المساعد الشخصي الرقمي

مشاهدة النسخة كاملة : هم الزوجه


هولستن رمان
09-15-16, 02:45 AM
تزوجت وكنت احلم بحياة سعيده وان الزواج راحه و تتحسن ايضا معنويا و جسديا ولكن ماذا حصل بعد زواجي .... لقد خابت ضنوني في شريكة الحياة فهي انسانه تحب النوم تقريبا 12 ساعه و متطلبه جدا و لا تعمل في البيت بحجة انها لا تستطيع ولا تعرف ما ذا تفعل وانها متعوده بمنزل اهلها على الجلوس وترك الخادمه تعمل وايضا لا تجيد الطبخ ابدا و على الهاتف مع اخواتها اقل شي 5 ساعات الى 6 ساعات واذا قضت منه لم تحدثني بكلمه في جلوسنا ابادرها الحديث فتجيب و تسكت يعني معي لا تحب الكلام كثيرا .، وايضا مركزه ع عيوبي كثيرا خاصه باللبس و المنظر و النظافه مع اني اهتم الا انها تعتبرني غير نظيف حسيت اني جربان هههه اتروش مرتين في اليوم ولله الحمد ولكن ما ادر ماذا تريد والله فيني هموم الدنيا فقد خسرت ديون و قرض لاتم هذا الزواج لكن الحمد الله في الاسواق تسرف اسرافا شديدا ركزو على شديدا 😅 و عقليتها صغيره مع ان عمرها تجاوز ال 24 في تحب الانمي و الرسوم المتحركه ديزني ولم تقل يوما احبك او اي من الكلمات الرومانسيه هههه حتى والله اذا خرجت للمولات الاحظ المتزوجين الجدد كل واحد ماسك يد زوجته ومبسوطين الا انا وبسس حبيت افضفض لكم لان حتى اهلي لم اصارحهم بالموضوع ابدا فهل تستطيع مثل هذي تحمل اعباء البيت و الاطفال و تتحملني انا مستقبلا '.. لا ادري هل استمر ام لا مع ان زواجي تووه مالي شهرين 😞😞

روزا
09-15-16, 04:01 AM
,


لسه بدري تحكم عليها
ومن كلامك عنها واضح انها من النوع الطفولي والاتكالي
يبغى لك وقت حتى تغير منها واذا خلفت فأكيد
من حالها بتحس بالمسؤليه وبتشوف الفرق بنفسك
وانت حاول لما تجلس معها تخبرها عن كل شئ
يضايقك من تصرفاتها زي ماهي تعمل معك
حتى تقدروا تدخلوا في بعض وتفهموا على بعضكم
ويصير فيه تقدير اكثر ل الحياه الزوجيه ,
الله يسعدكم .

هولستن رمان
09-15-16, 04:17 AM
,


لسه بدري تحكم عليها
ومن كلامك عنها واضح انها من النوع الطفولي والاتكالي
يبغى لك وقت حتى تغير منها واذا خلفت فأكيد
من حالها بتحس بالمسؤليه وبتشوف الفرق بنفسك
وانت حاول لما تجلس معها تخبرها عن كل شئ
يضايقك من تصرفاتها زي ماهي تعمل معك
حتى تقدروا تدخلوا في بعض وتفهموا على بعضكم
ويصير فيه تقدير اكثر ل الحياه الزوجيه ,
الله يسعدكم .


وياك يا رب ويسعدك وشكرا لمرورك ،. و ان شاء الله ربي ييسرها و تتغير يا رب يصلحها

روقان
09-15-16, 04:37 AM
اتفق مع الاخت روزا بما ذكرت

+ اضيف بخصوص موضوع الطبخ
قولها انا ابغى اذووق طبخك وكرر هالطلب منها ( )
وتقدر تتعلم عندها النت ( قوقل - اليوتيوب - الاستقرام ) ومع الوقت حتصير طباخه ماهرة

وإذا رفضت كلم امك او اختك تعلمها الطبخ > وإذا ماتبي تدخل أهلك بينكم
كلم أمها ( اقرب الناس لها) ممكن ولعل وعسى تعلم بنتها الطبخ

