مشكلتي
10-16-16, 01:30 AM
السلام عليكم
انا متملكه و صدف بفترة ملكتي الأعياد و طبعا عندنا ما نكلم ام الزوج ونتواصل معها الا بعد الزواج بس المكالمات و الزيارات لزوجي وزوجي ما طلب مني اكلم و لا شي لكن لاني شفته يجي لاهلي يعايدهم فسويتها عشان خاطره و اتصلت بام زوجي و عايدتها و انا اعايدها و اسالها عن حالها ما كانت ترد علي على طول قالت فلان جنبي خذيه كلميه صراحه ما دققت و مشيتها قلت عادي يمكن تحسبني ابيه مع اني أكلمه و يكلمني و يزورني يعني ليش تعطيني أكلمه !
جاء عيد الاضحى اتصلت على خالتي و انفصل الخط بوجهي قلت يمكن بترد بس ضغطت بالغلط اتصلت ثاني مره و انفصل الخط قلت يمكن مو معها مع أطفال بما انه عيد و زحمه البيت رجعت اتصل مره ثاالثه و انفصل الخط تركته اليوم اللي بعده اتصلت و انفصل الخط بوجهي رحت اكلم زوجي و جلست اسحب منه الكلام ابي اشوف عندها احد او لا لان ضاق صدري لا تكون ما تبي تكلمني عرفت ان اخوانه مشوا لبيوتهم و ان امه ما عندها الا اخته عرفت انها ما تبي تكلمني على الليل لما تكلمنا انا وزوجي جلس يسحب بالكلام و قال ان اهلي مالهم حق لحد ما تجين عندي اذا جيتي عندي سلمي و كلمي وان عيدنا ببيتنا اذا تزوجنا ما نروح لاحد و اذا رحنا لاهلي ( اهله يعني ) ما نطول بصير معك و اذا بغينا طلعات نطلع انا وياك عرفت انه عرف و شكلها الحركه متعمده 💔
واصلا بالخطبه ما جاء الا اخته الكبيره و الملكه جت امه و خواته مو كلهم فيه منهم ما حضروا و كانو ببيوتهم و امه لما سلمت عليها ما ردت علي و لا بَارَكْت لي و لا طالعت بوجهي جالسه تدور بعيونها عني و تقول متى نطلع ورانا صلاة عشاء ووحده من خواته اول ما دخلت عليهم انقلب وجهها والله كانها شايفه ملك الموت مو بنت حتى ما وقفت تسلم علي لما جيت عندها 😔 و الباقي لا سلموا و باركو و جلسوا يسولفون معي و يضحكون و عادي
قسم بالله ضايق صدري ليش مو حابيني وهم ما شافو خيري و لا شري و لا يعرفوني و لا اعرفهم و الله ما كان بنيتي شيء لهم الا الطيب و الاحترام
انا جلست اجمع حركات و تصرفات كنت مطنشتها و معديتها مثل يوم الخطبه سالت اخته وش شروطكم قلنا ما عندنا شيء راحت امه اتصلت و صارت تقول ليش ما طلبتو شيء تشرطو اللي تبون قولو اللي بخاطركم و تصر على امي واحنا الحمدالله ما كان يهمنا الا سمعه و علم و اخلاق ما همنا اصرارها كان غريب و انصدمت بعد الملكه من كلام زوجي لما سولفنا انهم قايلين على لساننا ان شرطنا نبي زواج كبير بأحد الفنادق ! واحنا عائله من خلقها الله و هي معروفه ان ما عندنا زواجات كلها عائليه من جدانا لأولادنا و احفادنا و مع كلام زوجي اللي يجي بدون مناسبه حتى اتذكر يندفع احيانا و يقول انتي مالك علاقه بأحد غيري و مالك دخل بأحد انتي عليك مني بس و ما عليك من اي كلام و لا تحسبين لاحد حساب و اذا تبين ترضيني ترضيني انا لا تدورين رضا في اللي حولي و انتي عاجبتني و لا يهمك كلام احد و لا تسمعين لاحد و انا مأخذك و مقتنع فيك و يعيده كم مره و حتى كان يسألني يقول يوم الملكه وش سوو خواتي و كيف كانو وش سوو لما دخلتي و امي وش سوت انا جلست اربط مع كلامه معناها مو حابيني
