لا تامـن الدنيــا تـرى الوقـت فتَّــاك

[ساري الشوق]

لا تفرح إن الوقـت أسعدك وأعطاك
لابــد مـا ســود اللـــــــيالي تبكِّيــك

دنـــــيا تقلـــب علــها مـــا تــولاك
تمسي عزيز وتصبح من الصَّعاليك

إلى أقبلت تخفي عيوبك عن عداك
وإلى أدبرت تظهـر عيوبك لأهاليـك

اغنم من صروف الدهر كانه أمداك
قبل اللحد عن ظاهر الأرض يخفيك

وترى التشكي للمخاليق يشــــــنـاك
يحط من قدرك ويفـرح مــعــاديـك

وكـثر التـشره يجعـل الناس تجـفاك
ولا عــاد تلـقى بيـنهـم من يخـاويك

ولا تمادى في زعل من ترضَّــــاك
مادام جاء عاني على شان يرضيك

ولا تخــاوي من على أبوه بـــــدَّاك
هذاك وإن طال الزمن غادرٍ فـيــك

والـجـاهل احـذر لاتجـادلـه يـبلاك
في كـلـمة بين الـمخاليـق تعـمـيــك

والهرجة العوجا لو إنها تَنَصَّــــاك
حـاول تجـاهـلهـا وخــلها تـعـديـــك

ولاتَخَـيِّـب هـقـوت اللي تـهـقـــواك
مادام جاء بين المخاليق ناصيـــــك

واحـذر تـهـزَّى يـافـتى بخلق مولاك
تـشـوفـها بأقـرب قـريـبٍ يوالـيـــك

ولا تفرح بزودٍ على الحق وإن جاك
زودك ترى نقصٍ على حق ذوليـك

وخل القناعة ميزةٍ من مزايـــــــاك
مـع الـقـناعـة كــل شـيٍء يـكَـفِّـيـــك

وإن جت لك الدنيا على غير مشهاك
اصبر ترى بالصبر تدرك أمانيك

لا تامـن الدنيــا تـرى الوقـت فتَّــاك
لاجاء القدر كثـر الحـذر مايِنَجِّيـك

[السامي]

قصيده ابداع وحكم

الله يعطيك العافيه على ذوقك الراقي بالاختيار

تقبل مروري وتقيمي ونجومي

[ساري الشوق]

كلك ذوق اخوي شيخ الذوق

يسلم لي الرد الجميل والتقييم الرائع

ونجومك تاج ع راسي :نبض: يابعدهم

والله لا يحرمنا من وجودك بمتصفحاتي

ودي لك واحترامي

[(قيثار الحب)]

ساري الشوق

كلمـات ذوق وحرف مبدع

سلمت يداك ودام عطاءك المثمر والف شكر لك

وبانتظار جديدك بكل شوق ..

[ساري الشوق]

حياك الله اخي قيثار الحب نورت صفحاتي بحضورك الراقي

واشكرك على كلماتك الجميلة تسلم لي يالغلا

ودي لك واحترامي

[احلام ضائعه]

ابداع
حفظك الباري

[shook]

روعه يعطيك العافيه

[كنز]

سلمت يداك

[ساري الشوق]

حياكم الله ومنورين متصفحاتي بحضوركم الراقي

ودي لكم واحترامي