واما بخصوص ماعندها رومانسية ياخي توكم عرسان يمكن تستحي منك
انت بادر بكلمات الحب والرومانسية حاول تتغزل فيها وخليك رومانسي معها
مع الوقت نقول إن شاء الله تبادلك نفس الشعور ونفس الكلمات

الله يسخركم لبعض ويوفقكم

غـيـر مـهـتـم
09-15-16, 05:01 AM
هذي تحسب نفسها بفندق

اذا تعيب ع شكلك اقرب كف تسكت

كلم امها خلها تفهما احرمها من جوال خلها تعرف ان الله حق


24مو صغيره

شد عليها شوي لا تسكت

(قيثار الحب)
09-15-16, 05:06 AM
الله يوفقكم ويجمعكم بالخير
كل مشكله ولها حل والف طريقه
موفق.:x124:

هولستن رمان
09-15-16, 12:39 PM
شكرا لكم ع المرور اخ غير مهتم و روقان و قيتار الحب ،. اميل لرد غير مهتم الحرمان و العنف البسيط -- بخصوص اني اكلم امها المفروض مربيتها ع الطبخ و شغل البيت والله لو اخذتها صغيره صح اعذرها لكن 24 العمرر راح و بخصوص الرومانسيه قلت لها كل شي بس للاسف برضو انا بالضياع ... والله هم لكن ادعي الله كل يووم ان يصلحها قولو امين وليين قلبها ..! وما فضفضت هنا الا اني لا اقدر ان احكي لاحد من اهلي او اصدقائي و شكرا لكم والله يسعدكم :eh_s(21):

Rama
09-15-16, 12:54 PM
إنت حاول معها فهمها إن الحياه الزوجيه ماهو نوم وجوآل ونناظر بعض من بعيد وبلإشارآت ههههه

وإذا مافهمت والله عادي ، كلم أهلها قول لهم كل شي فيها عادي ماهو عيب

وبلأخير والله مدري وش أقول غير العوض على الله بنات الجيل هذا ماعاد فيه بنات الحق حق

قليل البنـآت الصاحيات الحين كلهم جوال وطبخ مافي طبخ ومعانآتك نفس معآنآة خآلي

لكن فهمها وإذا مافهمت ماعندك أي مشكله ولاتخجل كلم أهلها جداً عادي أهم شي

تعقل وتفهم إن هذا زواج مو لعبه ، الحين بعض البنات تتزوج لاطبخ ولاشغل

وخلآل شهرين شهر صايره أنبوبة غآز فيله ليش كل هالوزن والله أكل من برى ونوم مافي شغل

بس تقدر تعدلها على الصرآط المستقيم مافي شي إسمه توها بالبدآيه إذا تركتها على هالحال

رآح تتمادى بس كلمها بصرآحه لا مجآمله وإذا تخاف تصآرحها وتزعلها لمح لها وإذا مانفع مآعندك

حل غير تكلم أهلها ..


تقبل مروري

هولستن رمان
09-15-16, 01:01 PM
اتفق مع الاخت روزا بما ذكرت

+ اضيف بخصوص موضوع الطبخ
قولها انا ابغى اذووق طبخك وكرر هالطلب منها ( )
وتقدر تتعلم عندها النت ( قوقل - اليوتيوب - الاستقرام ) ومع الوقت حتصير طباخه ماهرة

وإذا رفضت كلم امك او اختك تعلمها الطبخ > وإذا ماتبي تدخل أهلك بينكم
كلم أمها ( اقرب الناس لها) ممكن ولعل وعسى تعلم بنتها الطبخ

واما بخصوص ماعندها رومانسية ياخي توكم عرسان يمكن تستحي منك
انت بادر بكلمات الحب والرومانسية حاول تتغزل فيها وخليك رومانسي معها
مع الوقت نقول إن شاء الله تبادلك نفس الشعور ونفس الكلمات

