خطبني ثلاثيني

[مشكلتي]

السلام عليكم صباح الخير
عادعيدكم بالخير والسرور
حابه آستشيركم بشي! ممكن
انا بنت عمري 25 جامعيه
تقدم لي شاب عمره 35 او 34
موظف بشركة كبيره راتبه عالي
واخلاق والكل يمدحه ، من أهلي ...
لكن كلام بعض الصديقات والقرايب أثر فيني
يقولون لي كبير اشتبين فيه ذا شايب ليه ماتزوج الى الان اكيد فيه بلى اكيد كان يحب وحده ثانيه واهله غصبوه عليك وموظف خاص ماراح يقدر
يأمن لك عيشه حلوه . للعلم سيارته اخر موديل ومعاه بيت دورين صاروا يقولون لي يمكن تاجر مخدرات او شي من هاالقبيل طلعوا فيه 100 عيب
انا صرت أفكر بعمره ليش ماتزوج الى الأن والله صرت خايفه مع اني مرتاحه له مررره حسيته بيدلعني ويحبني لان احس الثلاثينين فيهم دفاء
شفت هالشي بااخوالي عكس اخواني بالعشرين فيهم اندفاع وعجلة طبعاً الأغلب مانعمم.
بس والله خايفه ليه هالرجال ماتزوج الى الان
خايفه يكون فيه بلى ويبغون يبلونه فيني للعلم يقولون هو اختارني من اللي سمعه عني
وكذاً وحسيته يبغى الرد بسرعه
هل اللي بالعمر ذا يعتبر كبير!
انا صح مو صغيره مرره بس بينا 11 سنه والله فرق كبيررر . وكمان لو صار نصيب بااسكن بمنطقة بعيدة جدااااا عن أهلي

ارجو المشوره يااخوه.! واستخرت الحمدلله ومرتاحه له لكن ارجوا الاستشششاره فقط.

[همسة الروح]

وعليكم السلام
أستخيري الله وأدعي الله أنه يقدم لك الخير
وأسالوا عنه
ولا تسالي عن عمره وليش ماتزوج !!
هالامور قسمة ونصيب
وعسى الله يوفقك ويكتبك الخير والتوفيق ...

[بنت البصره]

وعليكم السلام ورحمة الله وبركاته


غلاتي اذا كنتي واثقه من اخلاقه وسمعته ماكو اي داعي للتردد اتكلي على الله وافقي اما مسالة تاخيره الهذا العمر بدون زواج فكثير من الشباب يهتم بدراسته وتامين مستقبله واخر شي يفكر بالزواج حتى ميواجه صعوبات المعيشه ربي يسعدك اختي ويهنيكي فيه

[Rama]

ياأختي إستخيري الإستخاره هي إللي بتخلي قلبك يختار وش تبغين وش إللي ماتبغينه

-

الإستخاره دليلك لشي ، وثآني شي / كلآم الناس وسواس إسمعي كلآم قلبك مالك ومال الناس


بعدين مال العمر أساس يعني إنتي كبيره وواعيه 25 وهو بالثلآثين لآتقولين صغيره


الرسول عليه الصلآة والسلام تزوج عآئشه عمرها 10 سنوات وهالشي يكفي ماعندي كلآم


أزيد وأعيد عليه ، غير الله يسعدك ويقدم لك إللي فيه الخير




تقبلي مـروري :x117:

[إحساس شاعر]

العمر مناسب لعمرك جدا ,
لكن إقبالك على الزواج بهذه الاحتمالات والانطباعات سيرمي بك في حياة زوجية قلقة ..
:
من الصعب أن تسلمي أذنك لكل من هب ودب لكي يحلل ويدعي علم الغيب في خطيبك . ثم تولد المخاوف لديك بهذه الصورة ..
من المهم أن يتأكد أهلك عن أخلاقه ويسألوا وطالما عمره 35 فالسؤال عنه سهل لأنه تقريبًا يكون معروف لدى الكثير من الناس . إذا كان محافظ على دينه وأخلاقه فتوكلي على الله واستخيري واستشيري ..

ولا تجعلي العمر عائقًا فهو يعتبر من جيلك وربما يكون أخوانك وأخواتك هنا في المنتدى حول هذا العمر وهم يحملون نفس الفكر واهتماماتهم متقاربة بالنسبة لمن هو في عمرك أو أقل بكثير ..

وفقك الله لما فيه الخبر والصلاح ..

[هولستن رمان]

السلام عليكم ورحمة الله و بركاته
اولا اختي الفاضله عمرك 25 و العمر كله ان شاء الله وهو 34 او 35 ما اشوف ان هذا الشي غلط و خايفه ليه ماتزوج او انه تاجر مخدرات بسبب سيارته وبيته ... انا اعرف واحد ما تزوج الا ب 36 و مدير بنك والحمد الله ربي رازقه بس ما كان يفكر بالزواج الا لما يكّوون نفسه و يعرف يسعد زوجته و الحمد الله هذا هو مرتاح وعنده بنتين الله يحفظهم فا ما عليك من كلام الناس ممكن غيره او حسد ... لكن رزقك وسترك وجاك لعنددك استخيري الله و توكلي وصدقيني حتسعدين بأذن الله والله يتمم لك على خير و تقبلي مروري

[مرجانة]

مدري وين المشكلة بالضبط ؟!