بتقولون وش عليك حبوك او ما حبوك علي انا وحده مهزوزه خوافه كيف اذا صرت بمكان انا عارفه اللي فيه مو حابيني و لا يبوني
مااحب احد يكرهني قسم بالله ضايق صدري مره
لا تقولون يمكن سامعين عنكم شيء انا و اهلي ومن قبلهم جداني سمعتنا طيبه و معروفين بهالشيء وومعروفين اننا ناس طيبه و اخلاق و علم انا اقول يمكن يبون من بنات عمه او خواله لان اخوانه متزوجين منهم بس هو اللي طلع عنهم
و زوجي ما يدري عن فصلة الخط و لا قلت له عن اللي ببالي و لا عن شيء و لا ناويه
و لا هو اكبر واحد و لا اصغر واحد و لا متعودين عليه و لا يقضي حاجاتهم بالعكس هو رافع يده عن اهله و البيت وماله دخل بشي مع نفسه و لنفسه عشان ما تقولون لانه بيتغير عليهم او كذا
كل ما اذكر فصلة الخط والله يضيق صدري و يصدّع راسي 😔
غير الحركات اللي صارت من تملكت تجي على جوالي رسايل مقاطع وسخه و كلام من اخته تتكلم فيني اني مو مضبوطه و راعية خرابيط و هي ما قد شافتني و انا كل سنه كان يتم تكريمي و تكريم امي باني الطالبه المتفوقه المثاليه و الكل يشهد بأخلاقي من معلمات و طالبات و أقارب و من منطقتي
فوق ضيقة الصدر اخاف تجي اشياء اكبر و انا وحده غبيه استحي ما اعرف ارد على احد و لا امد يدي و لا اعلي صوتي و لا فيني للمشاكل
انا متملكه و صدف بفترة ملكتي الأعياد و طبعا عندنا ما نكلم ام الزوج ونتواصل معها الا بعد الزواج بس المكالمات و الزيارات لزوجي وزوجي ما طلب مني اكلم و لا شي لكن لاني شفته يجي لاهلي يعايدهم فسويتها عشان خاطره و اتصلت بام زوجي و عايدتها و انا اعايدها و اسالها عن حالها ما كانت ترد علي على طول قالت فلان جنبي خذيه كلميه صراحه ما دققت و مشيتها قلت عادي يمكن تحسبني ابيه مع اني أكلمه و يكلمني و يزورني يعني ليش تعطيني أكلمه !
جاء عيد الاضحى اتصلت على خالتي و انفصل الخط بوجهي قلت يمكن بترد بس ضغطت بالغلط اتصلت ثاني مره و انفصل الخط قلت يمكن مو معها مع أطفال بما انه عيد و زحمه البيت رجعت اتصل مره ثاالثه و انفصل الخط تركته اليوم اللي بعده اتصلت و انفصل الخط بوجهي رحت اكلم زوجي و جلست اسحب منه الكلام ابي اشوف عندها احد او لا لان ضاق صدري لا تكون ما تبي تكلمني عرفت ان اخوانه مشوا لبيوتهم و ان امه ما عندها الا اخته عرفت انها ما تبي تكلمني على الليل لما تكلمنا انا وزوجي جلس يسحب بالكلام و قال ان اهلي مالهم حق لحد ما تجين عندي اذا جيتي عندي سلمي و كلمي وان عيدنا ببيتنا اذا تزوجنا ما نروح لاحد و اذا رحنا لاهلي ( اهله يعني ) ما نطول بصير معك و اذا بغينا طلعات نطلع انا وياك عرفت انه عرف و شكلها الحركه متعمده 💔
واصلا بالخطبه ما جاء الا اخته الكبيره و الملكه جت امه و خواته مو كلهم فيه منهم ما حضروا و كانو ببيوتهم و امه لما سلمت عليها ما ردت علي و لا بَارَكْت لي و لا طالعت بوجهي جالسه تدور بعيونها عني و تقول متى نطلع ورانا صلاة عشاء ووحده من خواته اول ما دخلت عليهم انقلب وجهها والله كانها شايفه ملك الموت مو بنت حتى ما وقفت تسلم علي لما جيت عندها 😔 و الباقي لا سلموا و باركو و جلسوا يسولفون معي و يضحكون و عادي
قسم بالله ضايق صدري ليش مو حابيني وهم ما شافو خيري و لا شري و لا يعرفوني و لا اعرفهم و الله ما كان بنيتي شيء لهم الا الطيب و الاحترام
انا جلست اجمع حركات و تصرفات كنت مطنشتها و معديتها مثل يوم الخطبه سالت اخته وش شروطكم قلنا ما عندنا شيء راحت امه اتصلت و صارت تقول ليش ما طلبتو شيء تشرطو اللي تبون قولو اللي بخاطركم و تصر على امي واحنا الحمدالله ما كان يهمنا الا سمعه و علم و اخلاق ما همنا اصرارها كان غريب و انصدمت بعد الملكه من كلام زوجي لما سولفنا انهم قايلين على لساننا ان شرطنا نبي زواج كبير بأحد الفنادق ! واحنا عائله من خلقها الله و هي معروفه ان ما عندنا زواجات كلها عائليه من جدانا لأولادنا و احفادنا و مع كلام زوجي اللي يجي بدون مناسبه حتى اتذكر يندفع احيانا و يقول انتي مالك علاقه بأحد غيري و مالك دخل بأحد انتي عليك مني بس و ما عليك من اي كلام و لا تحسبين لاحد حساب و اذا تبين ترضيني ترضيني انا لا تدورين رضا في اللي حولي و انتي عاجبتني و لا يهمك كلام احد و لا تسمعين لاحد و انا مأخذك و مقتنع فيك و يعيده كم مره و حتى كان يسألني يقول يوم الملكه وش سوو خواتي و كيف كانو وش سوو لما دخلتي و امي وش سوت انا جلست اربط مع كلامه معناها مو حابيني
بتقولون وش عليك حبوك او ما حبوك علي انا وحده مهزوزه خوافه كيف اذا صرت بمكان انا عارفه اللي فيه مو حابيني و لا يبوني
مااحب احد يكرهني قسم بالله ضايق صدري مره
لا تقولون يمكن سامعين عنكم شيء انا و اهلي ومن قبلهم جداني سمعتنا طيبه و معروفين بهالشيء وومعروفين اننا ناس طيبه و اخلاق و علم انا اقول يمكن يبون من بنات عمه او خواله لان اخوانه متزوجين منهم بس هو اللي طلع عنهم
و زوجي ما يدري عن فصلة الخط و لا قلت له عن اللي ببالي و لا عن شيء و لا ناويه
و لا هو اكبر واحد و لا اصغر واحد و لا متعودين عليه و لا يقضي حاجاتهم بالعكس هو رافع يده عن اهله و البيت وماله دخل بشي مع نفسه و لنفسه عشان ما تقولون لانه بيتغير عليهم او كذا
كل ما اذكر فصلة الخط والله يضيق صدري و يصدّع راسي 😔
غير الحركات اللي صارت من تملكت تجي على جوالي رسايل مقاطع وسخه و كلام من اخته تتكلم فيني اني مو مضبوطه و راعية خرابيط و هي ما قد شافتني و انا كل سنه كان يتم تكريمي و تكريم امي باني الطالبه المتفوقه المثاليه و الكل يشهد بأخلاقي من معلمات و طالبات و أقارب و من منطقتي
فوق ضيقة الصدر اخاف تجي اشياء اكبر و انا وحده غبيه استحي ما اعرف ارد على احد و لا امد يدي و لا اعلي صوتي و لا فيني للمشاكل