الله يسخركم لبعض ويوفقكم

هذي تحسب نفسها بفندق

اذا تعيب ع شكلك اقرب كف تسكت

كلم امها خلها تفهما احرمها من جوال خلها تعرف ان الله حق


24مو صغيره

شد عليها شوي لا تسكت

الله يوفقكم ويجمعكم بالخير
كل مشكله ولها حل والف طريقه
موفق.:x124:

إنت حاول معها فهمها إن الحياه الزوجيه ماهو نوم وجوآل ونناظر بعض من بعيد وبلإشارآت ههههه

وإذا مافهمت والله عادي ، كلم أهلها قول لهم كل شي فيها عادي ماهو عيب

وبلأخير والله مدري وش أقول غير العوض على الله بنات الجيل هذا ماعاد فيه بنات الحق حق

قليل البنـآت الصاحيات الحين كلهم جوال وطبخ مافي طبخ ومعانآتك نفس معآنآة خآلي

لكن فهمها وإذا مافهمت ماعندك أي مشكله ولاتخجل كلم أهلها جداً عادي أهم شي

تعقل وتفهم إن هذا زواج مو لعبه ، الحين بعض البنات تتزوج لاطبخ ولاشغل

وخلآل شهرين شهر صايره أنبوبة غآز فيله ليش كل هالوزن والله أكل من برى ونوم مافي شغل

بس تقدر تعدلها على الصرآط المستقيم مافي شي إسمه توها بالبدآيه إذا تركتها على هالحال

رآح تتمادى بس كلمها بصرآحه لا مجآمله وإذا تخاف تصآرحها وتزعلها لمح لها وإذا مانفع مآعندك

حل غير تكلم أهلها ..


تقبل مروري

شكرا لكم من القلب ع المرور جميعا نحاول بجميع الطرق اللي نصحتو لي بها وان شاء الله خير

إحساس شاعر
09-15-16, 01:02 PM
::
الله يعينك

وبداية أنتبه تخبر أهلك في هذا الوقت . فمن الظلم أن تحكم عليها قبل المحاولة منك ..

تأكد أن السبب من بيئة أهلها والأم بالذات وهذه مشكلة العصر كله لست الوحيد من يشتكي ويسرد هذه المشكلة . في المجتمع مشاكل عدة كلها تقريبا نفس مشكلة بالتفصيل والسبب الدلال الزائد وانشغال الأم عن تربية ينتها وتدريبها وتهيئتها لأن تكون ربة بيت ..

يجب أن تواجه مشكلتك بتروي ويعقلانية ويمكن حل مشكلتك بنفسك بثلاث خطوات :
1- حاول أن تنسيها البيئة السابقة وتعالج سلبيات التربية التي كونتها بهذه الطريقة . ولكن احذر أن تجرح أهلها أو أن تذم طريقة أهلها في تربيتها أو شي من هذا القبيل ,. لكنك استخدم أمثلة وقصص لبعض الأسر التي لا تهتم بتربية أبنائها - مثلا- وحاول أن تلامس بعض أخطائها وتنبه عليها بطريقة غير مباشرة وتمدح وتعزز بعض الجوانب الإيجابية فيها ,

2- إذا رأيت هناك استجابة منها ابدأ في حثها وترغيبها في بيتها وأشعرها بأهمية بيتها وبأن حياتك متعلقة بحياتها وباهتمامها .. وذكرها بالله ووليكن الخوف من الله وأسس الدين هو أساس حياتكم الزوجية .
3- إذا لم تستجب ورأيت منها استغلال لتعاطفك ومحاولاتك في تقوية غرورها ضدك , فكلم أهلها وكن أكثر جدية وشدة في حدود المعقول , ولا تعد إلى أسلوب التعاطق والتراخي معها . فعزة النفس أكرم وأشرف من الحياة ذاتها . وأبناؤك بحاجة لأم فاضلة مؤدبة تدرك أهمية الحياة الزوجية وتدرك قدر زوجها وقيمته .

وأخيراً يا أخي كن صبوراً حليماً في حد العزة والكرامة ومصلحة الأسرة الزوجية ولا يتعدى ذلك فيصبح ذلا وضعفًأ ..