لو تزوج بالعشرين يمكن كان حمل ديون
هو ما حب يتزوج الا لما كون نفسه و أمن البيت

يبغى يتزوج و باله مرتاح و ذهنه صافي

أعتمد على نفسه و أسس حياته للزواج
و لما لقى نفسه ارتاح قام بيتزوج

بنت عمتي تزوجت برجال عمره اربعين !.. ولد جيرانهم
يعرفونه زين
ما تزوج لان ما كان مستعد نفسياً للزواج

و لما تزوجها الحمد لله مبسوطة معه
مع العلم فرق العمر بينهم اكثر من فرق العمر بينك و بين المتقدم لك

صديقاتك غيرانات
شككوكِ حتى بأمواله و انه ياكل حرام
بأي حق ؟!

سدي اذانك عنهم و دام الاهل سألوا عنه و ما سمعوا الا الخير توكلي على الله
و ان شاء الله ربي ما يخيبك

[مشكلتي]

اقول وافقي وخل عنك كلام الناس انا اثق اذا وحده من اقاربك خطبها مثله بتوافق بدون ماتشور علييك.🐙

[غـيـر مـهـتـم]

اسمحي لي غبيه انتي هذا كلام خوياتك ثاثرتي اجل لو بقولك اتركيه بتركينه


اكون صريح معك فتره طيش شباب في عشرينات يعني م راح يفكر الزواج الابثلاثينات بعدين بعيد عن ذا تكلف الزواج تصير فوق 100الف
من غير البنت وغيره

اذا انتي مرتاح له ماعليك ما كلام الناس اذا بتردي ع كلام الناس م راح تعيشين كلام الناس لا يؤدي ولا يجيب

بعدين اذا انتي 25هو 34الفرق بينكم 9سنوات ما فيها مشكله

احمدي ربك بس

[غـيـر مـهـتـم]

من غير البيت قصدي معليش دخولي من جوال :outhg!::outhg!:

[إحساس طفله]

ي حبيبت قلبي لا تسمعي لكلام الناس
كلام الناس ماراح ينفعك ابد
صلي و استخيري وشوفي ..
بعدين سن الثلاثين هو سن الشباب
ايش تبغي بواحد عمره 25 وفوق .
فأن كان نصيبك الله يوفقك وماعليك مِن احد

[مطر الفجر]

عليكم السلام ورحمة الله وبركاته
يا اختي انتي لا تعلمين ماذا كانت حياته ربما شقى وتعب
وكسب المال بعد جهد ومرت السنين
كما اني ارى ان سنه جيد للزواج وليس كبيرا هذا عمر النضج
او ربما كان مسؤول ويصرف على عائلته او احد المحتاجين من اقربائه او ايتام
لا عليك من كلام الناس فانهم لن ينفعونك ابدا
ولو كان بهم خير لكانوا اختارو لك زوج
استخيري وان كنتي مرتاحه توكلي على الله
تحيتي لك

[اللورد يحيا]

نصيحتي لك توكلي على الله وتزوجيه

ولا تهتمي لكلام الناس اللي لا يودي ولا يأخر

[الصولجان]

/

استخيري الله مره واثنين وثلاث

والف بعد .. الأمور ذي لا خيره

فيها الا من الله اما البشر

والله ما ينفعون بريال ..


اهتمي لصلاه الوتر وادعي من قلب طاهره


تتمنى الستر وربي يكتب لك الخير

وينورك لطريق الصواب

[جَســـــوُرْ..،]

35 سنه في زهرة شبابه _ و العمر مو عيب
سبب عدم زواجه الى الان تستطعي ان توجهي له السؤال
لا ارى اي خلاف لكن ..!!


هل تستطعي ان تعيشي معه في منطقة بعيده بمفردك ، و ماذا ان أنجبتي اطفال و هل ستتحملي البعد و كيف مدراس اطفالك في المستقبل .؟ و كيف طبيعة عمل زوجك هل تتوافق معك كونك بمفردك .؟

هذه التساؤلات أجيبي عليها اولا و بعدها أتخذي قرار موافقتك او عدمه ..# قبل الاستعجال ..

و أسال الله لك الخيرة الطيبة في حياتك و حياة من تقدم لخطبتك ..

[متغطرسَ]

آول شي عسى آن كآن فيه خير لك تتزوجينه
آمآ عن آلعمر وآلفرق وآلمطقه بعيده فذآ شي عآدي
ي م في نآس عمره 31 آخذ بنت م تتعدى 22 سنه
آستخيري ي وخيه وعسى الله يكتب آللي فيه خير لكم
آمآ آللي يحذرون ومدري آيش مخدرآت ووظيفه خآصه حطيه بآلهآمش
وخلي آبوك وعمآنك يسآلون عن آلرجآل

الله يسعدك . :0741:

[A S M A A]

بالعكمس اشوف السن منااسب لك والله
لان المراة بتكبر بسرعة اما الرجل 50 سنة وبيظل شاب :outhg!:
استخيري ربك خيتو
والله يوفق بينكم ويسعدكم
:MonTaseR_11: