرك

لكن في كل الاحوال من المفروض تختارين اوقات مناسبه
وانتي بنفس الوقت اذا جا يسولف معك حسسيه انك مشغوله ومنتي فاضيه
جربي منتي بخسرانه

لزوم يحس ان انتي بعد ماتبين سوالفه في اوقات شغلك

البنت تثرثر ع انسان يتقبل منها ويحب هذرتها الزايده بالمعتاد

ولاتكوني حساسه بزياده خلي روحك رياضيه تقبلي كلمته لمن قال تبين نصف ساعه زووود
يعني لاتهمين بالهرجه اذا دققتي في بعض كلماته راح تأثري ع حياتك

تقبلي ردي وعبق وردي مع خالص احترامي لسموك
آسيرة حرف

[عاشق الحرية]

لآ صمت و لا غيره

فقط واصلي بشخصيتك المعتادة وتلقائيتك المعهودة

ودعيه يعتاد عليهآ... هو زوجك وليس له إلا أن يتقبلك كما انتي

وسرعان مآ سيصبح مثلك

نصيحة بسيطة...

حاولي احتواء مزاجه والتحدث عن ما يخفف من أعباء نفسياته

تحية طيبة

[Rama]

ممكن أشوف نفسي مزعجه لأَنِّي كثيرة كلام لكن غصب عني أذا ما تكلمت وسولفت أطفش كل اليوم

أحياناً ننشغل أنا وصديقاتي عن بعض


أحب أسولف أتكلم لكن زوجي ما يعطيني وجه

بعد الغدا يجلس على التلفزيون بعدها الأيباد ويطلع للدوام العصر ويرجع على عشر


طبعاً فليل أستلمه وأبدا أتكلم أخرتها جرحني ما تعرفين تسكتين قلت نص ساعه طيب أستغرب تبين نصف ساعه زياده



طيب كيف أبطل هذي العاده حاولت أشغل وقتي لكن ما قدرت أحب أسولف مع زوجي وهو ما يعطيني وجه



والله غصب عني ضحكت هههههههههه قاعده أتخيل حالي

-

أحس إني معجونه بمثل العجينه الي معجونه منها إنتي يعني

الكلام الكثير قرقر ورى بعض ماعرف أسكت إذا كنت طفشانه

عالعموم مثل ماقال أخ عزوز ، خصصي وقت حتى مايطفش منك

ويطبخك على نار حاميه ويخلص منك :x30:

ـــــــــــــــــ

تحياتي لك :81:

[مشكلتي]

أذا زعلني منه سويت قبل ثلاث أيام عملية خلع سن العقل و كان فمي مَخيط ولا قدرت أتكلم يوم

قالها بوجهي وأنا تعبانه ونايمه على سريري لما رجعنا من المستشفى راحه له من كلامي الكثير !!! وليت كل يوم أشيل سن !!!

[Designer]

لآ صمت و لا غيره

فقط واصلي بشخصيتك المعتادة وتلقائيتك المعهودة

ودعيه يعتاد عليهآ... هو زوجك وليس له إلا أن يتقبلك كما انتي

وسرعان مآ سيصبح مثلك

نصيحة بسيطة...

حاولي احتواء مزاجه والتحدث عن ما يخفف من أعباء نفسياته

تحية طيبة

10/10

[ომძlἶղ]

حلي مشاكلكِ مع زوجك وبلاش تستشيرين الناس

[أسير الود]

يالطيف . انا عاد ما احب كثر الكلام .
لان بعض الناس اذا سكت تحسين انك مطفيه مكنسة من شدة الهدوء اللي خلفه وراه .

بصراحة حلك الوحيد تعودين نفسك على السكوت .

بس عندي سؤال الحين من وين تجيبون كل هذا الكلام ؟؟

[جَســـــوُرْ..،]

أذا زعلني منه سويت قبل ثلاث أيام عملية خلع سن العقل و كان فمي مَخيط ولا قدرت أتكلم يوم

قالها بوجهي وأنا تعبانه ونايمه على سريري لما رجعنا من المستشفى راحه له من كلامي الكثير !!! وليت كل يوم أشيل سن !!!


( :

أضحكني ..#

لا تتضايقي و تأكدي أن زوجك يحبك و يغليك ، وتأكدي أيضاً ان الرجال لا يتحدثون كثيراً .

و عليك مراعاة حالتة النفسية ..