أسأل الله العلي العظيم أن يصلح حاليكما ويوفق بينكما بالخير والسعادة والتفاهم

تحيتي

غـيـر مـهـتـم
09-15-16, 01:51 PM
خلنا نكون صريحين انت مو مضايقك بس الطبخ

اقولها لك اذا انت ترخي تمشي لها راح تتماد ليه تروح تشكي خويلك


روح امها او ابوها قلها اذا ما تبي تقول

شد عليها حط قوانين اقولها لك اذا شفتك ما تسوي تقولك ضعيف شخصيه راح تسوي العن

مافيها شي لو عطيتها العين الاحمر بعض بناات ماتفهم الابضرب

مرجانة
09-15-16, 02:28 PM
امممم من تصرفاتها

أعتقد البنت مو متقبلتك ، لو كانت تقبلتك كان حبت تخدمك بعيونها

حتى لو ما كانت تعرف تطبخ راح تهتم انها تطبخ عشانك
و لو ما تعرف للرومانسية بيكفيها الجلوس بقربك

لكن من أولها انتقادات و جمود و لاهية عنك ؟!

هل أمضيتم فترة بعد الملكة أو لا ؟


عموماً يحصل إن الزوجة ما تتقبل زوجها بسهولة لو كان زواج تقليدي
و تحتاج سنة أو سنتين عشان تبدأ تحبه صدق

يمكن هي نفس الشي معك

الله يكون بعونك

عموماً حاول تشجعها .. اقترح يوم انكم تتشاركون الطبخ
تحداها ، أعمل أي شي يستفزها يمكن تستحثها تطبخ ولو عناد فيك

و ان شاء الله مع الوقت يصطلح حالها و تتغير

الله يوفقكم يا رب و يألف بين قلوبكم

looly
09-15-16, 03:53 PM
:

شوف وانا اختك , لزم تفتح لها الموضوع تقولها احب كذا وكذا وترا كثير يتزوجون ما يعرفون يطبخون ولا يعرفون ولا شي بالبيت بس مصيرهإإ راح تتعلم ..!
والنوم مشكله ماشاء الله على نومهإإإ بس لزم تنظم نومهإإ شكله نومهإإ مخربط ولزم تنام معاك وتصحا معاك وانت لزم تقولها اخطائهإ يمكن تجهل ذا الشي وبعدين صرف وتصرف انت مسئلو بهذا الشي حدد لها مبلغ معين وخلاص الاسراف الزايد ماينغع ... ولما تقولك ببيت اهلي ماكنت اسوي شي قولها ببيت اهلك اتزوجتي اتغير الحال كل شي بالبيت انتي تسويه هددها انك تتزوج عليهأ صدقني ترجع تتعدل او سوي فيهإ مقلب انك تكلم صاحبك وانك تبي تتزوج وخليه تسمع وكل شي انت تحسه قوله : خليهإإ تسمع انهأآ مقصره > بس لا تسويهإ يرحم والدينك :dddas:

ترا منجد اللي زي كذا ماينفع معاهم غير كذا عشان بس اول شي قول كل شي لهإ ولو ماتبي تسوي اي شي بالبيت انك تتزوج ولو مافاد معاك سوي فيهإ المقلب وان شاء الله تزبط معاإك

الله يكون بعونك يا احوووي ويهديها ويصلح حالهإإإ للاحسن يارب:ورده:

سآلفـَة قـ لمْ
09-15-16, 04:05 PM
شوري عليك وانا اخوك
داهمها باقرب وقت وخلها تلم قشها وطير فيها على بيت امها
وكلمتين حطها في اذن امها وابوها .. [ بنتكم عندكم شهر .. لا ارجع بعد شهر الا وهي سنعه ]

ان كانهم اجاويد وشارينك .. بيحلون الموضوع وبترجع تلاقي انسانه غير . تؤادي لك حقوقك و تبيض وجهك قدام اهلك وضيفك
وان كانهم ماش . فأنت اللي كسبت ربي صرف عنك بليه وأبان لناس عذرك ورايتك بيضاء امامه سبحانه من ثم خلقه

والله ييسر أمورك :27:

غـيـر مـهـتـم
09-15-16, 05:13 PM
امممم من تصرفاتها

أعتقد البنت مو متقبلتك ، لو كانت تقبلتك كان حبت تخدمك بعيونها

حتى لو ما كانت تعرف تطبخ راح تهتم انها تطبخ عشانك
و لو ما تعرف للرومانسية بيكفيها الجلوس بقربك

لكن من أولها انتقادات و جمود و لاهية عنك ؟!

هل أمضيتم فترة بعد الملكة أو لا ؟


عموماً يحصل إن الزوجة ما تتقبل زوجها بسهولة لو كان زواج تقليدي
و تحتاج سنة أو سنتين عشان تبدأ تحبه صدق

يمكن هي نفس الشي معك

الله يكون بعونك

عموماً حاول تشجعها .. اقترح يوم انكم تتشاركون الطبخ
تحداها ، أعمل أي شي يستفزها يمكن تستحثها تطبخ ولو عناد فيك

و ان شاء الله مع الوقت يصطلح حالها و تتغير

الله يوفقكم يا رب و يألف بين قلوبكم


عمرها لا تقبله اهم شي تحترمه مو ع طول تعيب

لو انا منه كف مم شعرها اهلها عشان تتادب

آسيرة حرف
09-15-16, 06:48 PM
شوري عليك وانا اخوك
داهمها باقرب وقت وخلها تلم قشها وطير فيها على بيت امها
وكلمتين حطها في اذن امها وابوها .. [ بنتكم عندكم شهر .. لا ارجع بعد شهر الا وهي سنعه ]

ان كانهم اجاويد وشارينك .. بيحلون الموضوع وبترجع تلاقي انسانه غير . تؤادي لك حقوقك و تبيض وجهك قدام اهلك وضيفك
وان كانهم ماش . فأنت اللي كسبت ربي صرف عنك بليه وأبان لناس عذرك ورايتك بيضاء امامه سبحانه من ثم خلقه

والله ييسر أمورك :27:

اتفق مع الفاضل / سالفة قلم

اهم شيء ابوها موجود الام تتجاوز عن بنتها تبقى حنونه بس اذا تواجد الاب قامت الام بمهمتها ع اكمل وجه

إحساس طفله
09-15-16, 07:27 PM
م اقول الا الله عينكك عليهاا ..
وهذا هو سبب دلع امها و ابوها لهـآآ ..
اي بيت في شغاله اعرف ان البنات اللى فيه مامنهم فايده ..
طبعا مو الكل
فكـآن الله بعوونك اجلس معاها فهمهـآآ

سعــــود
09-15-16, 07:28 PM
_

ماخذ قرض بعد ؟
وتلعب بالجوال مطنشتك

من الاخر
اذا ثبت ماتبيك قلها رجعي مهري .. وأتركها
اذا ولله انت مشتب وراء هالعرس دور بركاده
شف احد من اهلك يدور لك
بعض هالحريم تحسب الحياة تناحه ونوم وجوال واكل مطاعم وصديقاات تكلمهن
بصراحة ... رحت توهق وتخسر نفسك على الفاضي ..

مطر الفجر
09-16-16, 01:58 AM
عليكم السلام
اولا الي يحب انمي ليسوا اطفال انما هواياتهم هكذا
الزواج يحتاج صبر وتوجيه
وانت كما تقول هي متعوده في بيت اهلها تفعل كل شيئ
صارحها بالموضوع وقل لها تتعدل من اطباعها
وانت ايضا تتحمل جزء كبير من الخطا
لا تصرف عليها وتعطيها مال الى حد الاسراف والتبذير
هي عروس لكم شهرين فقط من تزوجتو ولا اظن ان لديها اغراض ناقصتها
غير في تعاملك معها واجعلها تتقبلك مثل ما انت
وليس مثل ماتريد هي
ان احترمتك وامتثلت لرغباتك فانها بها الخير ان شاء الله
وان تمردت وغضبت وقلت احترامها لا تتردد في طلاقها
لان اي علاقه ان لم يكن بها حترام فهي فاشلة ولا تتورط وتورطها بالاطفال
تحيتي لك

أسير الود
09-16-16, 02:16 AM
ذولي هم بنات هذا الزمن . تبي رجال يصرف عليها ويدلعها ويمشيها ويسفرها .
وهي ماتعرف تسوي بيض مسلوق .
والشرهه مو عليها اصلا . الشرهه على امها . كان لازم تربي بناتها لبيت زوجها .

والله اخواتي الله يحفظهم من عمر 15 سنه وهم يطبخون ويتفننون بالطبخ .

والحين كل واحده في بيتها وشايله بيتها ولا خدامه ولا غيره .

لكن شد عليها شوي حسسها ان الزواج مسؤولية مو لعب اطفال .

هولستن رمان
09-16-16, 05:18 AM
اشكركم من اعماق قلبي على هالردود و تفاعلكم معي و ربي ييسرها و يوفقكم ان شاء الله انا عزمت بكره اوديها للبيت اهلها ونشوف الحل مع ابوها انا ماعدت اتحمل اكل المطاعم و المصاريف والبيت غير نظيف ارجع للعزوبيه احسن لين ربي يسخر لي المرءه الصالحه او ان ربي يهدي زوجتي ويصلحها ... دعواتكم لي

اللورد يحيا
09-17-16, 08:32 AM
انزل السوق وتبضع للبيت كل مستلزمات المطبخ ثم سلم زوجتك للأمر الواقع

ولكن حاول بأن تكتم عنها دخلكم المالي

وإذا ماطبخت أو لم تهتم لشؤون المطبخ وبدأت بالتظمر تحجج لها بأنك لا تملك فلوس

وستنحل مشكلتك بإذن الله

- انت مشكلتك عودتها طوال الشهرين الماضيه كل ما جاعت تجيب الأكل من برى وهذا أكبر خطأ ارتكبته بحق نفسك ، لازم تجوعها مره او مرتين الين تعرف أن الله حق ..

نصيحتي لك مشاكلكم لا تخرج من باب بيتكم ، لأن المشكله إذا وصلت بيت أهلها راح تكبر ، لذلك حلو مشاكلكم بأنفسكم .

جديلة ورد
09-18-16, 08:03 AM
والله يااخوي اشوف ماعندك صبر ابدا
توكم اصبر لو سنتين او اربع اقول ايه ماينسكت عليها


وانا اقول بلاش تدخل العوايل بينكم لانه مايقربكم لبعض الا يبعدكم
انت علمها وهي تعلمك اشتغلوا سوا مرات اطبخ لها سو شي لها
راح تتعلق فيك يمكن ماحبت لحد الان عشان كذا هي ماتهتم
لما تعلمها انت وهي بعد تحاول تتعلم راح تنجح ولاتكتم شي بخاطرك
كلمها ناقشها ترى الانسان احيانا يجهل هو وش سوا
احيانا احتاج احد يوعيني لتصرفات لان ابن ادن خطا

اصبر وانا تختك وصدقني تنحل مشاكلكم بس ادعي ربك ليل ونهار
ان الله يسخركم لبعض

الصولجان
09-18-16, 08:45 AM
/

عاقبها بحدود .. شوف قد ايش غلاك عندها

الحمل فكر بعدين فيه يعني مو شرط تستعجل

اعطي فرصه لك ولها .. ممكن دلوعه البنت

مع الايامّ شوي شوي قولها كذا وكذا


ولازم كذا بدون تدخل اي طرف اخر

حببها فيك من كل النواحي

اغرقها عشق ومساعده

مو عيب الزوج يعيش رومنسي شوي


ماراح تخسرون شي وربي بالعكس


بعد كذا ما عاد تقدر تستغني عنك

بس انتم الرجال مدري كيف ...!

ما تفهمون من اشاره


SEO by vBSEO 3.6.1